Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

Cunghgung Cunghyangh Aen Genyi Gvendaengz Ceiqdingh Gozminz Ginghci Caeuq Sevei Fazcanj Daih Cibsam Aen Haj Bi Gveihva

(2015 nienz 10 nyied 29 hauh Cunghgoz Gangcanjdangj Daih Cibbet Gaiq Cunghyangh Veijyenzvei Daihhaj Baez Daengxcungq Veiyi doenggvaq)

  
【Cihsaw Hung’iq : hung rauh iq】  Dajyaenq
      



  Daengz 2020 nienz cienzmienh laebbaenz aen biengz siujgangh,dwg gij moegbiu buekguh “song aen it bak bi” aen Dangj raeuz doekdingh haenx gij moegbiu buekguh daih’it aen bak bi. “13?5” seizgeiz dwg mboengq gietdingh cienzmienh laebbaenz aen biengz siujgangh ndaej mbouj ndaej doeksaed de,“13?5” gveihva bietdingh aeu gaenjndaet hopheux saedyienh aen moegbiu buekguh neix daeuj ceiqdingh.

  Cunghgoz Gangcanjdangj Daih Cibbet Gaiq Cunghyangh Veijyenzvei Daihhaj Baez Daengxcungq Veiyi cienzmienh faencek gij hingzseiq ndawguek rogguek,nyinhnaeuz ciuqgeiz cienzmienh laebbaenz aen biengz siujgangh gawq miz diuzgienh cungfaen caemh bungzdaengz yinvu dwgrengz,bietdingh aeu youq gwnz giekdaej gaenjmaenh Cungguek moq laebbaenz daegbied dwg gaijgwz hailangh doxdaeuj dwkroengz de giendingh saenqsim、laemxsim roengzrengz、haenqrengz guh baenz. Daengx hoih yenzgiu le baenzroix vwndiz hungnaek gvendaengz “13?5” seizgeiz gij fazcanj guek raeuz,doiq ceiqdingh “13?5” gveihva daezok gij genyi lajneix.

  It、Gij Hingzseiq Caeuq Gij Swhsiengj Dazyinx Mboengq Gietdingh Cienzmienh Laebbaenz Aen Biengz Siujgangh Ndaej Mbouj Ndaej Doeksaed

 ?。↖t)“12?5” seizgeiz gij cingzcik hungloet guek raeuz fazcanj aeundaej haenx. “12?5” seizgeiz dwg aen haj bi gig mbouj bingzfanz ndaw fazcanj guek raeuz.
Mienhdoiq gij vanzging camca fukcab rogguek caeuq gij yinvu gaijgwz fazcanj onjdingh dwgrengz hungnaek ndawguek,aen Dangj raeuz doxgiet daiqlingx daengx guek gak cuz yinzminz haenqrengz buekguh、hailoh cauhmoq,roengzrengz haicaux le aen gizmen moq gij saehnieb fazcanj aen Dangj caeuq guekgya.

  Raeuz wngqdoiq ndei gozci ginhyungz veizgih lienzdaemh yingjyangj daengj baenzroix fungyiemj diuhcan hungloet,hab’wngq yiengh cangzdai moq ginghci fazcanj,mboujduenh cauhmoq gij fuengsik hungzgvanh diuzgung,doidoengh cauxbaenz yiengh seiqdaeuz ndei ginghci gezgou bienqndei、 fazcanj doenghlig cienjvuenh、fazcanj fuengsik cienjbienq gyavaiq de. Gij ginghci cungjliengh guek raeuz onjdup baiz youq seiqgyaiq vih daihngeih,gij moix vunz bingzyaenz ndawguek swnghcanj cungjciz 13 ik vunz dou demmaj daengz 7800 meijyenz baedauq. Gij bijcung aen soqliengh demgya daihsam canjnieb ciemq ndawguek swnghcanj cungjciz de mauhgvaq daihngeih canjnieb,gihcuj sezsih suijbingz cienzmienh yatsang,nungzyez lienzdaemh demcanj,gij beijlwd gyoengq vunz ciengz youq hawsingz de dabdaengz 55%,buek gohgi cwngzgoj hungnaek ndeu dabdaengz seiqgyaiq senhcin suijbingz.Goenggungh fugsaeh dijhi gihbwnj laebbaenz、giz cwgoeb daengz de laebdaeb gya’gvangq,gij couhnieb lai gya de laebdaeb demmaj,gij vunz gungzhoj de daih fukdoh gemjnoix,swnghdai vwnzmingz gensez aeundaej cincanj moq,yinzminz swnghhoz suijbingz caeuq caetliengh gyavaiq daezsang. Cienzmienh gyalaeg gaijgwz ndaej rengzrwd nyoengxbae,yinzminz minzcuj mboujduenh gya’gvangq,ciuqfap guenj guek hainduj aen cwnghcwngz moq.Cienz fuengvih vaigyauh aeundaej cincanj hungloet,doiqrog hailangh mboujduenh haeujlaeg,guek raeuz bienqbaenz aen guek hung guh hovuz mouyiz youq daengx seiqgyaiq baiz daih’it caeuq aen guek hung cujyau doiqrog douzswh he. Gij loqsiengj Cungguek saedyienh Cunghvaz minzcuz daih fukhwng de caeuq seveicujyi haedsim gyacizgvanh haeujlaeg daengz ndaw sim vunzlai,guekgya vwnzva yonjsizliz mboujduenh demgiengz.Gij ginhsw bengwz miz daegsaek Cungguek de aeundaej cingzcik yienhda,sawj ginhdui giengzak fathoengh yamq ok yamqdin moq.Cienzmienh coengz yiemz guenj dangj haicauh aen gizmen moq,gij ginzcung lohsienq gyauyuz sizcen hozdung aen Dangj aeundaej cwngzgoj hungloet,dangjfungh lenzcwng gensez cwngzyau yienhda,hingz ndaej le aen sim Dangj aen sim yinzminz. “12?5” gveihva moegbiu couh yaek swngli saedyienh,ginghci saedlig、gohgi saedlig、gozfangz saedlig、gozci yingjyangjliz guek raeuz youh hwnj daengz le mbaeklae hung ndeu.

  Gij engqgya youqgaenj de dwg,Cibbet Daih aen Dangj doxdaeuj,aen Dangjcunghyangh aeu Siz Ginbingz dungzci guh cungjsuhgi de mbouj doenghngauz saekdi dwk genhciz caeuq fazcanj yiengh seveicujyi miz daegsaek Cungguek haenx,gamj bae saedguh、ak bae cauhmoq,gyalaeg nyinhrox gij gvilwd gungcanjdangj gaemgienz、gij gvilwd gensez seveicujyi、gij gvilwd vunzloih sevei fazcanj,cauxbaenz baenzroix leixniemh moq swhsiengj moq canloz moq gvendaengz ceih guek leix cwng,vih youq laj lizsij diuzgienh moq gyalaeg gaijgwz hailangh、gyavaiq doicaenh seveicujyi yendaiva daezhawj le gohyoz lijlun dazyinx caeuq hengzdoengh ceijnamz.

  (Ngeih) “13?5” seizgeiz gij gihbwnj dwzcwngh fazcanj vanzging guek raeuz.Hozbingz caeuq fazcanj aen seizdaih cawjdaej neix mbouj bienq,seiqgyaiq dohgizva、ginghci cenzgiuzva、vwnzva dohyang’va、 sevei sinsizva haeujlaeg fazcanj,seiqgyaiq ginghci youq ndaw gij diuzcingj dohlaeg ngutngeuj dauqhoiz,lwnz gohgi gwzming caeuq canjnieb bengwz moq de caepcwk yaek fat,aen ceihleix dijhi daengx seiqgyaiq bengwz laegdaeuq,gij ligliengh gyoengq guekgya cingqcaih fazcanj de laebdaeb demgiengz,gozci ligliengh doiqbeij cugbouh byaijyiengq bingzyaenx.Doengzseiz,gozci ginhyungz veizgih gij yingjyangj caengzlaeg de youq aen seizgeiz siengdang raez ndeu lij mizyouq,gij ginghci mouyiz daengx seiqgyaiq demmaj mbouj gaeuq rengz,baujhucujyi ngiengx gyaeuj,diegnden cwngci gvanhaeh fukcab bienqvaq,gij ancienz hangzhaep conzdungj caeuq gij ancienz hangzhaep mbouj dwg conzdungj de dox gyauca,vanzging baihrog gij yinhsu mbouj onjdingh mbouj doekdingh de demlai.

  Guek raeuz vuzciz giekdaej cungcuk、vunzlig swhbwnj fungfouq、hawciengz hoenggan gvangqlangh、rengzndumj fazcanj hungloet,ginghci fazcanj fuengsik gyavaiq cienjbienq,demmaj doenghlig moq cingqcaih gungganq cauxbaenz,aen gihbwnjmen ginghci ciengzgeiz bienq ndei mbouj miz gaijbienq. Doengzseiz,gij vwndiz fazcanj mbouj doxdaengh、 mbouj doxngamj、 mbouj ndaej lienzdaemh de lij doedok,cujyau dwg fazcanj fuengsik co’nyauj, gij naengzlig cauhmoq mbouj ak,mbangjdi hangznieb canjnwngz lai gvaqbouh yiemzcungh,giyez yauqik doekdaemq,gij ancienz saehhux hungnaek de deihdeih fatseng; hawsingz lajmbanj gihyiz fazcanj mbouj doxdaengh;gij hanhhaed swhyenz cugngoenz gya ndaet,gij byaijyiengq swnghdai bienqrwix caengz ndaej daengz gaenbonj niujcienj;gihbwnj goenggungh fugsaeh gunghawj mbouj gaeuq,souhaeuj cengca haemq daih,vunzding bienq laux gyavaiq,aen yinvu siucawz gungzhoj dwgrengz dangqmaz;gij vwnzmingz suciz caeuq sevei vwnzmingz cingzdoh vunzlai caj bae daezsang;fapceih gensez caj bae gyagiengz; lingjdauj ganbu swhsiengj cozfungh caeuq naengzlig suijbingz caj bae daezsang,gij senhfungh mozfan cozyung dangjyenz、ganbu caj bae giengzvaq.Raeuz itdingh aeu demgiengz cungj yisiz youheiq、cungj yisiz cwzyin,haeujrengz youq youhva gezgou、demgiengz doenghlig、vaqgej mauzdun、boujcaez giz dinj fuengmienh aeundaej gij cincanj miz cungbyoengq de.

  Gyoebhab buenqduenh,gij fazcanj guek raeuz lij cawqyouq aen seizgeiz canloz gihyi youqgaenj ndaej guh daihsaeh de,caemh bungzdaengz diuhcan yiemzhaenq haujlai mauzdun daeb youq、fungyiemj ndumjyouq demlai.Raeuz aeu cinjdeng gaemdawz gij neihanz aen seizgeiz canloz gihyi bienqvaq laegdaeuq de,engqgya mizyauq bae wngqdoiq gak cungj fungyiemj caeuq diuhcan,laebdaeb gyonjcomz ligliengh dawz gij saeh swhgeij guh ndei,mboujduenh hai ok aen ginggai moq fazcanj.

  (Sam)“13?5” seizgeiz gij swhsiengj dazyinx guek raeuz fazcanj.Yaengxsang mbaw geiz hungmbwk yiengh seveicujyi miz daegsaek Cungguek de,cienzmienh gvancez gij cingsaenz Cibbet Daih caeuq Cibbet Gaiq Sam Cungh、Seiq Cungh Cienzhoih aen Dangj,aeu Majgwzswh Lezningzcujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cungyau Swhsiengj、Gohyoz Fazcanjgvanh guh cijdauj,haeujlaeg gvancez gij cingsaenz baenzroix gangjvah youqgaenj Siz Ginbingz cungjsuhgi,genhciz aen canloz baijbouh cienzmienh laebbaenz aen biengz siujgangh、cienzmienh gyalaeg gaijgwz、 cienzmienh ciuqfap guenj guek、cienzmienh coengz yiemz ceih dangj,genhciz fazcanj dwg aen yinvu ceiq youqgaenj,aeu daezsang fazcanj caetliengh caeuq yauqik guh cungqsim,gyavaiq cauxbaenz gij dijci gihci caeuq fazcanj fuengsik yinxlingx ginghci fazcanj haeuj daengz yiengh cangdai moq bae,baujciz canloz dinghlig,genhciz youq ndaw onjdingh gouz baenaj,dungjcouz doicaenh ginghci gensez、cwngci gensez、vwnzva gensez、sevei gensez、swnghdai vwnzmingz gensez caeuq gij gensez aen Dangj,saedbauj ciuqgeiz cienzmienh laebbaenz aen biengz siujgangh,vih saedyienh gij moegbiu buekguh daihngeih aen bak bi、saedyienh aen loqsiengj Cungguek daih fukhwng Cunghvaz Minzcuz dwkroengz gij giekdaej engqgya gengmaenh de.

  Ciuqgeiz saedyienh gij moegbiu buekguh cienzmienh laebbaenz aen biengz siujgangh,doidoengh ginghci sevei lienzdaemh cangqheiq fazcanj,itdingh aeu ciuqsouj gij yenzcwz lajneix.

  ——Genhciz gij cawjdaej diegvih yinzminz.Yinzminz dwg gij ligliengh gaenbonj doidoengh fazcanj de,saedyienh ndei、henhoh ndei、fazcanj ndei gij gaenbonj leih’ik ceiq guengjdaih yinzminz dwg gij gaenbonj muzdiz fazcanj.Itdingh aeu genhciz gij fazcanj swhsiengj aeu yinzminz guh cungqsim,dawz demlai fukheiq yinzminz、 coicaenh bouxvunz cienzmienh fazcanj dangqguh giz haidin caeuq giz doekdin fazcanj,fazcanj yinzminz minzcuj,henhoh sevei goengbingz cingqngeih,baujcang yinzminz gij gienzleih bingzdaengj caeuqfaenh、bingzdaengj fazcanj,cungfaen diuhdoengh gij cizgizsing、cujdungsing、 cangcausing yinzminz.

  ——Genhciz gohyoz fazcanj.Fazcanj dwg aen dauhleix geng,fazcanj bietdingh aeu dwg gohyoz fazcanj.Guek raeuz lij cawqyouq caemhcaiq yaek ciengzgeiz cawqyouq aen cogaep gaiduenh seveicujyi,gihbwnj guekcingz caeuq sevei cujyau mauzdun mbouj bienq,neix dwg gij gihbwnj baengzgawq maeuzveh fazcanj.Bietdingh aeu genhciz aeu ginghci gensez guh cungqsim,daj saedceiq haidin,gaemdawz gij daegdiemj moq fazcanj,gyadaih gij ligdoh cungj gaijgwz gezgousing de,gyavaiq cienjbienq ginghci fazcanj fuengsik,saedyienh gij fazcanj caetliengh engq sang、 engq miz yauqlwd、 engqgya goengbingz、 engq ndaej lienzdaemh de.

  ——Genhciz gyalaeg gaijgwz.Gaijgwz dwg gij doenghlig giengzak fazcanj.Bietdingh aeu ciuq aen cungjmoegbiu caezcienz caeuq fazcanj gij cidu yiengh seveicujyi miz daegsaek Cungguek、doicaenh guekgya ceihleix dijhi caeuq ceihleix naengzlig yendaiva,caezcienz aen cidu dijhi sawj hawciengz youq ndaw swhyenz boiqceiq miz gij gietdingh cozyung caeuq engq ndei fazveih gij cozyung cwngfuj,aeu ginghci dijci gaijgwz guh cungqdiemj,gyavaiq caezcienz gak fuengmienh dijci gihci,buqcawz sojmiz gij dijci gihci gazngaih mbouj leih gohyoz fazcanj de,vih fazcanj daezhawj doenghlig lienzdaemh.

  ——Genhciz ciuqfap guenj guek.Fapceih dwg fazcanj gij baujcang baenghndaej de.Itdingh aeu giendingh mbouj bienq byaij diuz roen fapceih yiengh seveicujyi miz daegsaek Cungguek,gyavaiq gensez aen fapceih dijhi yiengh seveicujyi miz daegsaek Cungguek,gensez seveicujyi fapceih guekgya,doicaenh gohyoz laebfap、yiemzgek caepfap、goengcingq dawzfap、 cienzminz soujfap,gyavaiq gensez fapceih ginghci caeuq fapceih sevei,dawz ginghci sevei fazcanj nabhaeuj fapceih roenloh.

  ——Genhciz dungjcouz ndawguek rogguek song aen daihbuenz.Cienz fuengvih doiqrog hailangh dwg gij bietyienz iugouz fazcanj.Bietdingh aeu genhciz hai dou guek gauj gensez,gawq laebdin ndawguek,cungfaen yinhyungh gij swhyenz、hawciengz、cidu daengj youhsi guek raeuz,youh yawjnaek ndawguek rogguek ginghci lienzdoengh yauqwngq,cizgiz wngdoiq vanzging baihrog bienqvaq,engq ndei leihyungh song aen hawciengz、song cungj swhyenz,doidoengh doxleih caezhingz、 itcaez fazcanj.

  ——Genhciz aeu Dangj lingjdauj.Aeu Dangj daeuj lingjdauj dwg gij youhsi ceiq daih aen cidu yiengh seveicujyi miz daegsaek Cungguek,dwg gij gaenbonj cwngci baujcingq saedyienh ginghci sevei lienzdaemh cangqheiq fazcanj.Bietdingh aeu gvancez gij iugouz cienzmienh coengz yiemz guenj dangj,mboujduenh demgiengz gij rengz dajcauh、rengz gietcomz、 rengz candou aen Dangj,mboujduenh daezsang gij naengzlig gaemgienz caeuq gij suijbingz gaemgienz aen Dangj,saedbauj aen ruz fazcanj guek raeuz riengz diuz roenraemx dengcingq de nyig langh baenaj.


Ngeih、“13?5” Seizgeiz Gij Cujyau Moegbiu Caeuq


Gihbwnj Leixniemh Ginghci Sevei Fazcanj




  (It) Gij moegbiu iugouz moq cienzmienh laebbaenz aen biengz siujgangh.Cibroek Daih aen Dangj daezok gij moegbiu buekguh cienzmienh laebbaenz aen biengz siujgangh doxdaeuj,daengx dangj daengx guek gak cuz yinzminz lienzdaemh buekguh,gak hangh saehnieb aeundaej cincanj hungnaek.Gvaqlaeng haj bi,aeu youq gwnz giekdaej gij moegbiu iugouz cienzmienh laebbaenz aen biengz siujgangh gaenq doekdingh haenx,roengzrengz saedyienh gij moegbiu iugouz moq lajneix.

  ——Ginghci baujciz loq vaiq demmaj.Youq gwnz aen giekdaej daezsang yiengh bingzyaenx、bauyungz、ndaej lienzdaemh fazcanj,daengz 2020 nienz ndawguek swnghcanj cungjciz caeuq gij gihminz singzmbanj boux bingzyaenz souhaeuj beij 2010 nienz fan boix ndeu.Cujyau ginghci cijbyauh doxdaengh habngamj,aen gwzgiz fazcanj hoenggan ndaej bienq ndei,douzswh yauqlwd caeuq giyez yauqlwd hwnjsang yienhda,gij suijbingz gunghyezva caeuq saenqsikvaq yungzhab fazcanj caenh’itbouh daezsang,canjnieb yamq haeuj cungh gauhdonh suijbingz,senhcin cicauyez gyavaiq fazcanj,canjnieb moq niebdaiq moq mboujduenh hungmaj,gij bijcung hangz fugsaeh caenh’itbouh hwnjsang,siufeiq doiq ginghci demmaj gunghawj gyahung yienhda.Gij beijlwd vunzding bouhhoh cienjhaeuj hawsingz gyavaiq daezsang.Nungzyez yendaiva aeundaej cincanj yienhda.Yamq haeuj aen hangzlied yiengh guekgya cauhmoq caeuq yiengh guekgya ak miz bouxcaiz haenx.

  ——Yinzminz swnghhoz suijbingz caeuq caetliengh bujben daezsang. Couhnieb haemq cungfaen,couhnieb、gyauyuz、vwnzva、sebauj、ywbingh、ranzyouq daengj goenggungh fugsaeh dijhi engqgya caezcienz,gij suijbingz gihbwnj goenggungh fugsaeh bienq doxdaengj ndaej onjbouh daezsang. Gyauyuz yendaiva aeundaej cincanj youqgaenj,gij vunz daengz ningzlingz guhhong de souh gyauyuz nienzhanh demgya mingzyienj. Souhaeuj cengca sukiq,aen bijcung gij vunz souhaeuj cungdaengj de hwnjsang. Gij vunz gungzhoj lajmbanj laj aen biucinj guek raeuz seizneix saedhengz haenx saedyienh duetgungz,aen yienh gungzhoj cienzbouh duet mauh,gaijgez gihyizsing cingjdaej gungzhoj.

  ——Gozminz suciz caeuq sevei vwnzmingz cingzdoh daezsang mingzyienj. Aen loqsiengj Cungguek caeuq gij haedsim gyacizgvanh seveicujyi engqgya haeujlaeg simvunz,gij swhsiengj aigozcujyi、cizdijcujyi、seveicujyi ndaej fazyangz boqgvangq,ndawbiengz gij rumzheiq yiengqndei、 soujsaenq doxbang de engqgya naeklaeg,gij swhsiengj daudwz suciz、gohyoz vwnzva suciz、gengangh suciz yinzminz daezsang mingzyienj,gij fapceih eiqsik daengx biengz mboujduenh gyarem.Aen dijhi goenggungh vwnzva fugsaeh gihbwnj guhbaenz,vwnzva canjnieb bienqbaenz aen canjnieb dingjcengj guekminz ginghci. Gij yingjyangj Cunghvaz vwnzva laebdaeb gyadaih.

  ——Swnghdai vanzging caetliengh cungjdaej gaijndei. Aen suijbingz swnghcanj fuengsik caeuq swnghhoz fuengsik loegsaek、 danqnoix de hwnjsang. Gij yauqlwd haifat leihyungh nwngzyenz swhyenz daihfuk daezsang,siuhauq nwngzyenz caeuq raemx swhyenz、 gij dieg yungh bae hwnqguh、 baizcuengq danq cungjliengh ndaej daengz mizyauq gaemhanh,baizcuengq cujyau huquqlah cungjliengh daihfuk gemjnoix. Cawjdaej gunghnwngzgih baijbouh caeuq swnghdai ancienz baexdangj gihbwnj cauxbaenz.

  ——Gak fuengmienh cidu engqgya cingzsug engqgya dinghhingz. Guekgya cawqleix dijhi caeuq cawqleix naengzlig yendaiva aeundaej cincanj hungnaek,gak lingjyiz aen cidu dijhi goekdaej de gihbwnj cauxbaenz.Yinzminz minzcuj engqgya laebcienz, fapceih cwngfuj gihbwnj laebbaenz,dawzfap goengsaenqlig daezsang mingzyienj. Vunzgienz ndaej daengz cietsaed baujcang,canjgienz ndaej daengz mizyauq baujhoh. Yiengh ginghci dijci moq hailangh de gihbwnj cauxbaenz. Aen yienhdaih bingsaeh dijhi miz daegsaek Cungguek haenx engqgya caezcienz. Dangj raeuz gensez ciduva suijbingz daezsang mingzyienj.

  (Ngeih)Caezcienz fazcanj leixniemh. Saedyienh “13?5” seizgeiz fazcanj moegbiu,buqgej fazcanj nanzdaez,cwkna gizak fazcanj,itdingh aeu laebmaenh gij fazcanj leixniemh cauhmoq、 doxngamj、loegsaek、hailangh、caezyiengj.

  Cauhmoq dwg gij doenghlig daih’it dazyinx fazcanj. Itdingh aeu baij cauhmoq youq dieg haedsim guekgya daengxbuenz fazcanj,mboujduenh doicaenh lijlun cauhmoq、 cidu cauhmoq、gohgi cauhmoq、vwnzva cauhmoq daengj gak fuengmienh cauhmoq,hawj cauhmoq ronzdoeng daengz sojmiz gij hong Dangj caeuq guekgya,hawj cauhmoq youq daengx biengz gij rumzheiq hwngguh.

  Habngamj dwg gij iugouz gyaeuhmiz laebdaeb cangqheiq fazcanj. Itdingh aeu dawzmaenh aen cungjdaej baijbouh yiengh seveicujyi saehnieb miz daegsaek Cungguek haenx,cingqdeng cawqleix ndei doengh gij gvanhaeh hungnaek ndaw fazcanj,cungdenj coicaenh singzmbanj gihyiz doxngamj fazcanj,coicaenh ginghci sevei doxngamj fazcanj,coicaenh gunghyezva yienghmoq、sinsizva、 cwngzcinva、nungzyez yendaiva doengzbouh fazcanj,youq mwh demak saedlig geng guekgya,doengzseiz yawjnaek daezswng saedlig unq guekgya,mboujduenh dem’ak cingjdaej fazcanj.

