Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CUNGGUEK GUNGCANJDANGJ NDANGSEUQ GAGHAED CINJCWZ
CUNGGUEK GUNGCANJDANGJ GIJLIZ CAWQFAEN DIUZLAEH

  
【Cihsaw Hung’iq : hung rauh iq】  Dajyaenq
      

Cunghgung Cunghyangh Aen Dunghcih Gvendaengz Yaenqfat 《Cungguek Gungcanjdangj Ndangseuq Gaghaed Cinjcwz》

 ?。?015 nienz 10 nyied 18 hauh Cung fat 〔2015〕 30 hauh)



  Gak swngj、swcigih、cizyazsi dangjveij,cunghyangh gak buveij,guekgya gihgvanh gak buveij dangjcuj (dangjveij),gaijfangginh gak cungjbu、gak daih danhvei dangjveij,gak yinzminz donzdij dangjcuj:

  Aen 《Cungguek Gungcanjdangj Dangjyenz Lingjdauj Ganbu Ndangseuq Coengzcwng Geij Aen Cinjcwz》 2010 nienz 1 nyied Cunghgung Cunghyangh yaenqfat de, doiq coicaenh dangjyenz lingjdauj ganbu ndangseuq coengzcwng miz le cozyung youqgaenj. Cibbet Daih aen dangj doxdaeuj,buenxriengz gij sizcen cienzmienh coengzyiemz guenj dangj mboujduenh gyalaeg,aen cinjcwz neix gaenq mbouj ndaej vanzcienz hab`wngq aen sizcen moq cienzmienh coengzyiemz guenj dangj sihyau,dangj cunghyangh gietdingh guh coihdingh. Seizneix dawz aen 《Cungguek Gungcanjdangj Ndangseuq Gaghaed Cinjcwz》 (lajneix genjcwng 《Cinjcwz》)coihdingh gvaq neix yaenqfat hawj sou,cingj nyinhcaen ciuqei caephengz.

  《Cinjcwz》 gvancez gij cingsaenz Cibbet Daih caeuq Cibbet Gaiq Sam Cung、 Seiq Cung Cienzhoih aen dangj,genhciz ciuq gvi guenj dangj caeuq aeu dwz guenj dangj dox giethab, gaenjgaenj hopheux aen cawjdaez ndangseuq gaghaed,caiq gangj gij lijsiengj saenqniemh cunghcij、 conzdungj cozfungh ndei aen dangj, cungdenj youq laeb dwz, dwg dangj gaemgienz doxdaeuj daih`it bouh giekdaejsingq fapgvi youqgaenj gveihfan daengx dangj ndangseuq gaghaed gunghcoz genhciz cingqmienh cangdauj、 naj coh daengxcungq dangjyenz de,hawj gij gvidingh dangjcangh bienq gidij bae,daejyienh le gij sizcen cwngzgoj cienzmienh coengzyiemz guenj dangj, vih dangjyenz caeuq dangjyenz lingjdauj ganbu laebhwnj le aen biujcinj sang yawj ndaej raen、iet ndaej daengz ndeu,baijok le gij daudwz gyaepgouz sang vunz gungcanjdangj,doiq haeujlaeg doicaenh dangjfungh lenzcwng gensez caeuq fanj nduknaeuh doucwngh,gyagiengz ndaw dangj gamduk,ciengzlwenx baujciz aen dangj gij singciz senhcin caeuq seuqcingh,miz yiyi cibfaen youqgaenj.

  Gak gaep dangj cujciz aeu cietsaed dangrap caeuq doeksaed ndei gij cawjdaej cwzyin cienzmienh coengzyiemz guenj dangj, ca ndei 《Cinjcwz》 hagsib senhconz、 gvancez doeksaed,dawz gak hangh iugouz dik youq ndaw sim daengxcungq dangjyenz daegbied dwg dangjyenz lingjdauj ganbu. Gak gaep dangjyenz lingjdauj ganbu aeu fazveih gij cozyung guh yienghndei, aeu gij iugouz engq sang engq yiemz, daiqdaeuz hengzguh ndangseuq gaghaed gveihfan. Gyoengq dangjyenz aeu gyagiengz dangjsing siuhyangj,baujciz caeuq fazyangz gij conzdungj cozfungh ndei aen dangj, hawj ndangseuq gaghaed gveihfan baihndaw vaq youq ndawsim, baihrog bienqbaenz hengzdoengh,genhciz diuz “sienq sang” lijsiengj saenqniemh cunghcij,ciengzlwenx baujciz gij cwngci bonjsaek ndangseuq goengcingq vunz gungcanjdangj.

  《Cinjcwz》 daj 2016 nienz 1 nyied 1 hauh hainduj saedhengz,《Cungguek Gungcanjdangj Dangjyenz Lingjdauj Ganbu Ndangseuq Coengzcwng Geij Aen Cinjcwz》 doengzseiz siubae.

  Gak dieg gak bumwnz youq ndaw gocwngz caephengz 《Cinjcwz》 gij cingzgvang youqgaenj caeuq genyi de,aeu gibseiz baugau dangj cunghyangh.

  Cungguek Gungcanjdangj Ndangseuq Gaghaed Cinjcwz

  Cungguek Gungcanjdangj daengxcungq dangjyenz caeuq gak gaep dangjyenz lingjdauj ganbu itdingh aeu giendingh gij saenqniemh gungcanj cujyi lijsiengj caeuq yiengh sevei cujyi miz Cungguek daegsaek,itdingh aeu genhciz aen gaenbonj cunghcij itsim iteiq vih yinzminz fuzvu,itdingh aeu ciepswnj caeuq fazyangz gij conzdungj caeuq cozfungh ndei aen dangj,itdingh aeu gagrox gungganq gij daudwz cingzcauh gauhsang,roengzrengz hungzyangz gij conzdungj meijdwz Cunghvaz minzcuz,ndangseuq gaghaed,ciepsouh gamduk,ciengzlwenx baujciz gij singciz senhcin caeuq seuqcingh aen dangj.

  Dangjyenz Ndangseuq Gaghaed Gveihfan

  Daih 1 diuzgenhciz goeng sei faenmingz,sien goeng laeng sei,nyaenx sei hengz goeng.

  Daih 2 diuzgenhciz gingq seuq dingj nduk,seuqcengh guhvunz,seuqsak guhsaeh.

  Daih 3 diuzgenhciz naek giemh gaiq sai,ganhoj mbaetyungh,gaenxgiemh mbaetyaej.

  Daih 4 diuzgenhciz gwnhoj youq gonq,yiengjsouh youq laeng,gagnyienh fung`yen.

  Dangjyenz Lingjdauj Ganbu Ndangseuq Gaghaed Gveihfan

  Daih 5 diuz Ndangseuq coengzcwng,gagrox baujciz bonjsaek hoiqcungq yinzminz.

  Daih 6 diuz Ndangseuq yunghgienz,gagrox henhoh gaenbonj leih`ik yinzminz.

  Daih 7 diuz Ndangseuq lienh ndang,gagrox daezswng swhsiengj daudwz ginggai.

  Daih 8 diuz Ndangseuq guenj ranz,gagrox daiqdaeuz laebhwnj gyahfungh ndeimaenh.

  Cunghgung Cunghyangh Aen Dunghcih Gvendaengz Yaenqfat 《Cungguek Gungcanjdangj Gijliz Cawqfaen Diuzlaeh 》

 ?。?015 nienz 10 nyied 18 hauh Cung fat 〔2015〕 31 hauh)

  Gak swngj、swcigih、cizyazsi dangjveij,cunghyangh gak buveij,guekgya gihgvanh gak buveij dangjcuj (dangjveij),gaijfangginh gak cungjbu、gak daih danhvei dangjveij,gak yinzminz donzdij dangjcuj:

  Aen 《Cungguek Gungcanjdangj Gijliz Cawqfaen Diuzlaeh》 2003 nienz 12 nyied Cunghgung Cunghyangh yaenqfat de,doiq henhoh canghcwngz aen dangj caeuq gizyawz fapgvi ndaw dangj,yiemzsuk gijliz aen dangj daengj miz le cozyung youqgaenj. Cibbet Daih aen dangj doxdaeuj, buenxriengz hingzseiq fazcanj, aen diuzlaeh neix gaenq mbouj ndaej vanzcienz hab`wngq aen sizcen moq cienzmienh coengzyiemz guenj dangj sihyau,dangj cunghyangh gietdingh guh coihdingh. Seizneix dawz aen 《Cungguek Gungcanjdangj Gijliz Cawqfaen Diuzlaeh》 (lajneix genjcwng 《Diuzlaeh》) coihdingh gvaq neix yaenqfat hawj sou, cingj nyinhcaen ciuqei caephengz.

  《Diuzlaeh》 gvancez gij cingsaenz Cibbet Daih caeuq Cibbet Gaiq Sam Cung、 Seiq Cung Cienzhoih aen dangj, genhciz ciuq gvi guenj dangj caeuq aeu dwz guenj dangj dox giethab, hopheux gij iugouz diuz faexbien dangjgij, lied ok fumen cingdan, cungdenj youq laeb gvi, hawj gij gvidingh dangjcangh bienq gidij bae, veh ok diuz daejsienq dangj cujciz caeuq dangjyenz mbouj ndaej bungz de, doiq gvancez gij iugouz cienzmienh coengzyiemz guenj dangj, dawz gijliz caeuq gvigawj daengj youq baihnaj, cietsaed henhoh gij gienzvisingq、 yiemzsuksingq dangjcangh caeuq gizyawz fapgvi ndaw dangj,baujcingq gij lohsienq、fuengcim、cwngcwz、gezyi aen dangj caeuq faplwd fapgvi guekgya ndaej gvancez caephengz,haeujlaeg doicaenh dangjfungh lenzcwng gensez caeuq fanj nduknaeuh doucwngh,miz yiyi cibfaen youqgaenj.

  Gak gaep dangjveij (dangjcuj) aeu dangrap caeuq doeksaed ndei gij cawjdaej cwzyin cienzmienh coengzyiemz guenj dangj,aeu gij cingsaenz doiq saehnieb dangj caeuq dangjyenz、ganbu gig fucwz neix,cietsaed ca ndei 《Diuzlaeh》 hagsib senhconz、gvancez doeksaed,dawz gij gijliz aen dangj dik youq ndaw sim daengxcungq dangjyenz daegbied dwg dangjyenz lingjdauj ganbu. Aeu dawz yiemzsouj cwngci gijliz caeuq cwngci gvigawj ciengzlwenx baiz youq aen diegvih ceiq youqgaenj,doenggvaq yiemzsuk cwngci gijliz caeuq cwngci gvigawj daiqdoengh gizyawz gijliz yiemz hwnjdaeuj. Gak gaep gijveij (gijgenjcuj) aeu nyinhcaen hengzguh gij cizcwz gamduk caephengz gijliz cazdawz cwzyin,gyarengz cazcawq gij hingzveiz famh 《Diuzlaeh》,caenh`itbouh damqra laebhwnj gij gihci mizyauq mbouj gamj nduk、mbouj ndaej nduk、mbouj siengj nduk. Dangjyenz lingjdauj ganbu aeu caenndang guh yienghndei,daiqdaeuz demgiengz gij yisiz dangjcangh dangjgvi dangjgij,gamj bae dangrap、gamj nyinhcaen guh、gamj bae doucwngh,saedbauj dawz dangjcangh dangjgvi dangjgij doeksaed daengz dieg. Gyoengq dangjyenz aeu maenhmaenh laebhwnj gij yisiz dangjcangh dangjgvi dangjgij,yiemzgek ciuqsouj faplwd fapgvi guekgya,souj maenh diuz “daejsienq” dangjgij,gagrox guh yienghndei souj gijliz、gangj gvigawj.

  Gak gaep dangjveij (dangjcuj) caeuq gijveij (gijgenjcuj) aeu habseiz doiq 《Diuzlaeh》 saedhengz cingzgvang guh cienhangh genjcaz,saedbauj gak hangh gvidingh doek daengz diegsaed.

