Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CUNGHGUNG CUNGHYANGH AEN GIETDINGH GVENDAENGZ DOENGH GIJ VWNDIZ HUNGNAEK CIENZMIENH GYALAEG GAIJGWZ

(2013 nienz 11 nyied 12 hauh Cunghgoz Gungcanjdangj Daih Cibbet Gaiq Cunghyangh Veijyenzvei Daihsam Baez Daengxcungq Veiyi doenggvaq)

  
【Cihsaw Hung’iq : hung rauh iq】  Dajyaenq
      
  Vih gvancez lozsiz Cibbet Daih aen dangj gij canloz baijbouh gvendaengz cienzmienh gyalaeg gaijgwz, Cibbet Gaiq Cunghyangh Veijyenzvei Daihsam Baez Daengxcungq Veiyi yenzgiu le doengh gij vwndiz hungnaek gvendaengz cienzmienh gyalaeg gaijgwz, guh ok gietdingh lajneix.

  1. Gij Yiyi Hungnaek Caeuq Cijdauj Swhsiengj Cienzmienh Gyalaeg Gaijgwz

 ?。?)Gaijgwz hailangh dwg dangj youq laj seizdaih diuzgen moq daiqlingx daengx guek gak cuz yinzminz guh gij gwzming hungmbwk moq de, dwg dangdaih Cungguek gij daegsaek ceiq ronghsien de. Cib’it Gaiq Sam Cung Cienzhoih aen dangj ciuhai 35 bi daeuj, dangj raeuz aeu gij cwngci damjliengh hungloet,youq ginghci dijci、cwngci dijci、vwnzva dijci、sevei dijci、swnghdai vwnzmingz dijci caeuq gij gensez cidu aen dangj doengh fuengmienh neix laemxsim roengzrengz doicaenh gaijgwz, mboujduenh gyadaih hailangh, gietsim baenz hung, bengwz baenz laeg, yingjyangj baenz gvangq, dwg doenghbaez caengz miz gvaq, cingzcik daengxbiengz cungj cim.

  Gaijgwz hailangh gij cingzgoj ceiq cujyau de dwg haicaux caeuq fazcanj le yiengh seveicujyi miz Cungguek daegsaek, vih seveicujyi yendaiva gensez daezhawj le doenghlig giengzak caeuq baujcang daeklig. Saehsaed cwngmingz, gaijgwz hailangh dwg gij genjleh youqgaenj ndaej gietdingh diuzmingh dangdaih Cungguek, dwg gij fapbauj youqgaenj ndaej sawj saehnieb dangj caeuq yinzminz yamq hung gyaephwnj seizdaih.

  Sizcen fazcanj ciengzlwenx mbouj daengz gyaeuj, gaijfang swhsiengj ciengzlwenx mbouj daengz gyaeuj,gaijgwz hailangh ciengzlwenx mbouj daengz gyaeuj. Mienhdoiq hingzseiq moq yinvu moq, cienzmienh hwnqbaenz aenbiengz siujgangh, caiq hwnqbaenz aen seveicujyi yendaiva guekgya fouqak minzcuj vwnzmingz huzndei ndeu、saedyienh aen loqsiengj Cungguek Cunghvaz minzcuz daih fukhwng, itdingh aeu youq giz lizsij hwnjdin moq cienzmienh gyalaeg gaijgwz, mboujduenh gya’ak gij gagsaenq roenloh、gagsaenq lijlun、gagsaenq cidu yiengh seveicujyi miz Cungguek daegsaek.

 ?。?)Cienzmienh gyalaeg gaijgwz, itdingh aeu yaengx sang mbaw geiz hungmbwk yiengh seveicujyi miz Cungguek daegsaek, aeu Majgwzswh Lezningzcujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cung’yau Swhsiengj、Gohyoz Fazcanjgvanh daeuj dazyinx, giendingh saenqsim, gietcomz nyinhrox doxdoengz, dungjcouz maeuzveh, boiqhab doi baenaj, genhciz aen gaijgwz fueng’yiengq seveicujyi hawciengz ginghci, aeu coicaenh sevei goengbingz cwng’yi、gyalai fukheiq yinzminz guh gizhwnjdin caeuq gizroengzdin, caiq lai gaijfang swhsiengj、gaijfang caeuq fazcanj sevei swnghcanjliz、gaijfang caeuq gya’ak sevei vuedlig, genhgez buqcawz dijci caeuq gihci gak fuengmienh gij mbouj ndei de, roengzrengz hai’ok aen gingjsiengq baihnaj yiengh seveicujyi saehnieb miz Cungguek daegsaek engqgya gvangqlangh de.

  Gij daengxaen muzbyauh cienzmienh gyalaeg gaijgwz dwg laebndei caeuq fazcanj yiengh seveicujyi cidu miz Cungguek daegsaek, doicaenh guekgya ceihleix dijhi caeuq ceihleix naengzlig yendaiva. Itdingh aeu engqgya yawjnaek hidungj、cingjdaej、boiqhab bae gaijgwz, gyavaiq fazcanj seveicujyi hawciengz ginghci、minzcuj cwngci、senhcin vwnzva、sevei huzndei、swnghdai vwnzmingz, hawj gij vuedlig sojmiz lauzdung、cihsiz、gisuz、guenjleix、swhbwnj doxciengj biu okdaeuj, hawj sojmiz goekmboq dajcauh sevei caizfouq de cungfaen nyoenx okdaeuj, hawj daengxcungq yinzminz engq lai engq goengbingz bae ndaej daengz gij ndeicawq fazcanj cingzgoj.

  Ndaetndaet hopheux hawj hawciengz youq ndaw boiqceiq swhyenz miz giendingh cozyung bae gyalaeg ginghci dijci gaijgwz, genhciz caeuq laebndei gihbwnj ginghci cidu, gyavaiq laebndei yienhdaih hawciengz dijhi、hungzgvanh diuzgung dijhi、yiengh ginghci dijhi dwg hailangh de, gyavaiq cienjbienq ginghci fazcanj fuengsik, gyavaiq gensez yiengh guekgya ak cauhmoq, doidoengh ginghci engq miz yauliz、engqgya goengbingz、engq ndaej lienzdaemh fazcanj.

  Ndaetndaet hopheux genhciz aen dangj lingjdauj、yinzminz danggya guhcawj、ciuqfap guenj guek ndeindei dungjyiz bae gyalaeg cwngci dijci gaijgwz, gyavaiq doicaenh seveicujyi minzcuj cwngci ciduva、gveihfanva、cwngzsiva, gensez seveicujyi fapceih guekgya, fazcanj yiengh yinzminz minzcuj engqgya gvangqlangh、engqgya cungfaen、engqgya caezcienz de.

  Ndaetndaet hopheux gensez seveicujyi haedsim gyaciz dijhi、seveicujyi vwnzva guekak bae gyalaeg vwnzva dijci gaijgwz, gyavaiq laebndei vwnzva guenjleix dijci caeuq vwnzva swnghcanj ginghyingz gihci, laebhwnj laebcaez yienhdaih goenggungh vwnzva fuzvu dijhi、yienhdaih vwnzva hawciengz dijhi, doidoengh seveicujyi vwnzva daih fazcanj daih mwnhoengh.

  Ndaetndaet hopheux engq ndei bae baujcang caeuq gaijndei saedceij beksingq、coicaenh sevei goengbingz cwng’yi bae gyalaeg sevei dijci gaijgwz, gaijgwz souhaeuj faenboiq cidu, coicaenh doxcaemh fouqmiz, doicaenh sevei lingjyiz cidu cauhmoq, doicaenh gihbwnj goenggungh fuzvu bienq doxbingz bae, gyavaiq cauxbaenz gij sevei ceihleix dijci gohyoz mizyauq de, saedbauj sevei gawq gig miz vuedlig youh huzndei miz cizsi.

  Ndaetndaet hopheux gensez aen Cungguek gyaeundei bae gyalaeg swnghdai vwnzmingz dijci gaijgwz, gyavaiq laebhwnj swnghdai vwnzmingz cidu, laebcaez gij dijci gihci diegguek hoengqgan haifat、swhyenz mbaetyungh leihyungh、swnghdai vanzging baujhoh, doidoengh cauxbaenz aen gwzgiz moq yendaiva gensez vunz caeuq swyenz huzndei fazcanj de.

  Ndaetndaet hopheux daezsang gij suijbingz gohyoz gaemgienz、minzcuj gaemgienz、ciuqfap gaemgienz bae gyalaeg gaijgwz gensez cidu aen dangj, gyagiengz gensez minzcuj cizcunghci, laebndei gij lingjdauj dijci caeuq gaemgienz fuengsik aen dangj, baujciz dangj ndaej ciengzlwenx senhcin caeuq cinghseuq, vih gaijgwz hailangh caeuq seveicujyi yendaiva gensez daezhawj cwngci baujcwng giengzak.

 ?。?)Cienzmienh gyalaeg gaijgwz, itdingh aeu ndwn youq guek raeuz ciengzgeiz cawqyouq seveicujyi cogaep gaihdon aen saedceiq ceiq daih neix, genhciz aen canloz duenqdingh hungnaek fazcanj vanzlij dwg aen gvanhgen gaijgez guek raeuz sojmiz vwndiz neix, aeu ginghci gensez guh cungsim, fazveih ginghci dijci gaijgwz gij cozyung bengrag de, doidoengh swnghcanj gvanhaeh caeuq swnghcanjliz、sangcwngz gencuz caeuq ginghci giekdaej dox hab’wngq, doidoengh ginghci sevei lienzdaemh cangqheiq fazcanj.

  Ginghci dijci gaijgwz dwg gij cungdenj cienzmienh gyalaeg gaijgwz, aen vwndiz haedsim de dwg cawqleix ndei gij gvanhaeh cwngfuj caeuq hawciengz, hawj hawciengz youq ndaw swhyenz boiqceiq miz gietdinghsingq cozyung caeuq ndaej engq ndei fazveih gij cozyung cwngfuj. Hawciengz gietdingh swhyenz boiqceiq dwg hawciengz ginghci itbuen gvilwd, laebcaez seveicujyi hawciengz ginghci dijci itdingh aeu ciuqei diuz gvilwd neix, roengzrengz gaijgez doengh gij vwndiz hawciengz dijhi mbouj caezcienz、cwngfuj capfwngz lai gvaqbouh caeuq gamguenj mbouj daengz dieg.

  Itdingh aeu cizgiz onjdangq bae coengz dohgvangq caeuq dohlaeg doicaenh hawciengzvaq gaijgwz, daih fukdoh gemjnoix cwngfuj cigsoh boiqceiq swhyenz, doidoengh swhyenz boiqceiq ciuq hawciengz gveihcwz、hawciengz gyagwz、hawciengz gingcwngh ndaej saedyienh yauqik ceiq daih caeuq yauliz ceiq ndei. Gij cizcwz caeuq cozyung cwngfuj cujyau dwg baujciz hungzgvanh ginghci onjdingh, gyagiengz caeuq gaijndei goenggungh fuzvu, baujcang goengbingz gingcwngh, gyagiengz hawciengz gamguenj, henhoh hawciengz cizsi, doidoengh ndaej lienzdaemh fazcanj, coicaenh doxcaemh fouqmiz, bangbouj hawciengz giz guh mbouj lingz de.

 ?。?)Gaijgwz hailangh sizcen baenzgoeng vih cienzmienh gyalaeg gaijgwz daezhawj le gingniemh youqgaenj, itdingh aeu ciengzgeiz genhciz. Gij ceiq youqgaenj de dwg, genhciz aen dangj lingjdauj, gvancez gij gihbwnj lohsienq aen dangj, mbouj byaij diuz roengaeuq fungsaek gyaengjgyat, mbouj byaij diuz roenloek gaijvuenh geizhauh, giendingh bae byaij diuz roen seveicujyi miz Cungguek daegsaek, seizseiz saedbauj aen fueng’yiengq cingqdeng gaijgwz; genhciz gaijfang swhsiengj、ciuq saedsaeh bae guh、caeuq seizdaih caez baenaj、gouz caen guh saed, gijmaz cungj coengz saedceiq bae naemj, cungjgez gij guhfap baenzgoeng ndaw guek, hag aeu gij gingniemh mizik rog guek, gamj bae doicaenh lijlun caeuq sizcen cauhmoq; genhciz aeu vunz guhgoek, gingqcungh gij cawjdaej diegvih yinzminz, fazveih gij cingsaenz cauxdaeuz ginzcung, ndaetndaet baenghgauq yinzminz doidoengh gaijgwz, coicaenh bouxvunz cienzmienh fazcanj; genhciz cingqdeng cawqleix gij gvanhaeh gaijgwz fazcanj onjdingh, mbei aeu hung、yamqdin aeu maenh, gyagiengz caengzdingj sezgi caeuq lumh rin gvaq dah dox giethab, cingjdaej doicaenh caeuq cungdenj cungbyoengq dox coicaenh, daezsang gij gohyozsing gaijgwz gezcwz, gvangqlangh gietcomz yinsiz doxdoengz, cauxbaenz gij hablig guh gaijgwz.

  Dangqnaj, guek raeuz fazcanj haeuj daengz gaihdon moq, gaijgwz haeuj daengz mwh gungndongj caeuq haeuj daengz giz raemxlaeg. Itdingh aeu gij lizsij sijmingganj gig haenq, ceiq daih hanhdoh bae gyonjcomz gij dungxcaiz daengx dangj daengx biengz, ceiq daih hanhdoh bae diuhdoengh sojmiz cizgiz yinhsu, gamj bae gaet ndok ndongj, gamj bae gvaq danyiemj, yungh gietsim engq hung bae cungbyoengq swhsiengj gvanhnen cughaed, dwkbyoengq gij gazgit leih’ik dinghmaenh, doidoengh yiengh seveicujyi cidu miz Cungguek daegsaek gag caezcienz caeuq fazcanj.Daengz 2020 nienz, youq lingjyiz youqgaenj caeuq gvanhgen vanzcez gaijgwz fuengmienh aeundaej gij cingzgoj miz gietdingh yiyi de, guhbaenz gij gaijgwz yinvu aen gietdingh neix daezok de,cauxbaenz gij cidu dijhi hidungj caezcienz、gohyoz gveihfan、yinhhengz mizyauq de, hawj gak fuengmienh cidu engqgya cingzsug engqgya dinghhingz.

  2. Genhciz Caeuq Laebndei Gihbwnj Ginghci Cidu

  Aen gihbwnj ginghci cidu gunghyoujci guh cawjdaej、lai cungj sojyoujci ginghci doxcaemh fazcanj de, dwg gij donghsaeu youqgaenj yiengh seveicujyi cidu miz Cungguek daegsaek, hix dwg gij giekdaej seveicujyi hawciengz ginghci dijci. Gunghyoujci ginghci caeuq gij ginghci mbouj dwg gunghyoujci de cungj dwg aen gapbaenz bouhfaenh youqgaenj seveicujyi hawciengz ginghci, cungj dwg gij giekdaej youqgaenj guek raeuz ginghci sevei fazcanj. Itdingh aeu mbouj soenghonz saekdi bae gyamaenh caeuq fazcanj gunghyoujci ginghci, genhciz gij cawjdaej diegvih gunghyoujci, fazveih gij cujdauj cozyung guekmiz ginghci, mboujduenh gya’ak gij rengzhoengh、rengzgaemhanh、rengzyingjyangj guekmiz ginghci. Itdingh aeu mbouj soenghonz saekdi bae gujli、cihciz、dazyinx gij ginghci mbouj dwg gunghyoujci de fazcanj, gikfat gij rengzhoengh caeuq rengzdajcauh cungj ginghci mbouj dwg gunghyoujci de.

 ?。?)Laebndei canjgienz baujhoh cidu. Canjgienz dwg gij haedsim sojyoujci. Laebcaez gij yienhdaih canjgienz cidu gvisug cingcuj、gienzlig cizcwz mingzbeg、baujhoh yiemzgek、riuzcienj doengswnh de. Gij gienzcaizcanj gunghyoujci ginghci mbouj ndaej ciemqfamh, gij gienzcaizcanj cungj ginghci mbouj dwg gunghyoujci de ityiengh mbouj ndaej ciemqfamh.

  Guekgya baujhoh gij canjgienz caeuq gienzik habfap gak cungj sojyoujci ginghci, baujcwng gak cungj sojyoujci ginghci ndaej ciuqfap bingzdaengj sawjyungh swnghcanj yausu、goenghai goengbingz goengcingq bae camgya hawciengz gingcwngh、doengzdaengj ndaej faplwd baujhoh, ciuqfap gamguenj gak cungj sojyoujci ginghci.