  Loegsaek dwg gij diuzgienh bietaeu ndaej lienzdaemh fazcanj caeuq gij daejyienh youqgaenj yinzminz gyaepgouz saedceij ndei. Itdingh aeu genhciz aen gihbwnj gozcwz mbaetyungh swhyenz caeuq baujhoh vanzging,genhciz ndaej lienzdaemh fazcanj,giendingh byaij swnghcanj fazcanj、swnghhoz fouqmiz、swnghdai maenhndei diuz roenloh vwnzmingz fazcanj neix,gyavaiq hwnqguh aen biengz mbaetyungh swhyenz、 vanzging doxndei haenx,cauxbaenz aen yendaiva gensez gwzgiz moq vunz caeuq swyenz huzndei fazcanj,doicaenh aen Cungguek gyaeundei gensez,vih daengx seiqgyaiq swnghdai ancienz caiq guh ok gung’yen.

  Hailangh dwg diuz roenloh guekgya mwnhoengh fazcanj itdingh aeu byaij. Itdingh aeu swnhhab gij byaijyiengq guek raeuz ginghci laegdoh yungzhaeuj seiqgyaiq ginghci bae,ciuqhengz aen hailangh canloz doxleih caezhingz,genhciz ndaw rog aeuyungh doxngamj、 cingouj cuzgouj doxdaengh、 yinx haeujdaeuj caeuq byaij okbae caez yawjnaek、 yinx swhginh caeuq yinx gisuz yinx dungxcaiz caez guh,fazcanj yiengh ginghciz hailangh caengzsawq engq sang de,cizgiz caeuqfaenh ceihleix daengx seiqgyaiq ginghci caeuq gunghawj goenggungh canjbinj,daezsang guek raeuz gij cidusing gienzgangjvah ceihleix daengx seiqgyaiq ginghci haenx,cauxbaenz aen leih’ik gungdungzdij gvangqlangh.

  Caezyiengj dwg gij bonjcaet iugouz yiengh seveicujyi miz daegsaek Cungguek. Itdingh aeu genhciz fazcanj vihliux yinzminz、fazcanj baenghgauq yinzminz、 fazcanj cwngzgoj youz yinzminz caezyiengj,bae guh ok gij cidu anbaiz engqgya mizyauq,hawj daengxcungq yinzminz youq caezlaeb caezyiengj fazcanj ndawde roxnyinh aeundaej engq lai,dem’ak fazcanj doenghlig,demcaenh yinzminz doxgiet,coh aen fuengyiengq caezcaemh fouqmiz haenx onjbouh byaij baenaj.

  Genhciz cauhmoq fazcanj、 doxngamj fazcanj、 loegsaek fazcanj、 hailangh fazcanj、caezyiengj fazcanj,dwg ciengz bengwz laegdaeuq gvanhaeh daengz guek raeuz daengxbuenz fazcanj ndeu. Daengx dangj dungzci aeu cungfaen nyinhrox daengz ciengz bengwz neix miz yienhsaed eiqngeih hungnaek caeuq lizsij eiqngeih gyaelaeg,doengjit swhsiengj,doxdaz hengzdoengh,gyalaeg gaijgwz,hailoh baenaj,doidoengh guek raeuz fazcanj yamq hwnj mbaek moq bae.


Sam、Genhciz Cauhmoq Fazcanj,Yunghrengz


Daezsang Fazcanj Caetliengh Caeuq Yauqik




  Youq baihlaj hingzseiq gozci fazcanj gingcwngh ngoenz beij ngoenz haenqrem caeuq guek raeuz cienjvuenh fazcanj doenghlig,itdingh aeu cuengq diemjgoek fazcanj youq laeng cauhmoq,cauxbaenz aen gvaengxgaq dijci ndaej coicaenh cauhmoq,dajcauh yiengh yinxlingx fazcanj engq lai bae baenghgauq cauhmoq doidoengh、engq lai bae fazveih gij youhsi baegonq.

  (It)Gungganq fazcanj doenghlig moq. Gaijndei lauzdungliz、swhbwnj、diegdeih、gisuz、guenjleix daengj yausu boiqceiq,gikfat gij rengzlix cauhmoq cauhnieb,doidoengh cungqvunz cauhnieb、caezgya cauhmoq,cuengqok sihgiuz moq,dajcauh gunghawj moq,doidoengh gisuz moq、canjnieb moq、 niebdaiq moq ndaej fazcanj hoenghhwd,gyavaiq cienjvuenh fazcanj doenghlig.

  Fazveih gij goekdaej cozyung siufeiq coicaenh demmaj,roengzrengz gyadaih gij siufeiq gihminz,dazyinx siufeiq cienj coh aen fuengyiengq cinwngz、 loegsaek、 gengangh、 ancienz haenx,aeu gyadaih gij siufeiq fugsaeh guh cungdenj bae daiqdoengh siufeiq gezgou swnggaep. Coicaenh riuzdoeng sinsizva、 byauhcunjva、 cizyozva.

  Fazveih gij gvanhgen cozyung douzswh coicaenh demmaj,gyalaeg gaijgwz aen dijci douzswh yungzswh,gaijndei douzswh gezgou,demgya mizyauq douzswh. Fazveih gij geuhdoengh goengnaengz caizcwng swhginh,cauhmoq yungzswh fuengsik,daiqdoengh engq lai ndawbiengz swhbwnj caeuqfaenh douzswh. Cauhmoq aen douzswh yungzswh dijci goenggungh giekdaej sezsih,doigvangq cungj vunqsik cwngfuj caeuq ndawbiengz gapguh.

  Fazveih gij cozyung cuzgouj coicaenh demmaj,demak doiqrog douzswh caeuq gyadaih cuzgouj giethab cingzdoh,gungganq gij doiqrog ginghci youhsi moq aeu gisuz、 biucinj、 binjbaiz、 caetliengh、 fugsaeh guh haedsim. Saedhengz aen canloz haeuj ndei ok ndei,doicaenh gozci canjnwngz caeuq canghbei ceiqcauh gapguh,daezsang gij gohgi hamzliengh caeuq fouqgya gyaciz lauzdung mizcizhingz canjbinj,dajcauh gij youhsi moq yiengh canjnieb conznyaed swhbwnj caeuq gisuz de,daezsang canjnieb guek raeuz gij diegvih youq ndaw gyacizlen seiqgyaiq haenx.

  (Ngeih)Haigvangq aen hoenggan moq fazcanj. Yungh fazcanj hoenggan moq bae gungganq fazcanj doenghlig moq,yungh fazcanj doenghlig moq bae hai ok fazcanj hoenggan moq.

  Haigvangq gihyiz fazcanj hoenggan. Aeu aen cungjdaej canloz gihyiz fazcanj guh giekdaej,aeu gensez “it rangh it loh”、 guhdoih fazcanj Baekging Denhcinh Hozbwz、gensez rangh ginghci Dahcangzgyangh guh yinxlingx,cauxbaenz diuz sug ginghci vangraeh doxgap aeu rangh ginghci henzhaij henzbien henzsienq guh cawj haenx. Fazveih gij fukseq daiqdoengh cozyung giz hawsingz gyonjcomz,gaijndei Baekging Denhcinh Hozbwz、 Cangzgyangh Sanhgozcouh、Cuhgyangh Sanhgozcouh sam daih hawsingz gyonjcomz neix fazcanj,cauxbaenz dieg Doengbaek、dieg Cunghyenz、donhgyang Dahcangzgyangh、dieg Cwngzduh Cungzging、 dieg Gvanhcungh Bingzyenz daengj comz miz gyoengq hawzsingz he. Fazcanj buek cungsim hawsingz ndeu, demgiengz gihyiz fugsaeh goengnaengz. Haeujcoengh hwnqguh aen hawsingz loegsaek、aen hawsingz coengmingz、aen hawsingz faexmwn nem singz caeuq singz giekdaej sezsih doxlienz doxdoeng. Doicaenh dieg cungdenj cingjdaej fazcanj,gungganq cangqhung gahyaiq cungdenj ginghcigih. Doicaenh singzmbanj cingjdaej fazcanj,hai ok aen fazcanj hoenggan gvangqlangh lajmbanj.

  Haigvangq aen fazcanj hoenggan canjnieb. Haeujcoengh mbaetyungh nwngzyenz baujhoh vanzging、 swnghvuz gisuz、 saenqsik gisuz、 cinwngz ceiqcauh、 gauhdonh canghbei、 nwngzyenz moq daengj canjnieb ngamq hwng de fazcanj,haeujcoengh gaijndei swnggaep cienzdoengj canjnieb. Doigvangq yiengh moq rungxfaeg vunqsik,gujli fazcanj aen hoenggan vunzlai cauhnieb、 vaibauh vunzlai、 vunzlai bangfuz、 vunzlai ropcienz. Fazcanj denhswj、cauhnieb、canjnieb douzswh,gyalaeg gaijgwz banjcauhnieb、 sambanj moq.

  Haigvangq aen hoenggan hwnqguh giekdaej sezsih. Hengzguh aen gunghcwngz goenggungh sezsih caeuq giekdaej sezsih hungnaek de. Saedhengz aen canloz vangjloz ak guek,gyavaiq cauxlaeb daih saenqsik giekdaej sezsih moq gauhsuz、yizdung、ancienz、langhyouq haenx. Gyavaiq guhndei suijli、dietloh、goengloh、 roenruz、 minzhangz、doengyungh hangzgungh、 guenjdauq、youzcwng daengj giekdaej sezsih vangjloz. Guhndei aen cidu ancienz bwhcwk nwngzyenz. Gyarem hwnqguh hawsingz goenggungh gyaudoeng、fuengzre raemxrongz raemxdumh daengj sezsih. Hengzguh aen gunghcwngz gaijcauh gij guenjvangx lajdeih hawsingz.Gyavaiq cuengqhai denliz、densin、gyaudoeng、sizyouz、denhyenzgi、sicwng goengyungh daengj swhyenz gagciemq hangznieb gij yezvu miz gingcwngh de.

  Haigvangq aen hoenggan vangjloz ginghci. Hengzguh aen hengzdoengh giva “vangjdoxlienz +”,fazcanj gij gisuz caeuq wngqyungh vangjlienzhuq,fazcanj gij ginghci ndaej caezyiengj,coicaenh vangjdoxlienz caeuq ginghci sevei yungzhab fazcanj. Saedhengz aen canloz guekgya daihsoqgawq,doicaenh soqgawq swhyenz ndaej cuengqhai caezyiengj. Caezcienz aen gihci densin fugsaeh guh daengz doh,mbeguh gij hengzdoengh daezsang vangjloz sukdoh gyangqdaemq vangjloz cienzyungh,mauhgonq baijbouh daihlaeng vangjdoxlienz. Doicaenh cauhmoq canjnieb cujciz、sanghyez vunqsik、lienhgunghawj、lienhhuqriuz,haeujcoengh gak loih cauhmoq aeu vangjdoxlienz guh bingzdaiz de.

  Haigvangq aen hoenggan saeko ginghci. Genhciz dungjcouz dieghawq dieghaij,cangqhung gij ginghci dieghaij,gohyoz haifat gij swhyenz dieghaij,baujhoh ndawhaij swnghdai vanzging,henhoh gienzik dieghaij guek raeuz,hwnqguh aen guekgya dieghaij giengzak.

  (Sam)Haeujlaeg hengzguh aen canloz yungh cauhmoq doidoengh fazcanj. Fazveih gohgi cauhmoq youq ndaw cienzmienh cauhmoq gij cozyung yinxlingx,gyagiengz giekdaej yenzgiu,giengzvaq codaeuz cauhmoq、gyonjcomz cauhmoq caeuq yinxhaeuj siuvaq supsou caiq cauhmoq. Doicaenh hwnqguh gij daihhag caeuq gohyenz yensoj miz daegsaek suijbingz sang,gujli giyez mbeguh gij cauhmoq yenzgiu miz goekdaej singqcaet youh byaij youq baihnaj heanx,yawjnaek gij gisuz cauhmoq miz boekfan singqcaet. Hengzguh buek guekgya gohgi hanghmoeg hungnaek ndeu,youq cauhmoq lingjyiz hungnaek laebbaenz buek guekgya sizyensiz ndeu. Cizgiz daezok caemhcaiq yiendaeuz cujciz gozci daih gohyoz giva caeuq daih gohyoz gunghcwngz.

  Doidoengh cwngfuj ciznwngz daj guenjleix yenzfat cienjbienq daengz fugsaeh cauhmoq. Caezcienz gij cidu gvendaengz guekgya gohgi gezcwz swhsinz. Genhciz canloz caeuq cenzyenz daujyiengq,gyonjcomz haeujcoengh gij goekdaej yenzgiu caeuq gungsing gvanhgen gisuz yenzgiu gvendaengz daengxbuenz fazcanj haenx,youq saenqsik doengsaenq daih moq、nwngzyenz moq、caizliuh moq、hangzgungh hangzdenh、swnghvuz yihyoz、cinwngz ceiqcauh daengj lingjyiz gyavaiq cungbyoengq haedsim gisuz. Liuqcinj aen vwndiz miz gij hanhhaed lumj hozbingz haenx,ceiqdingh hidungjsing gisuz gaijgez fueng’anq.

  Giengzvaq gij cawjdaej diegvih caeuq gij dazyinx cozyung giyez cauhmoq,cauxbaenz buek giyez ndaej daiqdaeuz cauhmoq miz gozci gingcwnghliz haenx,haeujcoengh gohgihingz giyez rauh’iq gengangh fazcanj. Dakbaengh giyez、gauhyau、gohyenz yensoj hwnqguh buek guekgya gohgi cauhmoq cungsim ndeu,cauxbaenz gahyaiq aen hawsingz caeuq gihyiz cungsim ndaej rengzrwd bae daiqdoengh cauhmoq. Caezcienz aen cwngcwz gyasuenq gaeucawz giyez yenzfat cienzyungh,gyadaih aen fanveiz gyavaiq cietgaeuq guding swhcanj,doidoengh sezbei vuenhmoq caeuq wngqyungh gisuz moq.

  Gyalaeg gaijgwz gohgi dijci,dazyinx cauxlaeb aen lenzmungz cauhmoq canjnieb gisuz,doidoengh hamj lingjyiz hamj hangznieb guhdoih cauhmoq,coicaenh gohgi caeuq ginghci ndaej haeujlaeg yungzhab. Gyagiengz hwnqguh aen bingzdaiz gaicawx gisuz caeuq cihsiz canjgienz,laebhwnj aen vunqsik yungzswh gohgi cauhmoq daj sizyen yenzgiu、buenqgyang sawqniemh daengz swnghcanj daengx gocwngz haenx,coicaenh gohgi cwngzgoj swhbwnjva、canjyezva. Cauxlaeb aen cwngcwz cihciz dijhi ik doh cauhmoq,gyarengz ginhyungz haeujcoengh caeuq suiqsou youhvei. Gyalaeg gaijgwz cihsiz canjgienz lingjyiz,gyagiengz baujhoh cihsiz canjgienz.

  Gyadaih gauhyau caeuq gohyenz yensoj gij gienz ndaej gag guhcawj de,hawj gij vunzcaiz lingxdaeuz cauhmoq de miz gij gienz ceiboiq caizhuq、 gij gienz gezcwz gisuz lohsienq haenx engq daih. Saedhengz gij faenboiq cwngcwz aeu demgya cihsiz gyaciz guh daujyiengq haenx,daezsang gij vunz guh gohyenz de aen beijlaeh faenyiengj cwngzgoj cienjbaenz souik,gujli vunzcaiz hungzyangz fungyen cingsaenz.

  (Seiq)Daihlig doicaenh nungzyez yendaiva.Nungzyez dwg aen giekdaej cienzmienh laebbaenz aen biengz siujgangh、saedyienh yendaiva. Gyavaiq cienjbienq nungzyez fazcanj fuengsik,fazcanj lai cungj hingzsik habdoh gveihmoz ginghyingz,fazveih de youq ndaw gensez yienhdaih nungzyez gij yinxlingx cozyung haenx.Yunghrengz cauxlaeb yienhdaih nungzyez canjnieb dijhi、swnghcanj dijhi、ginghyingz dijhi,daezsang nungzyez caetliengh yauqik caeuq gingcwnghliz,doidoengh haeuxgwn ginghci cozvuz gijgueng dungjcouz、nungzyez linzyez muzyez yizyez giethab、ndaem ciengx gyagoeng itdaej、it ngeih sam canjnieb yungzhab fazcanj,byaij diuz loh nungzyez yendaiva gauhyau、canjbinj ancienz、swhyenz mbaetyungh、 vanzging huzndei haenx.

  Onjdingh lajmbanj diegdeih cingzbau gvanhaeh,caezcienz gij banhfap faenlaeb diegdeih gienzsojmiz、gienzcingzbau、gienzginghyingz,ciuqfap doicaenh miz bouhloh bae riuzcienj gij gienz ginghyingz diegdeih,cauxlaeb aen cwngcwz dijhi gungganq nungzyez ginghyingz cawjdaej yienghmoq. Gungganq ciknieb nungzminz yienghmoq.Haeujlaeg gaijgwz gij diegdeih cidu lajmbanj.Caezcienz lajmbanj gij gienznaengz cizdij canjgenz.Haeujlaeg gaijgwz gij ginhyungz lajmbanj,caezcienz gij baujyenj cidu nungzyez.

  Genhciz aen cidu baujhoh reihnaz ceiq yiemz,soujmaenh diuz sienqhoengz reihnaz,saedhengz aen canloz yo haeux ndaw reihnaz、 yo haeux ndaw gisuz,saedbauj haeuxgok daihdaej ndaej gag miz、haeuxgwn cieddoiq ancienz. Cienzmienh vehdingh gij gihbwnj reihnaz ciengzlwenx mboujndaej ciemqyungh,daih gveihmoz doicaenh guh reihnaz suijli、cingjceih diegdeih、gaijcauh gij reihnaz canjliengh daemq de caeuq hwnqguh reihnaz biucinj sang,gyagiengz hwnqguh dieg cujyau swnghcanj haeuxgwn daengj daihbuek nungzcanjbinj de,damqra laebhwnj haeuxgwn swnghcanj gunghnwngzgih caeuq cungyau nungzcanjbinj baujhugih.Youhva nungzyez swnghcanj gezgou caeuq gihyiz baijbouh,doicaenh hwnqguh canjnieblienh caeuq gyaqciglienh,haifat nungzyez lai cungj goengnaengz,daezsang nungzyez cunghab yauqik.

  Doicaenh nungzyez byauhcunjva caeuq sinsizva. Laebcaez aen dijhi nungzcanjbinj caetliengh ancienz daengx gocwngz gaemguenj daj reihnaz daengz gwn daizhaeux、aen dijhi doigvangj yienhdaih nungzyez gohgi cauhmoq、 aen dijhi nungzyez seveiva fugsaeh.Fazcanj yienhdaih cungjceh hangznieb,daezsang nungzyez gihgaiva suijbingz. Lienzdaemh demgya nungzyez douzhaeuj,caezcienz gij cwngcwz nungzyez boujdiep.Gaijgwz nungzcanjbinj gyagwz cauxbaenz gihci,caezcienz aen cidu soucwk haeuxgwn daengj cungyau nungzcanjbinj.Gyagiengz hwnqguh gij sezsih caeuq hawciengz nungzcanjbinj riuzdoeng.


  (Haj)Cauxlaeb canjnieb dijhi moq. Gyavaiq hwnqguh aen guek ak ceiqcauh,hengzguh 《Cungguek Ceiqcauh 2025》. Dazyinx ceiqcauh hangznieb coh aen fuengyiengq faengoeng saeqvaq、doxgap gaenjmaed bae fazcanj,coicaenh saenqsik gisuz iemqhaeuj hawciengz、sezgi、swnghcanj daengj hothoh,doidoengh swnghcanj fuengsik cienj yiengq unqsingq、cinwngz、cingsaeq.

  Hengzguh aen gunghcwngz gyaak goekdaej gunghyez,mbeguh gij hengzdoengh daezswng caetliengh binjbaiz,haeujcoengh giyez liuqcinj gozci doengz hangznieb biuganj bae doicaenh gaijcauh gisuz,cienzmienh daezsang canjbinj gisuz、 gunghyi canghbei、nwngzyau vanzbauj daengj suijbingz.Engqgya yawjnaek yungh hawciengz gihci、ginghci soujduenh、fapceih banhfap vaqgej canjnwngz lw gvaqbouh,gyadaih cwngcwz dazyinx ligdoh,caezcienz giyez doiqok gihci.

  Haeujcoengh fazcanj aen canlozsing canjnieb ngamq ok de,fazveih gij goengnaengz canjnieb cwngcwz dazyiengq caeuq coicaenh gingcwngh,engq ndei dwk fazveih gij cozyung guekgya canjnieb douzswh dazyinx gihginh,ganq ok buek canlozsing canjnieb ndeu.

  Hengzguh aen gunghcwngz cinwngz ceiqcauh,cauxlaeb ceiqcauh dijhi yienghmoq,coicaenh saenqsik doengsaenq gisuz daih moq、gauhdangj sugung gihcangz caeuq vunzgihgi、hangzgungh hangzdenh canghbei、haijyangz gunghcwngz canghbei caeuq gauhgisuz conzbwz、senhcin gveijdau gyaudoeng canghbei、mbaet nwngzyenz caeuq nwngzyenz moq giceh、denliz canghbei、nungzgih canghbei、caizliu moq、swnghvuz yihyoz caeuq singnwngz sang yihliuz gigai daengj canjnieb fazcanj hungcoek.


  Mbeguh aen hengzdoengh gyavaiq fazcanj yienhdaih fugsaeh hangzyez,cuengqsoeng hawciengz cinjhaeuj,coicaenh fugsaeh hangznieb youhciz gauhyau fazcanj.Doidoengh swnghcanjsing fugsaeh hangznieb bienqbaenz ciennieb caeuq iethaeuj giz gyaqciglienh sang bae、swnghhozsing fugsaeh hangznieb yiengq cingsaeq caeuq binjciz sang cienjbienq,doidoengh ceiqcauh hangznieb daj dan swnghcanj yiengq swnghcanj fugsaeh cienjbienq.Daihlig fazcanj lijyouzyez.


  (Roek)Cauxlaeb yiengh dijhi moq fazcanj.Gyavaiq cauxbaenz aen hawciengz vanzging、canjgenz cidu、douzswh yungzswh dijci、faenboiq cidu、vunzcaiz gungganq yinxhaeuj sawjyungh gihci ikleih cauhmoq haenx.

  Haeujlaeg gaijgwz hingzcwng guenjleix dijci,caenh’itbouh cienjbienq cwngfuj ciznwngz,lienzdaemh doicaenh genjcwng cuengq gienz、cuengq guenj giethab、 youhva fugsaeh,daezsang cwngfuj yauqnaengz,gikhwnj hawciengz vuedlig caeuq sevei cangcauliz.

  Genhciz gunghyoujci guh cawjdaej、lai cungj sojyoujci ginghci doengzcaez fazcanj. It di cungj mbouj doenghngauz dwk gyamaenh caeuq fazcanj gunghyoujci ginghci,it di cungj mbouj doenghngauz dwk gujli、haeujcoengh、dazyinx feihgunghyoujci ginghci fazcanj.Doicaenh canjgienz baujhoh fazciva,ciuqfap baujhoh gak cungj sojyoujci ginghci gienzik.

  Haeujlaeg gaijgwz guekmiz giyez,demak guekmiz ginghci vuedlig、gaemhanh naengzlig、yingjyangj naengzlig、dingj yungyiemj naengzlig.Faenloih doicaenh gaijgwz guekmiz giyez,caezcienz yienhdaih giyez cidu.Caezcienz gak loih guekmiz swhcanj guenjleix dijci,aeu guenj swhbwnj guh cawj gyarem gamguenj guekmiz swhcanj,fuengzre guekmiz swhcanj riuzsaet.Laebndei guekmiz swhbwnj hableix riuzdoengh gihci,doicaenh canlozsing diuzcingj guekmiz swhbwnj baijbouh,dazyinx guekmiz swhbwnj engq lai douzhaeuj gij hangzyez youqgaenj caeuq gij lingjyiz gvanhgen gvanhaeh guekgya ancienz、gozminz ginghci minghmeg de,giendingh mbouj bienq guh ak guh ndei guh loet guekmiz giyez,engq ndei fugsaeh aen canloz moegbiu guekgya.

  Gujli minzyingz giyez ciuqfap haeuj engq lai lingjyiz bae,yinxhaeuj gij swhbwnj mbouj dwg guekmiz haenx caeuqfaenh gaijgwz guekmiz giyez,engq ndei bae gikhwnj gij vuedlig caeuq gij cauhmoq naengzlig aen ginghci mbouj dwg gunghyoujci haenx.