  Gak dieg gak bumwnz youq ndaw gocwngz caephengz 《Diuzlaeh》 gij cingzgvang youqgaenj caeuq genyi de,aeu gibseiz baugau dangj cunghyangh.

  Cungguek Gungcanjdangj Gijliz Cawqfaen Diuzlaeh

  Daih 1 Bien Cungjcwz

  Daih 1 Cieng Cijdauj Swhsiengj、Yenzcwz Caeuq Habyungh Fanveiz

  Daih 1 diuz Vih henhoh gij canghcwngz aen dangj caeuq gizyawz fapgvi ndaw dangj,yiemzsuk gijliz aen dangj,hawj cujciz aen dangj seuqcingh,baujcang gij minzcuj gienzleih dangjyenz,gyauyuz dangjyenz ciuq gij souj fap, henhoh aen dangj doxgiet dungjyiz,baujcingq gij lohsienq、 fuengcim、 cwngcwz、 gezyi aen dangj caeuq faplwd fapgvi guekgya ndaej gvancez caephengz,gaengawq 《Cungguek Gungcanjdangj Canghcwngz》,ceiqdingh aen Diuzlaeh neix.

  Daih 2 diuz Aen Diuzlaeh neix aeu Majgwzswh Lezningz Cujyi、Mauz Cwzdungh Swhsiengj、 Dwng Siujbingz Lijlun、 “Sam Aen Daibyauj” Cung`Yau Swhsiengj、Gohyoz Fazcanjgvanh guh dazyinx, haeujlaeg gvancez gij cingsaenz Siz Ginbingz cungjsuhgi baenzroix gangjvah youqgaenj,doeksaed aen canloz baijbouh cienzmienh coengzyiemz guenj dangj.

  Daih 3 diuz Dangjcangh dwg aen fapgvi ndaw dangj ceiq gaenbonj de,dwg gij cungj gvigawj guenj dangj ceih dangj. Gijliz aen dangj dwg gij hingzveiz gveihcwz gak gaep cujciz aen dangj caeuq daengxcungq dangjyenz itdingh aeu ciuqsouj de. Dangj cujciz caeuq dangjyenz itdingh aeu gagrox ciuqsouj dangjcangh,yiemzgek caephengz caeuq henhoh gijliz aen dangj,gagrox ciepsouh gijliz aen dangj hanhhaed, guh yienghndei bae ciuqsouj faplwd fapgvi guekgya.

  Daih 4 diuz Gij hong gijliz cawqfaen aen dangj wngdang genhciz gij yenzcwz lajneix:

 ?。?) Dangj aeu guenj dangj、coengzyiemz ceih dangj. Gyagiengz doiq gak gaep cujciz aen dangj caeuq daengxcungq dangjyenz guh gyauyuz、guenjleix caeuq gamduk,dawz gijliz daengj youq baihnaj,yawjnaek ca caeux ca iq.

 ?。?) Baihnaj dangjgij itlwd bingzdaengj. Doiq gij dangj cujciz caeuq dangjyenz famh dangjgij de itdingh aeu yiemzsuk、goengcingq caephengz gijliz, ndaw dangj mbouj cinjhawj miz aen dangj cujciz lawz caeuq boux dangjyenz lawz mbouj deng gijliz hanhhaed.

 ?。?) Ciuq saedceiq bae guh. Doiq dangj cujciz caeuq dangjyenz gij hingzveiz famh dangjgij de,wngdang aeu saedsaeh guh gaengawq, aeu dangjcangh、 gizyawz fapgvi ndaw dangj caeuq faplwd fapgvi guekgya guh sienqmaeg,cinjdeng nyinhdingh gij singciz famhgij,faenbied mbouj doengz cingzgvang,habdangq bae guh cawqleix.

 ?。?) Minzcuj cizcunghci. Hengzguh dangjgij cawqfaen,wngdang ciuq gvidingh cwngzsi ginggvaq dangj cujciz cizdij yaenglwnh gietdingh, mbouj cinjhawj boux goyinz lawz roxnaeuz siujsoq vunz gag gietdingh caeuq baecinj. Dangj cujciz gaepgwnz doiq gij dangj cujciz caeuq dangjyenz famh dangjgij haenx guh ok gij cawqleix gietdingh de,dangj cujciz gaeplaj itdingh aeu caephengz.

 ?。?) Gipsou sonhix、yw bingh gouq vunz. Cawqleix gij dangj cujciz caeuq dangjyenz famh dangjgij de, wngdang saedhengz ceihfad caeuq gyauyuz dox giethab, guh daengz soeng yiemz doxbouj.

  Daih 5 diuz Aen Diuzlaeh neix habyungh youq gij dangj cujciz caeuq dangjyenz famh dangjgij wngdang deng dangjgij cazdawz de.

  Daih 2 Cieng Famhgij Caeuq Gijliz Cawqfaen

  Daih 6 diuz Dangj cujciz caeuq dangjyenz gij hingzveiz famh dangjcangh caeuq gizyawz fapgvi ndaw dangj, famh faplwd fapgvi guekgya, famh dangj caeuq guekgya cwngcwz, famh sevei cujyi daudwz, sienghaih gij leih`ik dangj、 guekgya caeuq yinzminz de, ciuq gvidingh wngdang hawj gijliz cawqleix roxnaeuz cawqfaen ne, cungj itdingh aeu deng cazdawz.

  Daih 7 diuz Gij cungjloih doiq dangjyenz guh gijliz cawqfaen:

 ?。?)Gingjgau;

 ?。?)Yenzcung gingjgau;

 ?。?)Siubae cizvu ndaw dangj;

 ?。?)Louz dangj cazyawj;

 ?。?)Haicawz dangjciz.

  Daih 8 diuz Gij gijliz cawqleix cosih doiq gij dangj cujciz famh dangjgij youqgaenj de:

 ?。?)Gaijcuj;

 ?。?)Gaijsanq.

  Daih 9 diuz Dangjyenz deng gingjgau cawqfaen bi ndeu doekndaw、deng yenzcung gingjgau cawqfaen bi buenq doekndaw,mbouj ndaej youq ndaw dangj daezswng cizvu caeuq yiengq cujciz rog dangj doigawj dang gij cizvu rog dangj sang gvaq gij cizvu yienzlaiz de.

  Daih 10 diuz Gij cawqfaen siubae cizvu ndaw dangj, dwg naeuz siubae boux dangjyenz deng cawqfaen gij cizvu ndaw dangj youz ndaw dangj senjgij roxnaeuz cujciz nyaemhmingh de. Doiq boux youq ndaw dangj dang song aen doxhwnj cizvu de, dangj cujciz youq mwh guh ok cawqfaen gietdingh, wngdang mingzbeg doekdingh dwg siubae sojmiz cizvu roxnaeuz moux aen cizvu. Danghnaeuz gietdingh siubae de moux aen cizvu, itdingh aeu siubae aen cizvu ceiq sang de dang haenx. Danghnaeuz gietdingh siubae de song aen cizvu doxhwnj, cix itdingh aeu daj aen cizvu ceiq sang de dang haenx hainduj ciuq gonq laeng siubae. Doiq boux youq cujciz rog dangj dangnyaemh cizvu de,wngdang genyi cujciz rog dangj ciuq gvidingh guh ok doxwngq cawqleix.

  Doiq boux wngdang deng cawqfaen siubae cizvu ndaw dangj,hoeng bonjvunz mbouj miz dang cizvu ndaw dangj de,wngdang hawj de yenzcung gingjgau cawqfaen. Ndawde,youq cujciz rog dangj dangnyaemh cizvu ne,wngdang genyi cujciz rog dangj siubae gij cizvu rog dangj de.

  Dangjyenz deng gij cawqfaen siubae cizvu ndaw dangj,roxnaeuz ciuq gvanj gonq gvidingh deng yenzcung gingjgau cawqfaen ne, song bi doekndaw mbouj ndaej youq ndaw dangj dangnyaemh roxnaeuz yiengq cujciz rog dangj doigawj dangnyaemh gij cizvu caeuq yienzlaiz cizvu siengdang roxnaeuz sang gvaq gij cizvu yienzlaiz de.

  Daih 11 diuz Louz dangj cazyawj cawqfaen,faenbaenz louz dangj cazyawj bi ndeu、 louz dangj cazyawj song bi. Doiq gij dangjyenz deng louz dangj cazyawj cawqfaen bi ndeu de,rimgeiz le vanzlij mbouj hab gij diuzgen hoizfuk dangjyenz gienzleih ne, wngdang gyaraez aen geizhanh louz dangj cazyawj bi ndeu. Aen geizhanh louz dangj cazyawj ceiq raez mbouj ndaej mauhgvaq song bi.

  Dangjyenz deng louz dangj cazyawj cawqfaen geizgan,mbouj miz gienzbyaujgez、 gienzsenjgij caeuq gienz deng senjgij. Louz dangj cazyawj geizgan, caen miz gij biujyienh nyinh loeng gaij ndei ne,rimgeiz le hoizfuk gij dangjyenz gienzleih de; genhciz mbouj gaij roxnaeuz youh raen miz gizyawz gij hingzveiz famhgij wngdang deng dangjgij cawqfaen de ne,wngdang haicawz dangjciz.

  Dangjyenz deng louz dangj cazyawj cawqfaen, gij cizvu ndaw dangj de swhyienz siubae. Doiq boux dang cizvu rog dangj de, wngdang genyi cujciz rog dangj siubae gij cizvu rog dangj de. Gij dangjyenz deng louz dangj cazyawj cawqfaen de, hoizfuk dangjyenz gienzleih gvaqlaeng song bi doekndaw, mbouj ndaej youq ndaw dangj dangnyaemh roxnaeuz yiengq cujciz rog dangj doigawj dangnyaemh gij cizvu caeuq yienzlaiz cizvu siengdang roxnaeuz sang gvaq gij cizvu yienzlaiz de.

  Daih 12 diuz Dangjyenz deng haicawz dangjciz cawqfaen, haj bi doekndaw mbouj ndaej dauqcungz haeuj dangj. Lingh miz gvidingh mbouj cinj dauqcungz haeuj dangj ne, ciuq gvidingh.

  Daih 13 diuz Gij daibyauj gak gaep daibyauj daihhoih aen dangj deng louz dangj cazyawj doxhwnj (hamz louz dangj cazyawj) cawqfaen ne, dangj cujciz wngdang satdingz gij daibyauj swhgwz de.

  Daih 14 diuz Doiq gij lingjdauj gihgou aen dangj cujciz famh dangjgij youqgaenj、 bonjfaenh youh mbouj ndaej niujcingq de, wngdang guh gaijcuj. Doiq gij lingjdauj gihgou cwngzyenz aen dangj cujciz deng gaijcuj cawqleix de, cawzbae gij wngdang deng siubae cizvu ndaw dangj doxhwnj (hamz siubae cizvu ndaw dangj) cawqfaen de, cungj swhyienz mienx bae cizvu.

  Daih 15 diuz Doiq aen dangj cujciz daengxcungq roxnaeuz dingzlai dangjyenz famh dangjgij youqgaenj de, wngdang guh gaijsanq. Doiq gij dangjyenz ndaw aen dangj cujciz deng gaijsanq cawqleix de, wngdang cug boux guh saemjcaz. Ndawde, gij hab dangjyenz diuzgen de, wngdang dauqcungz daenghgeiq, caemhcaiq camgya aen cujciz moq gvaq gij swnghhoz aen dangj; gij mbouj hab dangjyenz diuzgen de, wngdang doiq de guh gyauyuz、 hanhgeiz gaijcingq, gij ginggvaq gyauyuz vanzlij mbouj cienjbienq de, hawj gienq doiq roxnaeuz cawzmingz; gij miz hingzveiz famhgij de, ciuq gvidingh guh cazdawz.