 ?。?)Cizgiz fazcanj cungj sojyoujci ginghci doxgyaux de. Cungj sojyoujci ginghci doxgyaux guekmiz swhbwnj、cizdij swhbwnj、gij swhbwnj mbouj dwg goengmiz daengj camca dawzguj、dox yungzhab de, dwg gij saedyienh hingzsik youqgaenj gihbwnj ginghci cidu, ndei hawj guekmiz swhbwnj cuengqhung goengnaengz、bauj gyaciz gyalai gyaciz、daezsang gingcwnghliz, ndei hawj gak cungj sojyoujci swhbwnj aeu ndei bouj yaez、dox coicaenh、doxcaemh fazcanj. Cinjhawj engq lai guekmiz ginghci caeuq gij sojyoujci ginghci wnq fazcanj baenz cungj sojyoujci ginghci doxgyaux de. Gij hanghmoeg guekmiz swhbwnj douzswh de cinjhawj gij swhbwnj mbouj dwg guekmiz de camguj. Cinjhawj cungj sojyoujci ginghci doxgyaux de saedhengz giyez yenzgungh dawzguj, cauxbaenz aen leih’ik gungdungzdij boux ciemqmiz swhbwnj caeuq bouxguhhong.

  Laebndei guekmiz swhcanj guenjleix dijci, aeu guenj swhbwnj guhgoek bae gyagiengz gamguenj guekmiz swhcanj, gaijgwz guekmiz swhbwnj hawjgienz ginghyingz dijci, cujlaeb geij aen guekmiz swhbwnj yinyingz gunghswh, cihciz gij guekmiz giyez miz diuzgen de gaijcuj baenz guekmiz swhbwnj douzswh gunghswh. Guekmiz swhbwnj douzswh yinyingz aeu vih guekgya canloz muzbyauh fuzvu, engq lai bae douz coh doengh aen hangznieb youqgaenj caeuq lingjyiz youqgaenj gvanhaeh daengz guekgya ancienz、gozminz ginghci minghmeg de, cungdenj daezhawj goenggungh fuzvu、fazcanj gij canlozsing canjyez youqgaenj yawj bae gyae de、baujhoh swnghdai vanzging、cihciz gohgi cinbu、baujcang guekgya ancienz.

  Vehcienj mbangj guekmiz swhbwnj bae cungsaed sevei baujcang gihginh. Laebndei guekmiz swhbwnj ginghyingz yawhsuenq cidu, daezsang gij beijlaeh guekmiz swhbwnj souik gyauj hawj goenggungh caizcwng, 2020 nienz daezsang daengz 30%, engq lai bae yungh youq baujcang caeuq gaijndei saedceij beksingq.

 ?。?)Doidoengh guekmiz giyez laebndei yienhdaih giyez cidu. Guekmiz giyez dwg cienzminz ciemqmiz, dwg gij ligliengh youqgaenj doicaenh guekgya yendaiva、baujcang leih’ik caezcaemh yinzminz. Guekmiz giyez daengxbuenz daeuj gangj gaenq caeuq hawciengz ginghci dox yungzhab, itdingh aeu hab’wngq aen hingzseiq moq hawciengzvaq、gozciva neix, aeu gveihfan ginghyingz gezcwz、swhcanj bauj gyaciz caeuq gyalai gyaciz、goengbingz camgya gingcwngh、daezsang giyez yauliz、gya’ak giyez vuedlig、rapdawz sevei cwzyin guh cungdenj, caiq lai gyalaeg guekmiz giyez gaijgwz.

  Dengcinj bae gyaiqdingh gij goengnaengz mbouj doengz guekmiz giyez. Guekmiz swhbwnj gyadaih doiq gij giyez miz goeng’ik singciz de guh douzhaeuj,youq daezhawj goenggungh fuzvu fuengmienh guh ok gungyen engq daih. Gij swyenz lungjdon hangznieb guekmiz swhbwnj laebdaeb gaemguj ginghyingz de, saedhengz gij gaijgwz aeu cwng gi faenhai、cwng swh faenhai、daegbied cinjhawj ginghyingz、cwngfuj gamguenj guh cujyau neiyungz de, gaengawq mbouj doengz hangznieb daegdiemj saedhengz vangj yinh faenhai、cuengqhai gij yezvu miz gingcwngh singciz de, doicaenh goenggungh swhyenz boiqceiq hawciengzvaq. Caiq bae buqcawz gak cungj hingzsik hingzcwng lungjdon.

  Laebcaez gij gunghswh fazyinz ceihleix gezgou hezdiuz yinhcienj、mizyauq dox hanhhaed de. Laebhwnj cizyez ginghlijyinz cidu, engq ndei bae fazveih gij cozyung giyezgyah. Gyalaeg gaijgwz gij cidu baihndaw giyez, hawj guenjleix yinzyenz hwnj ndaej roengz ndaej、yenzgungh haeuj ndaej ok ndaej、souhaeuj gya ndaej gemj ndaej. Laebhwnj gij gikleih hanhhaed gihci ciengzgeiz mizyauq de, gyagiengz gyaepcaz ginghyingz douzswh cwzyin guekmiz giyez. Damqra doicaenh goenghai guekmiz giyez caizvu yawhsuenq daengj saenqsik hungnaek.

  Guekmiz giyez aeu hableix demgya gij beijlaeh doenggvaq hawciengz genj yungh vunz, hableix doekdingh doengzseiz yiemzgek gveihfan guekmiz giyez guenjleix yinzyenz gij cienzhong suijbingz、cizvu daiyi、cizvu siufeiq、yezvu siufeiq de.

 ?。?)Cihciz gij ginghci mbouj dwg gunghyoujci de cangqheiq fazcanj. Gij ginghci mbouj dwg gunghyoujci de youq dingjcengj demmaj、coicaenh cauhmoq、gyadaih couhnieb、demgya gvaehsuiq daengj fuengmienh miz cozyung youqgaenj. Genhciz gienzleih bingzdaengj、gihvei bingzdaengj、gveihcwz bingzdaengj, feiqcawz gij gvidingh mbouj hableix miz gak cungj hingzsik dwg cimdoiq cungj ginghci mbouj dwg gunghyoujci de, siucawz gak cungj fuengzhen ndumj youq de, ceiqdingh gij gidij banhfap hawj gij giyez mbouj dwg gunghyoujci haeuj doengh aen lingjyiz daegbied cinjhawj ginghyingz de.

  Gujli gij giyez mbouj dwg gunghyoujci de camgya guekmiz giyez gaijgwz, gujli fazcanj gij sojyoujci giyez doxgyaux youz gij swhbwnj mbouj dwg goengmiz gaemguj de, gujli gij swhyingz giyez miz diuzgen de laebhwnj yienhdaih giyez cidu.

  3. Gyavaiq Laebndei Yienhdaih Hawciengz Dijhi

  Gensez gij hawciengz dijhi dungjyiz hailangh、gingcwngh miz cizsi haenx, dwg gij giekdaej hawj hawciengz youq ndaw swhyenz boiqceiq miz gietdinghsingq cozyung. Itdingh aeu gyavaiq cauxbaenz gij yienhdaih hawciengz dijhi giyez gag guhcawj ginghyingz、goengbingz gingcwngh, bouxsiufeiq gag swyouz genjleh、gag guhcawj siufeiq, sanghbinj caeuq yausu swyouz riuzdoengh、bingzdaengj doxvuenh haenx, roengzrengz cingcawz gij gyaiqhanh hawciengz, daezsang swhyenz boiqceiq yauliz caeuq goengbingz.

 ?。?)Laebhwnj gij hawciengz gveihcwz goengbingz hailangh ronghcingx haenx. Saedhengz hawciengz cinjhaeuj cidu dungjyiz,youq gwnz giekdaej ceiqdingh fumen cingdan, gak loih hawciengz cawjdaej ndaej ciuqei faplwd bingzdaengj haeuj aen lingzyiz baihrog fumen cingdan bae. Damqra aen guenjleix vunqsik doiq vaisangh douzswh saedhengz cinjhaeuj gaxgonq hawj gozminz daiyi gya fumen cingdan. Doicaenh gunghsangh cucwz cidu bienq fuengbienh yungzheih, siugemj swhciz nyinhdingh hanghmoeg, daj sien banh mbaw cingq cinjhawj caiq banh cizcau gaijbaenz sien banh cizcau caiq banh mbaw cingq cinjhawj, dawz cucwz swhbwnj saedgyauj daenggeiq cidu cugbouh gaijbaenz nyinhgyauj daenggeiq cidu. Doicaenh ndaw guek mouzyiz riuzdoeng dijci gaijgwz, gensez aen yingzsangh vanzging fazciva.

  Gaijgwz hawciengz gamguenj dijhi, saedhengz hawciengz gamguenj dungjyiz, cingleix caeuq feiqcawz gak cungj gvidingh caeuq guhfap gazngaih daengx guek dungjyiz hawciengz caeuq goengbingz gingcwngh bae, yiemzgimq caeuq ceihbanh gak loih hingzveiz boihfamh faplwd bae saedhengz youhvei cwngcwz, fanjdui deihfueng baujhoh, fanjdui lungjdon caeuq mbouj cingqdangq gingcwngh. Laebhwnj laebcaez sevei cwnghsin dijhi, haenh lauxsaed souj saenqyungh, fad mbouj souj saenqyungh. Laebcaez gij hawciengz doiqok gihci aeu ndei vut yaez de, laebndei giyez buqcanj cidu.

 ?。?0)Laebndei gij gihci cujyau dwg youz hawciengz bae gietdingh gyaqcienz haenx. Gij gyaqcienz ndaej youz hawciengz gag gietdingh de cungj cienzbouh gyauhawj hawciengz, cwngfuj mbouj guh gij capfwngz mbouj habdangq de. Doicaenh gaijgwz gij gyaqcienz doengh aen lingjyiz raemx、sizyouz、denhyenzgi、denliz、gyaudoeng、densin, cuengqhai gij gyaqcienz doengh aen vanzcez gingcwnghsing de. Gij fanveiz cwngfuj dinghgyaq cujyau hanhdingh youq goengyungh saehnieb youqgaenj、goeng’iksingq fuzvu、yiengh swyenz lungjdon vanzcez baenz vangjloz de, daezsang ronghcingx cingzdoh, ciepsouh sevei gamduk. Laebndei nungzcanjbinj gyaqcienz cauxbaenz gihci, yawjnaek fazveih hawciengz gij cozyung cauxbaenz gyaqcienz de.

 ?。?1)Laebhwnj aen hawciengz gensez yungh dieg singz mbanj dungjyiz haenx. Youq aen cenzdiz habngamj gveihva caeuq guenjceiq yunghcawq neix, cinjhawj lajmbanj cizdij ginghyingzsing gensez yungh dieg cienjnyiengh、okco、haeujguj, saedhengz caeuq guekmiz diegdeih doengzdaengj haeujhaw、doengz gienz doengz gyaq. Sukiq gij fanveiz cwngdieg, gveihfan gij cwngzsi cwngdieg, laebndei gij gihci hableix、gveihfan、lai fuengmienh bae baujcang gij nungzminz deng cwngdieg de. Gyadaih gij fanveiz guekmiz diegdeih gyaucienz sawjyungh, gemjnoix vehbued gij yungh dieg mbouj dwg goeng’iksingq de. Laebhwnj gij gihci faenboiq diegdeih gyaciz fatlai souik giemgoq guekgya、cizdij、goyinz de, hableix daezsang goyinz souik. Laebndei gij ngeihgaep hawciengz diegdeih okco、cienjnyiengh、dingjat.

 ?。?2)Laebndei ginhyungz hawciengz dijhi. Gyahung ginhyungz hangznieb doiq ndaw doiq rog hailangh, youq aen cenzdiz gyagiengz gamguenj neix, cinjhawj gij swhbwnj ndawbiengz miz diuzgen de ciuqfap iudaeuz laeb yinzhangz iq rauh daengj ginhyungz gihgou. Doicaenh cwngcwzsing ginhyungz gihgou gaijgwz. Laebcaez gij swhbwnj hawciengz dijhi lai cwngzsw de, doicaenh gujbyau fathengz cucwzci gaijgwz, lai diuz miengloh doidoengh gujgienz yungzswh, fazcanj caemhcaiq gveihfan caigen hawciengz, daezsang gij beijlaeh cigsoh yungzswh. Laebndei baujyiemj ginghci boizbouj gihci, laebhwnj gij cidu cai hung baujyiemj. Fazcanj gij ginhyungz ik daengz doh. Gujli ginhyungz cauhmoq, gyalai cwngzsw caeuq canjbinj ginhyungz hawciengz.

  Laebndei yinzminzbi veiliz hawciengzvaq cauxbaenz gihci, gyavaiq doicaenh liliz hawciengzvaq, laebcaez diuz sienqvan guekcaiq souik bijliz ndaej fanjyingj hawciengz gunggouz gvanhaeh haenx. Doidoengh swhbwnj hawciengz song yiengq hailangh, miz bouhloh bae daezsang swhbwnj hamjgyaiq caeuq ginhyungz gaicawx gij cingzdoh ndaej caujvuenh de, laebhwnj laebcaez aen dijhi guenjleix caiq guekrog caeuq swhbwnj riuzdoengh laj gvaengxgyaq hungzgvanh siujsim saemjcaz guenjleix de, gyavaiq saedyienh yinzminzbi swhbwnj hanghmoeg ndaej caujvuenh.

  Lozsiz ginhyungz gamguenj gaijgwz cosih caeuq onjmaenh biucinj, laebndei gamguenj hezdiuz gihci, gyaiqdingh gij ginhyungz gamguenj cizcwz caeuq fung’yiemj cawqceq cwzyin cunghyangh caeuq deihfueng. Laebhwnj cunzgvanj baujyiemj cidu, laebndei ginhyungz gihgou hawciengzvaq doiqok gihci. Gyagiengz gensez ginhyungz giekdaej sezsih, baujcang ginhyungz hawciengz yinhhengz ancienz yauliz sang caeuq cingjdaej onjdingh.

 ?。?3)Gyalaeg gohgi dijci gaijgwz. Laebhwnj laebcaez gij dijci gihci gujli codaeuz cauhmoq、comzbaenz cauhmoq、yinxhaeuj siuvaq supsou caiq cauhmoq, laebcaez gij gihci dazyinx gisuz cauhmoq hawciengz, fazveih hawciengz gij cozyung dazyinx gisuz yenzgiu haifat fueng’yiengq、lohsienq genjleh、gyaqcienz yausu、boiqceiq gak loih cauhmoq yausu de. Laebhwnj aen gihci canj yoz yenz boiqhab cauhmoq, giengzvaq giyez youq ndaw gisuz cauhmoq gij cawjdaej diegvih de, fazveih giyez hung cauhmoq guzgan cozyung, gikfat gij vuedlig cauhmoq giyez rauh iq, doicaenh gij gisuz yenzgiu haifat gihgou dwg wngqyungh de guh hawciengzvaq、giyezva gaijgwz, gensez guekgya cauhmoq dijhi.

  Gyagiengz cihsiz canjgienz yinhyungh caeuq baujhoh, laebcaez gisuz cauhmoq gikleih gihci, damqra laebhwnj cihsiz canjgienz fazyen. Dwkbyoengq hingzcwng cujdauj caeuq bumwnz faengat, laebhwnj aen gihci cujyau youz hawciengz bae gietdingh gisuz cauhmoq hanghmoeg caeuq ginghfei faenboiq、bingzgyaq cingzgoj haenx. Fazcanj gisuz hawciengz, laebcaez gisuz cienjnyiengh gihci, gaijndei gij yungzswh diuzgen giyez rauh iq dwg gohgihingz de, laebndei fung’yiemj douzswh gihci, cauhmoq sanghyez vunqsik, coicaenh gohgi cingzgoj bienqbaenz swhbwnj、bienqbaenz canjyez.

  Cingjhab gohgi gveihva caeuq swhyenz, laebndei aen gihci cwngfuj cihciz gij gohyoz yenzgiu caeuq gungsing gisuz yenzgiu miz giekdaejsingq、canlozsing、cenzyenzsing de. Guekgya gohyenz giekdaej sezsih hungnaek gij ciuq gvidingh wnggai hailangh de couh cienzbouh doiq sevei hailangh. Laebhwnj cauhmoq diucaz cidu caeuq cauhmoq baugau cidu, laebhwnj gij guekgya gohyenz swhyenz guenjleix caeuq hanghmoeg bingzgyaq gihci goenghai ronghcingx de.

  Gaijgwz gij dijci genjleh caeuq guenjleix yensw, guhndei yozgoh baijbouh, daezsang gij beijlaeh vunzcaiz cungnienz bouxcoz, saedhengz aen cidu yensw duiyouh caeuq doiqok.

  4. Gyavaiq Cienjbienq Cwngfuj Ciznwngz

  Gohyoz bae guh hungzgvanh diuzgung, cwngfuj mizyauq bae guh ceihleix, dwg fazveih seveicujyi hawciengz ginghci dijci youhsi gij bonjlaiz iugouz de. Itdingh aeu cietsaed cienjbienq cwngfuj ciznwngz, gyalaeg hingzcwng dijci gaijgwz, cauhmoq hingzcwng guenjleix fuengsik, gya’ak gij rengzgoengsaenq caeuq rengzcaephengz cwngfuj, gensez fapceih cwngfuj caeuq aen cwngfuj ak fuzvu.