  Youhva giyez fazcanj vanzging.Mbeguh aen hengzdoengh gyangqdaemq gij cingzbonj saeddaej ginghci,youhva yinhyingz vunqsik,demgiengz gij naengzlig lai canhcienz.Hanhceiq cwngfuj gauxca giyez ginghyingz gezcwz,gemjnoix hingzcwng saemjbae saehhangh.Cingleix caeuq gveihfan gij hingzcwng saehnieb soucienz nangqdaengz giyez de,gemjmbaeu dawzrap giyez,caezcienz gij cwngcwz caeuq cidu mizgven goengbingz gingcwngh、coicaenh giyez cangqvuengh fazcanj haenx.Gikfat giyezgyah cingsaenz,ciuqfap baujhoh gij caizcanjgenz caeuq cauhmoq souik giyezgyah. Gyavaiq cauxbaenz aen hawciengz dijhi doengjit hailangh、gingcwngh miz loh de,laebhwnj aen gihci baujcang goengbingz gingcwngh,dwkbyoengq biengzdieg ngvejfaen caeuq hangznieb lungjdon.Haeujlaeg gaijgwz hawciengz boiqceiq yausu,coicaenh vunzcaiz、swhginh、gohyenz cwngzgoj daengj youq gyang singzmbanj、giyez、gauhyau、gohyenz gihgou miz bouhloh riuzdoengh.

  Haeujlaeg gaijgwz caizsui dijci,laebhwnj laebcienz gij caizcwng cidu yienhdaih doiq cienjbienq ginghci fazcanj fuengsik、cauxbaenz daengx guek doengjit hawciengz、coicaenh ndawbiengz goengbingz cingqngeih mizleih haenx,laebhwnj gij sougvaeh cidu gvaehcungj gohyoz、genzgou engq ndei、faplwd caezcienz、gveihfan goengbingz、cwngguenj yauqlwd sang haenx.Laebhwnj aen cidu saehgienz caeuq ceiok cwzyin doxhab,habdoh gyagiengz cunghyangh saehgienz caeuq ceiok cwzyin.Diuhdoengh gak fuengmienh cizgizsing,ngeixnaemj gvaehcungj sugsingq,caenh’itbouh leixswnh cunghyangh caeuq deihfueng souhaeuj vehfaen.Laebhwnj aen yawhsuenq cidu cienzmienh gveihfan、goenghai ronghcingx,caezcienz cwngfuj yawhsuenq dijhi,hengzguh aen gihci hamj nienzdoh yawhsuenq doxdaengh caeuq cunggeiz caizcwng gveihva guenjleix.Laebhwnj aen dijci ndaej gveihfan deihfueng cwngfuj ciq cienz yungzswh.Laeb caezcienz aen cwngcwz cwngfuj dajcawx sien yungh gij canjbinj cauhmoq、 gij canjbinj loegsaek. Gyavaiq gaijgwz ginhyungz dijci,daezsang gij yauqlwd ginhyungz fugsaeh saeddaej ginghci.Laeb caezcienz sanghyezsing ginhyungz、gaihfazsing ginhyungz、cwngcwzsing ginhyungz、hozcozsing ginhyungz yiengh ginhyungz gihgou dijhi faengoeng hableix、doxbouj neix.Cauxlaeb gij yinzhangz gihgou dijhi lai caengzsawq、cw ndaej gvangq、miz cengca de,gyadaih swhbwnj ndawbiengz haeuj hangz yinzhangz bae,fazcanj gij ginhyungz ik ndaej doh,yunghrengz gyarem ginhyungz fugsaeh gij giyez rauh’iq saeq、lajmbanj daegbied dwg dieg gungzhoj.Cizgiz gungganq aen swhbwnj hawciengz goenghai ronghcingx、cangqvuengh fazcanj,doicaenh gaijgwz gujbyau caeuq caigen fathengz gaicawx cidu,daezsang cigciep yungzswh bijcung,gyangqdaemq gangganj beijlwd.Haifat gij ginhyungz fugsaeh hab cauhmoq aeuyungh,doicaenh gij yungzswh fuengsik caigen souik sang nem gujbyau caigen caez giethab haenx.Doicaenh veiliz caeuq liliz bienq youz hawciengz gietdingh,daezsang ginhyungz gihgou guenjleix suijbingz caeuq fugsaeh caetliengh,gyangqdaemq giyez yungzswh cingzbonj.Gveihfan fazcanj vangjdoxlienz ginhyungz.Gyavaiq laebhwnj cainanh hungloet baujyiemj cidu,damqra laebhwnj baujyiemj swhcanj gaicawx gihci.

  Gyagiengz gensez ginhyungz hungzgvanh siujsim guenjleix cidu,gyagiengz dungjcouz hezdiuz,gaijgwz caemhcaiq caezcienz aen gvaenghgaq ginhyungz gamguenj habwngq yienhdaih ginhyungz hawciengz fazcanj,laeb caezcienz aen gamguenj gveihcwz hab guekcingz guek raeuz caeuq gozci byauhcunj,saedyienh ginhyungz yungyiemj gamguenj dohdaengz.Caezcienz guekmiz ginhyungz swhbwnj caeuq vaivei cwkbwh guenjleix cidu,laebhwnj aen ginhyungz giekdaej sezsih ancienz yauqlwd sang de,mizyauq yinhyungh caeuq fazcanj ginhyungz yungyiemj guenjleix hongdawz.Fuengzre mizok hidungjsing gihyizsing ginhyungz yungyiemj.


  (Caet)Cauhmoq caeuq caezcienz hungzgvanh diuzgung fuengsik.Ciuq gij iugouz cungjliengh diuzcez caeuq dinghyiengq hengz fap caez guh、geizdinj caeuq geizgyang geizraez giethab、ndawguek caeuq gozci dungjcouz、gaijgwz caeuq fazcanj doxngamj haenx,caezcienz hungzgvanh diuzgung,aeu gij banhfap yawjseiz diuzgung、cingcinj diuzgung,habseiz sien diuz roxnaeuz diuz di,engqgya yawjnaek gyadaih couhnieb、onjdingh huqgyaq、diuzcingj gezgou、daezsang yauqik、fuengzgaem yungyiemj、baujhoh vanzging.


  Ciuq gij moegbiu guekgya geizgyang geizraez fazcanj gveihva caeuq cungjgunghawj gwzgiz guh hungzgvanh diuzgung,onjdingh cwngcwz gihdiu,demgiengz ndaej yawhgeiz caeuq ronghcingx cingzdoh,cauhmoq diuzgung lohnaemj caeuq cwngcwz hongdawz,youq gwnz giekdaej gihgenh diuzgung gyadaih ligdoh guh dinghyiengq diuzgung,gyarem gij cimdoiq de caeuq gij dengcinj de.Caezcienz aen cwngcwz dijhi aeu caizcwng cwngcwz、hobi cwngcwz guhcawj,canjnieb cwngcwz、gihyiz cwngcwz、douzswh cwngcwz、siuhfei cwngcwz、gyagwz cwngcwz doxngamj boiqhab haenx,hawj caizcwng hobi cwngcwz engqgya ngamjhab.Yungh daihsoqgawq gisuz,daezsang ginghci yinhhengz saenqsik gibseiz dengcinj.


  Gemjnoix cwngfuj gauxca dingh gyaq,cienzmienh cuengqhai gij gyaq sanghbinj caeuq fugsaeh aen lingjyiz miz gingcwngh de,cuengqhai gij gyaq denliz、sizyouz、denhyenzgi、gyaudoeng daehyinh、densin daengj lingjyiz giz hothoh miz gingcwngh de.

  Laebhwnj aen gihci nyinhrox caeuq singjgaeh fungyiemj,aeu gij fuengsik caeuq cezcou dawz ndaej haenx cawjdoengh cuengqok fungyiemj,cungdenj daezsang gij naengzlig fuengzgaem caizcwng、ginhyungz、nwngzyenz、gvangcanj swhyenz、raemx swhyenz、haeuxgwn、swnghdai vanzbauj、ancienz swnghcanj、vangjloz ancienz daengj fuengmienh yungyiemj.


Seiq、Genhciz Doxngamj Fazcanj,Yunghrengz


Cauxbaenz Aen Gezgou Bingzyaenx Fazcanj




  Demgiengz yiengh doxngamj fazcanj,itdingh aeu genhciz gihyiz guhdoih、singzmbanj itdaej、vuzciz vwnzmingz cingsaenz vwnzmingz caez yawjnaek、ginghci gensez gozfangz gensez yungzhab,youq doxngamj fazcanj ndawde haigvangq aen hoenggan fazcanj,youq ndaw gyagiengz giz mbangnyieg demlai rengzlaengz fazcanj.


  (It)Doidoengh gihyiz doxngamj fazcanj.Cauxguh yausu miz bouhloh youzcaih riuzdoengh、cawjdaej goengnaengz hanhhaed mizyauq、gihbwnj goenggungh fugsaeh bingzyaenz、swhyenz vanzging ndaej couxhwnj yiengh gwzgiz moq gihyiz doxngamj fazcanj neix.

  Haeujlaeg hengzguh baihsae daih haifat,haeujcoengh gaijndei gij giekdaej sezsih dieg baihsae,fazcanj aen canjnieb miz youhsi miz daegsaek,giengzvaq baujhoh swnghdai vanzging.Doidoengh saenqhwng dieg doengbaek daengj gunghyez gihdi laux,coicaenh dieg cungqgyang goengqhwnj,gyadaih guekgya haeujcoengh ligdoh,gyavaiq gaijgwz hawciengz byaijyiengq.Haeujcoengh dieg baihdoeng sien fazcanj gonq,engq ndei bae ingjseq daiqdoengh gizyawz deihfueng.Haeujcoengh gyavaiq fazcanj gwzming dieggeq、minzcuz diegyouq、giz dieg henz guek、giz dieg gungzhoj,gyahung rengzlig haeujcoengh giz dieg hojnanz swhyenz ciedraeg、canjnieb doekbaih、swnghdai bienq rwix youqgaenj de.

  Gungganq geij giz demmaj vaiq ndaej daiqdoengh gihyiz guhdoih fazcanj.Doidoengh Bwzgingh Denhcinh Hozbwz guhdoih fazcanj,youhva hawsingz hoenggan baijbouh caeuq canjnieb gezgou,miz bouhloh hoizsanq Baekging gij goengnaengz mbouj dwg soujduh aeu miz de,doicaenh gyaudoengh bienqbaenz itdaej,gyadaih vanzging yungzliengh caeuq swnghdai hoenggan,damqra giz dieg vunzding ginghci comznyaed de youhva haifat yiengh moq.Doicaenh hwnqguh rangh ginghci Dahcangzgyangh ,gaijndei Cangzgyangh liuzyiz swnghdai vanzging,aeu biucinj sang bae hwnqguh cunghab laebdaej gyaudoeng coujlangz,dazyinx canjnieb youhva baijbouh caeuq faengoeng doxbang.

  (Ngeih)Doiqdoengh singzmbanj doxngamj fazcanj.Genhciz gunghyez dauqbwnq nungzyez、hawsingz bangcoengh lajmbanj,laeb caezcienz gij dijci gihci singzmbanj ndangdog itcaez fazcanj,doicaenh singzmbanj yausu bingzdaengj gyauvuenh、hableix boiqdap caeuq gihbwnj goenggungh fugsaeh ndaej doxbingz.

  Fazcanj gij daeksaek ginghci dieg yienh,gyavaiq gungganq hawsingz rauh iq caeuq yienhsingz daeksaek,coicaenh nungzcanjbinj cinglaeg gyagoeng caeuq fazcanj fugsaeh lajmbanj,haigvangq diuz roenloh hawj bouxguhnaz lai sou,caezcienz cwngcwz dijhi haeujcoengh bouxguhnaz souhaeuj demmaj,demgiengz gij doenghlig gyaeuhmiz lajmbanj fazcanj.

  Doicaenh yienghmoq cwngzcinva aeu vunz guh haedsim.Daezsang hawsingz gveihva、gensez、guenjleix suijbingz.Haeujlaeg gaijgwz gij cidu bouhhoh,coicaenh gyoengq vunz guhnaz miz naengzlig youq hawsingz onjdingh couhnieb gvaq saedceij de daengx ranz senjhaeuj hawsingz roengzhoh,caemhcaiq caeuq gij ginhminz ndawsingz miz doengzdaengj gienzlig caeuq yivu.Hengzguh gij cidu miz mbawcingq cij ndaej youq hawsingz,roengzrengz saedyienh gihbwnj goenggungh fugsaeh cwdoh gij vunz ciengz youq hawsingz. Laeb caezcienz aen gihci caizcwng conjyiz ceihawj caeuq gij soq vunzmbanj senjhaeuj hawsingz roengzhoh de doxngaeu,laebhwnj aen gihci hawsingz hwnqguh yungh dieg demgya geijlai aeu caeuq gij soq supnab vunzmbanj senjhaeuj hawsingz roengzhoh doxngaeu.Henhoh gij gienz cingzbau diegdeih、gij gienz yungh diegranz、 gij gienz faenboiq cizdij souik gyoengq nungzminz haeuj singz roengzhoh de,haeujcoengh dazyinx gyoengqde ciuqfap gagnyienh soucienz cienjnyiengh gij gienzik baihgwnz gangj de.Haeujlaeg gaijgwz aen cidu ranzyouq. Gyarengz gaijcauh hawsingz giz ranzdiengz caeuq gij ranzvaih singzmbanj.

  Coicaenh singzmbanj goenggungh swhyenz doxbingz boiqceiq,laeb caezcienz gij gihci ciengzgeiz mizyauq douzhaeuj lajmbanj giekdaej sezsih,dawz gij cungdenj fazcanj sevei saehnieb cuengq youq lajmbanj caeuq aen cwngzcin ciepsouh vunzmbanj roengzhoh haemq lai haenx,doidoengh hawsingz goenggungh fugsaeh ietdaengz lajmbanj.Daezsang gij suijbingz hwnqguh yiengh mbanj moq seveicujyi,mbeguh gij hengzdoengh cingjceih gij vanzging lajmbanj giz vunzyouq de,gyarengz baujhoh gij conzdungj ranzyouq lajmbanj caeuq gij lizsij vwnzva haw mbanj okmingz haenx,hwnqguh mbanj gyaeundei youq.


  (Sam)Doidoengh vuzciz vwnzmingz caeuq cingsaenz vwnzmingz huzndei fazcanj.Genhciz “song fwngz ca,song fwngz cungj aeu geng”,genhciz aen byaijyiengq seveicujyi senhcin vwnzva, genhciz gij gunghcoz daujyiengq aeu yinzminz guh cungsim,genhciz dawz sevei yauqik cuengq youq vih daih’it、sevei yauqik caeuq ginghci yauqik dox doengjit,genhciz vwnzva gagsaenq,demgiengz vwnzva gagrox,gyavaiq vwnzva gaijgwz fazcanj,gyagiengz seveicujyi cingsaenz vwnzmingz gensez,gensez seveicujyi vwnzva guekak.

  Genhciz aeu Dwng Siujbingz Lijlun、 “Sam Aen Daibyauj” Cung’yau Swhsiengj、Gohyoz Fazcanjgvanh caeuq gij cingsaenz baenzroix gangjvah youqgaenj Siz Ginbingz cungjsuhgi daeuj vujcangh daengx dangj、gyauyuz yinzminz,aeu aen loqsiengj Cungguek caeuq seveicujyi haedsim gyacizgvanh daeuj gietcomz nyinhrox doxdoengz、 gyonjcomz ligliengh.Gyalaeg aen gunghcwngz yenzgiu caeuq gensez gij lijlun Majgwzswhcujyi,gyagiengz gensez swhsiengj daudwz caeuq laebhwnj yiengh lauxsaed soujsaenq,demgiengz guekgya yisiz、fapceih yisiz、sevei cwzyin yisiz,dizcang gohyoz cingsaenz,daihlig fazyangz gij daudwz ndei Cunghvaz ciuhgeq cienz roengzdaeuj de,yawjnaek doenggvaq faplwd caeuq cwngcwz yiengq ndawbiengz cienzyinx cungj gyaciz byaijyiengq cingqdeng.

  Bangfuz sij ok cauh ok gij vwnzva canjbinj ndei,gyagiengz gungganq vwnzva vunzcaiz,mwnhoengh fazcanj gij saehnieb vwnzyoz yisuz、sinhvwnz okbanj、gvangjbo yingjsi.Hengzguh aen gunghcingz cauhmoq cezyoz sevei gohyoz,hwnqguh aen ukmaenh yienghmoq miz daegsaek Cungguek. Laebhwnj aen dijhi bae ciepswnj gij conzdungj vwnzva ndei Cunghvaz,gyagiengz baujhoh gij vwnzva ciuhgeq louz roengzdaeuj de,saenqhwng conzdungj gunghyi,hengzguh aen gunghcwngz cingjleix gij saw ciuhgeq Cunghvaz.Gyagiengz caeuq gaijndei gij hong gihcwngz senhconz swhsiengj vwnzva,haeujlaeg cauxlaeb gak loih cingsaenz vwnzmz hozdung cungqvunz caeuqfaenh de.

  Haeujlaeg gaijgwz vwnzva dijci,hengzguh gij vwnzva gunghcingz hungloet,caezcienz aen dijhi goenggungh vwnzva fugsaeh、aen dijhi vwnzva canjnieb、aen dijhi vwnzva hawciengz.Doidoengh gihbwnj goenggungh vwnzva fugsaeh baenz byauhcunj、ndaej doxbingz bae fazcanj,dazyinx gij vwnzva swhyenz ngeng yiengq singzmbanj gihcwngz,cauhmoq gij fuengsik goenggungh vwnzva fugsaeh,baujcang gij gihbwnj vwnzva gienzik gyoengq yinzminz.Doidoengh vwnzva canjnieb gezgou swnggaep bienq ndei,fazcanj goetgan vwnzva giyez caeuq gij vwnzva canjnieb miz cauhmoq eiqsik,gungganq yiengh vwnzva canjnieb moq,gyagvangq caeuq dazyinx vwnzva siufeiq.Bujgiz gohyoz cihsiz.Dizcang dazyinx cienzminz doegsaw.Fazcanj gij saehnieb dijyuz,doigvangq cienzminz cangqndang,demgiengz yinzminz dijciz.Guhndei gij hong couzbanh 2022 nienz Baekging Seizdoeng Auyinvei.


  Dawzgaenj dazyinx yizlun cingqdeng,laeb caezcienz aen gihci dazyinx gij yigen daidu vunzlai,cienzboq rengzcingq.Gyagiengz gensez gij diegsouj swhsiengj vwnzva gwnz vangjloz,hengzguh aen gunghcwngz vangjloz neiyungz gensez,fazcanj cungj vangjloz vwnzva cizgiz cinbu haenx,sawj vangjloz vanzging ndaej cinghseuq.Doidoengh gij meizdij conzdungj caeuq gij meizdij saenhwng yungzhab fazcanj,gyavaiq gensez yiengh soqcih meizdij,dajcauh buek meizdij cawjlouz yienghmoq ndeu.Youhva gij gezgou meizdij,gveihfan gij cizsi cienzboq.Gyagiengz gensez gozci cienzboq naengzlig,cauhmoq gij fuengsik doiqrog cienzboq、vwnzva gyauhliuz、vwnzva mouyiz,doidoengh Cunghvaz vwnzva byai okbae.

  (Seiq) Doidoengh ginghci gensez caeuq gozfangz gensez yungzhab fazcanj. Genhciz fazcanj caeuq ancienz caezgoq、 guek fouq caeuq bing ak caezcaemh,saedhengz aen canloz bing minz yungzhab fazcanj,cauxbaenz aen gwzgiz bing minz haeujlaeg yungzhab fazcanj yausu cienz、lingjyiz lai、yauyiz sang he.


  Caeuq yamqdin cienzmienh laebbaenz aen biengz siujgangh doxdaengh,cienzmienh doicaenh gozfangz caeuq ginhdui gensez.Aeu aen Dangj raeuz youq hingzsi moq baihlaj gij moegbiu sawj bingdoih engqgya maenh’ak de bae dazyinx,gvancez gij ginhsw canloz fuengcim youq hingzsi moq baihlaj,gyagiengz ginhdui dangj cujciz gensez caeuq swhsiengj cwngci gensez,gyagiengz gak fuengyiengq gak lingjyiz ginhsw doucwngh cinjbiq,gyagiengz gensez yiengh hoenxciengq ligliengh moq,gyavaiq doicaenh gozfangz caeuq ginhdui gaijgwz,haeujlaeg doicaenh ciuqfap guenjleix ginhdui、coengzyiemz guenjleix ginhdui.Daengz 2020 nienz,gihbwnj guhliux gij moegbiu yinvu gozfangz caeuq ginhdui gaijgwz,gihbwnj saedyienh gihgaiva,sinsizva aeundaej cincanj hungnaek,laebhwnj aen yienhdaih ginhsw ligliengh dijhi miz daegsaek Cungguek,ndaej hoenxhingz sinsizva cancwngh、mizyauq hengzguh sawjmingh yinvu.


  Laeb caezcienz gij cujciz guenjleix dijhi、gunghcoz yinhhengz dijhi、cwngcwz cidu dijhi bing minz yungzhab fazcanj haenx.Laebhwnj guekgya caeuq gak swngj (swcigih、cizyazsi) bing minz yungzhab dazyinx gihgou.Ceiqdingh gij cienhangh gveihva dungjcouz ginghci gensez caeuq gozfangz gensez haenx.Gyalaeg gozfangz gohgi gunghyez dijci gaijgwz,laebhwnj gozfangz gohgi gaphab cauhmoq gihci.Doicaenh bing minz yungzhab fazcanj laebfap.Youq doengh aen lingjyiz haijyangz、daigungh、vangjloz gunghgenh daengj,doiok buek hanghmoeg caeuq cosih hungnaek ndeu,dajcauh buek bing minz yungzhab cauhmoq sifangih ndeu,sawj gij senhcin gisuz、canjnieb canjbinj、 giekdaej sezsih bing minz caezyungh haenx engqgya hezdiuz.


  Gyagiengz cienzminz gozfangz gyauyuz caeuq dajcauh ligliengh bwhlaeng.Gyagiengz dajcauh yendaiva vujcangh gingjcaz budui. Ginhdui caeuq cwngfuj、 ginhdui caeuq beksingq maedcaed doxgiet.Dangjveij、cwngfuj、ginhdui、gingjcaz caeuq beksingq gaprengz bae gyamaenh fuengzsouj guekgyaiq. Gak gaep dangjveij caeuq cwngfuj aeu cizgiz cihciz gozfangz gensez caeuq ginhdui gaijgwz,yinzminz gaijfangginh caeuq vujgingj budui aeu cizgiz cihyenz ginghci sevei gensez.


Haj、Genhciz Loegsaek Fazcanj,


Yunghrengz Gaijndei Swnghdai Vanzging


  Genhciz aeu loegsaek bae hawj guekgya fouqmiz、aeu loegsaek bae vih beksingq cauhndei,vih beksingq daezhawj gij swnghdai canjbinj caetliengh engq ndei engq lai dem,doidoengh cauxbaenz cungj fazcanj fuengsik caeuq swnghhoz fuengsik mbouj miz uqlah,gapdoih doicaenh beksingq fouqmiz、guekgya fouqak、 Cungguek gyaeundei.

  (It)Coicaenh vunz caeuq swyenz huzndei caemhyouq. Miz hanhdoh miz bouhloh bae leihyungh swyenz,diuzcingj youhva hoenggan gezgou,vehdingh sienqhoengz baujhoh nungzyez hoenggan caeuq swnghdai hoenggan,cauhlaeb gij gwzgiz dieg bienq hawsingz、gij gwzgiz hwngfat nungzyez、gij gwzgiz bauj swnghdai ancienz、gij gwzgiz rangh haenzhaij dienyienz gawq gohyoz youh hableix haenx.Laebhwnj gij guekgya swnghdai vwnzmingz sizyengih doengjit gveihfan haenx.


  Gaenqgawq gij naengzlig swhyenz vanzging dingj ndaej haenx bae diuzcez hawsingz gveihmoz,dakbaengh gij byadah caeuq yienghceij deihmienh bae gaijndei hawsingz yienghceij caeuq goengnaengz,saedhengz loegsaek gveihva、sezgi、haiguh biucinj.


  Cihciz loegsaek seuqcengh swnghcanj,doicaenh hangz dajcauh conzdungj guh loegsaek gaijcauh,doidoengh laebhwnj aen canjnieb dijhi yiengh loegsaek noixdanq sinzvanz fazcanj,gujli giyez guh gunghyi gisuz canghbei lawhmoq gaijcauh.Fazcanj loegsaek ginhyungz,ndalaeb loegsaek fazcanj gihginh.