  Daih 3 Cieng Gij Yinhyungh Gveihcwz Gijliz Cawqfaen

  Daih 16 diuz Miz gij cingzhingz lajneix yiengh ndeu ne, ndaej coengzmbaeu roxnaeuz gemjmbaeu cawqfaen:

 ?。?)Cujdung gyaudaih bonjvunz gij vwndiz wngdang deng dangjgij cawqfaen de;

 ?。?)Genjgij boux caemh`anq roxnaeuz bouxwnq gij vwndiz wngdang deng dangjgij cawqfaen roxnaeuz faplwd cazdawz, ginggvaq cazcingq dwg caensaed de;

 ?。?)Cujdung gouqdauq sonjsaet、 siucawz yingjyangj mbouj ndei roxnaeuz mizyauq bae lanzdingz sienghaih gezgoj fatseng;

 ?。?)Cujdung gyau ok famhgij sojndaej;

 ?。?)Miz gij laebgoeng biujyienh wnq.

  Daih 17 diuz Gaengawq anqgienh daegbied cingzgvang, youz cunghyangh gijveij gietdingh roxnaeuz ginggvaq swngj (bu) gaep gijveij (mbouj hamz gij gijveij aen si fuswngjgaep) gietdingh caemhcaiq bauq hawj cunghyangh gijveij baecinj, doiq gij dangjyenz famhgij hix ndaej youq baihrog gij fukdoh cawqfaen aen Diuzlaeh neix gvidingh de gemjmbaeu cawqfaen.

  Daih 18 diuz Doiq dangjyenz famh dangjgij wngdang hawj gingjgau roxnaeuz yenzcung gingjgau cawqfaen, hoeng miz gij cingzhingz aen Diuzlaeh neix daih 16 diuz gvidingh de yiengh ndeu roxnaeuz ndaw fwnhcwz aen Diuzlaeh neix lingh miz gvidingh de, ndaej hawj baebingz gyauyuz roxnaeuz cujciz cawqleix, mienx hawj dangjgij cawqfaen. Doiq gij dangjyenz famhgij mienx hawj cawqfaen, wngdang guh ok sawmienh gietlwnh.

  Daih 19 diuz Miz gij cingzhingz lajneix yiengh ndeu ne, wngdang coengznaek roxnaeuz gyanaek cawqfaen:

 ?。?) Youq ndaw gocwngz cizcungh cwngjdun gijliz, mbouj souliemx、 mbouj daengxfwngz;

 ?。?)Giengzbik、 yukyon bouxwnq famhgij;

 ?。?)Gij aen Diuzlaeh neix lingh miz gvidingh de.

  Daih 20 diuz Daegdaengq famhgij deng cawqfaen le youh aenvih daegdaengq famhgij wngdang deng dangjgij cawqfaen ne, wngdang coengznaek cawqfaen.

  Dangjyenz famhgij deng dangjgij cawqfaen le, youh deng raen miz mwh caengz deng cawqfaen gij hingzveiz famhgij wngdang deng dangjgij cawqfaen de, wngdang coengznaek cawqfaen.

  Daih 21 diuz Coengzmbaeu cawqfaen, dwg naeuz youq baihndaw aen fukdoh cawqfaen gij hingzveiz famhgij aen Diuzlaeh neix gvidingh haenx wngdang deng de, hawj gij cawqfaen haemq mbaeu.

  Coengznaek cawqfaen, dwg naeuz youq baihndaw aen fukdoh cawqfaen gij hingzveiz famhgij aen Diuzlaeh neix gvidingh haenx wngdang deng de, hawj gij cawqfaen haemq naek.

  Daih 22 diuz Gemjmbaeu cawqfaen, dwg naeuz youq baihrog aen fukdoh cawqfaen gij hingzveiz famhgij aen Diuzlaeh neix gvidingh haenx wngdang deng de, gemjmbaeu dangj ndeu hawj cawqfaen.

  Gyanaek cawqfaen, dwg naeuz youq baihrog aen fukdoh cawqfaen gij hingzveiz famhgij aen Diuzlaeh neix gvidingh haenx wngdang deng de, gyanaek dangj ndeu hawj cawqfaen.

  Gij hingzveiz famhgij aen Diuzlaeh neix gvidingh cijmiz haicawz dangjciz cawqfaen aen dangjsw ndeu de, mbouj habyungh gij gvidingh gemjmbaeu cawqfaen gvanj daih`it.

  Daih 23 diuz Boux ndeu miz song cungj doxhwnj (hamz song cungj) gij hingzveiz famhgij wngdang deng dangjgij cawqfaen aen Diuzlaeh neix gvidingh de, wngdang doxgyoeb cawqleix, ciuq geij cungj hingzveiz famhgij ndawde gij wngdang deng ceiq sang cawqfaen de gyanaek dangj ndeu hawj cawqfaen; ndawde cungj hingzveiz famhgij ndeu wngdang deng haicawz dangjciz cawqfaen ne,wngdang hawj haicawz dangjciz cawqfaen.

  Daih 24 diuz Aen hingzveiz famhgij ndeu doengzseiz famh aen Diuzlaeh neix song aen doxhwnj (hamz song aen) diuzgvanj ne, ciuq gij diuzgvanj cawqfaen haemq naek de dinghsingq cawqleix.

  Gij famhgij gapbaenz yaugen aen diuzgvanj ndeu gvidingh de cienzbouh bauhamz youq ndaw famhgij gapbaenz yaugen lingh aen diuzgvanj gvidingh de, daegbied gvidingh caeuq itbuen gvidingh mbouj doxdoengz ne, habyungh daegbied gvidingh.

  Daih 25 diuz Song boux doxhwnj (hamz song boux) doxcaemh daegdaengq famhgij ne, doiq boux guhdaeuz de, coengznaek cawqfaen, gij aen Diuzlaeh neix lingh miz gvidingh de cawzok; doiq boux cwngzyenz wnq, ciuq de youq ndaw doxcaemh famhgij soj miz gij cozyung de caeuq gij cwzyin wngdang rapdawz de, faenbied hawj cawqfaen.

  Doiq gij ginghci fuengmienh doxcaemh famhgij de, ciuq goyinz sojndaej soqmoeg caeuq de soj miz gij cozyung de, faenbied hawj cawqfaen. Doiq famhgij cizdonz boux ceiq youqgaenj de, ciuq gij cungjsoq cizdonz famhgij cawqfaen; doiq gizyawz boux guhdaeuz doxcaemh famhgij, cingzcez youqgaenj ne, ciuq gij cungjsoq doxcaemh famhgij cawqfaen.

  Yukyon bouxwnq famhgij ne, wngdang ciuq de youq ndaw doxcaemh famhgij soj miz gij cozyung de cazdawz dangjgij cwzyin.

  Daih 26 diuz Dangj cujciz lingjdauj gihgou cizdij guh ok gij gietdingh famh dangjgij roxnaeuz hengzguh gizyawz gij hingzveiz famh dangjgij, doiq boux cwngzyenz miz doxcaemh daegdaengq de, ciuq doxcaemh famhgij cawqleix; doiq boux cwngzyenz loeklawq famhgij de, ciuq gak boux youq ndaw cizdij famhgij soj miz gij cozyung de caeuq gij cwzyin wngdang rapdawz de faenbied hawj cawqfaen.

  Daih 4 Cieng Doiq Gij Dangjyenz Famhfap Famhcoih Guh Gijliz Cawqfaen

  Daih 27 diuz Dangj cujciz guh gijliz saemjcaz seiz raen dangjyenz miz doenghgij hingzveiz dam`aeu oetcienz、 mbouj caenh cizcwz daengj deng ngeiz famhcoih hingzfaz gvidingh de, wngdang hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 28 diuz Dangj cujciz guh gijliz saemjcaz seiz raen dangjyenz miz gij hingzveiz hingzfaz gvidingh de, yienznaeuz mbouj nangqdaengz famhcoih hoeng itdingh aeu cazdawz dangjgij cwzyin ne, wngdang yawj gidij cingzcez hawj gij cawqfaen gingjgau cigdaengz haicawz dangjciz.

  Daih 29 diuz Dangj cujciz guh saemjcaz seiz raen dangjyenz miz gizyawz hingzveiz famhfap, yingjyangj hingzsiengq aen dangj, sonjhaih gij leih`ik dangj、guekgya caeuq yinzminz ne, wngdang yawj cingzcez naek mbaeu hawj dangjgij cawqfaen.

  Danghnaeuz saet bae dangjyenz diuzgen, miz gij hingzveiz baihvaih hingzsiengq aen dangj youqgaenj ne, wngdang hawj gij cawqfaen haicawz dangjciz.

  Daih 30 diuz Dangjyenz deng dangjgij cazdawz, danghnaeuz deng ngeiz famhfap famhcoih ne, wngdang gibseiz soengq mizgven guekgya gihgvanh ciuqfap cawqleix. Aeu hawj hingzcwng cawqfaen roxnaeuz gizyawz gijliz cawqfaen ne, wngdang yiengq mizgven gihgvanh roxnaeuz cujciz daezok genyi.

  Daih 31 diuz Dangjyenz deng ciuqfap gaebdawz ne, dangj cujciz wngdang ciuq guenjleix gienzhanh buenqgyang daengx gij gienzleih dangjyenz gienzbyaujgez、 gienzsenjgij caeuq gienz deng senjgij de bae. Gaengawq swhfaz gihgvanh cawqleix gezgoj, ndaej hoizfuk gij dangjyenz gienzleih de ne, wngdang gibseiz hawj hoizfuk.

  Daih 32 diuz Dangjyenz famhcoih cingzcez mbaeu, yinzminz genjcazyen ciuqfap guh ok mbouj hwnjgauq gietdingh ne, roxnaeuz yinzminz fazyen ciuqfap guh ok miz coih buenqgiet caemhcaiq mienx deng hingzsw cawqfad ne, wngdang hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Dangjyenz famhcoih, deng dan buenq fad cienz ne, ciuq gij gvidingh gvanj gonq bae cawqleix.

  Daih 33 diuz Dangjyenz famhcoih, miz gij cingzhingz lajneix yiengh ndeu, wngdang hawj gij cawqfaen haicawz dangjciz:

 ?。?)Aenvih daegdaengq famhcoih deng ciuqfap buenqcawq gij cawjhingz (hamz senhgau vanjhingz) hingzfaz gvidingh de;

 ?。?)Deng dan buenq roxnaeuz bengxgya bokduet cwngci gienzleih;

 ?。?)Aenvih loeklawq famhcoih, deng ciuqfap buenqcawq mizgeiz duzhingz sam bi doxhwnj (mbouj hamz sam bi).

  Aenvih loenglawq famhcoih deng buenqcawq mizgeiz duzhingz sam bi doxroengz (hamz sam bi) roxnaeuz deng buenqcawq guenjceiq、 gihyiz ne, itbuen wngdang haicawz dangjciz. Doiq saek boux ndaej mbouj haicawz dangjciz ne, wngdang doiqciuq gij gvidingh cawqfaen dangjyenz baecinj gienzhanh, bauqcingj aen dangj cujciz caiq gaep gwnz baecinj.

  Daih 34 diuz Dangjyenz ciuqfap deng cazdawz hingzsw cwzyin ne, dangj cujciz wngdang gaengawq gij mizyauq buenqgiet、 caizdingh、 gietdingh swhfaz gihgvanh nem gij saedsaeh、 singciz caeuq cingzcez swhfaz gihgvanh nyinhdingh haenx, ciuq gij gvidingh aen Diuzlaeh neix bae guh dangjgij cawqfaen roxnaeuz cujciz cawqleix.

  Dangjyenz ciuqfap deng hingzcwng cawqfad、 hingzcwng cawqfaen, wngdang cazdawz dangjgij cwzyin ne, dangj cujciz ndaej gaengawq gij saedsaeh、 singciz caeuq cingzcez aen hingzcwng cawqfad、 hingzcwng cawqfaen gietdingh gaenq mizyauq haenx nyinhdingh de, ginggvaq haedsaed le ciuq gij gvidingh aen Diuzlaeh neix bae guh dangjgij cawqfaen roxnaeuz cujciz cawqleix.