 ?。?4)Laebcaez hungzgvanh diuzgung dijhi. Gij cujyau yinvu hungzgvanh diuzgung dwg baujciz ginghci cungjliengh bingzyaenx, coicaenh ginghci gezgou hungnaek doxngamj caeuq swnghcanjliz baijbouh bienq ndei, gejrungq ginghci cougeiz fubfab yingjyangj, fuengzre gihyizsing、hidungjsing fung’yiemj, onjdingh hawciengz yawhgeiz, saedyienh ginghci lienzdaemh cangqheiq fazcanj. Laebcaez gij hungzgvanh diuzgung dijhi aeu guekgya fazcanj canloz caeuq gveihva guh dazyinx、aeu caizcwng cwngcwz caeuq hobi cwngcwz guh cujyau soujduenh de, doicaenh hungzgvanh diuzgung muzbyauh ceiqdingh caeuq cwngcwz soujduenh yinhyungh gihciva, gyagiengz caizcwng cwngcwz、hobi cwngcwz caeuq canjyez、gyagwz daengj cwngcwz soujduenh hezdiuz boiqhab, daezsang gij suijbingz yawj seizgei guh ok gietdingh, hawj hungzgvanh diuzgung yawj ndaej gyae、miz cimdoiq、boiqhab guh.Cauxbaenz gij gihci camgya gozci hungzgvanh ginghci cwngcwz hezdiuz de, doidoengh laebndei gozci ginghci ceihleix gezgou.

  Gyalaeg gaijgwz douzswh dijci, laebdingh giyez douzswh cawjdaej diegvih. Giyez douzswh hanghmoeg, cawzbae doengh gij hanghmoeg gvanhaeh daengz guekgya ancienz caeuq swnghdai ancienz、nangq daengz daengx guek swnghcanjliz baijbouh hungnaek、canlozsing swhyenz haifat caeuq goenggungh leih’ik hungnaek de, cienzbouh youz giyez ciuqfap ciuq gvidingh gag guhcawj gezcwz, cwngfuj mbouj caiq saemjbae. Giengzvaq mbaetyungh nwngzyenz mbaetyungh diegdeih mbaetyungh raemx、vanzging、gisuz、ancienz daengj hawciengz cinjhaeuj biucinj, laebhwnj laebcaez aen gihci cienzgeiz mizyauq fuengzre caeuq vaqgej canjnaengz lwyawz gvaqbouh de.

  Laebndei fazcanj cingzgoj gaujhaed bingzgyaq dijhi, niujcingq gij bienyiengq cingh aeu ginghci demmaj vaiqmenh bae bingzdingh cwngciz, gyadaih gij gaujbingz faenhliengh swhyenz siuhauq、vanzging sonjhaih、swnghdai yauqik、canjnaengz lwyawz、gohgi cauhmoq、ancienz swnghcanj、demgya caivu moq doengh hangh cijbyauh neix, engqgya yawjnaek lauzdung couhnieb、gihminz souhaeuj、sevei baujcang、gij canggvang yinzminz ndangcangq. Gyavaiq laebhwnj gij ginghci haedsuenq cidu guekgya dungjyiz de, bienguh aen biuj daengx guek caeuq deihfueng swhcanj dawzcaiq, laebhwnj daengx aen sevei fangzcanj、saenqyungh daengj giekdaej soqgawq dungjyiz bingzdaiz, doicaenh bumwnz saenqsik caemhyungh.

 ?。?5)Cienzmienh cingqdeng bae hengzguh cwngfuj ciznwngz. Caenh’itbouh genjcwng cuengq gienz, gyalaeg gaijgwz hingzcwng saemjbae cidu, aeu ceiq daih hanhdoh bae gemjnoix cunghyangh cwngfuj guenjleix veizgvanh swvu, gij ginghci hozdung ndaej youz hawciengz gihci mizyauq diuzcez haenx, cienzbouh siubae saemjbae, doiq gij hingzcwng saemjbae saehhangh lij baujlouz de aeu gveihfan guenjleix、daezsang yauliz; doengh gij ginghci sevei saehhangh cigsoh yiengqcoh gihcwngz、soq hung mienh gvangq、youz deihfueng guenjleix engqgya fuengbienh mizyauq de, cienzbouh cuengq hawj deihfueng caeuq gihcwngz bae guenj.

  Cwngfuj aeu gyagiengz ceiqdingh caeuq saedhengz fazcanj canloz、gveihva、cwngcwz、biucinj daengj, gyagiengz gamguenj hawciengz hozdung, gyagiengz daezhawj gak loih goenggungh fuzvu. Gyagiengz cunghyangh cwngfuj gij cizcwz caeuq naengzlig guh hungzgvanh diuzgung, gyagiengz deihfueng cwngfuj goenggungh fuzvu、hawciengz gamguenj、sevei guenjleix、vanzging baujhoh daengj cizcwz. Doigvangq cwngfuj cawxaeu fuzvu, fanzdwg swvusing guenjleix fuzvu, ciuq yenzcwz cungj aeu yinxhaeuj gingcwngh gihci, doenggvaq habdoengz、dakhawj daengj fuengsik yiengq sevei cawxaeu.

  Gyavaiq swyez danhvei faenloih gaijgwz, gyadaih gij ligdoh cwngfuj cawxaeu goenggungh fuzvu, doidoengh goengbanh swyez danhvei caeuq cawjguenj bumwnz leixswnh gvanhaeh caeuq vut gij saek hingzcwng bae, cauh’ok diuzgen, cugbouh siubae gij hingzcwng gaepbied yozyau、gohyenz yen soj、yihyen daengj danhvei. Laebhwnj swyez danhvei fazyinz ceihleix gezgou, doicaenh gij swyez danhvei miz diuzgen de cienjbaenz giyez roxnaeuz sevei cujciz. Laebhwnj gij cidu gak loih swyez danhvei dungjyiz daenggeiq guenjleix.

 ?。?6)Gaijndei cwngfuj cujciz gezgou. Cienjbienq cwngfuj ciznwngz itdingh aeu gyalaeg gihgou gaijgwz. Gaijndei cwngfuj gihgou ndalaeb、ciznwngz boiqcaeq、gunghcoz liuzcwngz, laebndei gij hingzcwng yinhhengz gihci hawj gienzgezcwz、gienzcaephengz、gienzgamduk gawq dox hanhhaed youh dox hezdiuz de. Yiemzgek cikyauq guenjleix, doedok lozsiz cwzyin, saedbauj gienzlig caeuq cwzyin doxngamj.

  Dungjcouz gaijgwz gij gihgou dangj cwng ginz, leixswnh bumwnz cizcwz gvanhaeh. Cizgiz onjdangq saedhengz daih bumwnz cidu. Gaijndei hingzcwng gihva anlaeb, gij deihfueng miz diuzgen de damqra doicaenh aen dijci gaijgwz swngj cigsoh guenjleix yienh (si). Yiemzgek gaemhanh gihgou benhci, yiemzgek ciuq gvidingh cizvu gangjvei soqliengh bae boiq lingjdauj ganbu, gemjnoix gihgou soqliengh caeuq lingjdauj cizvu gangjvei soqliengh, yiemzgek gaemhanh aen cungjliengh doengh boux caizcwng ciengx de. Doicaenh gihgou bienceiq guenjleix gohyozva、gveihfanva、fazciva.

  5. Gyalaeg Gaijgwz Caizsui Dijci

  Caizcwng dwg gij giekdaej caeuq diuz donghsaeu youqgaenj ceihleix guekgya, gij caizsui dijci gohyoz de dwg aen cidu baujcang guhndei swhyenz boiqceiq、henhoh hawciengz dungjyiz、coicaenh sevei goengbingz、saedyienh guekgya ciengzgeiz onjdingh. Itdingh aeu caezcienz laebfap、doekdingh saehgienz、gaijgwz suici、dawz suiq onjdingh、yawhsuenq ronghcingx、daezsang yauliz, laebhwnj yienhdaih caizcwng cidu, fazveih cunghyangh caeuq deihfueng song aen cizgizsing.

 ?。?7)Gaijndei yawhsuenq guenjleix cidu. Saedhengz gij yawhsuenq cidu cienzmienh gveihfan、goenghai ronghcingx. Gij cungdenj saemjhaed yawhsuenq youz bingzyaenx cangdai、cihhoengz gveihmoz lai gya’gvangq coh ceiok yawhsuenq caeuq cwngcwz. Cingleix gveihfan gij saehhangh cungdenj ceiok caeuq caizcwng soucei fukdoh roxnaeuz swnghcanj cungjciz venjngaeu de, itbuen mbouj sawjyungh gij fuengsik venjngaeu. Laebhwnj gij yawhsuenq bingzyaenx gihci hamj nienzdoh de,laebhwnj aen cwngfuj cunghab caizvu baugau cidu dwg gienz cwz fatseng cidu de, laebhwnj cunghyangh caeuq deihfueng cwngfuj gij caivu guenjleix caeuq fung’yiemj yawhgingj gihci gveihfan hableix de.

  Laebndei itbuensingq conjyiz ceihawj demmaj gihci, cungdenj demgya conjyiz ceihawj gwzming laujgih、dieg minzcuz、dieg henzguek、dieg gungzhoj. Gij deihfueng caizlig giepnoix aenvih cunghyangh okdaiz demgya ceiok cwngcwz cauhbaenz haenx, yenzcwz dwg doenggvaq itbuensingq conjyiz ceihawj bae diuzcez. Cingleix、cingjhab、gveihfan cienhangh conjyiz ceihawj hanghmoeg, cugbouh siubae gingcwnghsing lingjyiz cienhangh caeuq deihfueng swhginh boiqdauq, yiemzgek gaemhhanh doengh gij cienhangh dwg cungj dazyinx、cungj gouqcaeq、cungj wngqgip de, doiq gij hanghmoeg baujlouz de guh saemjcaz, gij gvi deihfueng swvu de couh vehhaeuj itbuensingq conjyiz ceihawj bae.

 ?。?8)Laebndei gvaehsuiq cidu. Gyalaeg gaijgwz gvaehsuiq cidu, laebndei gij dijhi gvaehdeihfueng, cugbouh daezsang gij bijcung gvaehcigsoh. Doicaenh cwnghcizsui gaijgwz, habdangq genjvaq suiliz. Diuzcwngj gij fanveiz、vanzcez、suiliz cwngsou siuhfeisui, dawz gij canjbinj hauq nwngzyenz lai、uqlah lai de caeuq mbangj gauhdang siuhfeibinj nabhaeuj cwngsou fanveiz bae. Cugbouh laebhwnj gij goyinz sojdwzsui cidu dwg cunghab caeuq faenloih dox giethab haenx. Gyavaiq fangzdicanjsui laebfap caemhcaiq youq mwh habdangq de doicaenh gaijgwz, gyavaiq guh swhyenzsui gaijgwz, doidoengh dawz vanzging baujhohfeiq gaij baenz sui.

  Ciuq aen yenzcwz dungjyiz suici、goengbingz dawz sui、coicaenh goengbingz gingcwngh neix, gyagiengz gveihfan guenjleix gvaehsuiq youhvei daegbied dwg gihyiz gvaehsuiq youhvei cwngcwz. Gvaehsuiq youhvei cwngcwz dungjyiz youz cienmonz gvaehsuiq faplwd fapgvi bae gvidingh, cingleix gveihfan gvaehsuiq youhvei cwngcwz. Laebndei gij dijci cwngguenj gvaehguekgya、gvaehdeihfueng.

 ?。?9)Laebhwnj aen cidu saehgienz caeuq ceiok cwzyin doxngamj. Habdangq gyagiengz cunghyangh saehgienz caeuq ceiok cwzyin, gozfangz、vaigyauh、guekgya ancienz、gij gveihcwz caeuq guenjleix gvanhaeh daengx guek dungjyiz hawciengz daengj dangguh gij saehgienz cunghyangh; mbangj sevei baujcang、gensez henhoh hanghmoeg hungnaek hamj gihyiz daengj dangguh gij saehgienz cunghyangh caeuq deihfueng caezrap, cugyamq leixswnh saehgienz gvanhaeh; gihyizsing goenggungh fuzvu dangguh saehgienz deihfueng. Cunghyangh caeuq deihfueng ciuq saehgienz vehfaen gij ceiok cwzyin doxwngq rapdawz caeuq faenrap haenx. Cunghyangh ndaej doenggvaq anbaiz conjyiz ceihawj dawz mbangj saehgienz ceiok cwzyin he dak deihfueng rapdawz. Doiq gij goenggungh fuzvu hamj gihyiz caemhcaiq doiq gizyawz deihfueng yingjyangj haemq hung de, cunghyangh doenggvaq conjyiz ceihawj rapdawz mbangj deihfueng saehgienz ceiok cwzyin ndeu.

  Baujciz yienhmiz cunghyangh caeuq deihfueng caizlig gwzgiz cungjdaej onjdingh, giethab sougvaeh cidu gaijgwz, ngeixnaemj gvaehcungj sugsingq, caenh’itbouh leixswnh cunghyangh caeuq deihfueng souhaeuj vehfaen.

  6. Laebcaez Aen Dijci Gihci Hawj Singz Mbanj Fazcanj Baenz Aen Cingjdaej Ndeu

  Singz mbanj song cungj gezgou dwg gij cujyau gazngaih hanhhaed singz mbanj fazcanj baenz aen cingjdaej ndeu. Itdingh aeu laebcaez dijci gihci, cauxbaenz yiengh gungh nungz singz mbanj gvanhaeh moq aeu gunghyez coicaenh nungzyez、aeu hawsingz dazyinx lajmbanj、gungh nungz doxik、singz mbanj baenz aen cingjdaej ndeu, hawj guengjdaih nungzminz bingzdaengj camgya yendaiva cincwngz、caez yiengj gij cingzgoj yendaiva.

 ?。?0)Gyavaiq cauxlaeb yiengh nungzyez ginghyingz dijhi moq. Genhciz gyadingz ginghyingz youq ndaw nungzyez gij diegvih giekdaejsingq de, doicaenh gyadingz ginghyingz、cizdij ginghyingz、doxgap ginghyingz、giyez ginghyingz doengh yiengh nungzyez ginghyingz fuengsik cauhmoq neix doengzcaez fazcanj. Genhciz lajmbanj diegdeih cizdij sojyoujgenz, ciuqfap henhoh nungzminz diegdeih swngzbau ginghyingzgenz, fazcanj oqhung cizdij ginghci. Onjdingh lajmbanj diegdeih swngzbau gvanhaeh caemhcaiq baujciz ciengzgeiz mbouj bienq, youq aen cenzdiz genhciz caeuq caezcienz gij cidu baujhoh reihnaz ceiq yiemz haenx, hawj nungzminz doiq dieg swngzbau miz gij gienznaengz ciemqmiz、sawjyungh、souik、riuzcienj nem swngzbau ginghyingzgenz dingjat、damqbauj, cinjhawj nungzminz aeu swngzbau ginghyingzgenz haeuj guj fazcanj nungzyez canjyezva ginghyingz. Gujli swngzbau ginghyingzgenz youq gwnz goenghai hawciengz yiengq conhyez daihhoh、gyadingz nungzcangz、nungzminz hozcozse、nungzyez giyez riuzcienj, fazcanj lai cungj hingzsik gveihmoz ginghyingz.

  Gujli lajmbanj fazcanj hozcoz ginghci, fuzrex fazcanj gveihmozva、conhyezva、yendaiva ginghyingz, cinjhawj caizcwng hanghmoeg cienzngaenz cigsoh douz yiengq aen hozcozse hab diuzgen de,cinjhawj gij swhcanj caizcwng bangbouj cauxbaenz haenx cienjgyau hozcozse gaemmiz caeuq guenjhen, cinjhawj hozcozse guh saenqyungh doxgap. Gujli caeuq dazyinx gunghsangh swhbwnj daengz lajmbanj fazcanj cungj yienhdaih ndaemciengx habngamj giyezva ginghyingz haenx, yiengq nungzyez guenqhaeuj yienhdaih swnghcanj yausu caeuq ginghyingz vunqsik.

 ?。?1)Hawj nungzminz caizcanj gienzleih engqlai. Baujcang gij gienzleih nungzminz cizdij ginghci cujciz cwngzyenz, cizgiz fazcanj nungzminz gujfwn doxgap, hawj nungzminz doiq cizdij swhcanj gujfwn miz gij gienzleih ciemqmiz、souik、hawj cienz doiqok nem dingjat、damqbauj、ciepswnj. Baujcang nungzhoh diegranz yungh’ik huqgienz,gaijgwz caezcienz lajmbanj diegranz cidu, genj geij aen sawqdiemj,siujsim onjdangq doicaenh nungzminz ranzyouq caizcanjgienz dingjat、damqbauj、cienjnyiengh, damqra diuz roenloh nungzminz demlai caizcanjsing souhaeuj. Laebhwnj lajmbanj canjgienz riuzcienj gaicawx hawciengz, doidoengh lajmbanj canjgienz riuzcienj gaicawx goenghai、goengcingq、gveihfan yinhhengz.