  Gyagiengz swhyenz vanzging guekcingz caeuq swnghdai gyacizgvanh gyauyuz,hawj gunghminz lai miz vanzging yisiz,doidoengh daengx biengz gagrox guh loegsaek siuhfei.


  (Ngeih)Gyavaiq hwnqguh cawjdaej gunghnwngzgih. Fazveih cawjdaej gunghnwngzgih gij cozyung dangqguh diegguek hoenggan haifat baujhoh giekdaej cidu haenx,doeksaed gij gveihva cawjdaej gunghnwngzgih,laebndei cwngcwz,fatbouh aen gveihvadoz cawjdaej gunghnwngzgih daengx guek caeuq aen moegloeg giz cujyau swnghcanj nungzcanjbinj、giz cungqdiemj swnghdai gunghnwngzgih,doidoengh gak dieg gaenqgawq cawjdaej goengnaengz dinghvih bae fazcanj.Aeu cawjdaej gunghnwngzgih gveihva guh giekdaej bae dungjcouz gak loih hoenggan gveihva,doicaenh “gak loih gveihva hamzciep doengjit”.


  Doidoengh gij canjnieb gezgou Baekging Denhcinh Hozbwz、Cangzgyangh Sanhgozcouh、Cuhgyangh Sanhgozcouh daengj dieg youhva haifat haenx yiengq gauhdonh gauhyau fazcanj,fuengzceih “bingh hawsingz”,cug bi gemjnoix gij soqliengh demgya dieg yunghguh dajhwnq de.Doidoengh gij dieg cungqdiemj haifat haenx daezsang canjnieb caeuq vunzgyaeuj gyonjcomz cingzdoh.Giz dieg cungqdiemj swnghdai gunghnwngzgih saedhengz canjnieb cinjhaeuj fumen cingdan.Gyadaih rengzlig conjyiz ceizhawj giz cujyau swnghcanj nungzcanjbinj caeuq giz cungqdiemj swnghdai gunghnwngzgih haenx,gyarem yiengh gikcoi boizbouj haenx,laebhwnj aen swnghdai boizbouj gihci youz doengz gaep cwngfuj yiengqvang conjyiz ceihawj caeuq caemh liuzyiz youz gyaeujlaj boizbouj gyaeujgwnz.Cingjhab ndalaeb buek guekgya gunghyenz ndeu.


  Henhoh doenghduz doenghgo lai cungj lai yiengh,saedhengz gij gunghcwngz ciengjgouqsingq baujhoh doenghduz doenghgo rogdoengh yaek ciedraeg haenx,hwnqguh gouqcaeq ganqfat cungsim caeuq gihyinhgu. Gyarem guenjleix cincuzgouj doenghduz doenghgo rogdoengh,yiemzfuengz gij vuzcungj miz haih daj rogguek haeujdaeuj.Yiemzhaenq dwkceih mbouj habfap bae gaicawx gij sanghbinj aeu heujciengh daengj doenghduz doenghgo rogdoengh guh haenx.


  Aeu gaep hingzcwnggih si yienh guh danhyenz,laebhwnj aen hoenggan ceihleix dijhi youz hoenggan gveihva、 yunghcawq guenjceiq、lingjdauj ganbu swyenz swhyenz swhcanj liznyaemh saemjgeiq、miz cengca bae guh cikyauq gaujhaed daengj daeuj gapbaenz haenx.

 ?。⊿am) Doidoengh noixdanq sinzvanz fazcanj. Doicaenh nwngzyenz gwzming,gyavaiq cauhmoq nwngzyenz gisuz,laebhwnj aen dijhi yienhdaih nwngzyenz cinghseuq noixdanq、ancienz gauhyau.Daezsang gij bijcung cungj nwngzyenz mbouj dwg vaqsig nwngzyenz,doidoengh meizdan daengj vaqsig nwngzyenz ndaej cinghseuq gauhyau bae sawjyungh.Gyavaiq fazcanj leihyungh gij naengzliengh rumz、naengzliengh daengngoenz、naengzliengh swnghvuzciz、 naengzliengh raemx、 naengzliengh deihndat,ancienz gauhyau bae fazcanj hwzden.Gyagiengz gensez cwknaengz caeuq cinwngz denvangj,fazcanj faenbouhsik nwngzyenz,doihengz diuhdoh gij dienhlig mbaetyungh nwngzyenz baiz dan noix haenx.Miz bouhloh bae cuengqhai gij gienz vataeu swhyenz lajnamh,cizgiz haifat denhyenzgi、meizcwngzgi、yeznganzgi.Gaijgwz nwngzyenz dijci,cauxbaenz aen gihci hawciengz mizyauq gingcwngh.Doicaenh gyaudoeng daehyinh noixdanq fazcanj,saedhengz goenggungh gyaudoeng yousien, gyagiengz gensez gveijdau gyaudoeng,gujli gwih danci daengj loegsaek okrog fuengsik.Saedhengz aen giva doigvangq gij giceh yungh nwngzyenz moq,daezsang gij suijbingz canjyezva dendungceh.Daezsang gij biucinj mbaetyungh nwngzyenz gencuz,doigvangq gij gencuz caeuq gencaiz mbouj miz uqlah.

  Cawjdoengh bae gaemhanh danq baizcuengq,gyagiengz guenjhaed gij hangznieb saisaengq laiyungh nwngzyenz haenx,mizyauq gamhaed denliz、gangdiet、gencaiz、vagungh daengj cungqdiemj hangznieb baizcuengq danq uqlah, cihciz giz dieg youhva haifat haenx daiqdaeuz saedyienh aen moegbiu danq baizcuengq ceiq sang hanhdoh,saedhengz gij guhbanj gunghcwngz danq baizcuengq camboujgeij dwg lingx haenx.Saedhengz aen giva dazyinx sinzvanz fazcanj,doihengz giyez sinzvanz bae fazcanj、canjnieb sinzvanz bae doxgaep、yenzgih sinzvanz bae gaijcauh,gemjnoix moix it vuzciz canjok danhvei gij siedhauq de.Gyagiengz hamzciep swnghhoz nyapnyaj faenloih soudauq caeuq swhyenz caiqseng soudauq,doicaenh swnghcanj hidungj caeuq swnghhoz hidungj sinzvanz lienhciep.

 ?。⊿eiq) Cienzmienh mbaetyungh caeuq gauhyau leihyungh swhyenz.Genhciz mbaetyungh yousien, laebhwnj gij swhyenzgvanh mbaetyungh gyonjcomz sinzvanz leihyungh.

  Gyarem yiengh cijbyauh guenjleix gamhanh de,saedhengz daj cungjliengh caeuq giengzdoh song fuengmienh bae gamhanh nwngzyenz caeuq raemx swhyenz hauqsied、gensez yungh dieg daengj. Hengzguh cienzminz mbaetyungh nwngzyenz hengzdoengh giva,daezsang mbaet nwngz、mbaet raemx、mbaet dieg、mbaet caiz、mbaet gvangq biucinj,mbeguh gij hengzdoengh bouxlingxbuet yinxlingx yungh nwngz yauqik、yungh raemx yauqik.

  Saedhengz gij raemx swhyenz guenjleix cidu ceiq yiemz de,yawj raemx dingh canj、yawj raemx guh singz,laebhwnj yiengh sevei mbaet raemx. Hableix ceiqdingh yungh raemx gyaqcienz,bienguh mbaet raemx gveihva,hengzguh cungj gunghcwngz leihyungh raemxfwn raemxrongz swhyenz、leihyungh gij raemx caiqseng、hawj raemxhaij bienqcit,laebhwnj guekgya aen hidungj gamcaek raemx lajnamh, cunghab bae ceihleix giz dieg couraemx lajnamh mauhhamj gvaqbouh haenx. Genhciz aen cidu mbaetyungh diegdeih ceiq yiemz,diuzcingj gensez yungh dieg gezgou,gyangqdaemq gunghyez yungh dieg beijlaeh,doicaenh dauq bae haifat hawsingz gij dieg sawjyungh yauqlwd daemq haenx caeuq dauq bae dajndaem gij dieg deng gunghcangj gvangqsanh vutfwz haenx, yiemzgek gaemhanh lajmbanj cizdij gensez yungh dieg gveihmoz. Damqra sawqdiemj saedhengz gij cidu reihnaz lwnz ndaem.

  Laebhwnj laebcaez gienz yungh nwngzyenz、 gienz yungh raemx、gienz baizuq、gienz baiz danq codaeuz faenboiq cidu,cauhmoq cungj gihci youjcangz sawjyungh、yawhsuenq guenjleix、douzswh yungzswh,ganqfat caeuq fazcanj gaicawx hawciengz. Doihengz habdoengz nwngzyenz guenjleix caeuq habdoengz mbaet raemx guenjleix.

  Daezcang hableix siufeiq,itdingh mbouj ndaej daihsai daihsaengq,haeddingz yiengh rumzheiq doxbeij saisaengq. Youq swnghcanj、riuzdoeng、cwkrom、siufeiq gak vanzcez doeksaed cienzmienh mbaetyungh. Guenj ndei cienzgoenggya siufeiq,haeujlaeg bae guh gij hengzdoengh fanjdoiq baucang gvaqbouh、fanjdoiq saiyungh gijgwn、fanjdoiq siufeiq gvaqbouh,doidoengh cauxbaenz gwnzbiengz yiengh rumzheiq gaenxmbaet de.

 ?。℉aj) Gyadaih rengzlig ceihleix vanzging.Aeu daezsang vanzging caetliengh guh haedsim,saedhengz gij cidu ceiq yiemz bae baujhoh vanzging,cauxbaenz aen vanzging ceihleix dijhi youz cwngfuj、giyez、cungqvunz bae caezcaemh ceihleix haenx.

  Doicaenh cunghab fuengzceih lai cungj doxgaiq uqlah caeuq vanzging ceihleix,hengzguh lienzfuengz lienzguenj caeuq liuzyiz caezcaemh ceihleix,haeujlaeg hengzguh aen hengzdoengh giva fuengzceih daihheiq、raemx、diegnamh uqlah. Hengzguh aen giva gunghyez uqlah goekgyaeuj cienzmienh dabbiu baizcuengq,saedyienh hawsingz gij sezsih cawqleix raemxuq nyapnyaj ndaej cienzbouh cwdoh caeuq onjdingh yinhhengz. Gyadaih aen fanveiz gaemhanh gij cungjliengh doxgaiq uqlah,dawz naed faenx daengj vanzging cizlieng cijbyauh liedhaeuj aen cijbyauh hanhhaed bae. Genhciz singzmbanj vanzging ceihleix doengzcaez yawjnaek,gyarem fuengzceih gij uqlah aenvih nungzyez cauhbaenz de,dungjcouz lajmbanj gwn raemx ancienz、gaij raemx gaij diengzhaex、nyapnyaj cawqleix,doicaenh dajndaem dajciengx huq feiq bienqbaenz swhyenz leihyungh、fouzhaih cawqleix.

  Gaijgwz vanzging ceihleix giekdaej cidu,laebhwnj gij baizcuengq cinjhawj cidu goemqcw sojmiz gij giyez dwg guding goekgaen uqlah de,saedhengz sengjgaep doxroengz vanzbauj gihgou gamcaek gamcaz hengzfap cigsoh guenjleix cidu. Laebhwnj gij vanzging gamguenj hidungj saedseiz youq sienq daengx guek doengjit de. Laebcaez vanzging saenqsik goengbouh cidu. Damqra laebhwnj gij vanzbauj gihgou hamj dieg guenjleix. Haiguh vanzbauj gamyawj cunzyawj,yiemzgek caephengz vanzbauj faplwd.

 ?。≧oek) Hwnj maenh faj led baujhoh swnghdai ancienz.Genhciz baujhoh yousien、aeu swyenz hoizfuk guhcawj,hengzguh aen gunghcwngz baujhoh caeuq hoizfuk gij swnghdai bya raemx faex naz huz,laebguh swnghdai coujlangz caeuq swnghvuz dohyangsing baujhoh vangjloz,cienzmienh daezswng ndoengfaex、dah huz、diegcumx、diegnywj、haijyangz daengj swyenz swnghdai hidungj onjdingh caeuq swnghdai fugsaeh goengnaengz.

  Daih gveihmoz mbeguh gij hengzdoengh sawj diegguek bienq loegsaek,gyagiengz gensez linzyez cungdenj gunghcwngz,caezcienz aen cidu baujhoh ndoengfaex gaghwnj,cienzmienh dingzdaengx raemj ndoengfaex gaghwnj bae gai,demgya diegndoeng mienhcik caeuq cwk faex soqliengh. Fazveih guekmiz linzgih linzcangz youq loegvaq diegguek ndawde gij daiqdoengh cozyungh haenx. Gyadaih doiq geng ndaem faex ndaem nywj,gyagiengz baujhoh diegnywj. Yiemzgimq senj gofaex hung gaghwnj haeuj singz bae. Cauhmoq canjgienz vunqsik,dazyinx gak fuengmienh swhginh douzhaeuj ndaem faex cauh ndoeng bae.

  Gyagiengz baujhoh raemx swnghdai,cienzmienh bae cingjcoih dieg lae dahraemx,lienzdoeng gij raemxmeg diuz dah aen huz caeuq suijgu,haiguh doiq geng guh diegcumx、doiq ciengx guh diegraiq. Doicaenh cunghab ceihleix dieg bienq req、bya bienq req、raemx namh riuzsaet. Giengzvaq baujhoh gij swnghdai gyaeuj dah caeuq giz dieg ciengx goek raemx haenx.Haiguh gij hengzdoengh cingjcoih haijvanh sawj raemxhaij cinghsaw. Gyagiengz fuengzceih deihcaet caihaih. Roek、Genhciz Hailangh Fazcanj,Yunghrengz Saedyienh Doxgap Caezhingz

  Haicauh aen geizmienh moq doiqrog hailangh,itdingh aeu gyalai gij neihanz doiqrog hailangh,daezsang gij suijbingz doiqrog hailangh,guhdoih doicaenh canloz doxsaenq、ginghmou doxgap、yinzvwnz gyauliuz,roengzrengz cauxbaenz aen gwzgiz doxleih doxgap haeujlaeg yungzhab de.

 ?。↖t)Caezcienz aen canloz baijbouh doiqrog hailangh. Doicaenh song yiengq hailangh,coicaenh gij yausu ndawguek caeuq gozciz miz diuzloh bae riuzdoengh、swhyenz ndaej gauhyau boiqceiq、hawciengz ndaej haeujlaeg yungzhab.

  Caezcienz doiqrog hailangh gihyiz baijbouh,gyagiengz gensez gij goujan caeuq giekdaej sezsih giz dieg neiluz henzguek,dajhai gij gyaudoeng roenloh hamj guek lai fuengsik lienzhab daehyinh,fazcanj gyoengq canjnieb mienhyiengq rogguek de,gapbaenz gij doiqrog hailangh gihdi gak miz biennaek haenx. Cihciz dieg henzhaij cienzmienh gyahaeuj daengx seiqgyaiq ginghciz doxgap caeuq gingcwngh bae,ganqfat gij ceiqcauh gihdi senhcin caeuq ginghcigih miz seiqgyaiq yingjyangjliz de. Daezsang gij fazcanj suijbingz dieg ginghci doxgap henzguek、dieg ginghci doxgap hamj guek.

  Gyavaiq youhva swnggaep doiqrog mouyiz,daj vaimou guekhung yamq coh mouyiz guekak. Caezcienz aen baijbouh doiqrog mouyiz,cauhmoq vaimou fazcanj yienghsik,gyarem hwnjlaeb aen vangjloz siugai caeuq gai laeng fugsaeh,daezsang gij rengz gingcwngh cungj canjbinj miz conzdungj youhsi de,gyamaenh cuzgouj hawciengz faenhngeg,doidoengh vaimou yiengq caetliengh ndei gyagwz ndei、 haeuj ndei ok ndei cienjbienq,gyahung canghbei cauhguh daengj gij cuzgouj cujdauj canjnieb moq neix.Fazcanj fugsaeh mouyiz. Saedhengz cizgiz cingouj cwngcwz,yiengq daengx seiqgyaiq gyahung hawciengz hailangh.

  Caezcienz aen baijbouh douzswh,gyahung hailangh lingjyiz,cuengq gvangq cinjhaeuj hanhceiq,cizgiz mizyauq bae yinxhaeuj cienz guekrog caeuq gij gisuz senhcin guekrog. Cihciz giyez gyadaih doiqrog douzswh,doidoengh canghbei、gisuz、biucinj、fugsaeh byaij okbae,haeujlaeg yungzhaeuj daengx seiqgyaiq canjyezlen、gyacizlen、vuzliuzlen bae,laebhwnj buek gihdi youq guekrog swnghcanj daihgienh sanghbinj he,gungganq buek hamjguek giyez ndeu. Cizgiz daphwnq gozci canjnwngz caeuq canghbei ceiqcauh doxgap ginhyungz fugsaeh bingzdaiz.

 ?。∟geih)Cauxbaenz aen dijci moq doiqrog hailangh. Laebcaez gij sanghyez ginghyingz vanzging fazciva、gozciva、benliva de,laebcaez cungj dijci gihci doiq doxgap caezhingz caemhcaiq ndij gozci mouyiz douzswh gveihcwz doxngamj mizleih haenx. Laebhwnj gij dijci fuengbienh hamjguek denswj sanghvu daengj yiengh mouyiz fuengsik moq,laebcaez fugsaeh mouyiz coicaenh dijhi,cienzmienh saedhengz

  congh cueng ndeu banh liux caeuq doenggvan lienzitheij. Daezsang swyouz mouyiz siyengih gensez caetliengh,youq aen fanveiz engq hung bae doigvangq fukceiq.

  Cienzmienh saedhengz aen guenjleix cidu cinjhaeuj gaxgonq yiengjmiz guekminz daiyi caiq gya fumen cingdan haenx,coicaenh neiswh vaiswh giyez doengzdaengj doiqdaih、goengbingz gingcwngh. Caezcienz guekrog douzswh guenjleix,laebcaez gij cwngcwz coicaenh doiqrog douzswh caeuq fugsaeh dijhi. Miz bouhloh bae gyadaih fuzvuyez doiqrog hailangh,gyadaih ngaenzhangz、baujyenj、cwnggen、ciengxlaux daengj hawciengz cinjhaeuj.

  Gyadaih ginhyungzyez song yiengq hailangh. Miz bouhloh bae saedyienh yinzminzbi swhbwnj hanghmoeg ndaej caujvuenh,doidoengh yinzminzbi gyahaeuj daegbied dizgvanjgienz,bienqbaenz gij hobi ndaej caujvuenh、ndaej swyouz sawjyungh de. Cienjbienq vaivei guenjleix caeuq sawjyungh fuengsik,daj cingqmienh cingdan cienjbienq baenz fumen cingdan. Cuengqgvangq rog guek douzswh caujvuenh hanhceiq,cuengqsoeng giyez caeuq seivunz vaivei guenjleix iugouz,cuengqgvangq hamj guek gunghswh youq rog guek yinhyungh swhginh gij hanhhaed de. Gyagiengz gozci soucei gamcaek,baujciz gozci soucei gihbwnj doxdaengh. Doicaenh swhbwnj hawciengz song yiengq hailangh,gaijcaenh caemhcaiq cugbouh siubae ndawguek rogguek gij hanh soq douzswh de.

  Doiqdoengh caeuq engq lai guekgya ciemdingh gij hezding song mbiengj douzswh、gij hezding swhfaz bangcoengh byauhcunj sang de,cengaeu caeuq engq lai guekgya doxmienx roxnaeuz genjvaq ciemcingq soujcuz. Laebhwnj aen dijhi baujhoh gij leih’ik youq rogguek. Caezcienz gij gamguenj cosih fanj swiqcienz、fanj gungjbu yungzswh、fanj ndojgvaeh,caezcienz gij dijci gihci fuengzre fungyiemj.

 ?。⊿am)Doicaenh gensez “it rangh it loh”. Ciuq gij caen saenq leih nyiengh,genhciz aen yenzcwz doxyaeng caez guh caez yiengj,caezcienz gij gihci song mbiengj roxnaeuz lai mbiengj doxgap,aeu giyez guh cawjdaej,saedhengz ciuq hawciengz bae banh,doicaenh caeuq mizgven guekgya ndij digih guh lai lingjyiz doxleih caezhingz caensaed doxgap,dajcauh aen gwzgiz moq cienzmienh lienzdoengh dieghawq gwnzhaij ndaw rog、doengsae song yiengq hailangh haenx.

  Doicaenh giekdaej sezsih doxlienz doxdoeng caeuq gozci daih dunghdau gensez,doengzcaemh gensez gozci ginghci doxgap coujlangz. Gyagiengz nwngzyenz swhyenz doxgap,daezsang youq dangdieg gyagoeng cienjvaq beijlwd. Caez hwnq aen dieg rog guek canjnieb gyonjcomz,doidoengh laebhwnj dangdieg canjnieb dijhi,youq gyauyuz、gohgi、vwnzva、lijyouz、veiswngh、vanzbauj daengj lingjyiz guh doxgap gvangqlangh,vih beksingq dangdieg cauhfuk.

  Gyagiengz caeuq gozci ginhyungz gihgou doxgap,caeuqfaenh guh Yacouh Gihcuj Sezsih Douzswh Ngaenzhangz、Ginhconh Guekgya Haifat Ngaenzhangz Moq gensez,fazveih gij cozyungh swhlu gihginh,supyinx ngaenzcienz gozci caezlaeb gij ginhyungz doxgap bingzdaiz hailangh laiyiengh caezhingz de.

 ?。⊿eiq) Gyalaeg neidi caeuq Gangj Au、daluz caeuq Daizvanh Digih doxgap fazcanj. Cienzmienh dengcinj bae gvancez gij fuengcim “aen guekgya ndeu song cungj cidu”、“vunz Yanghgangj ceihleix Yanghgangj”、 “vunz Aumwnz ceihleix Aumwnz” 、gauhdu swci de,fazveih Yanghgangj Aumwnz gij youhsi gag miz de,daezswng Yanghgangj Aumwnz youq guekgya ginghci fazcanj caeuq doiqrog hailangh ndawde gij diegvih caeuq goengnaengz haenx,cihciz Yanghgangj Aumwnz fazcanj ginghci、gaijndei minzseng、doicaenh minzcuj、coicaenh huzndei.

  Cihciz Yanghgangj gyamaenh gozci ginhyungz、 hangzyin、mouyiz sam aen daih cungsim diegvih haenx,caeuqfaenh gensez guekgya song yiengq hailangh、“it rangh it loh”. Cihciz Yanghgangj giengzvaq aen diegvih daengx seiqgyaiq lizhamq yinzminzbi yezvu suhniuj,doidoengh yungzswh、sanghmou、vuzliuz、 ciennieb fugsaeh daengj yiengq gauhdonh gauhcwnghciz fuengyiengq fazcanj. Cihciz Aumwnz gensez seiqgyaiq lijyouz yietlangh cungsim、Cungguek caeuq gij guekgya gangj vah Buzdauzyaz guh sanghmou doxgap fugsaeh bingzdaiz,coicaenh Aumwnz ginghci habdoh laiyiengh ndaej lienzdaemh fazcanj.

  Gyadaih neidi doiq Yanghgangj Aumwnz hailangh ligdoh,gyavaiq gensez Cenzhaij、Nanzsah、Hwngzginz daengj Yez Gangj Au doxgap bingzdaiz. Gyalaeg neidi caeuq Yanghgangj Aumwnz youq sevei、minzseng、 gohgi、vwnzva、gyauyuz、vanzbauj daengj lingjyiz gyauhliuz doxgap. Gyalaeg rangh dieg Cuhgyangh Sanhgozcouh daengj guh gihyiz doxgap.

  Genhciz “Goujngeih Caeznyinh” caeuq gij yenzcwz aen Cungguek ndeu,ciuq “song hamq ranz vunz ndeu”,aeu gij fuengsik doxleih caezhingz bae gyalaeg song hamq ginghci doxgap. Doidoengh song hamq canjnieb doxgap hezdiuz fazcanj、ginhyungzyez doxgap caeuq mouyiz douzswh daengj song yiengq hailangh doxgap. Doicaenh hwnqguh aen ginghcigih hamqsae haijyaz,dajcauh Bingzdanz daengj doiq Daizvanh doxgap bingzdaiz. Gyadaih vunz song hamq baedauq,gyalaeg song hamq nungzyez、vwnzva、gyauyuz、gohgi、sevei daengj lingjyiz gyauliuz doxgap,sawj song hamq beixnuengx engqgya vuenyungz,hawj engq lai beksingq、bouxcoz nyezrauh caeuq giyez rauh iq Daizvanh ndaej leih.