  Dangjyenz boihfamh faplwd fapgvi guekgya, boihfamh gij gvicieng cidu giyez swyez danhvei roxnaeuz gizyawz sevei cujciz deng gizyawz gijliz cawqfaen, wngdang cazdawz dangjgij cwzyin ne, dangj cujciz youq doiq gij saedsaeh、 singciz caeuq cingzcez mizgven fuengmienh nyinhdingh de guh haedsaed gvaq le, ciuq gij gvidingh aen Diuzlaeh neix bae guh dangjgij cawqfaen roxnaeuz cujciz cawqleix.

  Dangj cujciz guh ok dangjgij cawqfaen roxnaeuz cujciz cawqleix gietdingh gvaqlaeng, swhfaz gihgvanh、 hingzcwng gihgvanh daengj ciuqfap gaijbienq yienzlaiz gij mizyauq buenqgiet、 caizdingh、 gietdingh de daengj, danghnaeuz doiq yienzlaiz gij dangjgij cawqfaen roxnaeuz cujciz cawqleix gietdingh de miz yingjyangj, dangj cujciz wngdang gaengawq gij mizyauq buenqgiet、 caizdingh、 gietdingh daengj gaenq gaijbienq gvaq de dauqcungz guh doxwngq cawqleix.

  Daih 5 Cieng Gizyawz Gvidingh

  Daih 35 diuz Yibei dangjyenz boihfamh dangjgij, cingzcez haemq mbaeu, ndaej baujlouz yibei dangjyenz swhgwz ne, dangj cujciz wngdang baebingz gyauyuz de roxnaeuz gyaraez yibei seizgan; cingzcez haemq naek ne, wngdang siubae yibei dangjyenz swhgwz.

  Daih 36 diuz Doiq boux dangjyenz famh gijliz gvaqlaeng youq gyawz mbouj rox de, wngdang faenbied cingzgvang bae guh cawqleix:

 ?。?)Danghnaeuz miz hingzveiz famhgij youqgaenj, wngdang guh haicawz dangjciz cawqfaen, dangj cujciz wngdang guh ok gietdingh,haicawz gij dangjciz de;

 ?。?)Cawzbae gij cingzgvang hangh gonq gvidingh de, youq gyawz mbouj rox mauhgvaq roek ndwen seizgan ne, dangj cujciz wngdang ciuq dangjcangh gvidingh cawzmingz de bae.

  Daih 37 diuz Boux dangjyenz famhgij youq dangj cujciz caengz guh ok cawqfaen gietdingh couh dai bae, roxnaeuz dai le cij raen de caengzging miz gij hingzveiz famhgij youqgaenj, danghnaeuz wngdang guh haicawz dangjciz cawqfaen, couh haicawz dangjciz de bae; danghnaeuz wngdang hawj gij cawqfaen louz dangj cazyawj doxroengz (hamz louz dangj cazyawj), couh guh ok sawmienh gietlwnh, mbouj caiq hawj dangjgij cawqfaen.

  Daih 38 diuz Faenbied hingzveiz famhgij mizgven cwzyin yinzyenz:

 ?。?)Boux miz cigsoh cwzyin, dwg naeuz boux dangjyenz roxnaeuz dangjyenz lingjdauj ganbu youq ndaw cizcwz fanveiz de, mbouj hengzguh roxnaeuz mbouj cingqdeng hengzguh gij cizcwz swhgeij, doiq cauhbaenz gij sonjsaet roxnaeuz hougoj de miz gietdinghsingq cozyung.

 ?。?)Boux miz cujyau lingjdauj cwzyin, dwg naeuz boux dangjyenz lingjdauj ganbu youq ndaw cizcwz fanveiz de, doiq gij gunghcoz cigsoh cawjguenj de mbouj hengzguh roxnaeuz mbouj cingqdeng hengzguh cizcwz, doiq cauhbaenz gij sonjsaet roxnaeuz hougoj de rap miz cigsoh lingjdauj cwzyin.

 ?。?)Boux cung`yau lingjdauj cwzyin, dwg naeuz boux dangjyenz lingjdauj ganbu youq ndaw cizcwz fanveiz de, doiq gij gunghcoz wnggai guenj roxnaeuz gij gunghcoz caeuqfaenh gietdingh de mbouj hengzguh roxnaeuz mbouj cingqdeng hengzguh cizcwz, doiq cauhbaenz gij sonjsaet roxnaeuz hougoj de rap miz swyau lingjdauj cwzyin.

  Aen diuz laeh neix soj gangj boux miz lingjdauj cwzyin de, baudaengz boux miz cujyau lingjdauj cwzyin caeuq boux miz cung`yau lingjdauj cwzyin.

  Daih 39 diuz Aen Diuzlaeh neix soj gangj cujdung gyaudaih, dwg naeuz boux dangjyenz deng ngeiz famhgij youq cujciz caengz cobouh haedcaz, couh yiengq mizgven cujciz gyaudaih gij vwndiz swhgeij, roxnaeuz youq cobouh haedcaz caeuq laeb`anq diucaz gij vwndiz de geizgan gyaudaih gij vwndiz cujciz caengz rox de.

  Youq ndaw gocwngz cobouh haedcaz、 laeb`anq diucaz, boux dangjyenz deng ngeiz famhgij de ndaej boiqhab diucaz gunghcoz, ciuqsaed gyaudaih bonjvunz gij saedsaeh cujyau famhgij cujciz gaenq rox de, ndaej coengzmbaeu cawqfaen.

  Daih 40 diuz Geiqsuenq ginghci sonjsaet cujyau dwg suenq cigsoh ginghci sonjsaet. Cigsoh ginghci sonjsaet, dwg naeuz gij saedceiq gyaciz caeuq hingzveiz famhgij miz cigsoh yinhgoj gvanhaeh cix cauhbaenz caizcanj sonjvaih de.

  Daih 41 diuz Doiq gij ginghci leih`ik dwg hingzveiz famhgij aeundaej de, wngdang sougyauj roxnaeuz minghlingh de doiqboiz.

  Doiq gij cizvu、 cizcwngh、 yozliz、 yozvei、 ciengjli、 swhgwz daengj gizyawz leih`ik dwg hingzveiz famhgij aeundaej de, wngdang youz aen gijgenj gihgvanh cingzbanh anqgienh de roxnaeuz youz gijgenj gihgvanh gaepgwnz genyi mizgven cujciz、 bumwnz、 danhvei ciuq gvidingh bae niujcingq.

  Doiq boux dangjyenz ciuq aen Diuzlaeh neix daih 36 diuz、 daih 37 diuz gvidingh cawqleix de, ginggvaq diucaz caen dwg gij leih`ik de hengzguh hingzveiz famhgij aeundaej, ciuq diuz gvidingh neix cawqleix.

  Daih 42 diuz Dangjgij cawqfaen gietdingh guh ok gvaqlaeng, wngdang youq ndwen ndeu ndawde senhbu hawj daengxcungq dangjyenz ndaw gihcwngz cujciz aen dangj boux dangjyenz deng cawqfaen haenx dem bonjvunz de rox, caemhcaiq ciuq ganbu guenjleix gienzhanh caeuq cujciz gvanhaeh dawz cawqfaen gietdingh caizliu gvihaeuj ndaw dangjanq boux deng cawqfaen bae; doiq boux deng cawqfaen siubae cizvu ndaw dangj doxhwnj (hamz siubae cizvu ndaw dangj), lij wngdang youq ndwen ndeu ndawde banhleix cizvu、 cienzhong daengj doxwngq bienqdoengh soujsuz dem; nangqdaengz siubae roxnaeuz diuzcingj cizvu rog dangj ne, wngdang genyi cujciz rog dangj gibseiz siubae roxnaeuz diuzcingj cizvu rog dangj de. Youq mwh cingzgvang daegbied, ginggvaq aen cujciz guh ok roxnaeuz baecinj guh ok cawqfaen gietdingh de baecinj, ndaej habdangq gyaraez banhleix geizhanh. Banhleix geizhanh ceiq raez mbouj ndaej mauhgvaq roek ndwen.

  Daih 43 diuz Aen gihgvanh caephengz dangjgij cawqfaen gietdingh de roxnaeuz aen danhvei boux dangjyenz deng cawqfaen de, wngdang youq roek ndwen ndawde dawz gij cingzgvang caephengz cawqfaen gietdingh baugau hawj aen gihgvanh guh ok roxnaeuz baecinj cawqfaen gietdingh de.

  Daih 44 diuz Gij cungjcwz aen Diuzlaeh neix habyungh youq gizyawz fapgvi ndaw dangj miz dangjgij cawqfaen gvidingh de, danhseih gizyawz fapgvi ndaw dangj Cunghgung Cunghyangh fatbouh roxnaeuz baecinj fatbouh de miz daegbied gvidingh ne cawzok.

  Daih 2 Bien Fwnhcwz

  Daih 6 Cieng Doiq Gij Hingzveiz Boihfamh Cwngci Gijliz Guh Cawqfaen

  Daih 45 diuz Doenggvaq saenqsik vangjloz、 gvangjbo、 densi、 bauganh、 ceksaw、 gyangjco、 lundanz、 baugauvei、 codanzvei daengj fuengsik, goenghai fatbiuj gij faenzcieng、 yenjgyangj、 senhyenz、 singmingz genhciz swhcanj gaihgiz swyouzva lizcangz、 fanjdui seiq hangh gihbwnj yenzcwz, fanjdui dangj raeuz gaijgwz hailangh gezcwz daengj, hawj gij cawqfaen haicawz dangjciz.

  Fatbouh、 boqok、 daenghyaenq、 okbanj gij faenzcieng、 yenjgyangj、 senhyenz、 singmingz daengj gvanj gonq liedok de roxnaeuz vih gij hingzveiz gwnzneix gangj daezhawj diuzgen fuengbienh, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen yenzcung gingjgau roxnaeuz siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj roxnaeuz haicawz dangjciz.

  Daih 46 diuz Doenggvaq saenqsik vangjloz、 gvangjbo、 densi、 bauganh、 ceksaw、 gyangjco、 lundanz、 baugauvei、 codanzvei daengj fuengsik, miz gij hingzveiz lajneix yiengh ndeu, cingzcez haemq mbaeu ne,hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne,hawj gij cawqfaen haicawz dangjciz:

 ?。?)Goenghai fatbiuj gij faenzcieng、 yenjgyangj、 senhyenz、 singmingz daengj boihfamh seiq hangh gihbwnj yenzcwz, boihfamh、 luenh gaij gij gaijgwz hailangh gezcwz dangj raeuz, roxnaeuz miz gizyawz cwngci vwndiz youqgaenj;

 ?。?)Luenh ngeixlwnh gij dacwng fuengcim cunghyangh, buqvaih aen dangj cizcungh dungjyiz;

 ?。?)Hawj gij yienghsiengq dangj caeuq guekgya bienq yakyawj, roxnaeuz luenh gangj、 luenh laih dangj caeuq guekgya lingjdaujyinz, roxnaeuz luenh gaij gij lizsij dangj、 lizsij ginhdui.

  Fatbouh、 boqok、 daenghyaenq、 okbanj gij neiyungz gvanj gonq soj lied roxnaeuz vih gij hingzveiz gwnzneix gangj daezhawj diuzgen fuengbienh, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen yenzcung gingjgau roxnaeuz siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj roxnaeuz haicawz dangjciz.

  Daih 47 diuz Cauhguh、 buenqgai、 cienzboq gij saw ganhvuz、 yinhsieng cibinj、 denswj duzvuz、 vangjloz yinhbinz sibinz swhliu daengj dwg gij neiyungz daih 45 diuz、 daih 46 diuz soj lied haenx yiengh ndeu, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz.