 ?。?2)Doicaenh singz mbanj yausu bingzdaengj doxvuenh caeuq goenggungh swhyenz doxdaengh boiqceiq. Henhoh nungzminz swnghcanj yausu gienzik, baujcang nungzminz doengz hong doengz cienz, baujcang nungzminz goengbingz faenyiengj gij souik diegdeih demgya gyaciz, baujcang ginhyungz gihgou lajmbanj cienzrom cujyau yungh haeuj nungzyez lajmbanj. Laebcaez aen dijhi cihciz baujhoh nungzyez, gaijgwz nungzyez boujdiep cidu, laebndei aen gihci boizbouj gij leih’ik dieg cujyau ok haeux haenx. Laebndei nungzyez baujyiemj cidu. Gujli cienzbonj ndawbiengz douzhaeuj lajmbanj gensez, cinjhawj giyez caeuq ndawbiengz cujciz youq lajmbanj hwngbanh gak loih saehnieb. Dungjcouz singz mbanj gihcuj sezsih gensez caeuq segih gensez, doicaenh singz mbanj gihbwnj goenggungh fuzvu bienq doxbingz bae.

 ?。?3)Laebndei aen dijci gihci hawj cwngzcinva cangqheiq fazcanj. Genhciz byaij diuz roenloh yiengh cwngzcinva moq miz Cungguek daegsaek, doicaenh yiengh cwngzcinva aeu vunz guh haedsim, doidoengh aen hawsingz hung rauh iq caeuq aen hawsingz saeq hezdiuz fazcanj、canjyez caeuq hawsingz yungzhab fazcanj, coicaenh cwngzcinva caeuq hwnqguh lajmbanj moq hezdiuz doicaenh. Youhva hawsingz gunghgenh gezgou caeuq guenjleix gwzgiz,demgiengz hawsingz gyoebhab swngzsouh naengzlig.

  Doicaenh hawsingz gensez guenjleix cauxmoq. Laebhwnj aen gihci hawsingz gensez douzswh yungzswh ronghcingx gveihfan de, cinjhawj deihfueng cwngfuj doenggvaq fat caiq daengj lai cungj fuengsik haigvangq diuz loh yungzswh hwnqguh hawsingz, cinjhawj cienzbonj ndawbiengz doenggvaq daegbied cinjhawj ginghyingz daengj fuengsik camgya hawsingz gihcuj sezsih douzswh caeuq yinyingz, yenzgiu laebhwnj hawsingz gihcuj sezsih、ranzyouq cwngcwzsing ginhyungz gihgou. Laebndei gij biucinj ndalaeb hawsingz, yiemzgek saemjbae cwngzsi, doiq aen yienh miz hingzcwng gihva diuzcingj diuzgen de ndaej miz cizsi bae gaijbaenz hawsingz. Doiq aen cin supsou vunz lai、ginghci saedlig ak de, ndaej hawj gij gienz guenjleix caeuq yinzgouj nem ginghci gveihmoz doxngamj haenx. Laebhwnj caeuq laebndei aen hawsingz fazcanj hezdiuz gihci hamj gihyiz haenx.

  Doicaenh gij vunz cienjok nungzyez bienq vunzgai, cugbouh dawz gij vunz daj nungzyez cienjok hab diuzgen de cienjbaenz vunzgai hawsingz. Cauhmoq yinzgouj guenjleix, gyavaiq huciz cidu gaijgwz,cienzmienh cuengqhai gencicin caeuq hawsingz iq an’gya hanhhaed, miz cizsi cuengqhai hawsingz rauh an’gya hanhhaed, hableix doekdingh hawsingz hung an’gya diuzgen, yiemzgek gaemhanh gij yinzgouj gveihmoz hawsingz hungloet. Onjbouh doicaenh hawsingz gihbwnj goenggungh fuzvu cwdoh gij vunz ciengzseiz youq de, dawz gij nungzminz haeuj singz an’gya de cienzbouh nabhaeuj hawsingz ranzyouq caeuq ndawbiengz baujcang dijhi, youq lajmbanj camgya gij ciengxlaux baujyiemj caeuq ywbingh baujyiemj de gveihfan ciephaeuj hawsingz sebauj dijhi. Laebhwnj aen gihci caizcwng conjyiz ceihawj caeuq daj nungzyez cienjok bienq vunzgai haenx venjngaeu, dawzyiemz hableix gunghawj hawsingz gensez yungh dieg, daezsang hawsingz diegdeih leihyungh bijliz.

  7. Laebhwnj Yiengh Ginghci Dijci Moq Hailangh De

  Hab’wngq gij hingzseiq moq ginghci cenzgiuzva, itdingh aeu doidoengh doiq ndaw doiq rog hailangh dox coicaenh、yinx haeujma caeuq byaij okbae giethab engq ndei, coicaenh gij yausu ndaw guek rog guek miz bouhloh swyouz riuzdoengh、swhyenz boiqceiq yaunwngz engq sang、hawciengz haeujlaeg yungzhab, gyavaiq gungganq gij youhsi moq camgya caeuq dazyinx gozci ginghci doxgap doxdax de, aeu hailangh coi gaijgwz.

 ?。?4)Cuengqsoeng douzswh cinjhaeuj. Dungjyiz gij faplwd fapgvi neiswh vaiswh, baujciz vaiswh cwngcwz onjdingh、ronghcingx、ndaej yawhgeiz. Doicaenh ginhyungz、gyauyuz、vwnzva、yihliuz doengh hangz fuzvu neix miz cizsi bae hailangh, cuengqhai ganqnyez ciengxlaux、gencuz sezgi、gvaigi saemjgeiq、sanghmou huqriuz、denswj sanghvu doengh hangz fuzvu neix cungj hanhhaed vaiswh haeujbae haenx, caenh’itbouh cuengqhai hangz dajcauh itbuen de. Gyavaiq haijgvanh giz daegbied gamguenj de cingjhab youhva.

  Laebhwnj Cungguek Sanghaij Swyouz Mouyiz Siyengih dwg Dangj Cunghyangh youq hingzseiq moq lajde gij hengzdoengh hungnaek doicaenh gaijgwz hailangh, aeu cietsaed gensez ndei、guenjleix ndei, vih cienzmienh gyalaeg gaijgwz caeuq gya’gvangq hailangh damqra roenloh moq、cwkrom gingniemh moq. Youq gwnz giekdaej doicaenh yienhmiz sawqdiemj, genj geij giz deihfueng miz diuzgen de fazcanj swyouz mouyiz yenz(gangj)gih.

  Gyadaih giyez nem goyinz doiq rog douzswh, dinghlaeb giyez nem goyinz doiq rog douzswh cawjdaej diegvih,cinjhawj fazveih gijak bonjfaenh daengz rog gyaiq bae guh douzswh doxgap; cinjhawj gag rap fung’yiemj daengz gak guek gak digih youzcaih cieplamx gunghcwngz caeuq lauzvu doxgap hanghmoeg, cinjhawj yungh fuengsik cauhmoq byaij okbae guh diegloeg douzswh、gyoebcawx douzswh、cwnggen douzswh、lienzhab douzswh daengj.

  Gyavaiq caeuq mizgven guekgya nem digih doxyaeng ciemdingh douzswh hezding, gaijgwz gij saemjbae dijci nangqdaengz rog gyaiq douzswh haenx, laebndei lingjsw baujhoh dijci, daezhawj gienzik baujcang、douzswh coicaenh、fung’yiemj yawhgingj daengj engq lai fuzvu, gya’gvangq douzswh doxgap hoenggan.

 ?。?5)Gyavaiq hwnqguh swyouz mouyizgih. Genhciz seiqgyaiq mouyiz dijci gveihcwz, genhciz song mbiengj、lai mbiengj、gihyiz swgihyiz hailangh doxgap, gyahung caeuq gak guek gak digih diemj leih’ik gapgyau de, aeu seiqhenz guh giekdaej gyavaiq hengzguh aen canloz laeb swyouz mouyizgih. Gaijgwz hawciengz cinjhaeuj、haijgvanh gamduk、genjyen genjyiz daengj guenjleix dijci, gyavaiq vanzging baujhoh、douzswh baujhoh、cwngfuj dajcawx、denswj sanghvu daengj lwnhdaez moq damzbuenq, cauxbaenz aen swyouz mouyizgih vangjloz biucinj sang najyiengq daengx seiqgyaiq haenx.

  Gya’gvangq doiq Yanghgangj Daegbied Hingzcwnggih、Aumwnz Daegbied Hingzcwnggih caeuq Daizvanh digih hailangh doxgap.

 ?。?6)Gya’gvangq diegndaw henzgyaiq hailangh. Cadawz aen gihyi daengx seiqgyaiq canjyez dauqcungz baijnda, doidoengh diegndaw mouyiz、douzswh、gisuz cauhmoq hezdiuz fazcanj. Caux yiengh gyagoeng mouyiz vunqsik moq, cauxbaenz aen dijci gihci doiq doidoengh diegndaw canjyez comzbang fazcanj mizleih. Cihciz diegndaw hawsingz dem hai diuz lohmbwn gozci daehhek daehhuq, fazcanj lai yiengh lienzhab daehyinh, cauxbaenz rangh gingjci doiq rog vang gvaq baihdoeng cungqgyang baihsae、lienzgiet baihnamz baihbaek he. Doidoengh diegndaw caeuq henzhaij henzgyaiq doenggvan doxgap, guhdaengz goujan guenjleix doxgven bumwnz saenqsik doxvuenh、gamguenj doxnyinh、dawzfap doxbang.

  Gyavaiq yamqdin hailangh henzgyaiq, cinjhawj henzgyaiq cungdenj goujan、hawsingz henzguek、giz ginghci doxgap youq yinzyenz baedauq、gyagoeng huqriuz、youzangq daengj fuengmienh saedhengz daegbied fuengsik caeuq cwngcwz. Laebhwnj gij ginhyungz gihgou miz haifat singciz de, gyavaiq hwnqguh gij gihcuj sezsih caeuq seiqhenz guekgya nem gihyiz doxlienz doxdoeng haenx, doicaenh hwnqguh rangh dieg ginghci diuz roen seicouz、diuz roen seicouz gwnzhaij, cauxbaenz aen gwzgiz moq sojmiz fuengmienh cungj hailangh.

  8. Gyagiengz Gensez Aen Minzcuj Cwngci Cidu Seveicujyi

  Fazcanj seveicujyi minzcuj cwngci, itdingh aeu baujcwng yinzminz danggya guhcawj guh goekgaen, genhciz caeuq caezcienz aen cidu yinzminz daibyauj daihhoih、aen cidu lai dangj doxgap caeuq cwngci doxyaeng aeu Cunghgoz Gungcanjdangj lingjdauj、aen cidu minzcuz gihyiz swci nem aen cidu daejcaengz vunzcungq swci, engqgya yawjnaek laebcaez minzcuj cidu、demlai minzcuj hingzsik,daj gak cwngzsw gak lingjyiz gya’gvangq gunghminz miz bouhloh bae camgya cwngci, cungfaen fazveih gij youhyezsing aen cwngci cidu seveicujyi guek raeuz.

 ?。?7)Doidoengh aen cidu yinzminz daibyauj daihhoih caeuq seizdaih caez baenaj. Genhciz yinzminz cawjdaej diegvih, doidoengh aen cidu yinzminz daibyauj daihhoih lijlun caeuq sizcen cauhmoq, fazveih gij cozyung aen cidu yinzminz daibyauj daihhoih dangguh aen cidu goekgaen cwngci de. Laebndei gij faplwd dijhi seveicujyi miz Cungguek daegsaek, laebcaez aen gihci laebfap hwnjgauj、lwnhcingq、hezdiuz、saemjlwnh, daezsang gij cizlieng laebfap, fuengzre deihfueng baujhoh caeuq bumwnz leih’ik fazciva. Laebcaez aen cidu “it fuj song yen” daj yinzda mizok、doiq yinzda fucwz、souh yinzda gamduk. Laebcaez aen cidu yinzda daujlun、gietdingh gij saehhangh hungnaek,gak gaep cwngfuj okdaiz gezcwz hungnaek gaxgonq aeu yiengq bonj gaep yinzda baugau. Gyagiengz gij ciznwngz yinzda saemjcaz gamduk yawhsuenq gietsuenq、gamduk guekmiz swhcanj. Doeksaed gij yenzcwz fapdingh sougvaeh. Gyagiengz yinzda cangzveijvei caeuq yinzda daibyauj lienzhaeh, cungfaen fazvei gij cozyung daibyauj. Doenggvaq laebhwnj laebcaez daibyauj lenzloz gihgou、vangjloz bingzdaiz daengj hingzsik maedcaed daibyauj caeuq yinzminz ginzcung lienzhaeh.

  Laebndei aen gunghcoz gihci yinzda, doenggvaq codanz、dingqcingq、bingzguj、goengbouh faplwd caujan daengj gya’gvangq diuz roenloh gunghminz miz cizsi bae camgya laebfap, doenggvaq cazcam、faekcam、daegdingh vwndiz diucaz、bwh’anq saemjcaz daengj cizgiz hoizwngq gij saeh ndawbiengz gvansim.

 ?。?8)Doicaenh yiengh doxyaeng minzcuj gvangqlangh lai caengz de fazcanj baenz cidu bae. Doxyaeng minzcuj dwg gij hingzsik caeuq youhsi seveicujyi minzcuj cwngci guek raeuz gagmiz, dwg gij ginzcung lohsienq aen dangj youq ndaw cwngci lingjyiz yiengh daejyienh youqgaenj he. Youq aen dangj lingjdauj lajde, aeu gij vwndiz hungnaek ginghci sevei fazcanj caeuq gij saedceiq vwndiz nangqdaengz cungqvunz caenndang leih’ik haenx guh neiyungz, youq daengx biengz mbe gvangq doxyaeng, genhciz youq mwh caengz guh gezcwz sien doxyaeng caeuq mwh hengzguh gezcwz guh doxyaeng.

  Cauxlaeb aen dijhi doxyaeng minzcuj cwngzsi hableix、vanzcez caezcingj he, haigvangq diuz miengloh doxyaeng guekgya cwnggenz gihgvanh、cwnghez cujciz、dangjbai donzdij、daejcaengz cujciz、sevei cujciz. Haeujlaeg guh laebfap doxyaeng、hingzcwng doxyaeng、minzcuj doxyaeng、canhcwng doxyaeng、sevei doxyaeng. Gyagiengz gensez aen cang cammaeuz moq miz Cungguek daegsaek, laebhwnj laebcaez aen cidu gezcwz swhsinz.

  Fazveih dungjyiz cansen youq ndaw doxyaeng minzcuj gij cozyung youqgaenj de. Laebndei gij cwngci doxyaeng Cunghgoz Gungcanjdangj caeuq gak minzcuj dangjbai, nyinhcaen dingqaeu gij yigen gak minzcuj dangjbai caeuq gij yinzsw mbouj haeuj dangjbai de. Cunghgung Cunghyangh gaengawq nienzdoh gunghcoz cungdenj daezok gveihva, aeu yiengh hoih doxyaeng、damzsim、codanz daengj guh doxyaeng. Laebndei aen cidu minzcuj dangjbai cunghyangh cigsoh yiengq Cunghgung Cunghyangh daezok genyi. Gvancez gij minzcuz cwngcwz aen dangj, baujcang gij gienzik habfap siujsoq minzcuz, gyamaenh caeuq fazcanj yiengh seveicujyi minzcuz gvanhaeh bingzdaengj doxgiet doxbang huzndei de.

  Fazveih gij cozyung yinzminz cwnghez guh diuz roenloh youqgaenj doxyaeng minzcuj. Cungdenj doicaenh cwngci doxyaeng、minzcuj gamduk、canhcwng yicwng ciduva、gveihfanva、cwngzsiva. Gak gaep dangjveij caeuq cwngfuj、cwnghez ceiqdingh caiqlij cujciz hengzguh doxyaeng nienzdoh gunghcoz giva, doiq mbangj gezcwz youqgaenj dingqaeu gij yigen cwnghez. Laebndei gij cidu dijhi yinzminz cwnghez, gveihfan gij neiyungz、cwngzsi doxyaeng. Haigvangq gij hingzsik doxyaeng minzcuj, engqgya hozyoz youh miz cizsi bae cujciz ciendaez doxyaeng、duigouj doxyaeng、gyaiqbied doxyaeng、daezanq banhleix doxyaeng, lai deih di bae doxyaeng, daezsang gij cingzyauq doxyaeng. Youq ndaw cwnghez laebcaez aen gihgou veijyenz lenzloz, laebndei aen cidu veijyenz lenzloz.