 ?。℉aj)Cizgiz caeuqfaenh ceihleix daengx seiqgyaiq ginghci. Doidoengh gaijgwz caezcienz aen dijhi ceihleix gozci ginghci,cizgiz dazyinx daengx seiqgyaiq ginghci ngeixsaeh cwngzsi, coicaenh gozci ginghci cizsi coh aen fuengyiengq bingzdaengj goengcingq、doxgap caezhingz fazcanj. Gyagiengz hungzgvanh ginghci cwngcwz gozci hezdiuz,coicaenh daengx seiqgyaiq ginghci bingzyaenx、ginhyungz ancienz、ginghci onjdingh demmaj. Cizgiz caeuqfaenh ceiqdingh vangjloz、haij laeg、dieggizdi、 gwnzmbwn daengj gozci gveihcwz.

  Doidoengh aen cincwngz lai mbiengj mouyiz damzbuenq,coicaenh lai mbiengj mouyiz dijci bingzyaenx、caezhingz、bauyungz fazcanj,cauxbaenz gij gozci ginghmou gveihcwz dijhi goengcingq、hableix、ronghcingx de. Cihciz gij guekgya cingqcaih fazcanj de bingzdaengj bae caeuqfaenh ceihleix daengx seiqgyaiq ginghci,coicaenh gaijgwz gozci hobi dijhi caeuq gozci ginhyungz gamguenj.

  Gyavaiq hengzguh aen canloz swyouz mouyizgih,doicaenh gihyiz cienzmienh ginghci bouxdoih gvanhaeh hezding damzbuenq,doicaenh gensez Ya Dai Swyouz Mouyizgih,yunghrengz bae cauxbaenz gij swyouz mouyizgih vangjloz byauhcunj sang mienhyiengq daengx seiqgyaiq de.

  (Roek) Cizgiz rapdawz gozci cwzyin caeuq yivu.Genhciz gij cwzyin yenzcwz、goengbingz yenzcwz、bonjfaenh naengzlig yenzcwz geiq caezcaemh youh miz cabied de,cizgiz caeuqfaenh damzbuenq wngqdoiq cenzgiuz gihou bienqvaq,doeksaed gemjbaiz wngqcingz.

  Gyahung aen gveihmoz bang guekrog,caezcienz gij fuengsik bang guekrog,hawj gij guekgya cingqcaih fazcanj de daezgung engq lai vunzlig swhyenz、fazcanj gveihva、ginghci cwngcwz daengj fuengmienh swhsinz beizyin mienx cienz de,gyalai gohgi gyauyuz、yihliuz veiswngh、fuengzcai gemjcai、vanzging ceihleix、 baujhoh doenghduz doenghgo ndaw doengh、gemjnoix gungzhoj daengj lingjyiz doiqrog doxgap caeuq bangcoh,gyadaih yinzdaucujyi bangcoengh ligdoh.Cawjdoengh caeuqfaenh gij yicwngz gvendaengz 2030 nienz ndaej lienzdaemh fazcanj haenx.

  Henhoh gozci goenggungh ancienz,fanjdoiq sojmiz yiengh gungjbucujyi haenx,cizgiz cihciz caemhcaiq caeuqfaenh Lenzhozgoz henhoh hozbingz hengzdoengh,gyagiengz fuengz sanqhai gozci doxgap,caeuqfaenh guenjhaed gij vwndiz ndatmwg yexsaeh haenx,caezcaemh henhoh gozci dunghdau ancienz.Gyagiengz lai mbiengj caeuq song mbiengj hezdiuz,caeuqfaenh henhoh cenzgiuz vangjloz ancienz.Doidoengh gozci fanj nduknaeuh hozcoz.Caet、 Genhciz Caezyiengj Fazcanj,Yunghrengz Demlai Yinzminz Vuenyungz

  Ciuq gij iugouz bouxboux caeuqfaenh、bouxboux caenhrengz、bouxboux yiengjsouh de,souj ndei daejsienq、duedok cungqdiemj、caezcienz cidu、dazyinx yawhgeiz,yawjnaek gihvei goengbingz,baujcang gihbwnj minzseng,saedyienh daengxcungq yinzminz itcaez yamqhaeuj aen biengz cienzmienh siujgangh bae. (It)Demgya gunghawj goenggungh fugsaeh.Genhciz aen fuengyiengq bujveising、bauj gihbwnj、ginhdwngjva、ndaej lienzdaemh de,coengz gaijgez gij leih’ik vwndiz beksingq ceiq gvensim ceiq cigciep ceiq yienhsaed de roengzfwngz,demgiengz cwngfuj cizcwz,daezsang gij naengzlig caezlaeb caeuq gij suijbingz caezyiengj goenggungh fugsaeh.

  Gyagiengz yivu gyauyuz、couhnieb fugsaeh、sevei baujcang、gihbwnj yihliuz caeuq goenggungh veiswngh、goenggungh vwnzva、vanzging baujhoh daengj gihbwnj goenggungh fugsaeh,roengzrengz saedyienh cienzbouh cwgoeb.Gyadaih conjyiz ceihawj gwzming laujgih、minzcuz digih、dieg henzguek、dieg gungzhoj.Gyagiengz bangcoh fuzrex gyoengqvunz daegdingh miz daegbied gunnanz de.

  Cauhmoq gij fuengsik daezhawj goenggungh fugsaeh,danghnaeuz ndaej youz cwngfuj cawxaeu fugsaeh bae daezgung, cwngfuj couh mbouj caiq cigsoh ciepbanh; danghnaeuz ndaej youz cwngfuj caeuq sevei swhbwnj doxgap daezgung, couh gvangqlangh bae supyinx sevei swhbwnj caeuqfaenh.Gyavaiq sevei saehnieb gaijgwz.

 ?。∟geih)Hengzguh aen gunghcwngz gunggeng duetgungz.Hawj gyoengqvunz gungzhoj lajmbanj ndaej duetgungz,dwg gij yinvu ceiq dwgrengz cienzmienh laebbaenz aen biengz siujgangh.Itdingh aeu cungfaen fazveih cwngci youhsi caeuq cidu youhsi,genhgez hoenxhingz duetgungz ciengz ciengq gengnyangq neix.

  Hengzguh dinghcinj banggungz、caencingq duetgungz,yawj vunz yawj dieg yungh geiq,daezsang banggungz saedyauq.Faenloih bangfuz doengh ranz gungzhoj,doiq gyoengq miz naengzlig guhhong haenx,haeujcoengh gyoengqde fazcanj daegsaek canjnieb caeuq senjdieg couhnieb,doiq “giz diegraemx ndeu ciengx mbouj hwnj fueng vunz de” couh hengzguh senjdieg banggungz,doiq giz dieg swnghdai daegbied youqgaenj caeuq byotnyieg,saedhengz swnghdai baujhoh bangfuz duetgungz,doiq gyoengq mbouj miz naengzlig gag ciengx bak haenx,hengzguh dakdaej baujcang cwngcwz,doiq gyoengq aenvih miz bingh cauxbaenz gungzhoj haenx,daezhawj yihliuz banggouq baujcang.Hengzguh ceiq noix baujcang cwngcwz caeuq bangfuz duetgungz cwngcwz doxciep,doiq gyoengq gungzhoj,wnggai bauj de caenhliengh bauj.

  Gya’gvangq gij dieg gungzhoj ndaej hwnqguh gihcuj sezsih,ciuq dieg yungh geiq bae gaijgez gij vwndiz doengloh、doengraemx、doengdienh、doeng vangjloz haenx. Doiq gij youq dieg gungzhoj haifat suijden、gvangcanj swhyenz ciemqyungh diegdeih vunzlai haenx,sawqhengz yungh yiengh gujgenz vunzlai daeuj dienzbouj hawj gyoengq gihminz bonjdieg,damqra aen cidu doiq gyoengqvunz gungzhoj hengzguh swhcanj souik bangfuz.

  Daezsang gij caetliengh gihcuj gyauyuz caeuq suijbingz yihliuz fugsaeh dieg gungzhoj,doicaenh gij gihbwnj goenggungh fugsaeh dieg gungzhoj bienq ndaej doxdaengh.Laebhwnj laeb caezcienz gij fugsaeh dijhi gvensim gyaezhoh gyoengq lwgnyez、mehmbwk caeuq vunzgeq youq lajmbanj dawzranz haenx.

  Saedhengz gij cwzyinci bae guh hong duetgungz. Caenh’itbouh caezcienz gij gunghcoz gihci cunghyangh dungjcouz、sengj(swcigih、cizyazsi) rap sojmiz cwzyin、si(digih) yienh ca doeksaed haenx.Gyarem gaujhwz gij cwzyin hong duetgungz,doiq gij yienh gungzhoj aeu dawznaek gaujhwz gij cingzyauq duetgungz.Gyalai gij caizcwng cunghyangh caeuq sengjgaep douzhaeuj bangfuz duetgungz,lailai hawj gij ginhyungz cwngcwzsing caeuq sanghyezsing haenx, guhbaenz doxbang doxbouj,cingjhab gak loih bangfuz duetgungz swhyenz,hai gij miengloh racienz bangfuz duetgungz haifat moq. Laebcaez aen banggungz gihci baihdoeng baihsae doxgap caeuq dangjcwng gihgvanh、budui、yinzminz donzdij、guekmiz giyez dingh dieg bangfuz duetgungz,gikcoi gak loih giyez、sevei cujciz、gagboux gagnyienh yungh yiengh bau guh bae caeuqfaenh bangfuz duetgungz.Dawz giz dieggeq gwzming、dieg minzcuz、dieg henzguek、dieg gungzhoj doxcomz baenzbenq haenx, dangguh giz ceiq dawznaek yunghrengz bae duetgungz.

 ?。⊿am)Daezsang gyauyuz caetliengh. Cienzmienh gvancez gij gyauyuz fuengcim aen Dangj,doeksaed gij gaenbonj yinvu yungh daudwz gungganq vunzcaiz haenx,gyagiengz seveicujyi haedsim gyacizgvanh gyauyuz,gungganq bouxgensez caeuq bouxciepban seveicujyi, hawj gyoengqde dwzyuz、ciyuz、dijyuz、meijyuz cienzmienh fazcanj.Gyalaeg gyauyuz gaijgwz,dawz gungganq gij cwzyinganj、cingsaenz cauhmoq、sizcen naengzlig hagseng ndawbiengz, dangqguh gij yinvu dawznaek gvancez youq daengx aen gozminz gyauyuz.

  Doidoengh yivu gyauyuz ndaej doxdaengh fazcanj,cienzmienh daezsang gyauyuz gyauyoz caetliengh. Bujgiz gauhcungh gaihdon gyauyuz,ciemhciemh faenloih doicaenh cunghdwngj cizyez gyauyuz haeujhag mbouj sou cienz,sien youq gyoengq hagseng ranzgungz gaenq laeb dangan miz gajgungzhoj haenx, hengzguh doeg bujdungh gauhcungh mbouj sou cienzhag cienzcabfeiq. Fazcanj gij gyauyuz mwh caengz hwnjhag,gujli fazcanj gij youwzyenz ndaej leih doh cungqvunz de. Caecienz gij fuengsik bangcienz,guhdaengz bangcienz cwdoh gyoengq hagseng ranz gwndaenj gungzhoj de.

  Coicaenh gyauyuz goengbingz. Gyavaiq hwnqguh gij hagdangz singzmbanj goengbanh hab yivu gyauyuz biucinj haenx,gyagiengz gensez lauxsae duivuj daegbied dwg aen lauxsae duivuj lajmbanj,doicaenh lauxsae singzmbanj dox haeujok.Banhndei gij gyauyuz daegbied haenx.

  Daezsang gij suijbingz sonhag caeuq gij naengzlig cauhmoq gauhyau,hawj geij aen gauhyau caeuq buek yozgoh ndeu hwnj daengz roxnaeuz ciepgyawj gij suijbingz seiqgyaiq ceiq sang.Gensez aen dijhi cizyez gyauyuz ciuhneix,doicaenh canjnieb caeuq gyauyoz yungzhab、hagdangz caeuq giyez doxgap. Gaijndei yozgoh conhyez baijbouh caeuq vunzcaiz gungganq gihci,gikcoi gij bujdungh bwnjgoh gauhyau bwhmiz diuzgen de, cienj yiengq gungganq yiengh vunzcaiz ndaej cigciep yungh bae swnghcanj haenx.

  Doeksaed caemhcaiq gyalaeg gaijgwz gij cidu gaujsi ciusou hagseng caeuq gyauyuz gyauyoz. Laebhwnj aen hauh bouhhagsib gagboux caeuq gij cidu rom faensoq hagnieb,deudoeng diuzroen laebdaeb gyauyuz、baenzciuh hagsib.Doicaenh yiengh gyauyuz yinhyungh yienhdaih saenqsik,sawj gyauyuz fazcanj baenz youq gyae ndaej hag,gya’gvangq giz dieg ndaej daengz gyauyuz swhyenz ndei haenx.Guhndei gyauyuz gamduk dazyinx,gyagiengz sevei gamduk. Cihgiz caeuq gveihfan minzbanh gyauyuz fazcanj,gikcoi ligliengh ndawbiengz caeuq cienzngaenz ndawbiengz daezhawj lai cungj gyauyuz fugsaeh.

  (Seiq) Coicaenh couhnieb cauhnieb. Genhciz gij canloz couhnieb baiz doekgonq neix,hengzguh gij couhnieb cwngcwz engqgya gaenxmaenh haenx,dajcauh engq lai cauhhong gangjvei,haeujrengz gaijgez gij mauzdun couhnieb gezgou.Guhndei gij cwngcwz bangfuz couhnieb,gujli aeu cauhnieb daiqdoengh cauhhong,laebhwnj aen bingzdaiz fugsaeh cauhnieb mienhcoh moix bouxvunz haenx.

  Daengxbuenz anbaiz aen hawciengz vunzlig swhyenz,mboujlwnh singzmbanj、diegdeih、hangznieb caeuq ndangfaenh、saimbwk cungj aeu caezcaemh ciuyungh,henhoh aen gienz bingzdaengj couhnieb bouxguhhong.Gyarem haeujcoengh lingzvued couhnieb、yienghmoq couhnieb,coicaenh bouxguhhong gag couhnieb. Coicaenh gauhyau doeksaed bizyezswngh couhnieb caeuq dazyinx dajsuenq cauhnieb,daiqdoengh bouxcoz couhnieb cauhnieb.Gyarengz bangcoengh couhnieb,bangcoh boux couhnieb hojnanz rahong.

  Doihengz gij cidu daengxciuh son’gyauq ciknieb ginwngz. Hengzguh aen giva daezsang gij ciknieb ginwngz daih moq nungzminzgungh. Haiguh gij saeh hawj gyoengq lwgnyez ranzgungz、gij hagseng cuhgauhcungh bizyez mbouj swnghag de、nungzminzgungh、boux saetnieb caeuq boux vuenhhong、bouxbing duiyiz ndaej mienxcienz ciepsouh gisuz beizyin. Doihengz aen vunqsik gunghcoz caeuq hagsib giethab、yozyau caeuq giyez doxgap bae gungganq gisuz gunghyinz,doihengz yienghmoq giyez songyauq lwgsae haenx.Daezsang cienzhong gisuz gunghyinz,caezcienz gij ciduz bingzdingh cizcwngh,doigvangq cungj guhfap conhyez gisuz cizcwngh、ginwngz daengjgaep caeuq gij cwngcwz youq hawsingz hung roengzhoh doxngaeu.

  Daezsang lauzdungliz suciz、lauzdung caeuqfaenh bijliz、lauzdung swnghcanj bijliz,hawj lauzdung hawciengz engqgya lingzvued,coicaenh lauzdungliz youq digih、hangznieb、giyez ndaej cwxcaih baedauq.Laebhwnj cungj lauzdung gvanhaeh huzndei,henhoh gij gienzik habfap cizgungh caeuq giyez.

  Guhndei gij dijhi fugsaeh couhnieb,daezsang gij naengzlig fugsaeh couhnieb.Caezcienz aen cijbyauh dijhi doengjgeiq couhnieb saetnieb.

 ?。℉aj)Sukiq gij cengca souhaeuj.Genhciz gihminz souhaeuj demmaj caeuq ginghci demmaj doengzbouh、cienzhong daezsang caeuq lauzdung swnghcanj bijliz daezsang doengzbouh,lienzdaemh demgya singzmbanj gihminz souhaeuj. Diuzcingj gozminz souhaeuj faenboiq gwzgiz,gveihfan baez codaeuz faenboiq,gyarengz diuhndei ngeihbaez faenboiq.

  Laeb caezcienz gij gihci gietdingh gunghswh suijbingz、cingqciengz demmaj、ceihawj baujcang gohyoz haenx,doihengz yiengh cidu giyez gunghswh aeu vunzlai yaenglwnh. Caezcienz gij gihci gunghswh ceiq daemq demmaj,caezcienz aen gihci youz hawciengz bingzgya okrengz lainoix caemhcaiq ciuq okrengz lainoix faenboiq haenx,caezcienz gij gunghswh cidu hab gihgvanh swyez danhvei daegdiemj.

  Hengzguh gij cwngcwz doiq sukiq souhaeuj cengca mizleih,daraen ndaej gyalai gij souhaeuj bouxguhhong souhaeuj daemq haenx,gyalai dingz vunzsoq souhaeuj cungdaengj haenx. Gyavaiq laebhwnj gij cidu gagboux souhaeuj dawzgvaeh cunghab caeuq faenloih dox giethab haenx. Lai roenloh bae gyalai gihminz gij souhaeuj ok laeng caizcanj de. Gveihfan souhaeuj faenboiq cizsi,baujhoh habfap souhaeuj,gveihfan gij souhaeuj mbouj gvaq bouh haenx,gimqhaed gij souhaeuj yungh gienz、hingzcwng lungjdon mbouj dwg hawciengz yinhsu aeundaej haenx,gimqcawz gij souhaeuj mbouj habfap.

  Cihciz fazcanj saehnieb swnzsienh,dauqcawq nyoengx goengrengz ndawbiengz hwnjdaeuj hengzguh gouqcaeq caeuq doxbang、gagnyienh fugsaeh ndawbiengz.Caezcienz gij cwngcwz sougvaeh gujli canhcienz boizdauq ndawbiengz、banggungz gouqhoj.

 ?。≧oek)Laebhwnj gij ndawbiengz baujcang cidu engqgya goengbingz engqgya ndaej lienzdaemh. Hengzguh daengx biengz bouxboux camgya baujyenj giva,gihbwnj guhbaenz gyoengqvunz fapdingh bouxboux ndaej camgya. Genhciz suenqcinj bingzyaenx,caezcienz aen gihci couzcienz,faen cingcuj gij cwzyin cwngfuj、giyez、gagboux. Habdangq gyangqdaemq gij bijliz cienz ndawbiengz baujyiemj. Guhndei aen dijhi ndawbiengz baujyiemj.

  Guhndei gij cidu gagboux bonjbouh cizgungh ciengxlaux baujyiemj,laeb caezcienz cungj gikcoi gihci gyau lai ndaej lai haenx.Guhbaenz daengx guek doxcaemh couzcomz cienz goekdaej cizgungh ciengxlaux,laebhwnj gij gihci hableix diuzcingj cienz goekdaej ciengxlaux. Gya’gvangq diuz roenloh aeu gij baujyiemj gihginh ndawbiengz bae douzswh haenx,gyagiengz fungyiemj guenjleix,daezsang gij bijliz cuengq cienz ndaej canh neix. Ciemhciemh daezsang gij bijliz guekmiz swhbwnj souik gyauhwnj goenggungh caizcwng haenx, vehcienj mbangj guekmiz swhbwnj bae cungsaed cienz ndawbiengz ciengxlaux. Okdaiz gij cwngcwz cugyamq doilaeng duiyouh nienzlingz. Fazcanj ciknieb nienzginh、 giyez nienzginh、sanghyez ciengxlaux baujyiemj.

  Laeb caezcienz gij gihci hawj yihliuz baujyiemj ndaej onjdingh lienzdaemh couzcienz caeuq diuzcingj beijlaeh bauqsiu,yenzgiu saedhengz gij cwngcwz hawj gyoengq cizgungh duiyouh camgya gyau cienz yihliuz baujyiemj. Cienzmienh hengzguh gij cidu hawj vunz singzmbanj ndaej daengz bingh hung baujyiemj. Gaijgwz gij fuengsik yihbauj ceihawj,hawj yihbauj ndaej gaemhaed cienz ywbingh.Gaijndei gij soqbouh gagboux,haiguh dungjcouz gij cienz youq mwnzcinj ywbingh. Guhbaenz gij cienz ywbingh gyoengq boux duiyouh youq sengj wnq dieg wnq yihyen ywbingh haenx ndaej cigsoh gietsuenq. Cingjhab gij cwngcwz yihbauj caeuq guenjleix gvaqfwngz bang banh yihbauj vunz singzmbanj. Gujli fazcanj boujcung yihliuz baujyiemj caeuq sanghyez gengangh baujyiemj. Gujli sanghyez baujyiemj gihgou caeuqfaenh gvaqfwngz banhleix yihbauj. Dawz senglwg baujyiemj caeuq gihbwnj yihliuz baujyiemj doxgyoeb hwnjdaeuj hengzguh.

  Dungjcouz gouqbang dijhi,gyarem cwngcwz doxciep,doicaenh cidu cingjhab,caencingq baujmaenh gij gwndaenj gyoengq ginzcung gungzhoj.

 ?。–aet)Doicaenh gensez cangqheiq Cungguek. Gyalaeg yihyoz veiswngh dijci gaijgwz,hengzguh yihliuz、yihbauj、yihyoz lienzdoengh,doicaenh ywbingh gaiyw faenhai,hengzguh faengaep cazbingh ywbingh,laebhwnj gij gihbwnj yihliuz veiswngh cidu caeuq yienhdaih yihyen guenjleix cidu cwdoh singzmbanj haenx.

  Cienzmienh doicaenh gyoebhab gaijgwz yihyen goengbanh, genhciz gij singqcaet goeng’ik de, siucawz yiengh guhfap dawz yihyen daeuj canhcienz neix, dinghlaeb aen cidu vunzsaeh sinhcouz habngamj gij daegdiemj hangz yihliuz. Gaijndei baijbouh yihliuz veiswngh gihgou, laebcaez gij yihliuz fugsaeh dijhi gwnz laj caemhning、doxrangh doxbouj haenx, caezcienz gij yienghvunq yihliuz fugsaeh caengzlaj, fazcanj liz gyae ywbingh. Coicaenh yihliuz swhyenz haeuj daengz caengzlaj、lajmbanj, doicaenh gij hong canghyw cienzgoh、canghyw ndawranz、daezsang gij naengzlig yihliuz fugsaeh giz gaenjyungh、denswj gengangh dangan daengj. Gujli gij rengzlig ndawbiengz hwngbanh hangz fugsaeh gengangh, doicaenh gij yihyen ndawbiengz mbouj vih cienzcanh de caeuq gij yihyen goengbanh ndaej caezcaemh dakdaih. Gyarengz gamguenj yihliuz caetliengh, caezcienz gij guhfap diuzgaij cengnauh, cauxlaeb gij gvanhaeh canghyw caeuq vunzbingh huzndei.

  Genhciz cunghyih sihyih ityiengh yawjnaek, coicaenh fazcanj cunghyihyoz、 minzcuz yihyoz. Caezcienz gihbwnj yozvuz cidu, laebcienz aen gihci baujcang gung yw, leixswnh yw gyaq, gyalai gunghawj gij yw daegbied fuengzyw bingh aiswhbing mbouj sou cienz haenx. Daezsang gij caetliengh yw, baujcingq yunghyw ancienz. Gyarengz cunghab fuengzyw gij binghlah、binghranghndang、binghdeihfueng hungnaek neix caeuq fuengzyw binghciknieb sienghaih, doenggvaq lai cungj fuengsik diuhdaemq gij cienz yw binghranghndang naekhung. Dizcang gij fuengsik gvaq saedceij cangqheiq de, gyaak yiengh fugsaeh simleix cangqheiq.

  Hengzguh aen canloz gijgwn ancienz, cauxbaenz aen dijhi ceihleix gijgwn ancienz yiemzmaed yauqlwd sang、ndawbiengz caez guenj he, hawj yinzminz ginzcung gwn ndaej cuengqsim.

  (Bet) Coicaenh vunzding bingzyaenx fazcanj. Genhciz gij gihbwnj gozcwz giva senglwg, caezcienz gij canloz fazcanj vunzding. Cienzmienh hengzguh aen cwngcwz doiq gvanbaz he ndaej seng song lwg. Daezsang gij suijbingz sengsanj cangqheiq、mehlwg baujgen、 daklwg daengj goenggungh fugsaeh.Bangfuz ranz giva seng lwg miz hojnanz daegbied haenx. Yawjnaek ndawranz fazcanj.