  Gag daiq、 geiqsoengq gij saw ganhvuz、 yinhsieng cibinj、 denswj duzvuz daengj dwg gij neiyungz daih 45 diuz、 daih 46 diuz soj lied haenx yiengh ndeu haeuj ok gyaiq guek, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne,hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 48 diuz Cujciz、 camgya daengj gij hozdung cizvei、 youzhingz、 siveih fanjdui gij gihbwnj lijlun、 gihbwnj lohsienq、 gihbwnj ganghlingj、 gihbwnj gingniemh、 gihbwnj iugouz roxnaeuz fuengcim cwngcwz hungnaek aen dangj ne, roxnaeuz yungh doengh gij fuengsik cujciz gyangjco、 lundanz、 baugauvei、 codanzvei, fanjdui gij gihbwnj lijlun、 gihbwnj lohsienq、 gihbwnj ganghlingj、 gihbwnj gingniemh、 gihbwnj iugouz roxnaeuz fuengcim cwngcwz hungnaek aen dangj ne, cauhbaenz yingjyangj mbouj ndei youqgaenj, doiq bouxsuenqveh、 bouxcujciz caeuq guzgan fwnswj,hawj gij cawqfaen haicawz dangjciz.

  Doiq gizyawz boux camgya roxnaeuz boux yungh cungj fuengsik daezhawj saenqsik、 swhliu、 caizhuq、 ciengzdieg daengj cihciz gij hozdung gwnzneix gangj de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux mbouj rox caensiengq deng bik rag bae camgya de, ginggvaq baebingz gyauyuz le caen miz gij biujyienh nyinh loeng gaij ndei ne, ndaej mienx hawj cawqfaen roxnaeuz mbouj guh cawqfaen.

  Mbouj ginggvaq cujciz baecinj camgya gizyawz cizvei、 youzhingz、 siveih daengj hozdung, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 49 diuz Cujciz、 camgya doengh aen cujciz muzdiz dwg fanjdui aen dangj lingjdauj、 fanjdui sevei cujyi cidu roxnaeuz caengz cwngfuj de, doiq bouxsuenqveh、 bouxcujciz caeuq guzgan fwnswj, hawj gij cawqfaen haicawz dangjciz.

  Doiq gizyawz boux camgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 50 diuz Cujciz、 camgya veidaumwnz roxnaeuz sezgyau cujciz, doiq bouxsuenqveh、 bouxcujciz caeuq guzgan fwnswj, hawj gij cawqfaen haicawz dangjciz.

  Doiq gizyawz boux camgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux camgya mbouj rox caensiengq de, ginggvaq baebingz gyauyuz le caen miz gij biujyienh nyinh loeng gaij ndei ne, ndaej mienx hawj cawqfaen roxnaeuz mbouj guh cawqfaen.

  Daih 51 diuz Youq ndaw dangj cujciz baexmaed cizdonz roxnaeuz cujciz gizyawz hozdung faenmbek aen dangj, hawj gij cawqfaen haicawz dangjciz.

  Camgya baexmaed cizdonz roxnaeuz camgya gizyawz gij hozdung faenmbek aen dangj, hawj gij cawqfaen louz dangj cazyawj roxnaeuz haicawz dangjciz.

  Daih 52 diuz Youq ndaw dangj gauj donzdonz hojhoj、 gietbaenz donzdij maeuzaeu seileih、 guh bang baenz baiq、 gungganq gij seiqlig seivunz roxnaeuz doenggvaq gauj leih`ik doxvuenh、 vih swhgeij cauh singseiq daengj hozdung lauh`aeu cwngci swhbwnj ne, hawj gij cawqfaen yenzcung gingjgau roxnaeuz siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj roxnaeuz haicawz dangjciz.

  Daih 53 diuz Miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen yenzcung gingjgau roxnaeuz siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj roxnaeuz haicawz dangjciz:

 ?。?)Doi mbouj caephengz gij fuengcim cwngcwz nem gezcwz baijbouh dangj caeuq guekgya;

 ?。?)Daegdaengq guh ok gij gietdingh ndij fuengcim cwngcwz nem gezcwz baijbouh dangj caeuq guekgya dox boihfamh de;

 ?。?)Gag luenh doiq gij cwngcwz vwndiz hungnaek wngdang youz cunghyangh gietdingh de guh ok gietdingh caeuq doiq rog fatbiuj cawjcieng.

  Daih 54 diuz Deuqnyex minzcuz gvanhaeh cauh saehhux roxnaeuz camgya gij hozdung faenmbek minzcuz de, doiq bouxsuenqveh、 bouxcujciz caeuq guzgan fwnswj,hawj gij cawqfaen haicawz dangjciz.

  Doiq gizyawz boux camgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux mbouj rox caensiengq deng bik rag bae camgya de, ginggvaq baebingz gyauyuz le caen miz gij biujyienh nyinh loeng gaij ndei ne, ndaej mienx hawj cawqfaen roxnaeuz mbouj guh cawqfaen.

  Miz gizyawz gij hingzveiz famh minzcuz cwngcwz dangj caeuq guekgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne,hawj gij cawqfaen haicawz dangjciz.

  Daih 55 diuz Cujciz、 leihyungh cunghgyau hozdung fanjdui gij lohsienq、 fuengcim、 cwngcwz caeuq gezyi aen dangj, buqvaih minzcuz doxgiet, doiq bouxsuenqveh、 bouxcujciz caeuq guzgan fwnswj, hawj gij cawqfaenlouz dangj cazyawj roxnaeuz haicawz dangjciz.

  Doiq gizyawz boux camgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux mbouj rox caensiengq deng bik rag bae camgya de, ginggvaq baebingz gyauyuz le caen miz gij biujyienh nyinh loeng gaij ndei, ndaej mienx hawj cawqfaen roxnaeuz mbouj guh cawqfaen.

  Miz gizyawz gij hingzveiz famh cunghgyau cwngcwz dangj caeuq guekgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 56 diuz Cujciz、 leihyungh cunghgyau seiqlig doiqdingj dangj caeuq cwngfuj, gazngaih saedhengz gij fuengcim cwngcwz nem gezcwz baijbouh dangj caeuq guekgya, roxnaeuz buqvaih gij gihcwngz cujciz gensez aen dangj, doiq bouxsuenqveh、 bouxcujciz caeuq guzgan fwnswj, hawj gij cawqfaen louz dangj cazyawj roxnaeuz haicawz dangjciz.

  Doiq gizyawz boux camgya, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux mbouj rox caensiengq deng bik rag bae camgya de, ginggvaq baebingz gyauyuz le caen miz gij biujyienh nyinh loeng gaij ndei ne, ndaej mienx hawj cawqfaen roxnaeuz mbouj guh cawqfaen.

  Daih 57 diuz Doiqdingj cujciz saemjcaz,miz gij hingzveiz lajneix yiengh ndeu, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz:

 ?。?)Doxyuk gangjgyaj roxnaeuz gyajcauh、 siumied、 senjnod、 caeundoj baengzgawq;

 ?。?) Laengzlanz bouxwnq gietfat genjgij、 daezhawj baengzgawq caizliu;

 ?。?)Baulumx boux caemh`anq;

 ?。?)Yiengq cujciz daezhawj cingzgvang gyaj,cwmuenz saehsaed;

 ?。?)Miz gizyawz gij hingzveiz doiqdingj cujciz saemjcaz.

  Daih 58 diuz Cujciz maezsaenq hozdung ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Camgya maezsaenq hozdung, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Doiq boux camgya mbouj rox caensiengq de, ginggvaq baebingz gyauyuz le caen miz gij biujyienh nyinh loeng gaij ndei ne, ndaej mienx hawj cawqfaen roxnaeuz mbouj guh cawqfaen.

  Daih 59 diuz Youq rog guek (gyaiq)、 aen sij (lingj) gvanj guekrog capyouq Cungguek de cingjgouz cwngci ndojnanh, roxnaeuz famhgij le deuz bae rog guek (gyaiq)、 aen sij (lingj) gvanj guekrog capyouq Cungguek de ne,hawj gij cawqfaen haicawz dangjciz.

  Youq rog guek (gyaiq) goenghai fatbiuj gij faenzcieng、 yenjgyangj、 senhyenz、 singmingz daengj fanjdui dangj caeuq cwngfuj ne, ciuq gij gvidingh gvanj gonq cawqleix.

  Daegdaengq vih gij hingzveiz gwnzneix gangj daezhawj diuzgen fuengbienh, hawj gij cawqfaen louz dangj cazyawj roxnaeuz haicawz dangjciz.

  Daih 60 diuz Youq ndaw gij hozdung nangqdaengz rog guek, gangj vah guh saeh youq cwngci fuengmienh cauhbaenz yingjyangj yakrwix, sonjhaih gij cunhyenz、 leih`ik dangj caeuq guekgya ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 61 diuz Dangjyenz lingjdauj ganbu doiq gij swhsiengj caeuq hingzveiz loengloek famh cwngci gijliz caeuq cwngci gvigawj daengj cuengqlangh mbouj guenj, guh gij doxhuz doxndei mbouj miz yenzcwz de, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 62 diuz Famh gij gvigawj aen dangj lumjbaenz famh gij conzdungj ndeimaenh caeuq gunghcoz gvenqlaeh aen dangj,youq cwngci fuengmienh cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 7 Cieng Doiq Gij Hingzveiz Famh Cujciz Gijliz Guh Cawqfaen

  Daih 63 diuz Famh gij yenzcwz minzcuj cizcunghci, doi mbouj caephengz roxnaeuz gag gaijbienq gij gietdingh hungnaek dangj cujciz guh ok de, roxnaeuz famh gij gveihcwz lwnhsaeh,goyinz roxnaeuz siujsoq vunz gietdingh vwndiz hungnaek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 64 diuz Dangj cujciz gaeplaj doi mbouj caephengz roxnaeuz gag gaijbienq gij gietdingh aen dangj cujciz gaepgwnz ne, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 65 diuz Doi mbouj caephengz gij gietdingh dangj cujciz lumjbaenz faenboiq、 diuhdoengh、 gyaulouz daengj, hawj gij cawqfaen gingjgau、 yenzcung gingjgau roxnaeuz siubae cizvu ndaw dangj.

  Youq aen seizgeiz daegbied roxnaeuz mwh canggvang gaenjgip, doi mbouj caephengz gij gietdingh dangj cujciz ne, hawj gij cawqfaen louz dangj cazyawj roxnaeuz haicawz dangjciz.

  Daih 66 diuz Mbouj ciuq mizgven gvidingh roxnaeuz gunghcoz iugouz, yiengq cujciz cingjsi baugau vwndiz hungnaek、 saehhangh youqgaenj ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Mbouj ciuq iugouz baugau roxnaeuz mbouj ciuqsaed baugau goyinz bae gizlawz, cingzcez haemq naek ne, hawj gij cawqfaen gingjgau roxnaeuz yenzcung gingjgau.

  Daih 67 diuz Miz gij hingzveiz lajneix yiengh ndeu, cingzcez haemq naek ne, hawj gij cawqfaen gingjgau roxnaeuz yenzcung gingjgau:

 ?。?)Famh gij gvidingh goyinz baugau mizgven saehhangh, mbouj baugau、 mbouj ciuqsaed baugau;

 ?。?)Youq mwh cujciz guh damzvah、 sij saenq cam, mbouj ciuqsaed yiengq cujciz gangjmingz vwndiz;

 ?。?)Mbouj ciuqsaed dienzbauq gij dangjanq swhliu goyinz.

  Luenh gaij、 gyajcauh gij dangjanq swhliu goyinz ne, hawj gij cawqfaen yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Cwmuenz gij loengloek youqgaenj mwh caengz haeuj dangj, itbuen wngdang cawzmingz bae; doiq boux haeuj dangj le biujyienh lij ndei de, hawj gij cawqfaen yenzcung gingjgau、 siubae cizvu ndaw dangj roxnaeuz louz dangj cazyawj.

  Daih 68 diuz Dangjyenz lingjdauj ganbu famh mizgven gvidingh bae cujciz、 camgya gij laujyanghvei、 yauyoujvei、 canyoujvei daengj gag laeb de, cingzcez youqgaenj ne, hawj gij cawqfaen gingjgau、 yenzcung gingjgau roxnaeuz siubae cizvu ndaw dangj.

  Daih 69 diuz Luenh laih luenh gauq bouxwnq, siengj hawj bouxwnq deng gijliz cazdawz ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne,hawj gij cawqfaen haicawz dangjciz.