  (29) Fazcanj gihcwngz minzcuj. Sawj miengloh minzcuj doengswnh,laebcaez gihcwngz senjgij、lwnhsaeh、goenghai、baugau gunghcoz cingzgvang、cazdawz cwzyin daengj gihci. Guh lai cungj lai yiengh gihcwngz minzcuj doxyaeng,doicaenh gihcwngz minzcuj bienqbaenz cidu bae, laebhwnj laebcaez aen gihci gihminz、cunhminz gamduk, coicaenh ginzcung youq ndaw ceihleix singz mbanj segih、gihcwngz goenggungh hongsaeh caeuq goeng’ik saehnieb ciuqfap gag guh guenjleix、gag guh fuzvu、gag guh gyauyuz、gag guh gamduk. Laebcaez aen cidu minzcuj guenjleix doengh aen giyez swyez danhvei aeu cizgungh daibyauj daihhoih guh gihbwnj hingzsik de, gyagiengz gensez aen minzcuj gihci sevei cujciz, baujcang gij minzcuj gienzik cizgungh camgya guenjleix caeuq gamduk.

  9. Doicaenh Gensez Fapceih Cungguek

  Gensez fapceih Cungguek,itdingh aeu genhciz ciuqfap guenj guek、ciuqfap gaemgienz、ciuqfap hingzcwng doxcaemh doicaenh, genhciz fapceih guekgya、fapceih cwngfuj、fapceih sevei itheij gensez. Gyalaeg gaijgwz swhfaz dijci,gyavaiq gensez yiengh seveicujyi swhfaz cidu goengcingq、yauliz sang、gig miz gienzvi haenx, henhoh gij gienzik yinzminz,hawj yinzminz ginzcung youq ndaw moix aen swhfaz anqgienh cungj gamjsouh daengz goengbingz leixcingq.

  (30) Henhoh gij gienzvi yenfaz caeuq faplwd. Yenfaz dwg aen fapgoek baujcingq dangj caeuq guekgya hwngvuengh fatdad、ndawbiengz ciengzgeiz onjdingh bingzan, miz gienzvi ceiq sang. Aeu caenh’itbouh laebcaez aen gihci caeuq cwngzsi gamduk hengzguh yenfaz,sawj cienzmienh gvancez hengzguh yenfaz guh ndaej engq ndei. Laebhwnj laebcaez aen cidu daengx biengz lauxsaed doiqdaih、ciuqsouj、henhoh、yinhyungh yenfaz caeuq faplwd. Genhciz youq baihnaj faplwd bouxboux bingzdaengj,mboujlwnh aen cujciz lawz roxnaeuz boux lawz cungj mbouj ndaej miz gij daeggienz mauhgvaq yenfaz caeuq faplwd, sojmiz gij hingzveiz boihfamh yenfaz caeuq faplwd de cungj yaek deng cazdawz.

  Cienzmienh laebhwnj faplwd guvwn cidu. Laebndei aen gihci saemjcaz vwnzgen dwg mbouj dwg gveihfan、gezcwz hungnaek dwg mbouj dwg habfap. Laebhwnj aen cijbyauh dijhi caeuq gaujhaed biucinj fazci gensez gohyoz haenx. Laebcaez aen cidu bwh’anq saemjcaz fapgvi、gvicieng、gveihfansing vwnzgen. Laebcaez aen gihci daengx biengz guh bujgiz faplwd gyauyuz, demgiengz aen gvanhnen fapceih cienzminz. Cugbouh demgya gij soqliengh doengh aen singz haemq hung miz gienz guh deihfueng laebfap de.

  (31) Gyalaeg gaijgwz gij dijci hingzcwng caepfap. Cingjhab aen cawjdaej caepfap,siengdoiq gyoebgyonj gij gienzlig caepfap,doicaenh cunghab caepfap, roengzrengz gaijgez aen vwndiz gienzlig caeuq cwzyin camca、lai gyaeuj caepfap, laebhwnj aen dijci hingzcwng caepfap gienzlig caeuq cwzyin dungjyiz、miz gienzvi yauliz sang de. Gemjnoix gij caengzgaep hingzcwng caepfap, youq ndaw gijgwn gijyw、ancienz swnghcanj、vanzging baujhoh、lauzdung baujcang、dieg haij aen dauj daengj cungdenj lingjyiz gyagiengz gij ligliengh gihcwngz caepfap. Leixswnh aen caepfap dijci hawsingz guenjleix,daezsang gij suijbingz caepfap caeuq fuzvu.Laebndei gij cwngzsi hingzcwng caepfap, gveihfan gij gienzlig swyouz caizliengh caepfap, gyagiengz gamduk hingzcwng caepfap, cienzmienh lozsiz aen cidu hengzguh hingzcwng caepfap cwzyin caeuq aen cidu youz caizcwng baujcang gij feiqyungh caepfap, guh daengz caepfap yiemzgek gveihfan goengcingq vwnzmingz. Laebndei gij gihci hingzcwng caepfap caeuq hingzsw swhfaz doxciep.

  (32) Saedbauj ciuqfap duzliz goengcingq hengzsawj gienzsaemjbuenq gienzgenjcaz. Gaijgwz swhfaz guenjleix dijci,doidoengh doengh aen deihfueng fazyen、genjcazyen sengjgaep doxroengz dungjyiz guenjleix yungh vunz、cienzcaiz doxgaiq,damqra laebhwnj aen cidu swhfaz gvanjyaz caeuq hingzcwng gihva habdangq faenhai haenx, baujcwng guekgya faplwd ndaej dungjyiz cingqdeng hengzguh.Laebhwnj aen cidu guenjleix doengh boux guh hong swhfaz habngamj gij cizyez daegdiemj de, laebcaez aen gihci dungjyiz ciuloeg、miz bouhloh gyauliuz、cug mbaek genjaeu fazgvanh、genjcazgvanh、yinzminz gingjcaz haenx, laebndei aen cidu faenloih guenjleix doengh boux guh hong swhfaz, laebcaez aen cidu baujcang gij cizyez fazgvanh、genjcazgvanh、yinzminz gingjcaz.

  (33) Laebcaez aen gihci swhfaz gienzlig yinhhengz. Hawj gienzswhfaz boiqceiq bienq ndaej engq ndei, laebcaez aen gihci swhfaz gienzlig faenhong fucwz、dox boiqhab、dox hanhhaed de, gyagiengz caeuq gveihfan doiq swhfaz hozdung guh faplwd gamduk caeuq sevei gamduk.Gaijgwz aen cidu saemjbuenq veijyenzvei, laebndei aen cwzyinci boux fazgvanh cawjsaemj、hozyidingz banh anq,hawj bouxsaemjleix caizbuenq、youz bouxcaizbuenq fucwz. Mingzbeg doekdingh gij ciznwngz dinghvih gak gaep fazyen, gveihfan gaepgwnz gaeplaj fazyen saemjgaep gamduk gvanhaeh.Doicaenh saemjbuenq goenghai、genjvu goenghai, loegguh caemhcaiq baujlouz gij swhliu daengx aen dingzsaemj. Demgiengz gij faenzsaw faplwd lai guh lwnhleix gangjleix, doidoengh goenghai gij faenzsaw caizbuenq mizyauq fazyen. Yiemzgek gveihfan gij cwngzsi gemjhingz、gyajcuengq、bauj ok lauz yw bingh, giengzvaq gamduk cidu. Gvangqlangh saedhengz aen cidu yinzminz beizsinjyenz、yinzminz genhduzyenz, hai gvangq miengloh hawj yinzminz ginzcung miz bouhloh bae camgya swhfaz.

  (34) Laebndei aen cidu swhfaz baujcang yinzgenz. Guekgya aeueiq caeuq baujcang yinzgenz. Caenh’itbouh gveihfan aen swhfaz cwngzsi cazfung、gaeuat、funggiet、cawqleix gij cienzcaiz doxgaiq nanangq anqgienh. Laebcaez aen gihci fuengzre、niujcingq gij anqgienh loengloek caeuq gyaepdawz gij cwzyin banh anqgienh loek, yiemzgimq hwnjhingz biknyinh、sieng ndang nyoegnyamx, yiemzgek saedhengz aen gveihcwz baizcawz gij baengzgawq mbouj habfap de. Cugbouh gemjnoix gij coihmingz habyungh swjhingz.

  Feiqcawz aen cidu lauzdung gyauyangj, laebndei gij faplwd fadceih caeuq gaijcingq gij hingzveiz famhfap famhcoih, laebcaez aen cidu segih bangcoh gaijcingq.

  Laebcaez aen cidu guekgya swhfaz gouqbang,laebndei aen cidu faplwd bangcoh. Laebndei aen gihci baujcang gij gienzleih lizswh guh faplwd fuzvu caeuq aen cidu fadceih lizswh famhfap famhgvi guh faplwd fuzvu, gyagiengz cizyez daudwz gensez, youq ciuqfap henhoh gij gienzik habfap gunghminz caeuq fazyinz fuengmienh fazveih gij cozyung youqgaenj lizswh.

  10. Giengzvaq Aen Dijhi Hanhhaed Caeuq Gamduk Gienzlig Yinhhengz

  Genhciz aeu cidu guenj gienz guenj saeh guenj vunz,hawj yinzminz gamduk gienzlig, hawj gienzlig youq diegrongh yinhhengz, dwg aen gaenbonj banhfap gven gienzlig haeuj ndaw roengq cidu bae. Itdingh aeu laebhwnj aen gienzlig yinhhengz dijhi gezcwz gohyoz、caephengz genhgez、gamduk miz rengz he, laebcaez aen dijhi fadceih caeuq yawhfuengz nduknaeuh, gensez gij cwngci cinghseuq, roengzrengz saedyienh ganbu cinghseuq、cwngfuj seuqcengh、cwngci cingmingz.

  (35) Cauxbaenz aen gihci hanhhaed caeuq hezdiuz gienzlig gohyoz mizyauq de. Laebndei gij lingjdauj dijci dangj caeuq guekgya, genhciz minzcuj cizcungh cidu, cungfaen fazveih gij lingjdauj cungsim cozyung aen dangj. Gveihfan gij cizcwz gienzhanh gak gaep dangj cwng cujyau lingjdauj ganbu, gohyoz boiqceiq gij gienzlig caeuq ciznwngz dangj cwng bumwnz caeuq doengh aen gihgou baihndaw de, mingzbeg doekdingh gij cizcwz dinghvih caeuq gunghcoz yinvu de.

  Gyagiengz caeuq gaijndei doiq cujyau lingjdauj ganbu hengzsawj gienzlig guh hanhhaed caeuq gamduk, gyagiengz hingzcwng gamcaz caeuq saemjgeiq gamduk.

  Doihengz aen cidu mbaw cingdan gienzlig deihfueng gak gaep cwngfuj nem gunghcoz bumwnz, ciuqfap goenghai gij liuzcwngz gienzlig yinhhengz. Laebndei gij cidu goenghai dangjvu、cwngvu caeuq gak fuengmienh banhsaeh, doicaenh gezcwz goenghai、guenjleix goenghai、fuzvu goenghai、gezgoj goenghai.

  (36) Gyagiengz cauhmoq gij dijci gihci fanj nduknaeuh caeuq gyagiengz cidu baujcang fanj nduknaeuh. Gyagiengz dangj dungjyiz lingjdauj dangjfungh lenzcwng gensez caeuq fanj nduknaeuh gunghcoz. Gaijgwz gij dijci gijliz genjcaz aen dangj, laebcaez gij lingjdauj dijci caeuq gunghcoz gihci fanj nduknaeuh, gaijgwz caeuq laebndei gij ciznwngz gak gaep fanj nduknaeuh hezdiuz siujcuj.

  Lozsiz gij cwzyinci dangjfungh lenzcwng gensez,dangjveij rap cawjdaej cwzyin, gijveij rap gamduk cwzyin, ceiqdingh hengzguh aen cidu cazdawz cwzyin hab saedsaeh hengz ndaej doeng de. Gak gaep gijveij aeu hengzguh gij cizcwz bang dangjveij gyagiengz dangjfungh gensez caeuq cujciz hezdiuz gij hong fanj nduknaeuh, gyagiengz gamduk doengzgaep dangjveij daegbied dwg boux cwngzyenz cangzveijvei, engq ndei bae fazveih gij cozyung cienmonz gihgvanh ndaw dangj gamduk.

  Doidoengh gij dijci songcungz lingjdauj gij hong gijliz genjcaz aen dangj bienq gidij、baenz cwngzsi、baenz cidu bae, giengzvaq aen gijveij gaepgwnz lingjdauj aen gijveij gaeplaj. Cazbanh gij anqgienh nduknaeuh cujyau youz aen gijveij gaepgwnz lingjdauj,cawqleix rizsienq caeuq cazbanh anqgienh, youq mwh bauq hawj doengzgaep dangjveij, itdingh aeu doengzseiz bauq hawj aen gijveij gaepgwnz. Daezmingz caeuq gaujcaz gak gaep gijveij suhgi、fusuhgi, aeu aen gijveij gaepgwnz caeuq cujciz bumwnz itheij guhdaeuz.

  Cienzmienh lozsiz Cunghyangh Gijveij yiengq doengh aen gihgvanh dangj caeuq guekgya cunghyangh itgaep baijcap gijgenj gihgou, saedhengz dungjyiz mingzcoh、dungjyiz guenjleix. Aen gihgou baijcap de doiq aen gihgvanh baijok haenx fucwz, hengzguh gamduk cizcwz. Gaijndei aen cidu liebyawj cunghyangh caeuq swngj gih si, guh daengz cw doh deihfueng、bumwnz、giyez swyez danhvei.Laebcaez gij fapgvi cidu dijhi fanj nduknaeuh gangj cinghseuq, laebndei gij faplwd fapgvi gvendaengz fadceih caeuq yawhfuengz nduknaeuh、fuengzhaed lenzcwng fung’yiemj、fuengzre leih’ik doxdawz、lingjdauj ganbu bauq gij saehhangh mizgven goyinz、ndojbaex nyaemh cizvu daengj fuengmienh, doihengz aen sawqdiemj goenghai gij mizgven saehhangh doengh boux lingjdauj ganbu ngamq daeznyaemh de. Laebcaez gij gihci minzcuj gamduk、faplwd gamduk、yizlun gamduk,yinhyungh caeuq gveihfan hulenzvangj gamduk.

  (37) Laebcaez gij cidu sawj gaijndei cozfungh bienqbaenz bingzciengz bae. Hopheux fanjdui hingzsizcujyi、gvanhliuzcujyi、yangjlozcujyi、fungheiq saisaengq, gyavaiq gaijgwz caeuq gensez dijci gihci. Laebcaez gij gihci lingjdauj ganbu daiqdaeuz gaijndei cozfungh、haeuj daengz caengzlaj bae guh diucaz yenzgiu, laebndei aen cidu cigsoh lienzhaeh caeuq fuzvu cungqvunz. Gaijgwz gij cidu veiyi gij cidu gunghvwnz, daj cunghyangh guh hwnj daiqdaeuz gemjnoix veiyi、vwnzgen, roengzrengz gaijndei veifungh vwnzfungh. Laebcaez gij cidu caizvu yawhsuenq、haedcinj caeuq saemjgeiq yiemzgek haenx, roengzrengz gaemhanh ceiok “sam goeng” feiqyungh caeuq hwnqguh louz dangz gvanj soj. Laebndei gij cidu cienhangh genjcaz genj vunz yungh vunz caeuq cazdawz cwzyin, roengzrengz niujcingq doengh gij fungheiq mbouj cingq buet guen heuh’aeu guen. Gaijgwz gij gihci gaujhaed cwngciz, roengzrengz gaijgez doengh gij vwndiz “hingzsieng gunghcwngz”、“cwngciz gunghcwngz” nem mbouj bae guh、luenh bae guh de.

  Gveihfan caemhcaiq yiemzgek caephengz aen cidu baujcang gij gunghcoz swnghhoz lingjdauj ganbu, mbouj cinj lai giz ciemqyungh ranzyouq caeuq ranz banhgoeng, mbouj cinj mauhgvaq biucinj boiq hawj ranz banhgoeng caeuq ranzyouq, mbouj cinj famh gvidingh boiq ci goenggya, mbouj cinj famh gvidingh boiq misuh, mbouj cinj mauh gvigek gingjvei, mbouj cinj mauhgvaq biucinj ciepdaih boux banh goengsaeh, yiemzsuk cazcawq famh gvidingh mauhgvaq biucinj yiengjsouh daiyi daengj vwndiz. Damqra saedhengz aen cidu ranzyouq guenhak.

  Laebndei caemhcaiq yiemzgek caephengz doengh gij doxgven cidu gvidingh gvendaengz gij vunz ndaw ranz lingjdauj ganbu guh seng’eiq、dangnyaemh gunghciz caeuq gij cizvu sevei cujciz、ok guek youqdingh daengj, fuengzre lingjdauj ganbu leihyungh goenggungh gienzlig roxnaeuz gij yingjyangj bonjfaenh vih gij vunz ndaw ranz caeuq gij vunz miz daegdingh gvanhaeh wnq maeuzaeu seileih, genhgez fanjdui gij swhsiengj caeuq cozfungh daeggienz.