  Gaenxmaenh mbeguh gij saeh wngqdoiq vunzding geqlaux bienq lai, hungzyangz gij rumzheiq ndei ndawbiengz gingq laux、ciengx laux、bang laux haenx, hwnqguh gij ciengxlaux fugsaeh dijhi lai caengzsawq aeu youq ranz ciengxlaux guhgoek、giz henzranz guh dakbaengh、gihgou guh bangbouj haenx, doidoengh yihliuz veiswngh caeuq ciengxlaux fugsaeh dox giethab, damqcaz laebguh gij cidu baujyiemj ciengzgeiz hohleix. Cienzmienh cuengqhai gij hawciengz fugsaeh ciengxlaux, doenggvaq doengh gij fuengsik cawx fugsaeh、gujgenz doxgap haenx, haeujcoengh gak cungj hawciengz cawjdaej demgya ciengxlaux fugsaeh caeuq canjbinj gunghawj.

  Genhciz gij gihbwnj gozcwz saimbwk bingzdaengj, baujcang gij gienzik mehmbwk caeuq boux caengz hung. Haeujcoengh fazcanj gij saehnieb bouxgvaij, laebcaez gij fugsaeh dijhi bangfuz bouxgvaij.Bet、Gyarem Caeuq Gaijndei aen Dangj Lingjdauj,Vih Guhbaenz “13? 5” Gveihva Daezhawj Rengzhung Dingjcengj

  Fazcanj dwg gienh saeh daih’it aen Dangj raeuz gaemgienz hwng guek. Gak gaep dangjveij itdingh aeu haeujlaeg nyinhrox gij gvilwd fazcanj, daezsang gij naengzlig caeuq suijbingz daiqyinx fazcanj, doicaenh guekgya ceihleix dijhi caeuq ceihleix naengzlig guhbaenz yendaiva, engq ndei dwk doidoengh ginghci sevei fazcanj.

  (It) Caezcienz gij gunghcoz gihci dijci aen Dangj lingjdauj ginghci sevei fazcanj. Genhciz aen Dangj gaemguenj daengxbuenz, hezdiuz gak fuengmienh, fazveih gij cozyung lingjdauj haedsim gak gaep dangjveij (dangjcuj), gyarem ciduva gensez, gaijndei gunghcoz gihci dijci caeuq fuengsik fuengfap, gyarem gij cozyung daengx veijvei gezcwz caeuq gamduk. Daezsang gij suijbingz dinghsaeh gohyoz de, caezcienz gij gunghcoz gihci dangjveij yenzgiu aen canloz ginghci sevei fazcanj、dinghgeiz faencek ginghci hingzseiq、yenzgiu gij fanghcinh cwngcwz hungnaek, laebcienz gij guhfap cazcam dinghsaeh. Caezcienz aen cidu fatok saenqsik.

  Gaijndei gij cihsiz gihgou caeuq ciennieb gezgou lingjdauj banhswj, yawjnaek gungganq genjleh gij lingjdauj ganbu cwngci ak、sug hangz、rox guenj、gamj rap、cozfungh cingq haenx, daezsang gij suijbingz sug hangz de. Gyalaeg gaijgwz gij cidu gaemguenj vunzsaeh, caezcienz gij dijhi gaujhwz bingzgyaq cwngciz caeuq gij guhfap ciengj fad, diuhdoengh gak gaep ganbu dwg gaenxmaenh、gagrox、roxnaemj dwk guhhong.

  Gyaak hwnqguh gak gaep cujciz aen Dangj, giengzvaq gij cingjdaej goengnaengz dangjcujciz caengzlaj, fazveih gij cozyung dangq aen baujleij hoenxciengq caeuq gij cozyung dangjyenz guhbanj baegonq hoenx, gikcoi gyoengq ganbu hailoh yamqbae、dwkroengz hojnanz, engq ndei bae daiqyinx ginzcung cienzmienh laebbaenz aen biengz siujgangh.

  Fanj nduknaeuh daez cinghseuq ciengxlwenx youq gwnz loh, fanj nduknaeuh mbouj ndaej dingzduenh、mbouj ndaej cuengqsoeng. Aeu genhciz cienzmienh ciuqyiemz guenj Dangj, doeksaed gij iugouz “sam yiemz sam saed”, yiemzmingz gij gijliz caeuq gvigawj aen Dangj, doeksaed gij cwzyin bouxguhgoek caeuq gij cwzyin gamduk, laebndei cozfungh aen Dangj sawj cwngci cinghseuq, caezcienz gij guhfap gaijndei cozfungh ciengzgeiz mizyauq de, gyarem hanhhaed caeuq gamduk sawjyungh gienzlig, gyamaenh gij cwngzgoj fanj nduknaeuh, cauxlaeb gij guhfap mizyauq sawj de mbouj gamj nduk、mbouj ndaej nduk、mbouj naemj nduk, roengzrengz guhbaenz ganbu fwngzseuq ndangcingq、cwngfuj yienghseuq ronghcingx、cwngci fapdoh mingzbeg, vih ginghci sevei fazcanj cauhguh yiengh cwngci maenhndei mbouj deng uqlah de.

  (Ngeih) Dungyenz yinzminz ginzcung doxgiet buekguh. Lailai bae hwnghengz minzcuj, gvancez diuz ginzcung lohsienq aen Dangj, daezsang gij naengzlig senhconz caeuq cujciz ginzcung, gyalai haeujsim doxyaeng gij vwndiz hungnaek gvendaengz ginghci sevei fazcanj caeuq gij vwndiz nangqdaengz leih’ik gwnzndang ginzcung, ciuqfap baujndei gak hangh gienzik yinzminz, gikfat aensim gak cuz yinzminz, sawj gyoengqde gag rox guh bouxcawj bae gensez guekcoj.

  Roengzrengz guh swhsiengj cwngci gunghcoz, cauhmoq gij dijci gihci caeuq fuengsik fuengfap ginzcung gunghcoz, yawjnaek gij cozyung gunghvei、gungcinghdonz、fulenz daengj cujciz, cingqdeng bae cawqleix gij mauzdun baihndaw yinzminz, ceiq daih hanhdoh bae gietcomz daengx biengz, yungh gij yawjfap doxdoengz caeuq goengrengz daengx biengz daeuj doicaenh gaijgwz fazcanj、henhoh ndawbiengz huzndei onjdingh. Gig yawjnaek guhndei gij hong giz guenj swhsiengj vunz haenx, maenhsaed henhoh swhsiengj eiqsik ancienz.

  Gyamaenh caeuq fazcanj aen cansen caezcaemh gyaez guek ceiq gvangqlangh haenx, cienzmienh doeksaed doengh gij cwngcwz cihsiz fwnhswj、 minzcuz、cunghgyau、gyauzvu aen Dangj, lailai fazveih gij cozyung minzcuj dangjbai、gunghsanghlenz caeuq boux fouzdangjbai, haeujlaeg bae haiguh gij senhconz gyauyuz hawj minzcuz doxgiet baenaj, dazyinx cunghgyau caeuq seveicujyi sevei doxhab, coicaenh cwngdangj gvanhaeh、minzcuz gvanhaeh、cunghgyau gvanhaeh、gaihcwngz gvanhaeh、beixnuengx ndawguek rogguek gvanhaeh ndaej huzndei, gyamaenh daengx guek gak cuz yinzminz doxgiet, hawj ndawguek rogguek gyoengq lwglan Cunghvaz doxgiet dangqmaz.

  (Sam) Gyavaiq hwnqguh aeu vunzcaiz daeuj sawj guek ak. Haeujlaeg hengzguh aen canloz sien fazcanj vunzcaiz, doicaenh gaijgwz aen dijci vunzcaiz fazcanj caeuq cwngcwz cauhmoq, cauxbaenz gij vunzcaiz cidu ndei bwhmiz gozci gingcwnghliz.

  Doidoengh vunzcaiz gezgou guh yiengh canloz diuzcingj, doedok gij daujyiengq “sang cing soem giep”, hengzguh aen gunghcwngz hungnaek ganq vunzcaiz, yunghsim bae fatyienh、gungganq、ciucomz canloz gohyozgyah、vunzcaiz gohgi lingxdaeuz、vunzcaiz giyezgyah、vunzcaiz gisuz akrem. Hengzguh gij cwngcwz engq soeng de bae yinxhaeuj vunzcaiz cauhmoq, gyahung rengzlig yinxhaeuj gij vunzcaiz gaenjyungh giepnoix haenx, ciucomz vunzcaiz maenhak lajmbwn daeuj yungh. Hawj cwngfuj gij cozyung dazyinx douzhaeuj, gujli giyez、gauhyau、gohyenz yensoj、sevei cujciz、gagboux daengj miz bouhloh bae caeuqfaenh haifat vunzcaiz swhyenz caeuq yinxhaeuj vunzcaiz.

  Guhndei boiqceiq vunzlig swhbwnj, cawzbae gij gitgaz vunzcaiz haeujok, daezsang ndawbiengz vunzcaiz ndaej vangraeh riuzdoengh. Caezcienz gij guhfap bingzgyaq gikleih caeuq gij dijhi baujcang fugsaeh vunzcaiz, dajcauh aen biengz ndei hawj bouxboux cungj ndaej baenz vunzcaiz caeuq gij caiznaengz bouxcoz vunzcaiz ndaej mauh okdaeuj, laebcaez gij cwngcwz dijhi hawj vunzcaiz maij daengz caengzlaj、diegbaihsae dieggyang bae.

  (Seiq) Yungh fapceih swhveiz caeuq fapceih fuengsik bae doidoengh fazcanj.Yiemzhengz fapceih dwg gij iugouz gyaeuhmiz fazcanj seveicujyi hawciengz ginghci. Itdingh aeu genhciz ciuqfap gaemgienz, cienzmienh daezsang gij naengzlig caeuq suijbingz aen Dangj ciuq yenfaz faplwd guenj guek leix cwng、ciuq fapgvi ndaw dangj guenj dangj ceih dangj.

  Gyarem aen Dangj bae lingjdauj hong laebfap. Gyavaiq laeb gij fap aen lingjyiz youqgaenj de, genhciz laeb gaij feiq gej caez guh, haeujlaeg doicaenh gohyoz laebfap、minzcuj laebfap, gyavaiq cauxbaenz gij faplwd gveihfan dijhi caezcienz haenx.

  Roengzrengz hwnqguh fapceih cwngfuj, ciuqfap laebdingh gienzlig、dawzyungh gienzlig、hanhhaed gienzlig、gamduk gienzlig, ciuqfap gamhanh caeuq ceihleix ginghci, doihengz gyoebhab caepfap, guhdaengz cwngfuj hozdung cienzmienh nabhaeuj diuzloh fapceih. Haeujlaeg bae gaijgwz swhfaz dijci, aeueiq swhfaz gveihliz, coicaenh goengcingq dawzfap, caezcienz gij dawzfap baujcang gienzleih、gij swhfaz gamduk gienzlig haenx. Hungzyangz gij cingsaenz seveicujyi fapceih, demlai daengx biengz daegbied dwg gyoengq vunz guh hongsaeh guekgya, engqgya aeu miz gij gvanhnen gingqfap hagfap soujfap yunghfap haenx, youq daengx biengz cauxbaenz yiengh fapceih rumzheiq caeuq fapceih sibgvenq ndei he.

  (Haj) Gyaak caeuq cauhmoq ceihleix ndawbiengz. Hwnqguh aen Cungguek anonj, caezcienz aen dijci ceihleix ndawbiengz aeu dangjveij lingjdauj、cwngfuj yinxguh、ndawbiengz caezguh、vunzlaiz caeuqfaenh、fapceih baujndei haenx, doicaenh sevei ceihleix bienqbaenz youh saeq youh cinj, gapbaenz aen gwzgiz ceihleix ndawbiengz cungqvunz caezlaeb caezyiengj. Laebcaez aen gihci gangjok leih’ik、hezdiuz leih’ik、baujhoh leih’ik, dazyinx cungqvunz ciuqfap hengzyungh gienzleih、gangjok lwnhgouz、gaijgez cengnauh. Gyaak aen goengnaengz fugsaeh segih, guhbaenz yiengh cwngfuj ceihleix caeuq ndawbiengz diuzcez、gihminz gagguenj dox lienzdoengh ndei neix.

  Lai roengzrengz hwnqguh gij giekdaej cidu ceihleix ndawbiengz, laebhwnj guekgya yinzgouj giekdaej sinsizgu、daengx biengz caezcaemh saenqyungh daimaj cidu caeuq doxgven caenmingz hwnjbouh cidu, caezcienz aen dijhi ndawbiengz saenqyungh, laebcaez ndawbiengz gij dijhi fugsaeh simleix caeuq aen gihci deudoeng dazyinx、aen gihci camguenj goekhux.

  Caezcienz gij dijci gihci ndaej gyoebhab ceihleix cianh ndawbiengz, aeu sinsizva guh dingjcengj,gyavaiq hwnqguh aen dijhi laebdaej fuengzgaem cianh ndawbiengz, hwnqguh aen giekdaej bingzdaiz gyoebhab fugsaeh guenjleix.Doeksaed yiengh cidu youq mwh gezcwz hungnaek, bingzguj gij fungyiemj ndawbiengz onjdingh haenx, caezcienz aen gihci gyoebhab baizcaz yawhgingj caeuq yienqcoih vaqgaij mauzdun ndawbiengz, gyagiengz caeuq gaijndei gij hong saenqfuengj caeuq yienqcoih, mizyauq fuengzre caeuq vaqgaij mauzdun cengnauh. Yiemzmaed fuengzre、ciuqfap fadceih gij hozdung famhfap famhcoih, henhoh cizsi ndawbiengz.

  Laeb maenh gij gvanhnen ancienz fazcanj, genhciz dawz leih’ik yinzminz dangguh gij ceiq sang, gyarem gyauyuz daengxcungq vunzbiengz seizseiz louzsim ancienz, laebcaez gij dijhi goenggungh ancienz. Caezcienz caeuq doeksaed ancienz swnghcanj cwzyin caeuq guenjleix cidu, saedhengz dangj cwng caezdawz cwzyin、aen gangj song yiengh cizcwz、oksaeh gyaepcaz cwzyin, lailai bae fuengzre ceihgoek, gaijgwz gij cidu ancienz bingzsaemj, laebcaez gij guhfap yawhgingj dingjhaen, gyalai rengzlig bae gamguenj caepfap, gibseiz baizcaz vaqgaij ancienz huxndumj, genhgez naenxhaed gij seiqdaeuz yaepcawz fatseng ancienz saehhux gig hung haenx. Hengzguh aen gunghcwngz vih ancienz vanzbauj cix buensenj vayozbinj yungyiemj caeuq vagungh giyez swnghcanj、diegcang yocuengq haenx, gyarem hwnqguh gij goekdaej naengzlig ancienz swnghcanj caeuq gij naengzlig fuengzcai gemjcai, caencingq henhoh yinzminz sengmingh caizcanj ancienz.

  Gaemdawz gij gvanhnen guekgya daengxbuenz ancienz, hengzguh aen ancienz canloz guekgya, doeksaed gij guekgya ancienz cwngcwz ndaw lingjyiz youqgaenj, caezcienz gij cidu saemjcaz guekgya ancienz, caezcienz yiengh ciuqfap ceihleix guekgya ancienz, dinghlaeb guekgya ancienz dijhi. Ciuqfap yiemzmaed fuengzre caeuq yiemzhaenq dwkceih gij hozdung digdoiq seiqlig iemqhaeuj maeuzfanj buqvaih、gij hozdung nauhluenh dwglau haihvunz、 gij hozdung minzcuz faenmbek、gij hozdung gizdonh cunghgyau, genhgez henhoh guekgya cwngci、ginghci、vwnzva、ndawbiengz、saenqsik、gozfangz daengj ancienz.

  (Roek) Saedbauj gij moegbiu yinvu “13? 5”gveihva doekdingh daengzgiz. Ceiqdingh “13? 5”gveihva ganghyau caeuq cienhangh gveihva, aeu genhgez gvancez gij gezcwz baijbouh Dangjcunghyangh, doeksaed gij fazcanj gvanhnen、cujyau moegbiu、yinvu giznaek、guhfap youqgaenj aen genyi neix dinghcinj haenx. Gak dieg aeu daj saedsaeh hwnjdin, ceiqdingh “13? 5”gveihva dieg bonjfaenh. Gak gaep gak loih gveihva aeu demgya doekdingh gij cijbyauh fanjyingj yiengh fazcanj leixniemh cauhmoq、doxngamj、loegsaek、hailangh、caezyiengj haenx, demgya gij cijbyauh ndaej gaemhanh cwngfuj hengzguh cizcwz haenx, dawz doengh hangh gezcwz baijbouh youz cienzhoih dinghcinj haenx doekdingh daengzgiz.

  Saedyienh gij fazcanj moegbiu mboengq “13? 5”, baihnaj ronghsag, yinvu naekcaem. Daengx dangj daengx guek gak cuz yinzminz itdingh engqgya gaenjmaed doxgiet youq seiqhenz aen Dangjcunghyangh aeu Siz Ginbingz dungzci guh cungjsuhgi haenx, bouxboux caemhsim, haenqrengz buekguh, caezcaemh duedaeu gij swngli hungmbwk mboengq gietdingh cienzmienh laebbaenz aen biengz siujgangh!Aen Gangjmingz Gvendaengz《Cunghgung Cunghyangh Aen Genyi GvendaengzCeiqdingh Gozminz Ginghci Caeuq Sevei FazcanjDaih Cibsam Aen Haj Bi Gveihva》Siz Ginbingz

  Cunghyangh Cwngcigiz dak gou,seizneix,gou cimdoiq gij cingzgvang mizgven dajgauj 《Cunghgung Cunghyangh Aen Genyi Gvendaengz Ceiqdingh Gozminz Ginghci Caeuq Sevei Fazcanj Daih Cibsam Aen Haj Bi Gveihva》 yiengq cienzhoih guh gangjmingz.

  It、Gij Ginggvaq Dajgauj Aen Genyi

  “13?5” seizgeiz dwg mboengq gietdingh cienzmienh laebbaenz aen biengz siujgangh、saedyienh gij moegbiu buekguh “song aen it bak bi” aen Dangj raeuz doekdingh ndawde gij moegbiu buekguh daih’it aen bak bi.Ceiqdingh caeuq saedhengz ndei aen genyi “13?5” gveihva,gangjmingz gij canloz eiqdoz dangj caeuq guekgya,mingzbeg doekdingh gij cijdauj swhsiengj、gihbwnj yenzcwz、moegbiu iugouz、gihbwnj leixniemh、guhfap hungnaek fazcanj,veh ndei aendoz baezlaeng 5 bi guekgya fazcanj,gvanhaeh daengz aen canloz baijbouh cienzmienh laebbaenz aen biengz siujgangh、cienzmienh haeujlaeg gaijgwz、cienzmienh ciuqfap ceihleix guekgya、cienzmienh coengz yiemz ceihleix dangj ndaej mbouj ndaej boiqhab ndei dwk doicaenh baenaj,gvanhaeh daengz guek raeuz ginghci sevei lienzdaemh cangqak fazcanj,gvanhaeh daengz seveicujyi yendaiva gensez daihbuenz.

  Vihneix,bineix 1 nyied,Cunghyangh Cwngcigiz gietdingh,aen Dangj Cibbet Gaiq Haj Cung Cienzhoih saemjlwnh aen genyi “13?5” gveihva,laebhwnj aen cuj dajgauj vwnzgen,youz gou dang cujcangj,Lij Gwzgyangz dungzci、Cangh Gauhli dungzci dang fucujcangj,mizgven bouhmonz caeuq deihfueng fucwz dungzci camgya,youz Cunghyangh Cwngcigiz Cangzveijvei lingjdauj raphwnj gij hong dajgauj genyi.

  1 nyied 28 hauh,Dangjcunghyangh fatok 《Gij Sawdaengq Gvendaengz Camaeu Gij Yigen Aen Genyi “13?5” Gveihva Dangj Raenz Cibbet Gaiq Haj Cung Cienzhoih Yaek Yenzgiu De》,youq aen gvaengh daegdingh ndaw Dangj camaeu yigen caeuq genyi.2 nyied 10 hauh,aen cuj dajgauj vwnzgen hai daih’it baez daengxcungq veiyi,cingqsik haiguh gij hong dajgauj genyi.

  Daj gij yigen gak fuengmienh hoizdauq daeuj yawj,caezgya doengzcaez nyinhnaeuz,aen Dangj Cibbet Gaiq Haj Cung Cienzhoih cungdenj yenzgiu gij vwndiz aen genyi “13?5” gveihva caemhcaiq daezok genyi,doiq genhciz caeuq fazcanj aen seveicujyi miz daegsaek Cungguek,saedyienh gij moegbiu buekguh “song aen it bak bi” 、saedyienh aen loqsiengj Cungguek Cunghvaz Minzcuz daih fukhwng,miz yiyi cibfaen youqgaenj.Cunghab buenqduenh,“13?5” seizgeiz guek raeuz fazcanj vanzlij cawqyouq aen seizgeiz ndaej yingjyangj daihbuenz hungnaek youh gyaelaeg guh ndaej daihsaeh ndeu,hoeng aen seizgeiz ndaej yingjyangj daihbuenz hungnaek youh gyaelaeg neix neihanz bienqvaq laegdaeuq,guek raeuz fazcanj geiq bungzdaengz haujlai diuzgen mizleih,hix bungzdaengz mbouj noix fungyiemj、nanzdaez.Caezgya gvangqlangh maqmuengh,doenggvaq ceiqdingh genyi mingzbeg doekdingh “13?5” seizgeiz guek raeuz ginghci sevei fazcanj gij roennaemj、moegbiu ceiq youqgaenj de,daegbied dwg aeu fazcanj leixniemh moq bae doidoengh fazcanj,daezok di canloz hungnaek、gunghcwngz hungnaek、guhfap hungnaek miz gij singqcaet geiqhauh de,roengzrengz gaijgez gij vwndiz doedyienh caeuq giz mbangnyieg yienhda de,saedbauj ciuqseiz cienzmienh laebbaenz aen biengz siujgangh,baujciz ginghci sevei lienzdaemh cangqak fazcanj.Aen cuj dajgauj vwnzgen youq ndaw dajgauj,cungfaen ngeixnaemj、nyinhcaen supaeu le gij yigen caeuq genyi gak fuengmienh.

  Aen cuj dajgauj vwnzgen laebbaenz 9 ndwen lai daeuj,haeujlaeg haiguh ciendaez diucaz yenzgiu,gvangqlangh cam’aeu gak fueng yigen,lai baez hai hoih daujlun coihgaij.Gaengawq gij gietdingh Cunghyangh Cwngcigiz veiyi,7 nyied daej,faenh gauj genyi fat hawj aen gvaengh daegdingh ndaw dangj camaeu yigen,baudaengz yiengq bouhfaenh dungzci lauxgeq ndaw Dangj cam’aeu yigen,lij cienmonz yiengq boux fucwz minzcuj dangjbai cunghyangh、Daengx Guek Gunghsanghlenz caeuq boux okmingz mbouj miz dangjbai de cam’aeu yigen dem.Ndawde,Cunghyangh Cwngcigiz Cangzveijvei hai le 3 baez hoih、Cunghyangh Cwngcigiz hai 2 baez hoih faenbied saemjlwnh faenh gauj genyi neix. Daj gij yigen hoizdauq de daeuj yawj,gak digih gak bouhmonz cungfaen haengjdingh le faenh gauj genyi neix.Caezgya doengzcaez nyinhnaeuz,faenh gauj genyi daejyienh le aen canloz baijbouh “seiq aen cienzmienh” caeuq aen cungjdaej baijbouh “haj fueng itdaej”,fanjyingj le aen Dangj Cibbet Daih doxdaeuj gij gezcwz baijbouh Dangjcunghyangh,swnhhab le gij iugouz gyaeuhmiz yiengh cangzdai moq guek raeuz ginghci fazcanj,gij swhsiengj、gij canloz、gij yawhcaek caeuq gij dazyinx de gig rem. Faenh gauj genyi daezok gij fazcanj leixniemh cauhmoq、 doxngamj、 loegsaek、hailangh、caezyiengj haenx,youq lijlun caeuq saedguh fuengmienh miz cungbyoengq moq,doiq buqgej fazcanj nanzdaez、demgiengz fazcanj doenghlig、gyalaeg cwkrom gij seiqndei fazcanj miz yiyi dazyinx youqgaenj. Faenh gauj genyi genhciz aeu gaijgez vwndiz guh fuengyiengq,comz youq gij vwndiz doedyienh de caeuq giz mbangnyieg yienhda de,hoizwngq gij iugouz caeuq maqmuengh cungqvunz,daezok baenzroix canloz hungnaek caeuq guhfap youqgaenj moq,doiq baujciz ginghci sevei lienzdaemh cangqak fazcanj miz doidoengh cozyung youqgaenj.