  Daih 70 diuz Ciemqfamh gij gienzbyaujgez、 gienzsenjgij caeuq gij gienz deng senjgij dangjyenz, cingzcez haemq naek ne, hawj gij cawqfaen gingjgau roxnaeuz yenzcung gingjgau;cingzcez youqgaenj ne, hawj gij cawqfaen siubae cizvu ndaw dangj.

  Aeu gij soujduenh giengzbik、 haephej、 yaeuhlox、 loxrag daengj, fuengzngaih dangjyenz gag guhcawj bae hengzsawj gienzbyaujgez、 gienzsenjgij caeuq gienz deng senjgij ne, hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 71 diuz Miz gij hingzveiz lajneix yiengh ndeu, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz:

 ?。?)Laengzlanz、 naenxhaed baebingz、 genjgij、 gunggau, roxnaeuz gag gaeuat、 siubae gij caizliu baebingz、 genjgij、 gunggau, roxnaeuz daegdaengq laeuh gij caizliu baebingz、 genjgij、 gunggau hawj bouxwnq rox;

 ?。?)Naenxhaed dangjyenz baij leix、 buekhoh、 guhcingq, cauhbaenz hougoj mbouj ndei;

 ?。?)Naenxhaed dangjyenz sinhsu, cauhbaenz hougoj mbouj ndei, roxnaeuz mbouj ciuq mizgven gvidingh bae cawqleix dangjyenz sinhsu;

 ?。?)Miz gizyawz gij hingzveiz ciemqfamh gienzleih dangjyenz, cauhbaenz hougoj mbouj ndei de.

  Bae dwkceih boizhaemz bouxbaebingz、 bouxgenjgij、 bouxgunggau、 bouxguhcingq caeuq bouxwnq ne, ciuq gij gvidingh gvanj gonq coengznaek roxnaeuz gyanaek cawqfaen.

  Dangj cujciz miz gij hingzveiz gwnzneix gangj ne, doiq boux miz cigsoh cwzyin caeuq boux miz lingjdauj cwzyin de, ciuq gij gvidingh gvanj daih`it cawqleix.

  Daih 72 diuz Miz gij hingzveiz lajneix yiengh ndeu, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz:

 ?。?)Youq ndaw minzcuj doigawj、 minzcuj caekbingz、 cujciz gaujcaz caeuq ndaw dangj senjgij guh gij hozdung mbouj dwg cujciz anbaiz lumjbaenz rag biuq、 bang sienj daengj;

 ?。?)Youq ndaw gij hozdung douzbiuq、 senjgij faplwd gvidingh de, famh cujciz yenzcwz bae guh gij hozdung mbouj dwg cujciz anbaiz lumjbaenz cujciz、 yukyon、 yaeuhlox bouxwnq douzbiuq、 byaujgez;

 ?。?)Youq ndaw senjgij guh gizyawz gij hozdung famh dangjcangh、 gizyawz fapgvi ndaw dangj caeuq mizgven canghcwngz de.

  Daih 73 diuz Youq ndaw gij hong genj yungh ganbu, famh gij gvidingh genj yungh ganbu, doiq boux miz cigsoh cwzyin caeuq boux miz lingjdauj cwzyin de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Yungh vunz gaujcaz mbouj ndei、 gamduk mbouj yiemz cauhbaenz hougoj youqgaenj ne, doiq boux miz cigsoh cwzyin caeuq boux miz lingjdauj cwzyin de, ciuq gij gvidingh gvanj gonq bae cawqleix.

  Daih 74 diuz Youq ndaw gij hong doiq ganbu、 cizgungh guh loegyungh、 gaujhaed、 daezswng cizvu、 bingzdingh cizcwngh caeuq ciubing、 anceiq bouxbing fuzyenz cienjnieb daengj, yaemmuenz、 luenh gaij saehsaed caensiengq, roxnaeuz leihyungh cizgenz roxnaeuz gij yingjyangj cizvu fuengmienh, famh mizgven gvidingh vih bonjfaenh roxnaeuz bouxwnq maeuzaeu leih`ik ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz.

  Loengh haw guh gyaj, yaeuh`aeu cizvu、 cizvu gaepbied、 cizcwngh、 daiyi、 swhgwz、 yozliz、 yozvei、 mingzdaeuz roxnaeuz gizyawz leih`ik ne, ciuq gij gvidingh gvanj gonq bae cawqleix.

  Daih 75 diuz Famh gij gvidingh dangjcangh caeuq gizyawz fapgvi ndaw dangj, doenggvaq loengh haw guh gyaj roxnaeuz gizyawz soujduenh dawz boux mbouj hab dangjyenz diuzgen de fazcanj baenz dangjyenz, roxnaeuz vih boux mbouj dwg dangjyenz de ok cingqmingz naeuz de dwg dangjyenz, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau;cingzcez youqgaenj ne, hawj gij cawqfaen siubae cizvu ndaw dangj.

  Famh mizgven gvidingh cwngzsi bae fazcanj dangjyenz ne, doiq boux miz cigsoh cwzyin caeuq boux miz lingjdauj cwzyin de, ciuq gij gvidingh gvanj gonq bae cawqleix.

  Daih 76 diuz Famh mizgven gvidingh aeundaej gozciz guekrog roxnaeuz aeundaej gij swhgwz ciengzlwenx dingh youq rog guek(gyaiq)、 cinjhawj ciengzgeiz dingh youq ne, hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 77 diuz Famh mizgven gvidingh banhleix gij cwnggen aenvih saeh seivunz ok guek(gyaiq)、 mbaw cingq doenghengz bae Yanghgangj Aumwnz, roxnaeuz caengz ginggvaq baecinj haeuj ok gyaiq guek (henzgyaiq), cingzcez haemq mbaeu ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj.

  Daih 78 diuz Boux dangjyenz ndaw aen gihgou capyouq guekrog roxnaeuz ndaw aen donz (cuj) laemzseiz ok guek (gyaiq) gag duetliz cujciz, roxnaeuz boux dangjyenz guh gij hong vaisw、 gihyau、 ginhsw daengj famh mizgven gvidingh ndij gij gihgou、 boux vunz rog guek(gyaiq) lienzhaeh、 baedauq ne, hawj gij cawqfaen gingjgau、 yenzcung gingjgau roxnaeuz siubae cizvu ndaw dangj.

  Daih 79 diuz Boux dangjyenz ndaw aen gihgou capyouq guekrog roxnaeuz ndaw aen donz (cuj) laemzseiz ok guek (gyaiq), laeglemx duetliz cujciz seizgan mbouj rim roek ndwen youh gag dauqma ne, hawj gij cawqfaen siubae cizvu ndaw dangj roxnaeuz louz dangj cazyawj; laeglemx duetliz cujciz seizgan mauhgvaq roek ndwen ne, ciuq gag duetliz dangj bae cawqleix, ndaw dangj cawzmingz de bae.

  Daegdaengq daezhawj diuzgen fuengbienh hawj bouxwnq laeglemx duetliz cujciz ne, hawj gij cawqfaen gingjgau、 yenzcung gingjgau roxnaeuz siubae cizvu ndaw dangj.

  Daih 8 Cieng Doiq Gij Hingzveiz Famh Ndangseuq Gijliz Guh Cawqfaen

  Daih 80 diuz Leihyungh cizgenz roxnaeuz gij yingjyangj cizvu fuengmienh vih bouxwnq maeuzaeu leih`ik, gvan(yah)、 lwg bonjvunz ndij boux gvan(yah) lwg daengj vunz ndaw ranz caeuq gizyawz boux miz daegdingh gvanhaeh de souaeu cienzcaiz doxgaiq doiqfueng, cingzcez haemq naek ne, hawj gij cawqfaen gingjgau roxnaeuz yenzcung gingjgau;cingzcez youqgaenj ne, hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 81 diuz Dox leihyungh cizgenz roxnaeuz gij yingjyangj cizvu fuengmienh vih doiqfueng caeuq gvan(yah)、 lwg doiqfueng caeuq boux gvan(yah) lwg doiqfueng daengj vunz ndaw ranz、 boux gunghcoz yinzyenz henzndang caeuq gizyawz boux miz daegdingh gvanhaeh de maeuzaeu leih`ik guh gienz gienz gaicawx, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz.

  Daih 82 diuz Yungzhawx、 amqcinj gvan(yah)、 lwg ndij boux gvan(yah) lwg daengj vunz ndaw ranz caeuq boux gunghcoz yinzyenz henzndang, leihyungh dangjyenz ganbu bonjvunz cizgenz roxnaeuz gij yingjyangj cizvu fuengmienh maeuzaeu seileih, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz.

  Gvan (yah)、 lwg dangjyenz ganbu dem boux gvan(yah)lwg dangjyenz ganbu mbouj saedceiq guhhong cix aeundaej cienzhong, roxnaeuz yienznaeuz saedceiq guhhong hoeng ndaej daengz gij cienzhong de yienhda mauhgvaq aen biucinj doengzgaep cizvu gaepbied, dangjyenz ganbu rox le mbouj bae niujcingq, ciuq gij gvidingh gvanj gonq bae cawqleix.

  Daih 83 diuz Souaeu gij saenzcingz、 ngaenzlaex、 siuhfeigaj daengj aiq yingjyangj goengcingq caephengz gunghvu, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz.

  Souaeu gizyawz saenzcingz、 ngaenzlaex、 siuhfeigaj daengj yienhda mauhgvaq cingqciengz dox baedauq, ciuq gij gvidingh gvanj gonq bae cawqleix.

  Daih 84 diuz Yiengq boux guh gunghvu caeuq gvan(yah)、 lwg de caeuq boux gvan(yah)lwg de daengj vunz ndaw ranz caeuq gizyawz boux miz daegdingh gvanhaeh soengq gij saenzcingz、 ngaenzlaex、 siuhfeigaj daengj yienhda mauhgvaq cingqciengz dox baedauq, cingzcez haemq naek ne, hawj gij cawqfaen gingjgau roxnaeuz yenzcung gingjgau;cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 85 diuz Leihyungh cizgenz roxnaeuz gij yingjyangj cizvu fuengmienh banh hoengzsaeh begsaeh, youq ndawbiengz cauhbaenz yingjyangj yakrwix ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Youq ndaw banh hoengzsaeh begsaeh, swngzgei sou cienzcaiz doxgaiq roxnaeuz miz gizyawz gij hingzveiz ciemqfamh leih`ik guekgya、 cizdij caeuq yinzminz ne, ciuq gij gvidingh gvanj gonq coengznaek roxnaeuz gyanaek cawqfaen, cigdaengz haicawz dangjciz.

  Daih 86 diuz Ciepsouh gij hozdung anbaiz aiq yingjyangj goengcingq caephengz gunghvu lumjbaenz gwncingj roxnaeuz lijyouz、 cangqndang、 guh`angq daengj, cingzcez haemq naek ne, hawj gij cawqfaen gingjgau roxnaeuz yenzcung gingjgau;cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 87 diuz Famh mizgven gvidingh aeundaej、 gaemmiz、 saedceiq sawjyungh gak cungj siuhfeigaj lumjbaenz mbaw gaj yindung cangqndang、 mbaw gaj veiyenz veisoj caeuq gilozbu、 mbaw gaj gauh`wjfuhgiuz daengj, roxnaeuz famh mizgven gvidingh haeuj ok veisoj seivunz, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 88 diuz Famh mizgven gvidingh bae guh gij hozdung canhcienz, miz gij hingzveiz lajneix yiengh ndeu, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau;cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj;cingzcez youqgaenj ne, hawj gij cawqfaen haicawz dangjciz:

 ?。?)Guh seng`eiq banh giyez;

 ?。?)Miz gij gujfwn roxnaeuz cwnggen aen gunghswh (giyez) mbouj sangsi de;

 ?。?)Cawx gai gujbiuq roxnaeuz bae guh gizyawz cwnggen douzswh;

 ?。?)Guh gij cunghgai hozdung sou cienz de;

 ?。?)Youq rog guek (gyaiq)cucwz gunghswh roxnaeuz douzswh haeuj guj;

 ?。?)Miz gizyawz gij hingzveiz famh mizgven gvidingh bae guh cungj hozdung canhcienz.