  11. Doicaenh Cauhmoq Vwnzva Dijci Gihci

  Gensez aen vwnzva guekak seveicujyi, demgiengz guekgya vwnzva saedlig’unq, itdingh aeu genhciz aen fueng’yiengq baenaj yiengh senhcin vwnzva seveicujyi, genhciz diuz roenloh fazcanj yiengh vwnzva seveicujyi miz Cungguek daegsaek, gungganq caeuq hengzguh aen haedsim gyacizgvanh seveicujyi, gyamaenh Majgwzswhcujyi youq yisiz hingzdai lingjyiz gij diegvih dazyinx de, gyamaenh aen giekdaej swhsiengj caezcaemh doxgiet haenqguh daengx dangj daengx guek gak cuz yinzminz. Genhciz aen fueng’yiengq dazyinx guhhong aeu yinzminz guh cungsim de, genhciz dawz sevei yauqik cuengqyouq vih daih’it、sevei yauqik caeuq ginghci yauqik dox dungjyiz,aeu gikfat gij rengzhoengh dajcauh vwnzva daengx minzcuz guh cungsim vanzcez, caenh’itbouh gyalaeg gaijgwz vwnzva dijci.

  (38) Laebndei aen dijci guenjleix vwnzva. Ciuq aen yenzcwz cwngfuj caeuq giyez faenhai、cwngfuj caeuq saehnieb faenhai, doidoengh cwngfuj bumwnz daj banh vwnzva cienjbienq baenz guenj vwnzva, doidoengh dangj cwng bumwnz caeuq doengh aen vwnzva giyez swyez danhvei gvi de guenj haenx caenh’itbouh leixswnh gvanhaeh. Youq dangjveij caeuq cwngfuj ndalaeb aen gihgou guenjleix gij vwnzva swhcanj guekmiz, saedhengz guenj vunz guenj saeh guenj swhcanj guenj dazyinx fueng’yiengq dox dungjyiz.Laebcaez gij dijci gihci genhciz aen fueng’yiengq dazyinx yizlun cingqdeng. Laebcaez gij gihci hawj giekdaej guenjleix、neiyungz guenjleix、hangznieb guenjleix nem fuengzre、dwkceih vangjloz famhfap famhcoih daengj gunghcoz ndaej lienzdoengh de, laebcaez aen gihci cawqceq gij saehgienh gwnzvangj sawqmwh fatseng haenx, cauxbaenz cungj vangjloz yizlun gunghcoz gwzgiz cingqmienh dazyinx caeuq ciuqfap guenjleix dox giethab. Cingjhab gij swhyenz sinhvwnz meizdij, doidoengh conzdungj meizdij caeuq gij meizdij saenhwng yungzhab fazcanj. Doidoengh fatbouh sinhvwnz bienqbaenz cidu bae. Yiemzgek aen cidu cizyez swhgwz boux guh hong sinhvwnz, yawjnaek yinhyungh caeuq guenjleix yiengh meizgai moq, gveihfan cienzboq cizsi.

  (39) Laebhwnj laebcaez aen dijhi yienhdaih vwnzva hawciengz. Laebndei aen gihci cinjhaeuj caeuq doiqok vwnzva hawciengz, gujli gak loih hawciengz cawjdaej goengbingz gingcwngh、ndei hwnj yaez roengz, coicaenh vwnzva swhyenz youq ndaw daengx guek fanveiz riuzdoengh. Laebdaeb doicaenh doengh aen vwnzva danhvei guekmiz dwg ginghyingz singciz de cienj baenz giyez bae, gyavaiq gunghswhci、gujfwnci gaijcau. Doiq doengh aen conzmeiz giyez guekmiz youqgaenj ciuq gvidingh cienj baenz giyez de, damqra saedhengz aen cidu gvanjlijguj daegbied. Doidoengh vwnzva giyez hamj digih、hamj hangznieb、hamj sojyoujci gyan’gyoeb cungzcuj, hawj vwnzva canjyez ndaej baenz gveihmoz、engq cingsaeq、engq ciennieb.

  Gujli fazcanj doengh aen vwnzva giyez mbouj dwg gunghyoujci de, gyangqdaemq aen gamxdou sevei swhbwnj haeujbae, cinjhawj camgya doiqrog okbanj、vangjloz okbanj, cinjhawj yungh gij hingzsik gaemhanh gujfwn camgya aen gihgou guekmiz cauhguh denyingj densi、vwnzyi yendonz gaijci ginghyingz. Cihciz fazcanj gak cungj gak yiengh vwnzva giyez saeqiq.

  Youq aen cenzdiz genhciz gienzokbanj、gienzboqok daegbied cinjhawj ginghyingz neix, cinjhawj cauhguh caeuq okbanj、cauhguh caeuq boqok faenhai. Laebhwnj gij vwnzva canjbinj caeuq yausu hawciengz lai cwngzsw de, gujli ginhyungz swhbwnj、sevei swhbwnj、vwnzva swhyenz dox giethab. Laebndei vwnzva ginghci cwngcwz, gyadaih cwngfuj ok cienz bangcoh vwnzva fazcanj caeuq cawxaeu vwnzva canjbinj, gyagiengz baujhoh banjgienz. Laebcaez aen dijhi bingzgyaq vwnzva canjbinj, gaijgwz aen cidu bingz ciengj, doiok engq lai vwnzva cinghbinj.

  (40) Laebhwnj yienhdaih goenggungh vwnzva fuzvu dijhi. Laebhwnj aen gihci hezdiuz goenggungh vwnzva fuzvu dijhi gensez,dungjcouz fuzvu sezsih vangjloz gensez,coicaenh gihbwnj goenggungh vwnzva fuzvu bienq biucinj、bienq doxbingz bae. Laebhwnj aen gihci ginzcung guh bingzgyaq caeuq fanjgvei,doidoengh gij hanghmoeg beksingq ndaej vwnzva ndeicawq caeuq cungqvunz vwnzva aeuyungh mizyauq doxciep. Cingjhab gihcwngz senhconz vwnzva、dangjyenz gyauyuz、gohyoz bujgiz、dijyuz cangqndang daengj sezsih,gensez gij vwnzva cungsim dwg gyoebhab fuzvu de.

  Mingzbeg doekdingh gij goengnaengz dinghvih doengh aen vwnzva swyez danhvei mbouj doengz de,laebhwnj fazyinz ceihleix gezgou,laebndei aen gihci gaujhaed cizyau. Doidoengh goenggungh duzsuhgvanj、bozvuzgvanj、vwnzva’gvanj、gohgi’gvanj daengj cujlaeb lijswvei, supsou mizgven fuengmienh daibyauj、ciennieb yinzsw、gak gyaiq cungqvunz camgya guenjleix.

  Yinxhaeuj gingcwngh gihci,doidoengh goenggungh vwnzva fuzvu seveiva fazcanj. Gujli sevei ligliengh、sevei swhbwnj camgya gensez goenggungh vwnzva fuzvu dijhi,gungganq gij vwnzva cujciz mbouj dwg vihliux canhcienz de.

  (41) Daezsang vwnzva hailangh suijbingz. Genhciz cwngfuj cujdauj、giyez cawjdaej、hawciengz yincoz、sevei camgya,gyadaih doiq rog vwnzva gyauliuz, gyagiengz gozci cienzboq naengzlig caeuq doiq rog doiqvah dijhi gensez,doidoengh Cunghvaz vwnzva byaij hwnj seiqgyaiq bae. Leixswnh aen dijci doiq ndaw senhconz caeuq doiq rog senhconz,cihciz cungdenj meizdij yiengq ndaw guek rog guek fazcanj. Gungganq yiengh vwnzva giyez yiengq rog fazcanj de, cihciz vwnzva giyez bae rog guek dajhai hawciengz. Gujli sevei cujciz、cunghswh gihgou daengj camgya gensez Gungjswj Yozyen caeuq rog guek vwnzva cungsim, rapdawz yinzvwnz gyauliuz hanghmoeg.

  Cizgiz supaeu doiqciuq sojmiz gij vwnzva cingzgoj maenhndei rog guek, yinxhaeuj gij vunzcaiz、gisuz、ginghyingz guenjleix gingniemh ikleih guek raeuz vwnzva fazcanj de. Cietsaed henhoh guekgya vwnzva ancienz.

  12. Doicaenh Sevei Saehnieb Gaijgwz Cauhmoq

  Saedyienh fazcanj cingzgoj engq lai engq goengbingz bae hawj daengxcungq yinzminz souh’ik, itdingh aeu gyavaiq gaijgwz sevei saehnieb, gaijgez ndei gij leih’ik vwndiz yinzminz ceiq gvansim ceiq cigsoh ceiq yienhsaed haenx,roengzrengz vih sevei daezhawj lai yiengh fuzvu,engq ndei muenxcuk yinzminz aeuyungh.

  (42) Gyalaeg guh gyauyuz lingjyiz cunghab gaijgwz. Cienzmienh gvancez aen gyauyuz fuengcim dangj raeuz, genhciz aeu daudwz bae son vunz,gyagiengz guh seveicujyi haedsim gyaciz dijhi gyauyuz,laebndei Cunghvaz conzdungj vwnzva maenhndei gyauyuz,guhbaenz gij hingzsik mizyauq caeuq aen gihci ciengzgeiz mizyauq yiengh hozdung gyaez doegsaw、maij guhhong、ndiep guekcoj de,hawj hagseng lai miz sevei cwzyinganj、cauhmoq cingsaenz、saedguh naengzlig. Giengzvaq dijyuzgo caeuq rogdangz lienhndang,coicaenh bouxcoz nyezrauh simleix、ndangdaej gengangh. Gaijndei meijyuz sonhag,daezsang gij sinjmeij caeuq yinzvwnz suyangj hagseng. Daihlig coicaenh gyauyuz goengbingz,laebcaez aen dijhi okcienz bangcoh boux hagseng ranz hoj,laebhwnj aen gihci mizyauq leihyungh saenqsikvaq soujduenh sawj engq lai deihfueng soundaej gij gyauyuz swhyenz ndei de, cugbouh sukiq gij cengca dieg caeuq dieg、hawsingz caeuq lajmbanj、yozyau caeuq yozyau. Dungjcouz doxdaengh boiqceiq hawsingz lajmbanj yivu gyauyuz swhyenz,saedhengz goengbanh yozyau biucinjvaq gensez caeuq yaucangj lauxsae lwnz vuenh ganghvei,mbouj laeb cungdenj yozyau、cungdenjbanh,buqgej aen nanzdaez genj hagdangz doegsaw, goek byai caezceih,gemjmbaeu gij doegsaw rapnaek hagseng. Gyavaiq gensez yienhdaih cizyez gyauyuz dijhi, gyalaeg swnghcanj caeuq gyauyuz yungzhab、yozyau caeuq giyez doxgap,gungganq boux lauzdungcej suciz sang caeuq boux vunzcaiz miz ginwngz de. Cauhmoq aen gihci gungganq gauhyau vunzcaiz, coicaenh gauhyau banh ok daegsaek,ceng aeu daih’it daengj. Doicaenh gaijgwz fazcanj yozcenz gyauyuz、daegbied gyauyuz、laebdaeb gyauyuz.

  Doicaenh gaijgwz gaujsi ciuseng cidu,damqra aen yinhhengz gihci ciuseng caeuq gaujsi siengdoiq faenliz、hagseng gaujsi lai baez genjleh、yozyau ciuqfap gag guhcawj ciuseng、ciennieb gihgou cujciz hengzguh、cwngfuj hungzgvanh guenjleix、sevei camgya gamduk de,daj gaenbonj bae gaijgez cungj mauzbingh baez gaujsi ndeu gietdingh ciuhvunz haenx. Yivu gyauyuz mienx gaujsi youq hagdangz gyawj ranz doegsaw,sawqhengz yozgihci caeuq gouj bi itloh duigouj ciuseng. Doihengz cuhcungh gauhcungh yozyez suijbingz gaujsi caeuq bingzgyaq cunghab suciz. Gyavaiq doicaenh cizyez yenyau faenloih ciugauj roxnaeuz cucwz haeujhag. Cugbouh doihengz aen gihci bujdungh gauhyau gaengawq gij cunghab bingzgyaq dungjyiz gauhgauj caeuq gauhcungh yozyez suijbingz gaujsi cingzcik lai yiengh fuengsik ciuaeu hagseng. Damqra daengx guek dungjgauj gemjnoix gohmuz、mbouj faen vwnzgoh lijgoh、vaiyij daengj gohmuz seveiva gaujsi it bi gauj lai baez. Sawqhengz ndawgyang bujdungh gauhyau、gauhciz yenyau、cwngzyinz gauhyau yozfwnh cienjvuenh,haigvangq gij roenloh daengxciuh hagsib.

  Haeujlaeg doicaenh guenj banh bingz faenliz, gyadaih gij gienz dungjcouz gyauyuz sengjgaep cwngfuj caeuq gij gienz gag guhcawj banhhag yozyau, laebndei yozyau baihndaw ceihleix gezgou. Giengzvaq guekgya gamduk dazyinx gyauyuz,dakhawj sevei cujciz bae guh gyauyuz bingzguj gamcaek. Laebcaez gij cidu cwngfuj boujdiep、cwngfuj cawxaeu fuzvu、daigvanj bangcoh doegsaw、gihginh dajciengj、gien cienz gikleih daengj,gujli sevei ligliengh hwngbanh gyauyuz.

  (43) Laebcaez gij dijci gihci coicaenh couhnieb cauhnieb. Laebhwnj aen gihci ginghci fazcanj caeuq gyadaih couhnieb lienzdoengh,laebcaez gij cwzyin cidu cwngfuj coicaenh couhnieb. Gveihfan gij cidu ciu vunz yungh vunz,siucawz singz mbanj、hangznieb、ndangfaenh、sai mbwk daengj sojmiz doengh gij cidu gazgit caeuq couhnieb yawjsiuj yingjyangj bingzdaengj couhnieb de. Laebndei gij youhvei cwngcwz bangfuz cauhnieb,cauxbaenz aen gihci moq cwngfuj gikleih cauhnieb、sevei cihciz cauhnieb、bouxguhhong gamj bae cauhnieb. Laebndei aen goenggungh couhnieb cauhnieb fuzvu dijhi singz mbanj bingzdaengj haenx,laebhwnj aen dijhi hawj bouxguhhong daengxciuh cungj ndaej ciepsouh cizyez beizyin. Demgiengz gij goengnaengz saetnieb baujyiemj cidu yawhfuengz saetnieb、coicaenh couhnieb, laebndei aen cidu gamcaek gyoebsuenq couhnieb saetnieb. Cauhmoq aen gihci hezdiuz lauzdung gvanhaeh,hawj diuz miengloh cizgungh biujdaz simmuengh hableix doengswnh.

  Coicaenh gij couhnieb gyoengq bouxcoz aeu gauhyau bizyezswngh guh cungdenj haenx caeuq gij couhnieb lauzdungliz lajmbanj cienj okdaeuj、boux hojnanz hawsingz、bouxbing doiq ok budui. Giethab canjnieb swnggaep haifat engq lai couhnieb ganghvei hab gauhyau bizyezswngh de. Gij ganghvei guh gihcwngz goenggungh guenjleix caeuq sevei fuzvu cwngfuj cawxaeu de yaek engq lai yungh youq supsou gauhyau bizyezswngh couhnieb. Laebcaez aen fuzvu baujcang gihci gujli gauhyau bizyezswngh bae daengz gihcwngz gunghcoz,daezsang aen beijlaeh dinghyiengq ciuloeg gunghvuyenz caeuq swyez danhvei yousien ciubinq. Saedhengz aen cwngcwz gikleih gauhyau bizyezswngh gag guhcawj cauhnieb, cingjhab fazcanj guekgya caeuq sengjgaep gauhyau bizyezswngh couhnieb cauhnieb gihginh. Saedhengz aen giva coicaenh doengh boux gauhyau bizyezswngh ok yozyau le caengz ndaej couhnieb de couhnieb,dawz boux caengz couhnieb de nabhaeuj ndaw couhnieb gensiz、ginwngz beizyin daengj hozdung caepcawq couhnieb bae,doiq boux miz daegbied gunnanz de saedhengz daengx aen couhnieb gocwngz fuzvu.

  (44) Cauxbaenz aen souhaeuj faenboiq gwzgiz hableix miz bouhloh de. Cungdenj baujhoh lauzdung sojndaej,roengzrengz saedyienh lauzdung baucouz demmaj caeuq lauzdung swnghcanjliz doengzbouh daezsang, youq ndaw baeznduj faenboiq daezsang gij bijcung lauzdung baucouz. Laebcaez aen gihci gietdingh cienzhong caeuq cienzhong cingqciengz demmaj,laebndei aen cidu cienzhong ceiq daemq caeuq baujcang ceihawj cienzhong,laebndei aen cidu cizdij doxyaeng giyez cienzhong. Gaijgwz aen cidu gihgvanh swyez danhvei cienzhong caeuq cinhdez boujdiep,laebndei aen gihci dieg sinhoj dieg bien’gyae cinhdez demmaj. Laebcaez aen gihci swhbwnj、cihsiz、gisuz、guenjleix daengj youz yausu hawciengz gietdingh baucouz. Gya’gvangq gij roenloh douzswh caeuq okco fuzvu daengj, gaijndei aen gihci sangsi gunghswh hoizbauq bouxdouzswh,baujhoh gij gienzik habfap bouxdouzswh daegbied dwg bouxdouzswh rauh iq,lai miengloh demgya gihminz caizcanjsing souhaeuj.