  Youq ndaw cam’aeu yigen,gak fuengmienh daezok le haujlai yigen caeuq genyi ndei,miz geij aen fuengmienh ceiq youqgaenj lajneix.It dwg genyi doiq aen seizgei caeuq gij nanzdaez “13?5” seizgeiz guek raeuz fazcanj bungzdaengz guh gij faencek gvinab engqgya haeujlaeg caeuq engqgya yawjgyae.Ngeih dwg genyi caenh’itbouh doedyienh gij minzseng cijbyauh cungqvunz gvangqlangh gvansim de, lumjbaenz couhnieb、gyauyuz、sebauj、ranzyouq、ywbingh daengj.Sam dwg genyi cadawz aen seizgei lwnz gohgi gwzming moq neix daiqdaeuj,comz swhyenz ndeimaenh daengz cungdenj lingjyiz bae,liggouz youq aen fuengmienh gisuz ceiq youqgaenj de aeundaej cungbyoengq.Seiq dwg genyi caenh’itbouh daezsang gij faenhliengh yiengh cijbyauh loegsaek youq ndaw cienzbouh cijbyauh “13?5” gveihva soj ciemq haenx,dawz baujcang yinzminz ndangcangq caeuq gaijndei vanzging caetliengh dangqguh aen cijbyauh bietdingh aeu dabdaengz youh miz gamhanh de.Haj dwg genyi yawjnaek coicaenh fueng dieg mbouj gaenh haij daegbied dwg fueng dieg cungqgyang fueng dieg baihsae doiqrog hailangh.Roek dwg genyi engqgya yawjnaek doenggvaq gaijndei ngeih baez faenboiq coicaenh sevei goengbingz,mingzbeg doekdingh gij cwngcwz guhfap cingcinj banggungz、cingcinj duetgungz,yungh swhyenz goenggungh engq lai bae laeb caezcienz sevei baujcang dijhi. Cunghyangh naeuz hawj aen cuj dajgauj vwnzgen nyinhcaen yenzgiu caeuq supaeu gak fuengmienh yigen nem genyi.Aen cuj dajgauj vwnzgen cienzmienh conzgyonj、cug diuz faensik gak fuengmienh yigen caeuq genyi,guh daengz le gij ndaej supsou de couh caenhliengh supsou. Ngeih、 Faenh Gauj Genyi Gij NgeixnaemjCeiq Youqgaenj De Caeuq Aen Gvaenghgaq Daihdaej De

  Dajgauj aen genyi neix,cungfaen ngeixnaemj le aen seiqdaeuz caeuq gij iugouz “13?5” seizgeiz guek raeuz ginghci sevei fazcanj.

  Daih’it,“13?5” gveihva dangguh daih’it aen haj bi gveihva guek raeuz ginghci sevei fazcanj haeuj daengz yiengh cangzdai moq,bietdingh aeu swnhhab yiengh cangzdai moq、dawz ndei yiengh cangzdai moq、dazyinx yiengh cangzdai moq.Youq yiengh cangzdai moq neix,guek raeuz ginghci fazcanj biujyienh ok vaiqmenh bienqvaq、gezgou youhva、doenghlig cienjvuenh sam daih daegdiemj,demmaj vaiqmenh aeu daj haemq vaiq cienj yiengq loq vaiq,fazcanj fuengsik aeu daj yiengh gouz hung gouz vaiq cienj yiengq yiengh gouz caetliengh yauqlwd,diuzcingj ginghci gezgou aeu daj cujyau baengh demgya soqliengh gyadaih swnghcanj naengzlig cienj yiengq diuzcingj gij soqliengh yienh miz、guh ndei dem soq caez banh,fazcanj doenghlig aeu daj cujyau baengh swhyenz caeuq lauzdungliz cingzbonj daemq daengj yausu douzhaeuj cienj yiengq cauhmoq doidoengh.Doengh gij bienqvaq neix mbouj aenvih eiqceiq bouxvunz cix bienqvaq,dwg guek raeuz ginghci fazcanj gaihdonsing daegcwng bietyienz iugouz yienghneix guh.Ceiqdingh aen genyi “13?5” seizgeiz ginghci sevei fazcanj,bietdingh aeu naemj daengz doengh gij seiqdaeuz caeuq iugouz neix,ciuq gij cungjiugouz swnhhab yiengh cangzdai moq、dawz ndei yiengh cangzdai moq、dazyinx yiengh cangzdai moq bae guh canloz maeuzveh.

  Daihngeih,mienhdoiq ginghci sevei fazcanj seiqdaeuz moq、seizgei moq caeuq mauzdun moq、nanzdaez moq,maeuzveh “13?5” seizgeiz ginghci sevei fazcanj,bietdingh aeu laebhwnj fazcanj leixniemh moq,yungh fazcanj leixniemh moq bae dazyinx fazcanj hengzdoengh.Vunzgonq gangj:“leix dwg gij gvilwd gwzgvanh saehfaed gyaeuhmiz,bietdingh aeu ginggvaq gwzgvanh saehfaed guh hozdung, cij nyinhrox saehfaed gvilwd.” Fazcanj leixniemh dwg dazyinx fazcanj hengzdoengh,dwg gij doxgaiq guenj daengxbuenz、guenj gaenbonj、guenj fuengyiengq、guenj gyaeraez,dwg gyonjcomz daejyienh gij roennaemj fazcanj、fuengyiengq fazcanj、 giz yunghrengz fazcanj.Dawz ndei fazcanj leixniemh lo,couh ndei dingh moegbiu yinvu,gaen daeuj hix couh ndei dingh cwngcwz cosih.Vihneix,faenh gauj genyi daezok le gij fazcanj leixniemh cauhmoq、doxngamj、 loegsaek、hailangh、caezyiengj haenx,caemhcaiq aeu haj daih fazcanj leixniemh neix guh cawjsienq daengxbuenz baijbouh faenh gauj genyi.Aen haj daih fazcanj leixniemh neix,dwg gyonjcomz daejyienh “13?5” cigdaengz seizgeiz engq raez guek raeuz roennaemj fazcanj、fuengyiengq fazcanj、 giz yunghrengz fazcanj,hix dwg gyonjcomz daejyienh gaijgwz hailangh 30 lai bi daeuj guek raeuz fazcanj gingniemh,fanjyingj ok aen Dangj raeuz doiq fazcanj gvilwd guek raeuz miz nyinhrox moq.

  Daihsam,“13?5” gveihva dangqguh aen gveihva ceiqlaeng cienzmienh laebbaenz aen biengz siujgangh,bietdingh aeu dawzndaet giz mbangnyieg cienzmienh laebbaenz aen biengz siujgangh mizyouq haenx,youq fuengmienh bouj mbang siu nyieg lai yunghrengz. Lumjbaenz,gij vunzgungz lajmbanj duetgungz,couh dwg giz mbangnyieg doedyienh ndeu. Raeuz mbouj ndaej mbiengj ndeu senhbu laebbaenz le aen biengz siujgangh,lingh mbiengj lij miz geij cien fanh vunz gwndaenj suijbingz cawqyouq laj diuz sienqbiucinj banggungz,neix gawq yingjyangj daengz cungqvunz doiq cienzmienh laebbaenz aen biengz siujgangh muenxeiq cingzdoh,hix yingjyangj daengz gozci sevei doiq guek raeuz cienzmienh laebbaenz aen biengz siujgangh nyinhdoengz cingzdoh. Linghvaih,youq fazcanj ndawbiengz saehnieb、baujhoh swnghdai vanzging、baujcang yinzminz gwndaenj daengj fuengmienh hix mizyouq mbangj di mbangnyieg yienhda. Maeuzveh “13?5”seizgeiz ginghci sevei fazcanj,bietdingh aeu caenhrengz guhndei bouj mbang siu nyieg bien faenzcieng hung neix,roengzrengz daezsang aen cingzdoh boiqhab fazcanj caeuq doxdaengh fazcanj.

  Linghvaih,ngeixnaemj daengz doenggvaq aen genyi neix le,vanzlij aeu gaengawq genyi bae ceiqdingh “13?5” gveihva ganghyau,ndaw gyang song aen vwnzgen aeu miz faengoeng hableix. Ndigah,aen genyi youq neiyungz fuengmienh cungdenj dwg dinghlaeb fazcanj leixniemh,mingzbeg doekdingh gij fuengyiengq、roennaemj、yinvu youqgaenj、guhfap hungnaek fazcanj,mbangj di hong baijbouh gidij de cix louz hawj ganghyau bae gvidingh,yawhbienh engq ndei daejyienh caeuq fazveih gij hungzgvanhsing、canlozsing、cijdaujsing genyi.

  Youq ndaw dajgauj genyi,dou louzsim gaemdawz geij aen yenzcwz lajneix. It dwg genhciz aeu moegbiu guh fuengyiengq caeuq aeu gaijgez vwndiz guh fuengyiengq dox doengjit,gawq daj aen moegbiu cienzmienh laebbaenz aen biengz siujgangh de doenqdoi,roiok gij yinvu daengz geiz bietdingh aeu guhbaenz de,youh daj gij vwndiz gaenjbik aeu bae gaijgez de swnhdoi,mingzbeg doekdingh gij roenloh caeuq banhfap buqgej nanzdaez de.Ngeih dwg genhciz ndwn youq ndaw guek caeuq yawj doh daengx seiqgyaiq doengjit suenqveh,gawq aeu leixniemh moq、roennaemj moq、banhfap moq bae cawjdoengh habwngq caeuq gaenxmaenx dazyinx yiengh cangzdai moq ginghciz fazcanj,youh daj ndaw daengx seiqgyaiq ginghci lienzhaeh guh maeuzveh,yawjnaek daezsang gij naengzlig youq daengx seiqgyaiq fanveiz boiqceiq swhyenz.Sam dwg genhciz cienzmienh gveihva caeuq doedyienh cungdenj dox boiqhab,gawq aeu cienzmienh doicaenh ginghci gensez、cwngci gensez、vwnzva gensez、sevei gensez、swnghdai vwnzmingz gensez、doiqrog hailangh、gozfangz gensez caeuq aen Dangj gensez,youh aeu doedyienh gij hothoh buegnyieg caeuq gij lingjyiz nywnghlaeng,gyonjcomz gunggvan,daezok gij roennaemj guhndaej de caeuq gij guhfap hab saedsaeh de. Seiq dwg genhciz canlozsing caeuq cauhcozsing dox giethab,gawq giengzdiuh gveihva miz hungzgvanhsing、canlozsing、cijdaujsing,youh doedyienh gveihva miz rengzgamhanh caeuq ndaej dawzguh、ndaej genjcaz、ngaih bingzguj,guh daengz haw saed giethab.

  Youq gezgou fuengmienh,faenh gauj genyi faen sam vangq hung、bet bouhfaenh. Vahgonq caeuq daih’it、daihngeih bouhfaenh gapbaenz vangq daih’it,gvihaeuj gyoeblwnh. Daih’it bouhfaenh gangj gij hingzseiq caeuq cijdauj swhsiengj youq mboengq gietdingh cienzmienh hwnqguh aen biengz siujgangh ndaej mbouj ndaej doeksaed,cungjgez “12?5” seizgeiz gij cingzcik hungnaek guek raeuz fazcanj aeundaej,faensik “13?5” seizgeiz gij gihbwnj daegcwng guek raeuz fazcanj vanzging bwhmiz,daezok “13?5” seizgeiz guek raeuz fazcanj gij cijdauj swhsiengj caeuq gij yenzcwz bietdingh aeu ciuqsouj de. Daihngeih bouhfaenh gangj “13?5” seizgeiz gij cujyau moegbiu caeuq gihbwnj leixniemh guek raeuz ginghci sevei fazcanj,daezok gij moegbiu iugouz moq cienzmienh laebbaenz aen biengz siujgangh,daezok caemhcaiq gangjmingz le doengh aen fazcanj leixniemh cauhmoq、doxngamj、 loegsaek、hailangh、caezyiengj.

  Daihsam daengz daihcaet bouhfaenh gapbaenz vangq daihngeih,gvihaeuj faenlwnh,faenbied cimdoiq genhciz cauhmoq fazcanj、doxngamj fazcanj、loegsaek fazcanj、hailangh fazcanj、caezyiengj fazcanj guh gangjmingz caeuq baijbouh. Daihsam bouhfaenh gangj genhciz cauhmoq fazcanj、yunghrengz daezsang fazcanj caetliengh caeuq yauqik,daj gungganq doenghlig moq fazcanj、haigvangq hoenggan moq fazcanj、haeujlaeg hengzguh aen canloz yungh cauhmoq doidoengh fazcanj、daihlig doicaenh nungzyez yendaiva、cauxlaeb aen dijhi moq canjnieb、cauxlaeb aen dijci moq fazcanj、cauhmoq caeuq caezcienz hungzgvanh diuzgung fuengsik 7 aen fuengmienh bae guh. Daihseiq bouhfaenh gangj genhciz doxngamj fazcanj、yunghrengz cauxbaenz yiengh gezgou doxngamj fazcanj,daj doidoengh gak dieg doxngamj fazcanj、doidoengh singzmbanj doxngamj fazcanj、doidoengh vuzciz vwnzmingz caeuq cingsaenz vwnzmingz doxngamj fazcanj、doidoengh ginghci gensez caeuq gozfangz gensez yungzhab fazcanj 4 aen fuengmienh bae guh. Daihhaj bouhfaenh gangj genhciz loegsaek fazcanj、yunghrengz gaijndei swnghdai vanzging,daj coicaenh vunz caeuq swyenz huzndei caezyouq、gyavaiq hwnqguh cawjdaej gunghnwngzgih、doidoengh danqnoix sinzvanz fazcanj、cienzmienh mbaetyungh caeuq yauqlwd sang bae leihyungh swhyenz、gyarengz ceihleix vanzging、cukmaenh faj led baujhoh swnghdai ancienz 6 aen fuengmienh bae guh. Daihroek bouhfaenh gangj genhciz hailangh fazcanj、yunghrengz saedyienh gapguh caezhingz,daj caezcienz aen canloz baijbouh doiqrog hailangh、cauxbaenz aen dijci moq doiqrog hailangh、doicaenh hwnqguh “it rangh it loh”、gyalaeg diegndaw caeuq Gangj Au daiqlienz Daluz caeuq Daizvanh digih gapguh fazcanj、gaenxmaenx bae caeuqfaenh ceihleix seiqgyaiq ginghci、gaenxmaenx rapdawz gozci cwzyin caeuq yivu 6 aen fuengmienh bae guh. Daihcaet bouhfaenh gangj genhciz caezyiengj fazcanj、yunghrengz demlai gij vuenyungz yinzminz,daj demgya gunghawj goenggungh fugsaeh、hengzguh aen gunghcwngz gungnanz duetgungz、daezsang gyauyuz caetliengh、coicaenh couhnieb cauhnieb、sukiq souhaeuj cengca、laebhwnj aen sevei baujcang cidu engqgya goengbingz ndaej lienzdaemh de、doicaenh hwnqguh aen Cungguek cangqak de、coicaenh vunzding bingzyaenx fazcanj 8 aen fuengmienh bae guh.

  Daihbet bouhfaenh caeuq vahsat gapbaenz vangq daihsam. Daihbet bouhfaenh gangj gyagiengz caeuq gaijndei aen Dangj lingjdauj、 vih saedyienh “13?5” gveihva daezhawj gij baujcingq remrwd de,daj laebndei aen dijci gihci dangj raeuz lingjdauj hong ginghci sevei fazcanj、dungyenz cungqvunz doxgiet buekguh、gyavaiq hwnqguh aen guekak baengh vunzcaiz、yinhyungh fapceih swhveiz caeuq fapceih fuengsik doidoengh fazcanj、gyagiengz caeuq cauhmoq ndawbiengz ceihleix、saedbauj gij moegbiu yinvu aen genyi “13?5” gveihva doek daengz gizsaed 6 aen fuengmienh bae guh. Vahsat ciuheuh daengx dangj daengx guek gak cuz yinzminz caezgya itsim、ganhoj buekguh,youq mboengq gietdingh cienzmienh hwnqguh aen biengz siujgangh ndaej mbouj ndaej doeksaed de itcaez dued ndaej aen swngli hungmbwk. Sam、Geij Aen Vwndiz Aeu Cungdenj Gangjmingz De

  Faenh gauj genyi daezok le baenzloix fazcanj iugouz caeuq banhfap hungnaek moq. Gizneix,cimdoiq ndawde geij aen vwndiz guh genjyau gangjmingz.

  Daih’it,gvendaengz baujciz ginghci demmaj loq vaiq. Faenh gauj genyi daezok aen moegbiu baezlaeng 5 bi baujciz ginghci demmaj loq vaiq. Cujyau ngeixnaemj dwg,saedbauj daengz 2020 nienz saedyienh aen moegbiu ndaw guek swnghcanj cungjciz caeuq hawsingz lajmbanj gihminz moix vunz bingzyaenx souhaeuj beij 2010 nienz fan boix ndeu,bietdingh aeu baujciz aen demmaj suzdu yienghneix cij ndaej. Daj ndaw guek swnghcanj cungjciz fan boix ndeu daeuj yawj,2016 nienz daengz 2020 nienz ginghci moix bi bingzyaenx demmaj daejsienq aeu 65% doxhwnj. Daj singzmbanj gihminz moix vunz bingzyaenx souhaeuj fan boix ndeu daeuj yawj,2010 nienz hawsingz gihminz moix vunz bingzyaenx gij souhaeuj ndaej ceiyungh de caeuq lajmbanj gihminz moix vunz bingzyaenz cingh souhaeuj faenbied dwg 19109 maenz caeuq 5919 maenz. Daengz 2020 nienz fan boix ndeu,ciuq aen iugouz gihminz souhaeuj demmaj caeuq ginghci demmaj doengzbouh,“13?5” seizgeiz ginghci moix bi bingzyaenz demmaj ceiqnoix hix aeu dabdaengz 65%. Baujciz ginghci demmaj loq vaiq,doiq gaijndei yinzminz gwndaenj mizleih,ndaej hawj cungqvunz engqgya cietsaed gamjsouh daengz gij cwngzgoj cienzmienh laebbaenz aen biengz siujgangh. Riengz guek raeuz ginghci fazcanj haeuj daengz yiengh cangzdai moq,vaqgej swnghcanj naengzlig lw gvaqbouh、swnggaep gaijndei canjyez gezgou、saedyienh doenggvaq cauhmoq doidoengh fazcanj cungj aeu miz gij seizgan caeuq hoenggan daegdingh de,gij atlig ginghci roengzdaemq yienhda,baujciz demmaj ndaej haemq vaiq miz haujlai gunnanz. Ngeixnaemj daengz cingqyiengq dazyinx hawciengz yawhgeiz caeuq louz miz di diegyawz ndeu,youq gwnz giekdaej gyoebhab gak fuengmienh yigen,faenh gauj genyi daezok le aen moegbiu baujciz ginghci demmaj loq vaiq.

  Gij cujyau yenzgiu gihgou ndawguek rogguek gvangqlangh nyinhnaeuz,“13?5” seizgeiz guek raeuz ginghci moix bi bingzyaenz ndumj hamz miz demmaj beijlwd dwg 6%—7%.Gyoebhab hwnjdaeuj yawj,guek raeuz ginghci baezlaeng yaek baujciz demmaj 7% baedauq aiq guh ndaej daengz,hoeng bungzdaengz gij yinhsu mbouj doekdingh de hix haemq lai. Neix cix aenvih,youq daengzcog aen seizgeiz ndeu seiqgyaiq ginghci mouyiz demmaj yaek lienzdaemh unqnyieg,guek raeuz douzswh caeuq siufeiq aeuyungh demmaj cuengqmenh,cauxbaenz aen hawciengz hoenggan moq aeu miz aen gocwngz ndeu. Youq gij diuzgienh ginghci gezgou、gisuz diuzgen mbouj miz gaijndei yienhda baenzneix,ancienz gunghawj swhyenz、vanzging caetliengh、gemjbaiz gij heiq ranzraeuj daengj deng gamhanh engq daih,neix yaek atsuk aen hoenggan ginghci demmaj. Ginghci yinhhengz ndawde lij mizyouq gizyawz mbangj di fungyiemj,lumjbaenz gangganjliz sang lai、ginghci fungyiemj swnghwnj daengj,cungj hanhhaed le ginghci demmaj. Doengzseiz,gaenriengz ginghci cungjliengh mboujduenh dem hung,demmaj yaek doxwngq deng menh roengzdaeuj,neix dwg aen gihbwnj gvilwd ndeu.

  “13?5”seizgeiz guek raeuz fazcanj,gawq aeu yawj vaiqmenh,hix aeu yawj gij soqliengh demgya de,engq aeu yawj caetliengh,aeu roengzrengz saedyienh gij demmaj miz caetliengh、miz yauqik、mbouj miz gyaj、ndaej lienzdaemh de,yunghrengz youq ndaw cienjbienq ginghci fazcanj fuengsik、youhva ginghci gezgou、gaijndei swnghdai vanzging、daezsang fazcanj caetliengh caeuq yauqik de saedyienh ginghci demmaj.

  Daihngeih,gvendaengz gyavaiq daezsang gij beijlwd vunzding bouhhoh bienqhaeuj hawsingz. Gij beijlwd vunzding bouhhoh bienqhaeuj hawsingz cigsoh fanjyingj gij gengangh cingzdoh bienq hawsingz de. Gaengawq 《Guekgya Aen Gveihva Bienq Hawsingz Yienghmoq(2014—2020 Nienz)》 yawhcaek,2020 nienz gij beijlwd vunzding bouhhoh bienqhaeuj hawsingz yaek dabdaengz 45% baedauq. Ciuq 2013 nienz gij beijlwd vunzding bouhhoh bienqhaeuj hawsingz 35.9% geiqsuenq,moix bi bingzyaenz daezsang 1.3 aen bakfaendiemj,moix bi aeu cienj vunzhoh 1600 lai fanh boux. Seizneix,ciuq gij vunz ciengz youq de geiqsuenq,guek raeuz gij beijlwd bienqhaeuj hawsingz de gaenq yaek daengz 55%,gij vunz ciengz youq hawsingz de dabdaengz 7.5 ik boux. Vwndiz dwg 7. 5 ik boux neix bauhamz 2.5 ik boux nungzminzgungh guh cawjdaej daj baihrog daeuj ciengz youq haenx, gyoengqde youq hawsingz vanzlij mbouj ndaej bingzdaengj yiengjsouh gyauyuz、couhnieb fugsaeh、sevei baujcang、ywbingh、ranz baujcang daengj fuengmienh goenggungh fugsaeh,daiqdaeuj mbangj di ginghci sevei vwndiz fukcab.

  Faenh gauj genyi daezok gyavaiq daezsang gij beijlwd vunzding bouhhoh bienqhaeuj hawsingz,dwg aeu gyavaiq doeksaed aen moegbiu cunghyangh doekdingh hawj 1 ik baedauq nungzminzgungh caeuq gizyawz gyoengq vunz ciengz youq hawsingz de roengzhoh dinghyouq.1 ik vunz neix cujyau ceij gij vunz lwghag lajmbanj swnghag caeuq dangbing haeujsingz、gij nungzyez conjyiz yinzgouj youq hawsingz couhnieb caeuq dinghyouq 5 bi doxhwnj ndij daengx ranz senj haeuj haenx.

  Saedyienh 1 ik vunz roengzhoh hawsingz yiyi hungnaek. Daj gunghawj daeuj yawj,youq laj cungj cingzgvang aen cungjliengh gij vunz nienzgeij hab guhhong gemjnoix haenx,doiq onjdingh lauzdungliz gunghawj caeuq goekcienz cienzhong、gungganq yienhdaih canjnieb gunghyinz duivuj miz yiyi youqgaenj. Daj aeuyungh daeuj yawj,doiq gyadaih siufeiq aeuyungh、onjdingh fangzdicanj hawciengz、gyadaih hawsingz gihcuj sezsih caeuq gunghgung fuzvu sezsih douzswh miz yiyi youqgaenj.Saedyienh aen moegbiu neix,gawq doiq onjdingh ginghci demmaj mizleih,hix doiq coicaenh sevei goengbingz cingqngeih ndij huzndei onjdingh mizleih,dwg gij iugouz gyaeuhmiz cienzmienh siujgangh sevei hawj ndei engqlai vunz de. Neix couh iugouz gya rengz bae doeksaed gij cosih gaijgwz bouhhoh cidu,gyavaiq caezcienz mizgven boiqdauq cwngcwz,saedbauj aen moegbiu neix ndaej saedyienh.