  Leihyungh cizgenz roxnaeuz gij yingjyangj cizvu fuengmienh, vih gij ginghyingz hozdung gvan(yah)、 lwg bonjvunz dem boux gvan(yah)lwg daengj vunz ndaw ranz caeuq gij vunz miz daegdingh gvanhaeh de maeuzaeu leih`ik, ciuq gij gvidingh gvanj gonq bae cawqleix.

  Famh mizgven gvidingh youq ndaw ginghci saeddaej、 sevei donzdij daengj danhvei giemnyaemh cizvu, roxnaeuz ginggvaq baecinj giemnyaemh cizvu hoeng aeundaej cienzhong、 ciengjginh、 cinhdez daengj ngegvaih leih`ik ne, ciuq gij gvidingh gvanj daih`it cawqleix.

  Daih 89 diuz Dangjyenz lingjdauj ganbu lizhai aen cizvu yienzlaiz de roxnaeuz duiyouh(lizyouh) le famh mizgven gvidingh, ciepsouh gij giyez caeuq aen cunghgai gihgou fueng dieg caeuq yezvu fanveiz gij cizvu yienzlaiz de guenjat haenx binqnyaemh, roxnaeuz goyinz guh gij hozdung canhcienz caeuq gij yezvu cizvu yienzlaiz dangnyaemh guenjat de doxgven, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj.

  Dangjyenz lingjdauj ganbu lizhai aen cizvu yienzlaiz de roxnaeuz duiyouh(lizyouh) le famh mizgven gvidingh, dangnyaemh doengh gij cizvu duzliz dungjsw、 duzliz genhsw daengj sangsi gunghswh、 gihginh guenjleix gunghswh, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj.

  Daih 90 diuz Gvan(yah) 、 lwg caeuq boux gvan (yah)lwg dangjyenz lingjdauj ganbu, famh mizgven gvidingh youq ndaw fueng dieg roxnaeuz yezvu fanveiz boux dangjyenz lingjdauj ganbu neix guenjat de, guh gij ginghyingz hozdung aiq yingjyangj de goengcingq caephengz gunghvu, roxnaeuz youq ndaw aen giyez canghseng`eiq guekrog douzswh、 aen giyez ndaw guek rog guek hozswh fueng dieg roxnaeuz yezvu fanveiz boux dangjyenz lingjdauj ganbu neix guenjat de, dangnyaemh gij cizvu gaepsang youz mbiengj rog guek dakbaij、 binqnyaemh, boux dangjyenz lingjdauj ganbu neix wngdang ciuq gvidingh bae niujcingq; danghnaeuz doi mbouj niujcingq, bonjvunz de wngdang swz bae aen cizvu seizneix dangnyaemh roxnaeuz youz cujciz diuzcingj gij cizvu de; danghnaeuz mbouj swz bae aen cizvu seizneix dangnyaemh roxnaeuz mbouj fugcoengz cujciz diuzcingj gij cizvu de, hawj gij cawqfaen siubae cizvu ndaw dangj.

  Daih 91 diuz Dangj caeuq guekgya gihgvanh famh mizgven gvidingh guh seng`eiq banh giyez, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 92 diuz Dangjyenz lingjdauj ganbu famh gij cidu gunghcoz、 swnghhoz baujcang, youq gyaudoeng、 ywbingh、 gingjvei daengj fuengmienh vih bonjfaenh、 gvan(yah)、 lwg dem boux gvan(yah) lwg daengj vunz ndaw ranz caeuq gizyawz boux miz daegdingh gvanhaeh de maeuzaeu daiyi daegbied, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 93 diuz Youq mwh faenboiq ranz、 cawx ranz ciemqfamh gij leih`ik guekgya、 cizdij, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 94 diuz Leihyungh cizgenz roxnaeuz gij yingjyangj cizvu fuengmienh, ciemqaeu gij cienzcaiz doxgaiq goenggya seivunz mbouj dwg bonjfaenh fucwz guenjleix de, roxnaeuz yungh aen fuengsik siengcwnghsing hawj saek di cienz daengj bae ciemqaeu gij cienzcaiz doxgaiq goenggya seivunz, roxnaeuz ciepsouh fugsaeh、 sawjyungh goengrengz vunz mbouj hawj、 siengcwnghsing hawj saek di cienz sinhoj, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Leihyungh cizgenz roxnaeuz gij yingjyangj cizvu fuengmienh, dawz gij feiqyungh bonjfaenh、 gvan(yah) 、 lwg caeuq boux gvan(yah)lwg daengj vunz ndaw ranz wngdang youz goyinz ceihawj de, youz aen danhvei lajfwngz de guenj、 gizyawz danhvei roxnaeuz bouxwnq ceihawj、 bauqsiu ne, ciuq gij gvidingh gvanj gonq cawqleix.

  Daih 95 diuz Leihyungh cizgenz roxnaeuz gij yingjyangj cizvu fuengmienh, famh mizgven gvidingh ciemqyungh doxgaiq goenggya hawj goyinz sawjyungh, seizgan mauhgvaq roek ndwen, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Ciemqyungh doxgaiq goenggya bae guh canhcienz hozdung ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Dawz doxgaiq goenggya ciqhawj bouxwnq guh canhcienz hozdung, ciuq gij gvidingh gvanj gonq cawqleix.

  Daih 96 diuz Famh mizgven gvidingh cujciz、 camgya gij hozdung cingjlaeuj、 guh`angq siufeiq sang、 cangqndang yungh cienz goenggya ceihawj, roxnaeuz yungh cienz goenggya cawx soengq、 fat saenzcingz, doiq boux miz cigsoh cwzyin caeuq boux miz lingjdauj cwzyin de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 97 diuz Famh mizgven gvidingh gag dingh cienzhong roxnaeuz luenh fat cinhdez、 bujdez、 ciengjginh daengj, doiq boux miz cigsoh cwzyin caeuq boux miz lingjdauj cwzyin de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 98 diuz Miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz:

  (1) Yungh cienz goenggya lijyouz、 ciq aen gihvei gunghvu okcai bae lijyouz roxnaeuz yungh gij mingzdaeuz gunghvu okcai bae bienqsiengq lijyouz;

  (2) Yungh gij mingzdaeuz gaujcaz、 yozsiz、 beizyin、 yenzdauj、 cauhsangh、 camcanj daengj bienqsiengq yungh cienz goenggya ok guek (gyaiq) bae lijyouz.

  Daih 99 diuz Famh gij gvidingh gunghvu ciepdaih guenjleix, mauhgvaq

  biucinj、 mauhgvaq fanveiz ciepdaih roxnaeuz ciq gihvei gwnhung gwn`gvangq, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 100 diuz Famh mizgven gvidingh boiq、 cawx、 vuenh、 cang、 yungh gunghvu yungh ci roxnaeuz miz gizyawz hingzveiz famh gij gvidingh guenjleix gunghvu yungh ci, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 101 diuz Famh gij gvidingh guenjleix veiyi hozdung, miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj:

  (1) Daengz giz funghgingj mingzswng gimq ciuhai veiyi de haihoih;

  (2) Gietdingh roxnaeuz baecinj banh gak loih ciet hoih、 gingdenj hozdung.

  Gag banh bingzbeij dazbyauh byaujcangh hozdung roxnaeuz ciq bingzbeij dazbyauh byaujcangh hozdung souaeu feiqyungh ne, ciuq gij gvidingh gvanj gonq cawqleix.

  Daih 102 diuz Famh gij gvidingh guenjleix banhgoeng yungh ranz, miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj:

  (1) Gietdingh roxnaeuz baecinj hwnqguh、 cangbae bangunghlouz、 beizyin cungsim daengj laeuz dangz gvanj soj, mauhgvaq biucinj boiq、 yungh banhgoeng yungh ranz;

  (2) Yungh cienz goenggya bau co、 ciemqyungh fuengzhek roxnaeuz gizyawz ciengzdieg hawj goyinz sawjyungh.

  Daih 103 diuz Guh gienzseiq meijswz gaicawx roxnaeuz hawj cienzcaiz doxgaiq guh gienzseiq meijswz gaicawx ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 104 diuz Miz gizyawz hingzveiz famh ndangseuq gijliz gvidingh ne, wngdang yawj gidij cingzcez hawj gij cawqfaen gingjgau cigdaengz haicawz dangjciz.

  Daih 9 Cieng Doiq Gij Hingzveiz Famh Ginzcung Gijliz Guh Cawqfaen

  Daih 105 diuz Miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq mbaeu ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz:

  (1) Mauhgvaq biucinj、 mauhgvaq fanveiz yiengq ginzcung couz cienz couz hong、 danbaij feiqyungh, gyanaek rapdawz ginzcung;

  (2) Famh mizgven gvidingh gaeulouz、 sougyauj cienzcaiz doxgaiq ginzcung roxnaeuz cawqfad ginzcung;

  (3) Gaeu cienzcaiz doxgaiq ginzcung, roxnaeuz famh mizgven gvidingh niengqyiemq cienzngaenz ginzcung;

  (4) Youq ndaw hozdung guenjleix、 fuzvu famh mizgven gvidingh souaeu feiqyungh;

  (5) Youq mwh banhleix gij hongsaeh nangqdaengz ginzcung diuqnanz ginzcung、 gwn aeu gaz ietfwngz;

  (6) Miz gij hingzveiz wnq ciemqhaih leih`ik ginzcung.

  Daih 106 diuz Capfwngz ginzcung gienz gag guhcawj swnghcanj ginghyingz, hawj caizcanj ginzcung deng sonjsaet haemq hung, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 107 diuz Youq ndaw doengh gij saehhangh sevei baujcang、 cwngcwz bangfuz、 faenboiq cienzcaiz doxgaiq gouqcai gouqcaeq daengj lai hawj beixnuengx baengzyoux ndeicawq、 mingzyenj mbouj goengbingz ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 108 diuz Miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj:

  (1) Doiq gij vwndiz nangqdaengz ginzcung swnghcanj、 swnghhoz daengj

  leih`ik nemndang ciuq cwngcwz roxnaeuz mizgven gvidingh ndaej gaijgez cix mbouj gibseiz gaijgez, cauhbaenz yingjyangj mbouj ndei;

  (2) Doiq gij iugouz ginzcung hab cwngcwz haenx siuhgiz wngqfouq、 doxdoi doxdawz, sonjhaih gij gvanhaeh dangj caeuq ginzcung、 ganbu caeuq ginzcung;

  (3) Doiq ginzcung daidu yakrwix、 genjdanh moegdoeg, cauhbaenz yingjyangj mbouj ndei;

  (4) Loengh haw guh gyaj, yaeuh gwnz muenz laj, sonjhaih leih`ik ginzcung.

  Daih 109 diuz Mboujgoq ginzcung eiqnyienh, laepda bu dan、 hwnj hanghmoeg, hawj gij caizcanj caeuq leih`ik guekgya、 cizdij roxnaeuz ginzcung deng sonjsaet haemq daih, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 110 diuz Bungzdaengz mwh guekgya caizcanj caeuq ginzcung sengmingh caizcanj deng yung`yiemj youqgaenj, ndaej gouq cix mbouj gouq, cingzcez haemq naek ne, hawj gij cawqfaen gingjgau、 yenzcung gingjgau roxnaeuz siubae cizvu ndaw dangj; cingzcez youqgaenj ne, hawj gij cawqfaen louz dangj cazyawj roxnaeuz haicawz dangjciz.

  Daih 111 diuz Mbouj ciuq gvidingh goenghai hongsaeh aen dangj、 hongsaeh cwngfuj、 hongsaeh ndaw cangj、 hongsaeh ndaw mbanj(gihminz) daengj, ciemqfamh ginzcung gij gienzleih rox cingzgvang, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 112 diuz Miz gizyawz hingzveiz famh gij gvidingh ginzcung gijliz ne, wngdang yawj gidij cingzcez hawj gij cawqfaen gingjgau cigdaengz haicawz dangjciz.