  Laebndei aen gihci diuzcez caiq faenboiq aeu gvaehsuiq、sevei baujcang、conjyiz ceihawj guh cujyau soujduenh de, gyadaih ligdoh diuzcez gvaehsuiq. Laebhwnj aen gihci hableix caezyiengj goenggungh swhyenz cienjnyiengh souik. Laebndei aen cidu swnzsienh giencienz gemj mienx cienzgvaeh,cihciz swnzsienh saehnieb fazveih gij cozyung ndei fuzbinz bang gungz de.

  Gveihfan souhaeuj faenboiq cizsi,laebndei souhaeuj faenboiq diuzgung dijci gihci caeuq cwngcwz dijhi,laebhwnj goyinz souhaeuj caeuq caizcanj saenqsik hidungj,baujhoh habfap souhaeuj,diuzcez gij souhaeuj sang gvaqbouh,cingleix gveihfan gij souhaeuj ndumjyouq,gimq gij souhaeuj mbouj habfap,demgya gij souhaeuj boux souhaeuj noix,gyadaih gij bijcung boux souhaeuj cungdaengj, roengzrengz sukiq gij souhaeuj faenboiq cengca hawsingz lajmbanj、dieg caeuq dieg、hangznieb, cugbouh cauxbaenz aen faenboiq gwzgiz lumj yiengh lwggyamj haenx.

  (45) Laebhwnj aen sevei baujcang cidu ndaej lienzdaemh youh engqgya goengbingz de. Genhciz aen gihbwnj ciengxlaux baujyiemj cidu sevei dungjcouz caeuq goyinz canghu dox giethab, laebndei goyinz canghu cidu,laebcaez aen gikleih gihci lai gyau lai ndaej,saedbauj gij gienzik boux camgya baujyiemj, saedyienh gihcuj yangjlaujginh daengx guek dungjcouz, genhciz aen yenzcwz cingsuenq bingzyaenx. Doicaenh gaijgwz gihgvanh swyez danhvei ciengxlaux baujyiemj cidu. Cingjhab hawsingz lajmbanj gihminz gihbwnj ciengxlaux baujyiemj cidu、gihbwnj yihliuz baujyiemj cidu. Doicaenh hawsingz lajmbanj ceiq daemq swnghhoz baujcang cidu dungjcouz fazcanj. Laebhwnj laebcaez aen gihci hableix giemgoq gak loih vunz doekdingh caeuq cingqciengz diuzcwngj sevei baujcang daiyi. Laebndei aen cwngcwz cienjok ciepswnj sevei baujyiemj gvanhaeh,gyadaih camgya baujyiemj gyaucienz cwgoemq fanveiz, habseiz habdangq gyangqdaemq gij feiliz sevei baujyiemj. Yenzgiu ceiqdingh aen cwngcwz cugciemh doilaeng nienzgeij duiyouh. Gyavaiq laebcaez sevei baujcang guenjleix dijci caeuq gij fuzvu dijhi gvaqfwngz banhleix. Laebcaez aen dijhi baujcang caeuq gung’wngq ranzyouq hab guekcingz de,laebhwnj gij ranzyouq gunghcizginh cidu goenghai gveihfan haenx,gaijndei aen gihci daezaeu、sawjyungh、gamguenj ranzyouq gunghcizginh.

  Laebcaez gij cidu sevei baujcang caizcwng douzhaeuj, laebndei sevei baujcang yawhsuenq cidu. Gyagiengz guenjleix caeuq gamduk sevei baujyiemj gihginh douzswh, doicaenh gihginh douzswh yinyingz hawciengzvaq、bienq lai cungj lai yiengh. Ceiqdingh saedhengz doengh gij youhvei cwngcwz mienx gvaeh、doilaeng cwnggvaeh,gyavaiq fazcanj giyez nenzginh、cizyez nenzginh、sanghyez baujyiemj, laebhwnj lai caengz sevei baujcang dijhi.

  Cizgiz wngqdoiq yinzgouj nienzgeij gezgou bienq laux,gyavaiq laebhwnj sevei ciengxlaux fuzvu dijhi caeuq fazcanj aen canjnieb fuzvu bouxlaux. Laebcaez aen dijhi gvansim ndiepgyaez fuzvu gij lwgnyez、mehmbwk、bouxlaux louz youq lajmbanj,laebcaez aen cidu baujcang gij gienzik boux ndangcanz、faenloih baujcang gij lwgnyez ranz hoj.

  (46) Haeujlaeg gaijgwz yihyoz veiswngh dijci. Dungjcouz doicaenh yihliuz baujcang、yihliuz fuzvu、goenggungh veiswngh、gijyw gung’wngq、gamguenj dijci cunghab gaijgwz. Gyalaeg gihcwngz yihliuz veiswngh gihgou cunghab gaijgwz, laebcaez aen hawsingz lajmbanj gihcwngz yihliuz veiswngh fuzvu yinhhengz gihci baenz vangjloz de. Gyavaiq gaijgwz yihyen goenglaeb, lozsiz cwngfuj cwzyin,laebhwnj aen gihci gohyoz bingzgyaq yihliuz cizyau caeuq aen cidu gungganq vunzcaiz、yinzsw cienzhong hab’wngq hangznieb daegdiemj haenx. Laebndei aen vunqsik hableix faen gaep yawjbingh ywbingh,laebhwnj segih canghyw caeuq gihminz mbawheiq fuzvu gvanhaeh. Cungfaen leihyungh saenqsikvaq soujduenh,coicaenh gij yihliuz swhyenz ndei de gwnz laj riuzdoengh. Gyagiengz cingjhab gihyiz goenggungh veiswngh fuzvu swhyenz. Siucawz aen gihci gai yw ciengx canghyw, leixswnh gij gyaqcienz yihyoz, laebhwnj aen gihci gohyoz dienzbouj. Gaijgwz yihbauj ceihawj fuengsik,laebcaez cienzminz yihbauj dijhi. Gyavaiq laebcaez aen cidu bingh naek bingh daegbied naek yihliuz baujyiemj caeuq gouqbang. Laebndei gij cwngcwz caeuq gihci fazcanj cunghyihyoz saehnieb.Gujli sevei banh yihyen,yousien cihciz banh gij yihliuz gihgou mbouj dwg vihliux canhcienz de. Sevei swhginh ndaej cigsoh douzswh haeuj aen aen fuzvu lingjyiz swhyenz giepnoix caeuq muenxcuk lai yiengh aeuyungh bae, lai cungj hingzsik bae camgya goenglaeb yihyen gaijci cungzcuj. Cinjhawj canghyw bae lai aen yihyen yw bingh,cinjhawj minzbanh yihliuz gihgou nabhaeuj yihbauj dinghdiemj fanveiz.

  Genhciz aen gihbwnj gozcwz giva senglwg,haidoengh saedhengz aen cwngcwz gvanbaz fueng ndeu dwg lwgdog ndaej seng song lwg,cugbouh diuzcingj laebndei cwngcwz senglwg,coicaenh vunz ciengzgeiz bingzyaenx fazcanj.

  13. Cauhmoq Sevei Ceihleix Dijci

  Cauhmoq sevei ceihleix,itdingh aeu ok henhoh gij gaenbonj leih’ik ceiq guengjdaih yinzminz, ceiq daih hanhdoh demgya yinhsu huzndei, demgiengz gij rengzhoengh sevei fazcanj, daezsang sevei ceihleix suijbingz, cienzmienh doicaenh gensez aen Cungguek bingzan, henhoh guekgya ancienz, saedbauj yinzminz andingh gvaq saedceij、sevei andingh miz bouhloh bae naemj.

  (47) Gaijndei sevei ceihleix fuengsik. Genhciz hidungj ceihleix, gyagiengz dangjveij lingjdauj, fazveih cwngfuj cujdauj cozyung,gujli caeuq cihciz sevei gak fuengmienh camgya, saedyienh cwngfuj ceihleix caeuq sevei gag guh diuzcez、gihminz gagguenj liengzsing doxdoengh. Genhciz ciuqfap ceihleix, gyagiengz fapceih baujcang, yinhyungh fapceih ukgyaeuj caeuq fapceih fuengsik vaqgej sevei mauzdun. Genhciz cunghab ceihleix,giengzvaq daudwz hanhhaed, gveihfan sevei hingzveiz,diuzcez leih’ik gvanhaeh, hezdiuz sevei gvanhaeh, gaijgez sevei vwndiz. Genhciz daj goekgyaeuj bae ceihleix, byai goek caezceih、lai yawjnaek coengz goekgyaeuj bae ceihleix, aeu vangjgwzva guenjleix、seveiva fuzvu guh fueng’yiengq,laebcaez aen bingzdaiz gihcwngz cunghab fuzvu guenjleix, gibseiz fanjyingj caeuq hezdiuz yinzminz ginzcung gak fuengmienh gak caengz mbaek leih’ik iugouz.

  (48) Gikfat gij vuedlig sevei cujciz. Cingqdeng cawqleix gij gvanhaeh cwngfuj caeuq sevei cujciz,gyavaiq saedhengz cwngfuj caeuq sevei cujciz faenhai,doicaenh sevei cujciz doekdingh gienz cwz、ciuqfap gagguenj、fazveih cozyung. Gij saehhangh hab youz sevei cujciz daezhawj goenggungh fuzvu caeuq gaijgez de, gyau youz sevei cujciz bae rapdawz. Cihciz caeuq fazcanj yiengh cujciz gagnyienh fuzvu. Hanhgeiz saedyienh hangznieb hezvei sanghvei caeuq hingzcwng gihgvanh caencingq duetngaeu, cungdenj gungganq caeuq yousien fazcanj gij sevei cujciz hangznieb hezvei, lumjbaenz loih sanghvei、loih gohgi、loih goeng’ik swnzsienh、loih singz mbanj segih fuzvu daengj, mwh laebbaenz de cigsoh ciuqfap sinhcingj daenggeiq. Gyagiengz guenjleix sevei cujciz caeuq doengh aen cujciz guekrog laeb youq Cungguek mbouj dwg cwngfuj de,dazyinx gyoengqde ciuqfap bae guh hozdung.

 ?。?9)Cauhmoq aen dijci mizyauq yawhfuengz caeuq vaqgej sevei mauzdun. Laebcaez aen gihci bingzguj gij fung’yiemj sevei onjdingh gezcwz hungnaek. Laebhwnj aen gihci hawj biujdaz iugouz、dazyinx simleix、diuzcawq mauzdun、baujcang gienzik ndaej doengswnh mbouj luenh,sawj gij vwndiz ginzcung ndaej fanjyingj、mauzdun ndaej vaqgej、gienzik miz baujcang.

  Gaijgwz aen dijci hingzcwng fuklwnh, laebcaez aen gihci saemjleix gij anqgienh hingzcwng fuklwnh,niujcingq gij hingzcwng hingzveiz famhfap roxnaeuz mbouj habdangq de. Laebndei aen gunghcoz dijhi sawj yinzminz diuzgaij、hingzcwng diuzgaij、swhfaz diuzgaij ndaej lienzdoengh haenx, laebhwnj aen gihci cunghab diuzcawq vaqgej mauzdun cengnauh.

  Gaijgwz aen cidu hong saenqfangj,saedhengz aen cidu youq gwnz vangj souhleix saenqfangj,laebcaez aen gihci ndaej gibseiz dangciengz gaijgez gij iugouz hableix cungqvunz. Dawz gij saenqfangj nangqdaengz faplwd hwnjgauq de nabhaeuj diuz roen fapceih bae gaijgez,laebhwnj aen cidu ciuqfap gietsat gij saenqfangj nangqdaengz faplwd hwnjgauq de.

 ?。?0)Laebcaez aen dijhi goenggungh ancienz. Laebndei aen gihgou gamguenj gijgwn gijyw ancienz dungjyiz miz gienzvi de, laebhwnj aen gamguenj cidu ceiq yiemzgek cwgoemq daengx aen gocwngz haenx, laebhwnj aen cidu doiq gijgwn ndaej ra goek daengz giz dieg swnghcanj de caeuq aen cidu biugeiq cizlieng, baujcang gijgwn gijyw ancienz. Gyalaeg gaijgwz aen guenjleix dijhi ancienz swnghcanj, laebhwnj aen dijhi ceihleix baizcaz huxndumj caeuq aen dijhi gaemhanh yawhfuengz ancienz,naenxhaed gij ancienz saehhux hungnaek caeuq daegbied hungnaek de. Laebcaez aen dijci fuengz cai gemj cai gouq cai. Gyagiengz cunghab cawqleix sevei cianh, cauhmoq aen dijhi lizdijva yawhfuengz gaemhanh sevei cianh, ciuqfap yiemzmaed fuengzre caeuq fadceih gak loih famhfap famhcoih hozdung.

  Genhciz aen fuengcim cizgiz leihyungh、gohyoz fazcanj、ciuqfap guenjleix、saedbauj ancienz,gyarengz ciuqfap guenjleix vangjloz,gyavaiq laebndei aen lingjdauj dijci guenjleix hulenzvangj,saedbauj guekgya vangjloz caeuq saenqsik ancienz.

  Ndalaeb Guekgya Ancienz Veijyenzvei,laebndei guekgya ancienz dijci caeuq guekgya ancienz canloz, saedbauj guekgya ancienz.

  14. Gyavaiq Gensez Swnghdai Vwnzmingz Cidu

  Gensez swnghdai vwnzmingz,itdingh aeu laebhwnj aen swnghdai vwnzmingz cidu dijhi hidungj caezcingj ndeu, saedhengz aen cidu goekgyaeuj baujhoh、aen cidu dienzboiz sonjhaih、aen cidu cazdawz cwzyin ceiq yiemzgek haenx, laebndei aen cidu ceihleix vanzging caeuq coihfuk swnghdai,yungh cidu baujhoh swnghdai vanzging.

  (51) Laebcaez aen swhcanj canjgienz cidu swyenz swhyenz caeuq aen cidu guenjhaed yunghcawq. Doiq raemxdah、ndoengfaex 、ndoi bya、diegnywj、diegfwz、diegraiq daengj swyenz swnghdai hoenggan guh dungjyiz doekdingh gienzleih daenggeiq,cauxbaenz aen cidu swyenz swhyenz swhcanj canjgienz gvisug cingcuj、gienz cwz mingzbeg、gamguenj mizyauq haenx. Laebhwnj aen dijhi hoenggan gveihva,vehdingh gij gyaiqhanh guenjhaed swnghcanj、swnghhoz、haifat swnghdai hoenggan,doeksaed guenjhaed yunghcawq. Laebcaez aen cidu mbaetyungh cingsaeq sawjyungh nwngzyenz、raemx、diegdeih.

  Laebcaez aen dijhi guenjleix gij swhcanj swyenz swhyenz guekgya,dungjyiz hengzsawj gij cizcwz bouxciemqmiz cungj swyenz swhyenz swhcanj gvi cienzminz de. Laebndei aen dijci gamguenj swyenz swhyenz, dungjyiz hengzsawj gij cizcwz guenjhaed gij yunghcawq sojmiz diegdeih hoenggan guekgya.

  (52) Vehdingh diuz sienqhoengz baujhoh swnghdai. Giendingh mbouj bienq bae hengzguh gij cidu cawjdaej gunghnwngzgih,laebhwnj aen cidu baujhoh haifat hoenggan diegguek,yiemzgek ciuq cawjdaej gunghnwngzgih dinghvih bae doidoengh fazcanj, laebhwnj guekgya gunghyenz dijci. Laebhwnj aen gihci gamyawj daezsingj louzsim swhyenz vanzging swngzsouh naengzlig,doiq giz swhyenz raemxnamh、vanzging yungzliengh caeuq haijyangz swhyenz sawjyungh gvaqbouh haenx saedhengz gij cosih daiq miz hanhhaed singciz de. Doiq giz hanhhaed haifat caeuq aen yienh swnghdai byotnyieg dwg guekgya fuzbinz haifat gunghcoz cungdenj de,mbouj caiq ciuq digih swnghcanj cungjciz bae gaujhaed.

  Damqra bienguh aen biuj biujyienh swyenz swhyenz swhcanj siusied,doiq lingjdauj ganbu saedhengz youq mwh liz nyaemh de saemjgeiq swyenz swhyenz swhcanj. Laebhwnj aen cidu baenzciuh cazdawz gij cwzyin sonjhaih swnghdai vanzging.