  Daihsam,gvendaengz guek raeuz youq aen biucinj seizneix gij vunz gungzhoj lajmbanj saedyienh duetgungz、aen yienh gungzhoj cienzbouh duet mauh、gaijgez baenz rangh dieg cingjdaej gungzhoj. Gij vunz gungzhoj lajmbanj duetgungz dwg cienzmienh laebbaenz siujgangh sevei aen yinvu ceiq dwgrengz de.Aen biucinj duetgungz guek raeuz seizneix dwg nungzminz moix bi boux bingzyaenz cingh souhaeuj ciuq gij mboujbienq gyagwz 2010 nienz daeuj geiqsuenq dwg 2300 maenz,2014 nienz yienhgyaq duetgungz biucinj dwg 2800 naenz. Ciuq aen biucinj neix,2014 nienz bibyai daengx guek lij miz 7017 fanh vunz lajmbanj gungzhoj. Cunghab ngeixnaemj huqgyaq suijbingz caeuq gij yinhsu wnq,cugbi lawhmoq gij biucinj ciuq yienhgyaq geiqsuenq de. Gaengawq caeksuenq,danghnaeuz ciuq gij beijlwd moix bi demlai 6% bae diuzcingj,2020 nienz aen biucinj daengx guek duetgungz daih’iek dwg moix boux bingzyaenz cingh souhaeuj 4000 maenz. Baezlaeng,duetgungz biucinj daiqbiuj gij saedceij suijbingz haenx,daihgaiq ndaej dabdaengz gij gihbwnj suijbingz 2020 nienz cienzmienh laebbaenz biengz siujgangh soj iugouz de,ndaej laebdaeb caijyungh.

  Doenggvaq hengzguh aen gunghcwngz gunggeng duetgungz,saedhengz cingcinj banggungz、cingcinj duetgungz,aen moegbiu 7017 fanh bouxgungz lajmbanj duetgungz gojndaej guhbaenz. 2011 nienz daengz 2014 nienz,moix bi bouxgungz lajmbanj duetgungz faenbied dwg 4329 fanh、2339 fanh、 1650 fanh、1232 fanh. Vihneix,doenggvaq caijyungh gij cosih maenhrem、mizyungh,gij yinvu baezlaeng moix bi duetgungz 1000 fanh boux cix guh ndaej daengz dem. Gidij daeuj gangj,daengz 2020 nienz,doenggvaq canjnieb bangfuz,ndaej gaijgez 3000 fanh vunz duetgungz;doenggvaq conjyiz couhnieb,ndaej gaijgez 1000 fanh vunz duetgungz;doenggvaq senj diegyouq,ndaej gaijgez 1000 fanh vunz duetgungz,itgungh 5000 fanh vunz baedauq.Lij miz 2000 lai fanh bouxgungz vanzcienz saetbae roxnaeuz saetbae mbangj guhhong naengzlig haenx,ndaej doenggvaq cienzbouh nabhaeuj dihbauj cwgoemq fanveiz,saedyienh sebauj cwngcwz baujdaej duetgungz.

  Daihseiq,gvendaengz saedhengz buek guekgya gohgi hanghmoeg hunghaek ndeu caeuq youq ndaw cauhmoq lingjyiz hungnaek cujciz laebhwnj buek guekgya sizyensiz ndeu. Doeksaed gij canloz cauhmoq doinyoengx fazcanj,itdingh aeu dawz aen lingjyiz youqgaenj gij gohgi cauhmoq de baij youq aen diegvih engqgya doedok,hengzguh buek gohgi hanghmoeg hungnaek gvanhaeh daengz guekgya daengxbuenz caeuq gyaeraez ndeu. Neix gawq doiq guek raeuz youq gij lingjyiz canloz itdingh cengaeu haenx dwkbyoengq yiengh gizmen gvanhgen haedsim gisuz hungnaek deng vunz gaemhanh mizleih,engq doiq haibik gij canjnieb fazcanj fuengyiengq moq caeuq cungdenj lingjyiz moq、ganqfat diemj ginghci demmaj moq mizleih.2014 nienz 8 nyied,raeuz doekdingh aeu cagaenj hengzguh 16 aen guekgya gohgi cienhangh hungnaek gaenq miz haenx,caenh’itbouh comz rengz haeuj moegbiu、doedok cungdenj,gungroengz gij doengyungh sinhben ceiq maenhndei、cizcwngz denlu canghbei、gvanhdai yizdung dunghsin、gauhdangj sugung gihcangz、hwzdencan、cauhguh yw moq daengj gvanhgen haedsim gisuz,gyavaiq cauxbaenz geij aen canlozsing gisuz caeuq canlozsing canjbinj,ganqfat gij canjnieb ngamq hwng. Youq gwnz giekdaej neix,aeu 2030 nienz guh aen hothoh seizgan,caiq genj buek gohgi hanghmoeg hungnaek daejyienh guekgya canloz dajsuenq ndeu,caenhrengz ndaej miz cungbyoengq. Daj gij canloz aeuyungh engq gyaeraez hwnjdin,raeuz aeu genhciz hab guh couh guh, mbouj hab guh couh mbouj guh,youq hangzgungh fazdunggih、liengswj dunghsin、cinwngz dajcauh caeuq vunzgihgi、damqcaek mbwnsang haijlaeg、cungdenj caizliu moq、aenuk gohyoz、gengangh baujcang daengj lingjyiz caiq baijbouh buek gohgi hanghmoeg hungnaek daejyienh guekgya canloz dajsuenq ndeu dem. Gij hanghmoeg gaenq baijbouh caeuq gij hanghmoeg ngamq baijbouh de aeu cauxbaenz gij hidungj baijbouh lumj mbaeklae doxciep doxdam nei,youq gij diuzgienh hawciengz ginghci fazveih gij youhsi daengx guek dijci yienghmoq haenx,gyoebgyonj ligliengh、doxgap gunggvan,vih bin hwnj canloz giz ceiq sang、daezsang cunghab gingcwngh naengzlig guek raeuz、baujcang guekgya ancienz daezgung dingjcengj.

  Guek raeuz caeuq fatdad guekgya gij gohgi ginghci saedlig doxca de cujyau daejyienh youq cauhmoq naengzlig fuengmienh. Daezsang cauhmoq naengzlig,itdingh aeu dwk maenh gij vuzciz gisuz giekdaej gag guhcawj cauhmoq,gyavaiq laebhwnj aen cauhmoq giekdaej bingzdaiz aeu guekgya sizyensiz guh yinxlingx haenx. Guekgya sizyensiz gaenq baenz gaiq dak youqgaenj cujyau fatdad guekgya ciengjciemq gohgi cauhmoq giz ceiq sang,lumjbaenz Meijgoz Ahgung、Lozswhahlahmozswh、Lauzlunzswhbwzgwzli daengj guekgya sizyensiz caeuq Dwzgoz Haimujhozswh yenzgiu cunghsinh daengj,cungj dwg gij yenzgiu gihdi hopheux guekgya sawjmingh,ingbaengh hamj yozgoh、daih doxgap caeuq giengzdoh sang bae cihciz haiguh gapdoih cauhmoq haenx. Dangqnaj,guek raeuz gohgi cauhmoq gaenq haeuj daengz aen gaihdon moq aeu riengzlaeng guhcawj cienjyiengq riengzlaeng caeuq caemh buet、lingx buet doengzcaemh haenx,gaenj aeu guekgya moegbiu caeuq canloz aeuyungh guh dazyinx,liuqcinj gozci gohgi cenzyenz,baijbouh buek guekgya sizyensiz daejliengh engq hung、yozgoh doxca yungzhab、cunghab cizcwngz ndeu,youhva boiqceiq vunz caiz huq swhyenz,cauxbaenz aen gwzgiz moq guhdoih cauhmoq. Cujyau naemj daengz youq mbangj aen cauhmoq lingjyiz hungnaek cujciz laebhwnj buek guekgya sizyensiz ndeu,dajcauh giz diegsang gyonjcomz gij itlouz vunzcaiz ndawguek rogguek,cujciz gij doxgap gunggvan miz yinxlingx cozyung hungnaek de,gapbaenz gij gohgi cauhmoq saedlig daibyauj guekgya suijbingz、gozci doengzhangz nyinhdingh、youq gwnz gozci gangj ndaej ok bak haenx,baenz gij canloz cauhmoq ligliengh youqgaenj ciengjciemq giz diegsang gozci gohgi.

  Daihhaj,gvendaengz gyagiengz dungjcouz hezdiuz,gaijgwz caemhcaiq caezcienz gij ginhyungz gamguenj gvaenghgaq swnhhab yienhdaih ginhyungz hawciengz fazcanj haenx. Ginhyungz dwg gij haedsim yienhdaih ginghci,youq gig daih cingzdoh gwnzde yingjyangj engqlij gietdingh ginghci gengangh fazcanj. Yienhdaih ginhyungz fazcanj yienh ok gihgou cungjloih lai、cunghab ginghyingz gveihmoz hung、canjbinj gezgou fukcab、gaicawx deih、 hamjguek riuzdoengh vaiq、fungyiemj cienzok vaiq、yingjyangj fanveiz gvangq daengj daegdiemj. Gozci ginhyungz veizgih bauqfat le,cujyau guekgya cungj gyadaih ligdoh bae gaijgwz ginhyungz gamguenj dijhi,haedsim dwg daezsang gamguenj biucinj、gapbaenz gij rengzhab doxbouj gamguenj caeuq gij naengzlig cawqceq fungyiemj.

  Gaenh bi daeuj,gij ginhyungzyez guek raeuz fazcanj mingzyienj gyavaiq,cauxbaenz le ginhyungz gihgou dijhi lai yiengh、canjbinj gezgou dijhi fukcab、gaicawx dijhi saenqsikvaq、ginhyungz hawciengz engqgya hailangh,daegbied dwg cunghab ginghyingz seiqdaeuz yienhda. Neix doiq gij faennieb gamguenj dijci yienhhengz haenx daiqdaeuj nanzdaez hungnaek. Cibbet Gaiq Sam Cung Cienzhoih aen Dangj couh gyagiengz ginhyungz gamguenj daezok le gij gaijgwz yinvu guhndei gamguenj hezdiuz gihci haenx. Mboengq neix,gij fungyiemj mbangj dieg deihdeih loh okdaeuj haenx,daegbied dwg gaenhgeiz swhbwnj hawciengz fubfab haenqrem,gangjmingz gij gamguenj gvaenghgaq yienhhengz,miz gij dijcising mauzdun mbouj hab ginhyungzyez guek raeuz fazcanj,hix caiq baez daezsingj raeuz itdingh aeu doenggvaq gaijgwz baujcang ginhyungz ancienz,mizyauq bae fuengzre hidungjsing fungyiemj. Aeu genhciz hawciengzvaq gaijgwz fuengyiengq,gyavaiq laebhwnj gij ginhyungz gamguenj gvaenghgaq yienhhengz hab yienhdaih ginhyungz daegdiemj、dungjcouz hezdiuz gamguenj、mizrengz mizyauq haenx,souj ndei diuz daejsienq mbouj fatseng hidungjsing fungyiemj.

  Gozci ginhyungz veizgih fatseng doxdaeuj,cujyau ginghcidij cungj doiq gij ginhyungz gamguenj dijci de guh le gaijgwz hungnaek. Cujyau guhfap dwg dungjcouz gamguenj hidungj gij ginhyungz gihgou caeuq ginhyungz gungguj gunghswh youqgaenj de,daegbied dwg fucwz doiq doengh gij ginhyungz gihgou neix guh siujsim nyinhcaen guenjleix; dungjcouz gamguenj gij ginhyungz gihcuj sezsih youqgaenj de,baudaengz doengh gij ceihawj hidungj、cingsuenq gihgou、ginhyungz swhcanj daenghgeiq bangguenj gihgou youqgaenj de,henhoh ginhyungz gihcuj sezsih bingzonj gauhyau yinhhengz; dungjcouz fucwz ginhyungzyez cunghab dungjgi,doenggvaq soucomz gij soqgawq cwdoh ginhyungzyez,gyagiengz caeuq gaijndei ginhyungz hungzgvanh diuzgung,henhoh ginhyungz onjdingh.Doengh gij guhfap neix cungj cigndaej raeuz bae yenzgiu caeuq ciqyungh.

  Daihroek,gvendaengz saedhengz gij hengzdoengh gaemhanh aen cungjliengh caeuq giengzdoh nwngzyenz caeuq raemx swhyenz hauqsied、gensez yunghdieg daengj. Doicaenh swnghdai vwnzmingz gensez,gaijgez gij vwndiz swhyenz hanhhaed bienq gaenj、vanzging uqlah youqgaenj、swnghdai hidungj doiqvaq,itdingh aeu yungh mbangj di cosih haenqrem,caencingq cadawz saedcaih bae guh cijndaej mizyauq. Saedhengz gij hengzdoengh gaemhanh aen cungjliengh caeuq giengzdoh nwngzyenz caeuq raemx swhyenz hauqsied、gensez yunghdieg daengj,couh dwg hangh cosih haenqrem ndeu.Neix couh dwg gangj,gawq aeu gaemhanh cungjliengh,hix aeu gaemhanh gij giengzdoh danhvei ndaw guek swnghcanj cungjciz nwngzyenz hauqsied、 raemx swhyenz hauqsied、gensez yunghdieg. Hangh gunghcoz neix guhndei le,gawq ndaej mbaetyungh nwngzyenz caeuq raemx namh swhyenz,daj goekdaeuz gemjnoix huquqlah baizcuengq,hix ndaej dauqbik ginghci fazcanj fuengsik cienjbienq,daezsang gij ginghci fazcanj loegsaek suijbingz guek raeuz.

  “11?5” gveihva daih’it baez dawz danhvei ndaw guek swnghcanj cungjciz nwngzyenz hauqsied giengzdoh dangqguh gij cijbyauh hanhhaed,“12?5” gveihva daezok hableix gaemhanh nwngzyenz hauqsied cungjliengh. Seizneix yawj,yienghneix guh gawq dwg miz bizyau,hix dwg guh ndaej mizyauq. Gaengawq gij hingzseiq yiemzhaenq dangqnaj swhyenz vanzging bungzdaengz haenx,youq gwnz giekdaej laebdaeb saedhengz nwngzyenz siufeiq cungjliengh caeuq hauqsied giengzdoh caez gaemhanh haenx,raemx swhyenz caeuq gensez yunghdieg hix aeu saedhengz cungjliengh caeuq giengzdoh caez gaemhanh,dangqguh gij cijbyauh hanhhaed,laebhwnj moegbiu cwzyinci,hableix faengej lozsiz. Aeu yenzgiu laebhwnj cungj hawciengzvaq gihci sueng gaemhanh haenx,laebhwnj gij cidu yawhsuenq guenjleix、gij cidu gyau cienz sawjyungh caeuq guh gyauhyiz,engq lai yungh hawciengz soujduenh saedyienh aen moegbiu sueng gaemhanh haenx.

  Daihcaet,gvendaengz aen sawqdiemj damqra gij cidu saedhengz reihnaz lwnz ndaem dingz raeq. Ginggvaq ciengzgeiz fazcanj,guek raeuz haifat leihyungh reihnaz giengzdoh hung gvaqbouh,mbangj di deihfueng reihnaz swnghcanj naengzlig daeuqcei yiemzcungh,raemx namh laesaet、raemx lajdeih couyungh lai gvaqdoh、diegnamh doiqvaq、goek uqlah baenz benq gya naek gaenq bienqbaenz gij mauzdun doedok hanhhaed nungzyez ndaej lienzdaemh fazcanj de. Dangqnaj,ndaw guek haeuxgwn daenzcang demgya haemq lai, diuzrap boujdiep aencang cwkyo haemq naek.Doengzseiz,gozci hawciengz gyaqcienz haeuxgwn yied daeuj yied gyangqdaemq,hawciengz ndawguek rogguek gyaqcienz haeuxgwn sangdaemq doxbyonj mingzyienj. Leihyungh gij seizgei youq aen gaihdon mwhneix gij haeuxgwn gunghawj ndawguek rogguek hawciengz cukgaeuq neix,youq bouhfaenh digih saedhengz reihnaz lwnz ndaem dingz raeq,gawq doiq reihnaz ndaej hoizfuk caeuq fazcanj nem nungzyez ndaej lienzdaemh fazcanj mizleih,youh doiq bingzyaenx haeuxgwn gunggouz mauzdun、onjdingh nungzminz souhaeuj、gemjmbaeu caizcwng atlig mizleih.

  Saedhengz reihnaz lwnz ndaem dingz raeq cidu,guekgya ndaej gaengawq caizlig caeuq haeuxgwn gunggouz canggvang,cungdenj youq dieg raemx lajdeih baenz yiengh aenlaeuh lae bae、dieg cungginhsuz uqlah、 dieg swnghdai doiqvaq youqgaenj bae guh sawqdiemj,anbaiz itdingh menciz reihnaz yungh daeuj dingz raeq,doiq gyoengq nungzminz dingz raeq hawj bizyau haeuxgwn roxnaeuz ngaenzcienz bangbouj. Gaihcanj hangh sawqdiemj neix,aeu ndaej baujcang guekgya haeuxgwn ancienz caeuq mbouj yingjyangj nungzminz souhaeuj guh cenzdiz, dingz raeq mbouj ndaej gemjnoix reihnaz、gauj gij haifat mbouj gvi nungzyez、siunyieg nungzyez cunghab swnghcanj naengzlig,saedbauj youq seiz gaenjyungh haeuxgwn guhdaengz swnghcanj ndaej ok、gunghawj ndaej hwnj.Doengzseiz,aeu gyavaiq doidoengh nungzyez byaij okbae,demgya ndawguek nungzcanjbinj gunghawj. Reihnaz lwnz ndaem dingz raeq cingzgvang fukcab,aeu sien sawq damq bae guh.

  Daihbet,gvendaengz saedhengz gij cidu sengjgaep doxroengz vanzbauj gihgou gamcaek gamcaz caepfap cigsoh guenjleix. Swnghdai vanzging daegbied dwg daihheiq、raemx、diegnamh uqlah youqgaenj,gaenq bienqbaenz giz mbangnyieg doedyienh cienzmienh laebbaenz aen biengz siujgangh haenx. Niujcienj vanzging bienq rwix、daezsang vanzging caetliengh, dwg gij maqmuengh gaenjndiep guengjdaih yinzminz ginzcung,dwg “13?5” seizgeiz hangh gunghcoz youqgaenj itdingh aeu gig yawjnaek caemhcaiq cietsaed doicaenh ndeu.Gij deihfueng vanzbauj guenjleix dijci aeu gaiqvengq guhcawj yienhhengz de,sawj mbangj di deihfueng yawjnaek fazcanj yawjmbaeu vanzbauj、capfwngz vanzbauj gamcaek gamcaz caepfap,sawj vanzbauj cwzyin nanz ndaej doeksaed,miz fap mbouj ciuq、caepfap mbouj yiemz、famhfap mbouj caz yienhsiengq daihliengh mizyouq. Cunghab hwnjdaeuj,gij vanzbauj dijci yienhhengz miz 4 aen vwndiz doedok: It dwg nanz bae doeksaed gij cwzyin gamduk deihfueng cwngfuj caeuq gij mizgven bouhmonz de,ngeih dwg nanz bae gaijgez deihfueng baujhucujyi capfwngz vanzging gamcaek gamcaz caepfap,sam dwg nanz ndaej hab’wngq gij iugouz moq dungjcouz gaijgez gij vanzging vwndiz hamj gihyiz、hamj liuzyiz haenx,seiq dwg nanz ndaej gveihfan caeuq gyagiengz deihfueng vanzbauj gihgou duivuj gensez.

  Faenh gauj genyi daezok gij vanzbauj gihgou sengjgaep doxroengz gamcaek gamcaz caepfap cigciep guenjleix haenx,cujyau ceij sengjgaep vanzbauj bouhmonz cigciep guenjleix gij gamcaek gamcaz gihgou ndaw si(di) yienh,rapdawz gij ginghfei gyoengq vunz de caeuq gij gunghcoz de,gij vanzbaujgiz gaep si(di) saedhengz gij songcungz guenjleix dijci aeu sengjgaep vanzbaujdingh(giz) guhcawj haenx,gij vanzbaujgiz yienhgaep mbouj caiq dandog ndalaeb cix dangqguh gij baiqok gihgou aen vanzbaujgiz gaep si(di).Neix dwg hangh gaijgwz hungnaek cimdoiq gij vanzbauj guenjleix dijci guek raeuz guhok de,leih bae demgiengz gij dungjyizsing、genzveihsing、mizyauqsingq vanzging caepfap. Hangh gaijgwz neix aeu guh sawqdiemj ndaej baenz le cienzmienh doihai,ceng’aeu youq “13?5” seizgeiz guhbaenz gaijgwz yinvu.

  Daihgouj,gvendaengz cienzmienh saedhengz gij cwngcwz doiq gvanbaz ndeu ndaej seng song boux lwg.Dangqnaj,gij vunzding gezgou guek raeuz yienh’ok yiengh daegcwng lauxsouh lwg noix,gij vunz nienzgeij hab senglwg cix nyienh’eiq senglwg de mingzyienj gyangqdaemq,moix boux mehmbwk bingzyaenz seng lwg bouxsoq mingzyienj daemq gvaq gij suijbingz dingjlawh. Gij senglwg cawjdaej seizneix dwg gij vunz 80 nienzdaih doekseng、90 nienzdaih doekseng,gij senglwg gvanhnen gyoengqde bienqvaq lo,ciengx lwg cingzbonj hix gyalai lo,doengzseiz sevei baujcang suijbingz daezsang lo,ndawbiengz gij gvanhnen ciengx lwg fuengz laux haenx mingzyienj bienq nyieg,noix seng seng ndei gaenq bienqbaenz gij cawjlouz ndawbiengz senglwg gvanhnen.It fuengmienh,gaengawq diucaz,saedhengz gij cwngcwz gvanbaz miz boux ndeu dwg lwgdog ndaej seng song lwg haenx doxdaeuj,daengx guek miz 1100 lai fanh doiq gvanbaz hab cwngcwz diuzgen. Daengz bineix 8 nyied daej,gij vunz daezok cingjgouz seng song lwg de cij miz 169 fanh doiq,ciemq beijlaeh 15.4%. Lingh it fuengmienh,guek raeuz vunzding bienq geq seiqdaeuz yienhda,2014 nienz gij vunz 60 bi doxhwnj de ciemq gij bijcung cungjvunzding gaenq mauhgvaq 15%,gij bijcung vunzlaux sang gvaq seiqgyaiq bingzyaenz suijbingz,gij vunz 14 bi doxroengz de daemq gvaq seiqgyaiq bingzyaenz suijbingz,gij vunzding nienzlingz hab guhhong de hainduj cieddoiq gemjnoix,cungj seiqdaeuz neix lij caih laebdaeb roengzbae.Gijneix cungj doiq guek raeuz vunzding bingzyaenx fazcanj caeuq vunzding ancienz daezok le nanzdaez moq.

  Cienzmienh saedhengz gij cwngcwz doiq gvanbaz ndeu ndaej seng song boux lwg, ndaej doenggvaq caenh’itbouh cuengqok rengzndumj senglwg,gemjrwnh vunzding bienq geq atlig,demgya lauzdungliz gunghawj,coicaenh vunzding bingzyaenx fazcanj. Neix dwg gij banhfap hungnaek ndwn youq aen canloz gauhdu sawj Cunghvaz Minzcuz gyaeraez fazcanj bae coicaenh vunzding bingzyaenx fazcanj haenx. Guekgya Veigiveij daengj bouhmonz ginggvaq nyinhcaen caeksuenq,nyinhnaeuz saedhengz hangh cwngcwz neix guh ndaej doeng.

  Gak boux dungzci! Daujlun、coihgaij、doenggvaq “13?5” gveihva genyi,dwg gij cujyau yinvu baez cienzhoih neix. Guhndei hangh hong neix,doiq dazyinx bienceiq guekgya “13?5” gveihva ganghyau、yinxlingx “13?5” seizgeiz ginghci sevei fazcanj miz yiyi youqgaenj dangqmaz.Daihgya aeu cienzmienh dawzndei caeuq haeujlaeg roxyiuj gij moegbiu、leixniemh、yinvu、 banhfap genyigauj daezok haenx,nyinhcaen ngeixnaemj,haeujlaeg daujlun,daezok gij yigen caeuq genyi miz gensezsing,sawj genyigauj engqgya caezcienz. Doeklaeng,hawj raeuz doengz sim doengz daek、ok geiq ok rengz,doxcaez hai ndei baez cienzhoih neix.

Dozsiengq
亚洲自偷精品视频自拍