  Daih 10 Cieng Doiq Gij Hingzveiz Famh Gunghcoz Gijliz Guh Cawqfaen

  Daih 113 diuz Bouxfucwz dangj cujciz youq ndaw gunghcoz mbouj fucwzyin roxnaeuz guenjleix mbouj ndei, miz gij hingzveiz lajneix yiengh ndeu, hawj gij leih`ik dangj、 guekgya caeuq yinzminz nem goenggungh caizcanj cauhbaenz sonjsaet haemq daih ne, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cauhbaenz sonjsaet hungnaek ne, hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz:

 ?。?)Mbouj cienzdaengz gvancez、 mbouj genjcaz dukcoi doeksaed gij fuengcim cwngcwz caeuq gezcwz baijbouh dangj caeuq guekgya, roxnaeuz guh ok gij gezcwz loengloek boihfamh gij fuengcim cwngcwz caeuq gezcwz baijbouh dangj caeuq guekgya;

 ?。?)Bonj dieg、 bonj bumwnz、 bonj hidungj caeuq bonj danhvei miz ok gij hingzveiz goenghai fanjdui gij gihbwnj lijlun、 gihbwnj lohsienq、 gihbwnj ganghlingj、 gihbwnj gingniemh、 gihbwnj iugouz aen dangj roxnaeuz gij fuengcim cwngcwz caeuq gezcwz baijbouh dangj caeuq guekgya.

  Daih 114 diuz Dangj cujciz mbouj hengzguh gij cawjdaej cwzyin cienzmienh coengzyiemz guenj dangj roxnaeuz hengzguh gij cawjdaej cwzyin cienzmienh coengzyiemz guenj dangj mbouj daeklig, cauhbaenz sonjhaih youqgaenj roxnaeuz yingjyangj mbouj ndei youqgaenj, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 115 diuz Dangj cujciz miz gij hingzveiz lajneix yiengh ndeu, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj:

 ?。?)Dangjyenz deng ciuqfap buenqcawq hingzfad le, mbouj ciuq gvidingh hawj dangjgij cawqfaen, roxnaeuz doiq gij hingzveiz famh faplwd fapgvi guekgya, wngdang hawj dangjgij cawqfaen cix mbouj hawj cawqfaen;

 ?。?)Dangjgij cawqfaen gietdingh roxnaeuz sinhsu fukcaz gietdingh guh ok le, mbouj ciuq gvidingh doeksaed gietdingh ndawde doengh gij saehhangh gvendaengz gij dangjciz、 cizvu、 cizvu gaepbied、 daiyi boux deng cawqfaen;

 ?。?)Dangjyenz deng dangjgij cawqfaen le, mbouj ciuq gij gienzhanh guenjleix ganbu caeuq cujciz gvanhaeh doiq boux dangjyenz deng cawqfaen haenx guh gij hong bingzciengz gyauyuz、 guenjleix caeuq gamduk.

  Daih 116 diuz Aenvih gunghcoz mbouj caenh cwzyin hawj gij vunz soj guenjleix de fanjgvaet deuz ok rog guek bae, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Aenvih gunghoz mbouj caenh cwzyin hawj gij vunz soj guenjleix de laeglemx deuz ok rog guek bae, doiq boux miz cigsoh cwzyin caeuq boux miz lingjdauj cwzyin de, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 117 diuz Youq mwh danhvei gaepgwnz genjcaz、 cazyawj gunghcoz roxnaeuz yiengq danhvei gaepgwnz veibau、 baugau gunghcoz, doiq gij saehhangh wngdang baugau cix mbouj baugau roxnaeuz mbouj ciuqsaed baugau, cauhbaenz sonjhaih youqgaenj roxnaeuz yingjyangj mbouj ndei youqgaenj, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj roxnaeuz louz dangj cazyawj.

  Daih 118 diuz Dangjyenz lingjdauj ganbu famh mizgven gvidingh bae capfwngz hawciengz ginghci hozdung, miz gij hingzveiz lajneix yiengh ndeu, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz:

 ?。?)Capfwngz gij hozdung gensez gunghcwngz hanghmoeg cingzbau fatbau、 gienz sawjyungh diegdeih cienjnyiengh、 cwngfuj dajcawx、 fangzdicanj haifat caeuq ginghyingz、 gvangcanj swhyenz haifat leihyungh、 cunghgai gihgou fuzvu daengj;

 ?。?)Capfwngz doengh gij saehhangh guekmiz giyez cungzcuj gaijci、 giemgyoeb、 buqcanj、 canjgienz gaicawx、 cingleix caizcanj haedcaz swhcanj、 swhcanj bingzguj、 swhcanj cienjnyiengh、 hanghmoeg hungnaek douzswh caeuq gizyawz ginghyingz hozdung hungnaek;

 ?。?)Capfwngz doengh gij saehhangh baecinj banhleix gak loih hingzcwng cinjhawj caeuq ciq cienz;

 ?。?)Capfwngz ginghci cengnauh;

 ?。?)Capfwngz doengh gij saehhangh gvendaengz sawjyungh、 faenboiq、 cingzbau、 co yungh gij swhginh、 swhcanj caeuq swhyenz cizdij.

  Daih 119 diuz Dangjyenz lingjdauj ganbu famh mizgven gvidingh bae capfwngz swhfaz hozdung、 caephengz gijliz caephengz faplwd hozdung, yiengq mizgven deihfueng roxnaeuz bumwnz daengq vah、 gangjcingz, roxnaeuz yungh gizyawz fuengsik bae yingjyangj swhfaz hozdung、 caephengz gijliz caephengz faplwd hozdung, cingzcez haemq mbaeu ne, hawj gij cawqfaen yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Dangjyenz lingjdauj ganbu famh mizgven gvidingh bae capfwngz doengh gij hozdung goenggungh caizcwng swhginh faenboiq、 hanghmoeg laebhangh bingzsaemj、 cwngfuj dajciengj biujcangh, cauhbaenz sonjsaet hungnaek roxnaeuz yingjyangj mbouj ndei ne, ciuq gij gvidingh gvanj gonq cawqleix.

  Daih 120 diuz Laeuh ok、 sanqgvangq roxnaeuz caeg`aeu doengh gij saehhangh dangj cujciz gvendaengz genj yungh ganbu、 gijliz saemjcaz caengz goenghai de roxnaeuz gizyawz neiyungz wngdang baujmaed de, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Gag louzyo doengh gij swhliu nangqdaengz dangj cujciz gvendaengz genj yungh ganbu、 gijliz saemjcaz daengj fuengmienh, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 121 diuz Youq ndaw gij hong gaujsi、 luzcij, miz gij hingzveiz laeuh gaujsi daezmoeg、 gaujcangz loenghgyaj、 dazgaij mbawgienj、 famh gvidingh luzcij daengj famh mizgven gvidingh de, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 122 diuz Yungh gij fuengsik mbouj cingqdangq bae maeuzgouz bonjvunz roxnaeuz bouxwnq yungh cienz goenggya ok guek (gyaiq), cingzcez haemq mbaeu ne, hawj gij cawqfaen gingjgau; cingzcez haemq naek ne, hawj gij cawqfaen yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 123 diuz Boux dangjyenz ndaw aen donz (cuj)roxnaeuz gyoengq vunz laemzseiz ok guek (gyaiq)de, gag gyaraez gij geizhanh youq rog guek (gyaiq), roxnaeuz gag bienqdoengh lohsienq ne, doiq boux miz cigsoh cwzyin caeuq boux miz lingjdauj cwzyin de, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 124 diuz Boux dangjyenz ndaw aen gihgou capyouq guekrog roxnaeuz ndaw donz (cuj)laemzseiz ok guek (gyaiq)de, famh gij faplwd、 faplingh aen guekgya、 digih capyouq roxnaeuz mbouj gingqcungh gij cunghgyau fungsug aen guekgya、 digih capyouq, cingzcez haemq naek ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj、 louz dangj cazyawj roxnaeuz haicawz dangjciz.

  Daih 125 diuz Youq ndaw doengh gij gunghcoz wnq lumjbaenz gijliz genjcaz、 cujciz、 senhconz、 dungjyiz cansen aen dangj caeuqlienz gihgvanh gunghcoz, mbouj hengzguh roxnaeuz mbouj cingqdeng hengzguh cizcwz, cauhbaenz sonjsaet roxnaeuz yingjyangj mbouj ndei ne, wngdang yawj gidij cingzcez hawj gij cawqfaen gingjgau cigdaengz haicawz dangjciz.

  Daih 11 Cieng Doiq Gij Hingzveiz Famh Swnghhoz Gijliz Guh Cawqfaen

  Daih 126 diuz Swnghhoz saisaengq nduknaeuh、 damdoz yiengjsouh、 gyaepgouz siujsiengq yahlaeuz, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez youqgaenj ne, hawj gij cawqfaen siubae cizvu ndaw dangj.

  Daih 127 diuz Caeuq bouxwnq fatseng singq gvanhaeh mbouj cingqdangq, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Leihyungh cizgenz、 gij gvanhaeh sonciengx、 gij gvanhaeh coengzei roxnaeuz gizyawz gvanhaeh doxlumj caeuq bouxwnq fatseng singq gvanhaeh ne, ciuq gij gvidingh gvanj gonq coengznaek cawqfaen.

  Daih 128 diuz Boihfamh sevei goenggungh cizsi caeuq fungsug ndei, youq giz ciengzdieg goenggungh guh ok gij hingzveiz mbouj habdangq, cauhbaenz yingjyangj mbouj ndei ne, hawj gij cawqfaen gingjgau roxnaeuz yenzcung gingjgau; cingzcez haemq naek ne, hawj gij cawqfaen siubae cizvu ndaw dangj roxnaeuz louz dangj cazyawj; cingzcez youqgaenj ne, hawj gij cawqfaen haicawz dangjciz.

  Daih 129 diuz Miz gizyawz gij hingzveiz famh sevei gunghdwz、 gyahdingz meijdwz youqgaenj ne, wngdang yawj gidij cingzcez hawj gij cawqfaen gingjgau cigdaengz haicawz dangjciz.

  Daih 3 Bien Fucwz

  Daih 130 diuz Gak swngj、 swcigih、 cizyazsi dangjveij ndaej gaenqgawq aen diuzlaeh neix, giethab gij saedceiq gunghcoz cingzgvang bonjfaenh, ceiqdingh danhangh hengzguh gvidingh.

  Daih 131 diuz Cunghyangh Ginhsw Veijyenzvei ndaej gaenqgawq aen diuzlaeh neix, giethab gij saedceiq cingzgvang Cunghgoz Yinzminz Gaijfangginh caeuq Cunghgoz Yinzminz Vujcangh Gingjcaz Budui, ceiqdingh aen dembouj gvidingh roxnaeuz danhangh gvidingh.

  Daih 132 diuz Aen diuzlaeh neix youz Cunghyangh Gijliz Genjcaz Veijyenzvei fucwz cekgej.

  Daih 133 diuz Aen diuzlaeh neix daj 2016 nienz 1 nyied 1 hauh hainduj saedhengz.

  Aen diuzlaeh neix saedhengz gaxgonq, gij anqgienh gaenq gietanq de danghnaeuz aeu guh fukcaz fuklwnh, habyungh gij gvidingh roxnaeuz cwngcwz dangseiz. Gij anqgienh caengz gietanq de, danghnaeuz gij gvidingh roxnaeuz cwngcwz mwh hingzveiz fatseng mbouj nyinhnaeuz dwg famhgij, hoeng aen diuzlaeh neix nyinhnaeuz dwg famhgij ne, ciuq gij gvidingh roxnaeuz cwngcwz dangseiz bae cawqleix; danghnaeuz gij gvidingh roxnaeuz cwngcwz mwh hingzveiz fatseng nyinhnaeuz dwg famhgij ne, ciuq gij gvidingh roxnaeuz cwngcwz dangseiz bae cawqleix, hoeng danghnaeuz aen diuzlaeh neix mbouj nyinhnaeuz dwg famhgij roxnaeuz cawqleix haemq mbaeu ne, ciuq gij gvidingh aen diuzlaeh neix bae cawqleix.

Dozsiengq
亚洲自偷精品视频自拍