 ?。?3)Saedhengz aen cidu ok cienz sawjyungh swhyenz caeuq aen cidu dienzboiz swnghdai. Gyavaiq gaijgwz gij gyaqcienz swyenz swhyenz caeuq gij canjbinj de,cienzmienh fanjyingj gij gunggouz hawciengz、aen cingzdoh giepnoix swhyenz、gij cingzbonj sonjhaih swnghdai vanzging caeuq gij yauqik coihfuk. Genhciz aen yenzcwz ok cienz sawjyungh swhyenz caeuq bouxlawz uqlah vanzging、bouxlawz buqvaih swnghdai bouxlawz ok cienz, cugbouh dawz swhyenzsui gya’gvangq daengz ciemqyungh gak cungj swyenz swnghdai hoenggan. Onjdingh caeuq gya’gvangq gij fanveiz doiqok mbouj geng reihnaz dauqcungz hoizfuk ndoengfaex、doiqok mbouj ciengx doenghduz dauqcungz hoizfuk diegnywj,diuzcingj gij yunghcawq dieggeng giz dieg deng uqlah youqgaenj caeuq raemxlajnamh deng aeuyungh gvaqbouh de,miz bouhloh bae saedyienh dieggeng、huz dah ndaej yietbaeg. Laebhwnj aen beijgyaq gihci hableix mizyauq diuzcez gij yunghdieg gunghyez caeuq yunghdieg ranzyouq,daezsang gij gyaqcienz yunghdieg gunghyez. Genhciz aen yenzcwz bouxlawz souh’ik、bouxlawz dienzbouj,laebndei aen gihci doiq cungdenj swnghdai gunghnwngzgih guh swnghdai dienzbouj,doidoengh ndawgyang digih caeuq digih laebhwnj aen cidu yiengqvang guh swnghdai dienzbouj. Fazcanj aen hawciengz vanzbauj,doihengz aen cidu gaicawx gij soqliengh mbaet nwngzyenz、gienz baizcuengq danq、gienz baiz uqlah、gienz yungh raemx,laebhwnj aen gihci hawciengzvaq ciuyinx sevei swhbwnj douzhaeuj baujhoh swnghdai vanzging bae,doihengz vanzging uqlah daihsam fueng ceihleix.

 ?。?4)Gaijgwz aen guenjleix dijci baujhoh swnghdai vanzging. Laebhwnj caeuq laebndei aen vanzging baujhoh guenjleix cidu ndaej yiemzgek gamguenj baizcuengq sojmiz doxgaiq uqlah haenx, duzliz guh vanzging gamguenj caeuq hingzcwng caepfap. Laebhwnj aen gihci dungjcouz baujhoh coihfuk gij swnghdai hidungj gwnzhawq ndawhaij caeuq giz fuengzceih uqlah de ndaej lienzdoengh. Laebcaez aen dijci ginghyingz guenjleix diegndoeng guekmiz,laebndei aen cidu gaijgwz cizdij linzgenz. Gibseiz goengbouh vanzging saenqsik,laebcaez gijbau cidu, gyagiengz sevei gamduk. Laebndei aen cidu cinjhawj baizcuengq doxgaiq uqlah,saedhengz aen cidu gaemhanh gij cungjliengh baizcuengq doxgaiq uqlah giyez swyez danhvei. Doiq bouxcwzyin cauhbaenz swnghdai vanzging sonjhaih de yiemzgek saedhengz aen cidu dienzboiz,ciuqfap cazdawz hingzsaeh cwzyin.

  15. Gyalaeg Gaijgwz Gozfangz Caeuq Ginhdui

  Gensez aen yinzminz ginhdui dingq dangj cijveih、hoenxciengq ndaej hingz、cozfungh maenhndei ndeu,neix dwg aen muzbyauh dangj youq laj hingzseiq moq sawj ginhdui giengzak de, ndaetndaet hopheux aen muzbyauh neix,roengzrengz gaijgez gij mauzdun caeuq vwndiz doedyienh hanhhaed gozfangz caeuq ginhdui gensez fazcanj haenx, cauhmoq fazcanj ginhsw lijlun,gyagiengz dazyinx ginhsw canloz,laebndei gij ginhsw canloz fuengcim seizgeiz moq, laebhwnj aen yienhdaih ginhsw ligliengh dijhi miz Cungguek daegsaek de.

 ?。?5)Gyalaeg gaijgwz diuzcingj gij dijci benhci ginhdui. Doicaenh gaijgwz lingjdauj guenjleix dijci,gaijndei gij ciznwngz boiqceiq caeuq gihgou ndalaeb ginhveij cungjbu lingjdauj gihgvanh,laebndei aen lingjdauj guenjleix dijci gak aen ginhdui binghcungj. Laebcaez aen cijveih gihgou ginhveij lienzhab hoenxciengq caeuq aen cijveih dijci cangih lienzhab hoenxciengq,doicaenh gaijgwz lienzhab hoenxciengq lienhbing caeuq baujcang dijci. Laebndei aen dijci lingjdauj hoenxciengq ligliengh moq. Gyagiengz gyonjcomz doengjguenj saenqsikvaq gensez. Gaijndei gij ligliengh gezgou caeuq cijveih guenjleix dijci vujcangh gingjcaz budui.

  Gaijndei ginhdui gveihmoz gezgou,diuzcingj gaijndei ginh binghcungj beijlaeh、guenbing beijlaeh、budui caeuq gihgvanh beijlaeh,gemjnoix gij gihgou caeuq yinzyenz mbouj hoenxciengq de. Gaengawq gij aeuyungh ancienz mbouj doengz fueng’yiengq de caeuq gij yinvu hoenxciengq daeuj gaijgwz budui bienbaenz. Gyavaiq gensez yiengh hoenxciengq ligliengh moq. Gyalaeg gaijgwz hagdangz ginhdui, laebcaez aen dijhi moq gungganq ginhsw vunzcaiz youz ginhdui hagdangz gyauyuz、budui lienhbing saedguh、ginhsw cizyez gyauyuz sam yiengh gapbaenz aen cingjdaej ndeu haenx.

 ?。?6)Doicaenh gaijgwz diuzcingj ginhdui cwngcwz cidu. Laebcaez laebndei aen ginhsw yinzliz swhyenz cwngcwz cidu caeuq ginhdui ciznwngz yinvu aeuyungh、cauhmoq guekgya cwngcwz cidu dox hab’wngq haenx. Aeu laebhwnj aen cidu ginhgvanh cizyezva guh dazyinx,cugbouh cauxbaenz aen dijhi ginhdui ganbu cidu gohyoz gveihfan haenx. Laebcaez laebndei gij cidu vwnzciz yinzyenz. Laebndei gij cwngcwz boiqdauq gaijgwz aen cidu binghyiz、aen cidu sw’gvanh、aen cidu anceiq bouxbing doiqok budui.

  Laebcaez aen cidu guenjleix ginhfei,laebhwnj aen gihci youz aeuyungh dazyinx gveihva、gveihva cujdauj boiqceiq swhyenz haenx. Laebcaez laebndei aen dijhi yiengh cidu biucinj guenjleix ginghfei vuzswh. Gyalaeg gaijgwz gij cidu yawhsuenq guenjleix、gyonjcomz soucei、cawxaeu vuzswh caeuq gij yihliuz、baujyiemj、ranzyouq baujcang bouxbing daengj.

  Laebcaez aen dijhi ginhsw fapgvi cidu,damqra gij fuengsik fuengfap ndaej gaijndei budui gohyoz guenjleix haenx.

 ?。?7)Doidoengh bing minz yungzhab fazcanj haeujlaeg bae. Youq guekgya caengzmienh laebhwnj aen gihci dungjyiz lingjdauj、ginhdui caeuq deihfueng hezdiuz、aeuyungh caeuq iugouz doxciep、swhyenz caezyiengj doidoengh bing minz yungzhab fazcanj haenx. Laebcaez gozfangz gunghyez dijhi,laebndei aen dijci gozfangz gohgi boiqhab cauhmoq,gaijgwz aen dijci gihci guenjleix gozfangz gohyenz swnghcanj caeuq cawxaeu vujgi canghbei,dazyinx minzyingz giyez ndei haeuj giz gohyenz swnghcanj caeuq coihndei doxgaiq bing yungh bae. Gaijgwz laebndei gij cwngcwz cidu baenghgauq gozminz gyauyuz gungganq ginhsw vunzcaiz. Haigvangq aen lingjyiz ginhdui baujcang seveiva. Gyalaeg gaijgwz gozfangz gyauyuz. Laebcaez gij dijci gihci gozfangz dungyenz,laebndei aen fapgvi cidu bingzciengz cwngyungh caeuq mwh hoenxciengq dungyenz. Gyalaeg gaijgwz aen dijci minzbingh yibeiyiz. Diuzcingj leixswnh gij dijci gihci guenjleix henzguek gwnzhaij gwnzmbwn fuengzhen.

  16. Gyagiengz Caeuq Gaijndei Dangj Lingjdauj Cienzmienh Gyalaeg Gaijgwz

  Cienzmienh gyalaeg gaijgwz, itdingh aeu gyagiengz caeuq gaijndei gij lingjdauj aen dangj,cungfaen fazveih gij lingjdauj haedsim cozyung aen dangj cungjlamx daengxbuenz、hezdiuz gak fueng,gensez aen dangj gaemgienz Majgwzswhcujyi ak hagsib、rox fuzvu、ak cauhmoq haenx, daezsang gij lingjdauj suijbingz caeuq gaemgienz naengzlig aen dangj,saedbauj gaijgwz guh ndaej baenz.

 ?。?8)Daengx dangj dungzci aeu dawz swhsiengj caeuq hengzdoengh dungjyiz daengz gwnz gezcwz baijbouh hungnaek cunghyangh gvendaengz cienzmienh gyalaeg gaijgwz daeuj,cingqdeng cawqleix gij gvanhaeh cunghyangh caeuq deihfueng、daengxbuenz caeuq mbangj giz、seizneix caeuq daengzcog,cingqdeng doiqdaih diuzcingj leih’ik gwzgiz,cungfaen fazyangz minzcuj ndaw dangj,genhgez henhoh gij gienzvi cunghyangh, baujcingq cwngling doengswnh, giendingh mbouj bienq bae saedyienh gij gaijgwz gezcwz baijbouh cunghyangh.

  Cunghyangh laebbaenz Cienzmienh Gyalaeg Gaijgwz Lingjdauj Siujcuj, fucwz gaijgwz cungjdaej sezgi、dungjcouz hezdiuz、cingjdaej doicaenh、dukcoi doeksaed.

  Gak gaep dangjveij aeu cietsaed hengzguh gij cwzyin lingjdauj gaijgwz,laebndei aen gihci gohyoz minzcuj gezcwz,aeu vwndiz hungnaek guh dazyinx,dawz gak hangh gaijgwz banhfap doek daengz diegsaed bae. Gyagiengz gensez gak gaep lingjdauj banhswj, laebndei aen cidu gyauyuz sonlienh ganbu caeuq saedguh muzlienh, mboujduenh daezsang gij naengzlig doidoengh gaijgwz lingjdaeuj banhswj caeuq lingjdauj ganbu. Cauhmoq gihcwngz dangjgen gunghcoz, laebcaez gihcwngz cujciz dijhi aen dangj, cungfaen fazveih gij candou baujleij cozyung gihcwngz dangj cujciz, dazyinx guengjdaih dangjyenz cizgiz douzhaeuj gaijgwz saehnieb bae, fazyangz cungj cingsaenz“ding diuzding”, gaem diet miz rizcik、caij rin miz vunqdin,vih cienzmienh gyalaeg gaijgwz guh ok cizgiz gunghawj.

 ?。?9)Cienzmienh gyalaeg gaijgwz,aeu miz gij cujciz baujcingq caeuq vunzcaiz cengjdaemx daeklig. Genhciz aen yenzcwz dangj guenj ganbu,gyalaeg gaijgwz ganbu yinzsw cidu,laebhwnj aen sienj vunz yungh vunz gihci mizyauq mizyungh、genjdanh yungzheih guh haenx,sawj gak fuengmienh ganbu ndei cungfaen nyoenx okdaeuj. Fazveih gij cozyung dangj cujciz lingjdauj caeuq bajgvan,youq genjleh nyaemhyungh ganbu ndawde gyanaek gij bingzgyaq cijbyauh dangjveij(dangjcuj)、bouxlingjdauj faenguenj de caeuq cujciz bumwnz,gyanaek gij cwzyin gaujcaz nyinhdingh ganbu gyoengqde, gaijgwz caeuq laebndei aen cidu gaujhaed bingzgyaq ganbu,gaijndei aen banhfap miz gingcwngh bae genjleh ganbu, gaijndei aen gihci gungganq genjleh gij ganbu nienzoiq maenhndei de,faenbied saedhengz aen cidu sienj nyaemh caeuq aen cidu baij nyaemh song cungj fuengsik genjleh ganbu neix,genhgez niujcingq doengh gij yienhsiengq dandan yawj biuqsoq daeuj aeu vunz、dandan yawj faensoq daeuj aeu vunz, yungh ndei gij ganbu gak duenh nienzgeij,caencingq dawz cungj ganbu ndei saenqniemh giendingh、fuzvu beksingq、gaenxguh saedguh、gamj bae rap naek、cinghseuq goengcingq haenx genjleh okdaeuj.

  Dwkbyoengq ganbu bumwnzva,haigvangq gij lwgda caeuq miengloh sienj vunz,gyagiengz ganbu hamj dieg hamj lingjyiz gyauliuz. Buqcawz cungj gvanhnen “guenbonjvih”, doicaenh ganbu ndaej hwnj ndaej roengz、ndaej haeuj ndaej ok. Laebndei caeuq doeksaed gij cidu cazdawz lingjdauj ganbu cwzyin,laebndei aen cidu dijhi coengz yiemz guenjleix ganbu duivuj. Gyalaeg faenloih gaijgwz gunghvuyenz,doihengz aen cidu gunghvuyenz cizvu caeuq gaepbied doengzcaez saedhengz、gaepbied caeuq daiyi doxlienz,gyavaiq laebhwnj aen cidu guenjleix cungj gunghvuyenz ciennieb gisuz、hingzcwng caepfap caeuq cungj vunz binqyungh de. Laebndei aen cidu loegyungh gihcwngz gunghvuyenz,youq dieg ganhoj bien’gyae de habdangq doekdaemq aen giemxdou haeujbae.

  Laebhwnj aen dijci gihci gyonjcomz vunzcaiz,sienj lajmbwn boux dungxcaiz ak gvaq vunz de daeuj yungh. Dwkbyoengq gyaiqhanh dijci,baetdeuz gij gazngaih sinhfwn, hawj bouxboux cungj miz diuz roen ndaej majhung baenzcaiz、bonjsaeh cungj ndaej yungh okdaeuj,hawj gak loih vunzcaiz cungj miz giz dieg gvangq ndaej yienh’ok dungxcaiz bonjsaeh. Laebndei aen cidu dijhi sawj dangj cwng gihgvanh、giyez swyez danhvei、sevei gak fuengmienh vunzcaiz ndaej doengswnh riuzdoengh. Laebcaez aen gihci gikleih vunzcaiz yiengq gihcwngz riuzdoengh、yiengq giz dieg caeuq aen ganghvei sinhoj riuzdoengh、youq daih’it sienq cauhnieb. Gyavaiq cauxbaenz aen vunzcaiz cidu ndei miz gozci gingcwnghliz haenx,laebndei aen gihci bingzgyaq vunzcaiz,demgiengz vunzcaiz cwngcwz hailangh cingzdoh, gvangqlangh ciuyinx vunzcaiz maenhndei rog gyaiq dauqma ndaw guek roxnaeuz daeuj Cungguek cauhnieb fazcanj.

 ?。?0)Yinzminz dwg aen cawjdaej gaijgwz, aeu genhciz diuz ginzcung lohsienq aen dangj, laebhwnj aen gihci sevei camgya,cungfaen fazveih gij cizgizsing、cujdungsing、cangcausing yinzminz ginzcung,cungfaen fazveih gij cozyung gunghvei、gungcinghdonz、fulenz daengj yinzminz donzdij,caezsim roengzrengz doicaenh gaijgwz. Gujli deihfueng、gihcwngz caeuq ginzcung daihdamj damqra, gyagiengz gij hong sawqdiemj gaijgwz hungnaek de, gibseiz cungjgez gingniemh,soengyungz doiqdaih gaijgwz saetloeng,gyagiengz dazyinx senhconz caeuq yizlun, vih cienzmienh gyalaeg gaijgwz cauh ok aen sevei vanzging ndei daeuj.

  Daengx dangj dungzci aeu gaenjmaed doxgiet youq seiqhenz aen dangj cunghyangh aeu Siz Ginbingz dungzci guh cungjsuhgi haenx, laemxsim guh baenaj, gungroengz gannanz, raiz ok bien lizsij moq gaijgwz hailangh saehnieb hungmbwk ndeu, vih cienzmienh hwnqbaenz siujgangh sevei、mboujduenh duedaeu yiengh seveicujyi miz Cungguek daegsaek caiq ndaej hingz、saedyienh aen loqsiengj Cungguek Cunghvaz Minzcuz fukhwng hungmbwk bae buekguh!
Dozsiengq
亚洲自偷精品视频自拍